::..! ..احhcولنا عن فلسطين ...بلهجتها..! ..::

[حنان عبد الرحمن عز]

أبو محمد ان شاء الله يكشعوا الموضوع بعد ما صار هان
أنا سيعتين وأنا أدور عليه ما كشعته الا بالاخر
وكبلها سيعتين بدو على المنتدى الفلسطيني وبالاخر طلع الزبدية كد ما هو كلبه مليان علي حاجبه عني بالغلط بدل الاسلامي ولله فكعني ظحتش

[رمزي الياموني]

الصبحيات بتكوم اختي من النوم وبتبلش بحلب النعاج ومن بعدها بتروبهن طبعاً الجيران جلهم باخذو لبن النعاج من عندها وطوس لبن النعاج بخمسة شيكل
الحين بعد ما تخلص بتبلش تخبز عندها في البيت طابون وطحين
يااااااااه كديش طيب الفطور والواحد بوجل الصبح زيت زيتون وخيار مجبوس وزعتر ولبن نعاج وخبر طابون ناااااااااااار

على قد ما بحاول اكتب بصدق على قد ما بتأثر داخلياً لان كل ما تحدث فيع عاصرته
ما بعرف اذا ضل الي رجعة هون على الموضوع ولا لاء بس
موضوع على كد ما هو ممتاز على كد ما هو بشعل النار في داخلي

[مارد85]

يكطع شركو..لو اني كاشع الماظوع زمان تشان شاركتشم..
بعظ الكلمات المحكية..
كشنية..صحن..اناء
دوشكة..جنبية..فرشة
بعبوزة..مقدمة ابريك(المي.او الشاي....الخ
خوصة..ستشين
خاشوكة..معلكة..اوملعكة
تشوز..حبة من الصبر
عرنوس..واحدة من الذرة
خمنت ..ظننت
افطنت..اتذتشرت
مرتين ..بندكية..بارودة
خراريف..حكايا وقصص
مصبعانيات..كفوف او قفازات
خركة..قطعة من القماش
الشربة..جرة الفخار فيها ماء
هليلية..ميمعة
كبانية..كانت تطلق على المستعمرات الصهيونية..حيث تضاء بالكهرباء
ططلي..مربى
تكية..سبيل
رحلاية..مقعد في الصف
اوطومبيل..حافلة ..سرفيس
طراحة ..جنبية..او فرشة
دبسية..صنية
كدرة..طنجرة
فرفحينا..بكلة ..وهي عشبة للاكل
مسطبة..ارض الفناء في المنزل
حاكورة..حديقة المنزل
اللباس..سروال
الكنباز..الدماية ..الثوب
المفرش..الحصيرة
الخشة..الغرفة الصغيرة
بيت الراحة..الحمام..اوبيت الخارج..نفسه الدبليوسي
المزبطة..هي العريضة او ليستة مطالب
برنيطة..قبعة
النملية..خزانة تعتبر بيت للمونة
عمارة..الكرم او البستان
سلمة كشعك..سلامة نظرك

فاصل ونعود

عدنا....
مراجدة..رمي الحجارة
دشعوا..هجموا
شردوا..هربوا
دكة..زعتر شغل اغماس مع زيت
رصيع..متشبوس الزيتون
عالول ..بغل الحراث بعيد عن السامعين
وخر..ابعد شوي
سنة الهجة ..سنة النكبة
تكليط..توصيل
الشلبي..الحلاق..او المطهر.. او المزيون
هلكيت..هالساعيات
البعيد..سيء الذكر
المحكان..اداة مخروطية الشكل مفتوحة من طرفيها..لنقل السوائل

[حنان عبد الرحمن عز]

عدنا....
مراجدة..رمي الحجارة
دشعوا..هجموا
شردوا..هربوا
دكة..زعتر شغل اغماس مع زيت
رصيع..متشبوس الزيتون
عالول ..بغل الحراث بعيد عن السامعين
وخر..ابعد شوي
سنة الهجة ..سنة النكبة
تكليط..توصيل
الشلبي..الحلاق..او المطهر.. او المزيون
هلكيت..هالساعيات
البعيد..سيء الذكر
المحكان..اداة مخروطية الشكل مفتوحة من طرفيها..لنقل السوائل

ما أروع بلدي
بس البعيد فكعت من الظحتش عليها

[الطيار]

هاظ الموظوع باكي فوك وانا معيش خبر
يكطع شرchوا ليش ما بتحchوا انه صار هان

[مارد85]

ما أروع بلدي
بس البعيد فكعت من الظحتش عليها

الله يبسطتش..
البعيد ايضا تعني الخاير والعاطل..
زكة..زقاق
مصلحة..مكنسة
امحكة..(تذكرت شيء اريد ان اقوله لك)
عزا ..عزكنة ..يا كشيلك ..يا مشحر..(تقال كله عند سماع خبر سيء)
ينشل عونك..دعاء للشخص بتيسير اموره
منشي يمينك..تقال لكسر يمين الحالف
سكت عليك الله..حلفتك بالله
مشاية..شحاطة..(ابعيد عن السامعين شبشب)
قوس.او كوس .طخ..اطلق عيار ناري
كثة..فكوس
طاسة..طنجرة
مطراكة ..عصا للضرب

[dahod_mohamad]

قرية الصبيح
هي قرية فلسطينية من قضاء مدينة الناصرة عاصمة الجليل
حيث تسكن هذه القرية عشرة بدوية تمتد جذورها الى اليمن من القبائل العربية و ترد بنسبها ؟؟؟
عرب الصبيح ما بين الامس واليوم

هي تلك القرية الجميلة الواقعة على اطراف جبل طابور الشمالي والشرقي يبلغ طولها ثلاثة كيلومترا تقريبا.
هنالك وثائق مسجلة تثبت تواجد السكان في نفس المكان منذ مطلع القرن الخامس عشر.
معظم سكان عرب الصبيح غادروا البلاد عام 1948 . وبقيت عائلة واحدة (بطن ) من مجموع سبع عائلات (بطون ) وهي عائلة الشبلي .
عشيرة عرب الصبيح زمن الحكم التركي سيطرت على شمال البلاد حيث كانت تفرض حمايتها على القرى ومجمعات البدو في الجليل الأعلى .
شيخ العشيرة كان يعتبر القاضي في المشاكل التي تحدث بين سكان القرى وخاصة في قضايا القتل و الثأر و الأراضي و الأملاك .
بلغت مساحة الاراضي 8686 دونما منها 211 للطرق والوديان ,
جميع الاراضي كانت ملكا لها وتحيط بأراضي عرب الصبيح اراضي جبل طابور و دور و
ام الغنم و دبورية ومسحة .

هنالك الكثير من خريجي المعاهد والجامعات من ابناء وبنات عرب الصبيح وصلوا لمستويات عليا , ( منهم علماء وأدباء و مهندسين و أطباء ) و غير ذلك .
في القرية مجلس محلي يقوم بتوفير خدمات مختلفة للسكان
رقعة الاراضي الزراعية المتبقية بين السكان صغيرة جدا ولا تزيد عن 1500 دونم مستغلة لزراعة الاشجار المثمرة وخاصة اللوز والزيتون وأشجار أخرى غير مثمره في المناطق السياحية في أطراف القرية .

اسماء الاماكن في قرية الصبيح ومحيطها

حارة المثلث:
تقع على الطرف الشمالي الغربي سميت بهذا الاسم لأنها كانت قبل خمسين عاما تقريبا عبارة عن ثلاثة بيوت فقط على شكل مثلث لذلك اطلق عليها حارة المثلث اليوم الحارة اكثر من خمسين بيتا .
الحارة الغربية:
وهي المنطقة الممتدة من بيت ذيب علي اسعد وحتى اخر بيت باتجاه دبورية سبب التسمية لأنها في الجهة الغربية من القرية .
حارة ابو ربيضة:
وهي الحارة الممتدة ما بين عمارة المدرسة الشاملة الى عمارة المجلس الى حرش حضوري كان في السابق شجيرات متشابكة من السرو حيث بيت عبد السلام اليوم العرب يسمون هذه الاشجار ربيض وكبار السن يقولون انه قبر لأحد الصالحين الاسم ابو ربيضة .
حارة الطبقة :
وهي الحارة الممتدة من عمارة المجلس وحتى بيت محمود الصالح او دكان الشيخ , سبب التسمية ان الارض مستوية كالطبق .
حارة المدراج:
وهي الحارة القريبة جدا من سفح جبل طابور وتشمل بيوت عائلة الورور القديمة وعائلة ذيب الساري وعائلة الصعوب وعائلة عبد خليوي .
حارة البلاطة:
وهي المجمع الذي يشمل دار شهاب وجمعة وهزاع والمفلح سبب التسمية ان الارض عبارة عن صخور غير مرتفعة .
حارة المغارة :
وتشمل بيوت المزعل ابو جبر والحميدي سبب التسمية ان اول من سكن هناك كان يسكن في مغارة وبعد بناء البيوت تحولت المغارة الى مقبرة طبعا غير مستعملة اليوم .

حارة الخربة:
واول من سكنها دار ابو ماضي اتسعت الحارة كثيرا .
حارة حواس:
ويطلق هذا الاسم على الحارة الجنوبية الشرقية من القرية هذه الحارة تأاسست بعد سنة 1995 في البداية كانت جميع البيوت من الزنك قالو انها تشبه حارة من الزنك اول مدينة حيفا لذلك اطلق عليها اسم حارة حواسة.

اماكن محيطة في القرية
اجدادنا في القرون الوسطي من 120الى 800 كانو يسكنون في المنطقة في خيام يتنقلون من مكان الى اخر لم يكن عندهم مقبرة في ارض معينة لذلك عندما كان يموت احدهم سواء كان ذكرا ام انثى كان يقبر في المكان الذي مات فيه ويسمى المكان على اسمه من هذه الاماكن .
مقام عاصي:يقع على سفح الجبل بالقرب من البيوت الجديدة القريبة من حارة ابو ربيضة
مقام امنة:يقع في الطرف العلوي من الحي الجديد ويقام اليوم على طرفة بركة ماء القرية
مقام جلمود:يقع داخل احراش حضوري
المغير :وهو اسم مقبرة القرية الحالي وهذا الاسم لقرية قديمة لربما زمن الحكم الروماني كانت تسمى المغير.
التهجير والمعارك والمجازر
قد عرف عن رجال عرب الصبيح بأنهم ذوو شجاعة ومروءة،وقد أذاقوا اليهود الأمرين قبل تهجيرهم.
ومن معارك عرب الصبيح الشهيره،ما حصل في أحداث طرعان،حيث رابط المجاهدون بقيادة الشيخ "سليمان داوود" من كفر كنا بين قريتي طرعان وكفر كنا. وبعد أن سدوا الطريق بالحجارة الضخمة وصلت دورية بريطانية الى الطريق المسدود. نـزل عدد من جنودها لأبعاد الحجارة وافساح الطريق فانهال عليهم الرصاص من كل حدب وصوب، فطلبوا النجدة باللاسلكي،وحضر جنود من طبريا والناصرة وألقت الطائرة قنابلها على الثوار.
وقد ابدى المهاجمون بلاءاً حسناً خاصة ابناء عرب الصبيح،وقد استشهد (16) شهيداً بينما قتل من الانجليز(30) قتيلاً.
وقد حدث في 13/1/48 ان تصدى عشرون صهيونياً مسلحاً لثمانية رجال من العشيرة بالقرب من الشجرة.فدافع المجاهدون عن أنفسهم واشتبكوا مع العدو في صراع سقط نتيجته سبعة قتلى من الصهاينة،ولاذ الباقون بالفرار.
طلبوا النجدة من الهاغاناه فأصدرت الأخيرة أوامرها الى رجال المستعمرات المجاورة ولا سيما الشجرة(المستوطنة)للاستعداد للمعركة المقبلة لينتقموا من العرب.
وقد توقع رجال الصبيح هذه المعركة فأخذوا يعدون للأمر عدته.فطلبوا الدعم من قرية الشجرة ،ومن كفر كنا, والناصرة وغيرها حتى وصل المجاهدون الى (90) مجاهداً مع مدفع واحد من طراز برن.
ونظمت القوات العربية مواقعها عند مدخل مستعمرة الشجرة،وأحاطوها على شكل هلال،وجميعهم من المسلمين فسيطروا بذلك على السهل والوادي القريب منه.
بدأ الصهاينة المعركة في اليوم نفسه باطلاق نيران مدافع الهاون،والمدافع الرشاشة لمدة ساعتين,ثم انطلقوا من المستعمرة يهاجمون على مرحلتين:أولاهما(90) مقاتلاً اتجهوا نحو الوادي قاصدين عبوره وثانيها
اتجهوا نحو التل الذي دارت عنده معركة الفجر. وكان المطر غزيراً والأرض موحلة،فاستخدم الصهاينة
الجرارات لنقلهم، بدلاً من السيارات المصفحة التي باتت عاجزة عن الحركة في هذه الارض الوعرة الموحلة.
كان المجاهدون العرب في كمائنهم المنصوبة يراقبون تحرك اليهود دون ان تحس هذه القوات بوجودهم،ولما اقترب الصهاينة من مواقع العرب وغدوا تحت نيران أسلحتهم فتح المجاهدون النيران دفعة واحدة فأخذ الصهاينة يتساقطون،واحداً تلو الآخر وعجزوا عن تحقيق المقاومة وفر الباقون،وأخذت جراراتهم تنقل قتلاهم وجرحاهم.
طارد المجاهدون الفلسطينيون القوات المعادية والمتراجعة الى أن وصلوا الى حدود المستعمرة،ولكن لم يتمكنوا من اختراقها.وقد قتل في هذه المعركة عشرون صهيونياً وعشرون جريحاً.دون أية خسائر تذكر لدى العرب،وقد كان قائد هذه المعركة عبد اللطيف فاهوم.
ومن خلال المعركتين المذكورتين اعلاه،أدرك الصهاينة ان النصر لن يكون حليفهم الا اذا هاجموا كل فئة على حدة وفي الوقت ذاته.
المجزرة:
قام اليهود في الثامن من حزيران عام 1948 بمهاجمة عرب الصبيح والشجرة واللتان كانتان تعتبران أكبر قوتين في المنطقة في الوقت ذاته،كان ذلك الساعة الخامسة صباحاً ولم يكن فيها سوى (30) مقاتلاً وكان المجاهدون منشغلين في مواقع أخرى منها الشجرة.وقد هوجم الثلاثون من قبل ستمائة ولما يئس سكان عرب الصبيح من هذه الحالة هربوا مخلفين وراءهم كل ممتلكاتهم وحتى اباءهم وبقي في العشيرة (26) طفلاً تتراوح اعمارهم بين السنة الى خمسة عشر سنة، وامرأتين لم تستطيعا ترك أطفالهما وشيخان أعميان يبلغان من العمر ما يزيد عن المائة.
وقد قتلوا جميعاً،السيدتان هما غزالة وعلياء النمر أختي علي النمر شيخ العشيره،أما علياء فقد قُتلت وابناءها السبعة،اما غزالة،فقد قُتلت وهي تحمل ابنها ابن السنة والنصف،وقد قطعوا رأسه بالبلطة ثم قطعوا ثديها ووضعوه في فم الطفل وأعادوهما الى الفراش هي والطفل كما لو كانت حية نائمه.اما اولادها الستة الباقون فقد قتلوا وقطعوا ووضعوا في خابية الزيت(جرة فخارية ضخمة)حتى طفح الدم من الجرة،أما الكفيفان فقد قُطعوا رأسيهما بالبلطات.

كشف باحث فلسطيني
: كشف باحث فلسطيني في مؤلف جديد المزيد من الضوء على المجزرة التي اقترفتها الحركة الصهيونية عام 48 بحق عرب الصبيح وفيها تم قتل الأطفال والنساء والعجزة وهم في فراشهم.

وكان الباحث عيسى محمد عونة من قرية عرب الشبلي داخل أراضي 48 قد استعرض في كتابه عرب الصبيح تاريخ ورواية تاريخ عشيرة الصبيح التي كانت تقيم في سفوح جبل الطور قضاء الناصرة وعرفت بشدة بأس أبنائها ومشاركتهم في الكفاح الوطني الفلسطيني ضد المشروع الاستيطاني الصهيوني.

وأوضح المؤلف أن القبيلة التي كان تعدادها نحو ستة آلاف نسمة تفرقت بين لبنان وسوريا والأردن فيما بقيت قلة منها في الوطن في عملية تهجير اقترفت خلالها مذبحة مروعة بحق سكانها العزل في مايو/ أيار 1948.

ويورد الكتاب شهادة شفوية للشيخ محمود أسعد التركي الذي قال حضرت الشرطة الإنجليزية راكبة الخيل واعتقلت والدي وتعرض لشتى أنواع التعذيب بتهمة إيواء القسام حتى أطلق سراحه بشفاعة شرطي عربي. ويستذكر الكتاب طبقا لشهادات معّمرين مختلف صنوف التعذيب التي مارستها سلطة الانتداب بحق الفلسطينيين بتهمة مساعدة القسام أو الثورة لاحقا.

وأشار البحث الذي يستند إلى روايات شفوية كثيرة إلى عملية تهجير عرب الصبيح وارتكاب مذبحة بحق أبنائها انتقاما لقيام الثوار بقتل سبعة مستوطنين من المستعمرة المجاورة بيت كيشت في 16/3/1948.

وأوضح الباحث أن قوات الهجاناة والأرغون شنت هجوما على عرب الصبيح في فجر يوم 6/5/1948 وأعملت القتل بالمدنيين خاصة أقارب الشيخ علي النمر الذي اتهم بالمشاركة في قتل مستوطنين. وتضمن الكتاب شهادة رفعة علي نمر عقلة المقيمة في مدينة أربد الأردنية وقالت إن اليهود أطلقوا النار على عمها خضر وقام والدها بتهريب الأسرة من النافذة ونحو 30 من أهلها.


نعم هم من عرب الشبلي ويسكنون الطور والناصره وحاليا يوجد منهم في فلسطين داخل ارضي 48 ويوجد علاقات بينهم وبين الصبيح في الاردن الذين رحلو من فلسطين اثرى هذه المعركه ومتواجدين في الاردن وسوريه ولبنان واذكر انهم في الاردن يتواجدون في منطقة زبده في اربد وحي التركمان ومخيم اربد وحنينا كما روى لي جدودي رحمهم الله
كما هجر منهم الى الدنمارك نسبه كبيره ولهم مناصب في الدنمارك ولهم مدرسه ومسجدخاصه بهم ولهم نائب في البرلمان الدنماركي
ا

[dahod_mohamad]

سنت 87 دهبت في زياره الى فلسطين الحبيبه وكانت اول زياره لي لبلدي الدي يعيش في مخيلتي ولم اراه عن قرب برفقت والدتي رحمها الله وشقيقتي واحدا بناتي وكان عمرها 7سنوات زياره امتدت لثلاث شهو وانا احسبهم ثلاث دقائق ولاكن زياره واحده لموقع القريه الاصلي لازال الموقف امامي ماحييت اليهود لعنهم الله غيرو كل شيء حتلا ننسى ولاكن الله يثبتنا علا عدم النسيان من بقي في القريه بعد النكبه اخرجوهم اليهود واعطوهم ارض خارج القريه المهم دهبت برفقت والدتي لترينا قريتنا كنت في الرابعه والثلاثين في عز شبابي وولدتي حوالي السبعين وكانت تشتكي من الم في الركبتين وما دخلنا حدود القريه المهدمه اصبحت انا العجوز وهي في عمر ابنتي هون بيت جدك وهون بيت عمي وهون بيت خالاحدي وهون بير البياضي وهون شجرة الولي ياالله والدتي وابنتي في عمر واحد وانا اصبحت عجوزا بينهم كيف ننسا وهي ارض الرباط

[حنان عبد الرحمن عز]

سنت 87 دهبت في زياره الى فلسطين الحبيبه وكانت اول زياره لي لبلدي الدي يعيش في مخيلتي ولم اراه عن قرب برفقت والدتي رحمها الله وشقيقتي واحدا بناتي وكان عمرها 7سنوات زياره امتدت لثلاث شهو وانا احسبهم ثلاث دقائق ولاكن زياره واحده لموقع القريه الاصلي لازال الموقف امامي ماحييت اليهود لعنهم الله غيرو كل شيء حتلا ننسى ولاكن الله يثبتنا علا عدم النسيان من بقي في القريه بعد النكبه اخرجوهم اليهود واعطوهم ارض خارج القريه المهم دهبت برفقت والدتي لترينا قريتنا كنت في الرابعه والثلاثين في عز شبابي وولدتي حوالي السبعين وكانت تشتكي من الم في الركبتين وما دخلنا حدود القريه المهدمه اصبحت انا العجوز وهي في عمر ابنتي هون بيت جدك وهون بيت عمي وهون بيت خالاحدي وهون بير البياضي وهون شجرة الولي ياالله والدتي وابنتي في عمر واحد وانا اصبحت عجوزا بينهم كيف ننسا وهي ارض الرباط

آلمتني كلماتك كما لم يؤلمني شيء يا عمي
الله ينتقم منهم بس

[الطيار]

يلا عن اذنchوا يا جماعة
استروا ما شفتوا منا
بنلاكيchوا بالبلاد

[ابو محمد عماد]

أبو محمد ان شاء الله يكشعوا الموضوع بعد ما صار هان
أنا سيعتين وأنا أدور عليه ما كشعته الا بالاخر
وكبلها سيعتين بدو على المنتدى الفلسطيني وبالاخر طلع الزبدية كد ما هو كلبه مليان علي حاجبه عني بالغلط بدل الاسلامي ولله فكعني ظحتش

بصراحة حنان

أنا ثبتت الموضوع عن قصد
حتى يعرف الجميع ان تثبيت الموضوع أحيانا مش في صالح الموضوع

لأنو صاحب الموضوع نفسه أو زائر المنتدى أصبح لديه احساس ان المثبت هو هو ولاداعي حتى للنظر اليه وهذا خطأ
على العموم اسبوع زمان ويعاد فك التثبيت عنه
فالهدف تعويد المتصفح شيئا فشيئا أن المواضيع المثبتة تتغير ولا يمكن تثبيتها مدى الحياة

دمتم بود

[حنان عبد الرحمن عز]

بصراحة حنان

أنا ثبتت الموضوع عن قصد
حتى يعرف الجميع ان تثبيت الموضوع أحيانا مش في صالح الموضوع

لأنو صاحب الموضوع نفسه أو زائر المنتدى أصبح لديه احساس ان المثبت هو هو ولاداعي حتى للنظر اليه وهذا خطأ
على العموم اسبوع زمان ويعاد فك التثبيت عنه
فالهدف تعويد المتصفح شيئا فشيئا أن المواضيع المثبتة تتغير ولا يمكن تثبيتها مدى الحياة

دمتم بود

نعم أشاركك الرأي 100% يا عمي
وبمجرد ان يثبت الموضوع تخف المشاركات عليه حتى أنها شبه معدومه تكون

[La Rosaleda]

ممممممممممممممممممممممممم .. يا شريرين إنتو .. وأنا بدور ع الموضوع وبحتشي وين رحاو فيه . .أتاريه هان ..!؟ .. طيب يا خالتي .. تعو أخرفكو عن فلسطين .. و أنا والحمدلله حصل لي الشرف إني زرتها مرتين .. بس قبل هيك خلي اللهجة اللي بدي أحكي فيها لبعدين شوي لما أحكيلكو عن قصص البلد نفسها ..
بسم الله .. و على بركته أبدأ ..

أول إشي أنا من قرية كفرجمال .. مدينة طولكرم ، طبعاً بلدنا - المقصود هنا كفرجمال - من ضمن مجموعة كبيرة من الكفريات - هيك بحكولها - أمثال كفر زيباد .. كفر عبوش .. كفر صور .. إلخ .. طبعاً كوني من إحدى القرى فهاد بعني إني فلاح ، وكل الإحترام لأهل الريف وأهل املدن والبدو وكل الناس خير وبركة ،، بس الفلاح دوناً عن غيرو إلو حياة غييييييييييير عن كل هالفئات السابقة .. رح أذكرها تباعاً بإذن الله ..

طبعاً من لما إجيت ع هالدنيا وأنا بعرف إني فلسطيني .. بس وينها فلسطين ..!؟ .. مع اليهود .. طيب مين اليهود يابا ..!؟ .. ناس كانو بقتلو الأنبياء وإجو أخد وبلادنا منا وطلعونا منها .. هاي فكرتي كـ ولد صغييييييير بفهشم بالدنيا غير يلعب بالحارة ويدرس عشان عندو تسميع أنشودة الأم الحنون .. هاي كانت حياتنا وإحنا صغار ، بس هاد ما نساني كلمات أبوي و زيارات سيدي وعماتي وأهل البلد لما كانو ييجو عنا ع الدار بالأردن ويبلشو يحكو .. اه يابا تشيف حال الحجة سارة - بتشديد الراء - ..!؟ .. طبعاً هاد أبوي اللي بحكي .. برد سيدي ، والله يابوي هظاتش الدور بكينا سارحين بفلامية ورحنا ع خلة النصارى ، والا هي جاي وبتكول هيييييييييييييي يا أب وفيصل ، إلحق دخلو اليهود ع أرضنا بتشرم توبة ، ويابا وأرمح لغااااااد وألاكي أخوك أبو العبد و ولادتو عمر والعبد وبكو اليهود بده ميفوتو ع الحمموت ويفتشو ................. طبعاً كنت صغير .. وبسمع هالحكي وبضحك .. ههههههههههههههههههههههههه .. زلم عمرو حالياً 95 سنة .. أيامها كان عمرو فوق الـ 80 وبحيك حكي بلهجة غريبة .. عن مكان بحبو بس ما بعرف شو هو ..

كانت هاي فكرتي عن فلسطين .. أرضنا فيها يهود .. وبدايقو الناس اللي هناك .. من بعد هالزيارات صرت أقرأ .. وأنا صف ثاني وثالث يمكن كنت بقرأ وبكتب بشكل ممتاز بالنسبة لولد بهداك العمر ، صرت أحضر برامج عن فلسطين .. أقرأ كتب .. أسمع هالختيارية شو بحكو عن فلسطين .. لحد ما صار عمري 8 سنين ، وقتها تشكل عندي إشي بقلبي وعقلي وروحي و وجداني إنو هديك بلادنا .. طيب ليش إحنا مو عايشين هناك ..!؟ ، طيب ما دام أبوي بقدر ينزل ع الضفة - كونو أبوي كان يسافر ع فلسطين - طب ليش ما بروح معو ..!؟ .. أسئلة كبييييييييييييييييييييييييييرة بالنسبة لولد لسة ما صار عمرو 8 سنين ..

في عام 1998 .. إجى أبوي بحيكلنا أنا وإخواني - إحنا 3 شباب و بنت وحدة - يا ولاد جهزو حالكم بعد كم يوم بدنا ننزل ع فلسطين عشان لم الشمل وأعمل تصاريح وكرت أصفر وهالحكي اللي وقتها ما كنت فاهمو .. بس تولدت داخلي رهبة ، وترقب و حب وعشق إني رح أروح ع المكان اللي أنا منو وهو إلي بس إحنا التنين بعاد عن بعض .. و فعلاً .. تمت التجهيزات على قدم وساق بالنسبة إلي ، بكيتين شيبس بندورة + 3 علب عصير دمعة ، وتجرأت وشريت حبة بك ون .. ههههههههههههههههههههههههههه .. أيام ما كان مصروفي بريزة .. والله أيام وراحت .. المهم .. طبعاً حالياً كل العيلة معها كروت صفر وبتقدر تنزل ع فلسطين إلا والدتي ما طلعت موافقة ع طلبها لغاية الآن رغم إنو أبوي قدملها الطلب في نهاية الثمانينات على ما أظن ..

فعلاً .. إجى الحج أبو السادك - أبو الصادق - بالديانا القدييييييييييييمة تبعتو عشان يوصلنا ع الجسر .. طلعان من البيت قبل صلاة الفجر طبعاً .. وقعدنا كلنا بهالديانا وبلش أبوي والزلمة يحكو ، " بتسلملي على إحمد العبد الستار يا أبو محمد - أبو محمد أبوي - وبتكولو بكولك أبو السادك بعثلك 50 ليرة مع محمد العبداللطيف خليه ينطيك منهن 20 وبتوخذهم وبتروح عند خالتي إم ضرار وبتعطيها إياهن وبتكولها هظول من أبو السادك " .. طبعاً أنا لحد هداك الوقت كنت بضحك على اللهجة .. ما كنت بعرف شو يعني هاي الهجة .. وصلنا الجسر .. شوووووووب بطريقة غريبة ،، قعدنا نجهز أمورنا و وراقنا وأبوي ماسك بإيدو كمشة وراق .. دخلنا ع جسر العرب - كما يحلو تسميته اللي هو الجسر من ناحية الأردن - طبعاً بعد بهدلة وقلة قيمة خلصنا منو ودخلنا ع جسر اليهود ..

إييييييييييييييييييييييييييييييييييييييي يه .. بلشت القصص تيجي ع بالي وأتذكر كلللللللل تفصيل مريت فيه .. كنت بعرف شو يعين فلسطين وإسرائيل بعد ما قريت وحضرت برامج وسمعت حتشي الختيارية .. دخلنا الجسر عند اليهود .. وإلا أعلام الكيان الغاصب معبية المكان . أزرق وأبيض ونجمة سداسية .. وعينكم ما تشوف إلا النور .. أنا فقدت وقتها .. بحكي لأبوي شو هاد ..!؟ .. وين إحنا .. بحكيلي أسكت .. تحكيش إشي .. و وجه أبوي بنقط سم .. كان كثيييير متذايق ما عرفت ليش .. بس خمنت عشان المنظر اللي شفناه .. بس الغريب بالموضوع إنو إجراءاتنا عند اليهود خلصت بسرعة فائقة جداً .. يعني ما قعدنا ساعة أو أكثر شوي .. المهم طلعان ع أريحا .. وهي أول نقطة بعد الجسر بإتجاه الداخل الفلسطيني ..

هلأ أريحا منطقة حاارة .. ما بعرف فيها صراحة غير إنو في مجمع كلياتو تكاسي و وسائل نقل ع البلدات والمدن الفلسطينية .. المهم .. طلعنا بتكسي ع الكفريات متجهين نحو بلدنا كفرجمال .. طبعاً بلشت اللهجة اللي كنت قبل ساعات بس بضحك عليها تصير أسلوب حياة .. وكل الناس بحكو فيها .. طبعاً التعاملات صارت بالشواكل - جمع شيكل - ومشينا بطريق ياااا الللللللللللللللللللللللللللللللله ما أروعه .. خضار .. وين ما ترمي نظرك الدنيا خضرا .. وين ما تطلع الدنيا خضرا .. والله ما بنسى هديك اللحظة لما أبوي قلب الظرف اللي حاطط فيه وراقنا وطال القلم وبلش يكتب قصيدة بتذكر أول كم كلمة من الشطر الأول من البيت الأول منها لما حكى " أيا فلسطين عدنا ... " .. ومش متذكر الباقي صراحة .. ههههههههههههههههههههههههه ..

مشلا فينا هالتكسي لحد ما وصلنا بلدنا .. كانت الساعة 12 الضهر .. وأنا أووووووووووووووووووووووووووووووووووووووو ووووووووول مرة بدخل فلسطين .. وشكلي زي الأطرش بالزفة .. ومش فاهم إشي . ومش عارف إشي .. بلدنا بلدة ريفية .. قرية يعني .. والناس اللي فيها بسيطين جداً .. والله بتذكر دار سيدي كيف مبنية من حجار الواجهة تبعتها .. حجار قديمة يا جماعة .. والله ع قولة تميم البرغوثي " والله رائحة لها لغة ستفهمها إذا أصغيت " .. الجو بتحسو نضيف .. الكل بأهل وبسهل فينا .. دخلنا ع دار سيدي .. ع اليمين بيت الدابة - أجلكم الله - ع الشمال في غرفة مبنية من الحجر القدييييييييييييييييييييييييييييييم أيام العصور الوسطى يمكن .. قديمة جداً الغرفة .. بحكولها العكدة - العقدة - .. وقتها كان عمرها 80 سنة .. يعني حالياً عمرها 94 سنة .. غرفة سيدي بس يعصر الزتونات اللي بالأرض عنا بحط الزيت فيها ..

هسة صار وكت نحتشي بلهجتنا .. تغدينا عند دار سيدي وبكى سيدي يظل يحتشي لأبوي .. جيب أبي عندي هاذ حبيبي .. وأكوم من مكاني أكعد عند سيدي .. ويطعميني بإيدو .. ويكوللي يا سيدي بتشرا بدنا نروح على أرظنا ونسرح فيها - طبعاً نسرح معناها نطلع نفلح ونشتغل بأرضنا - وفعلاً أول يوم بكى يوم مميز إلي لإني بكيت متفاجئ بكل تفصيل في بلادنا .. ثاني يوم كبل ما يأذت الفجر كمنا .. أو صراحة كمت غصب عني لإني بكيت نعسااااااااااان وتعبان من السفر وأنا مفتشر إنو شو بدو يصحينا هسة .. ونكون نسرح .!؟ .. الدنيا لسة ليل .. المهم كمت بالآخر .. كالو يلا بدنا بدنا نروح نصلي الفجر بالجامع .. الجامع كريب من دار سيدي .. كمنا ع الجامع ولا كل البلد صاحية .. والله في ناس بالشوارع أتشثر من وكت ما وصلنا الساعة 12 الظهر .. واااااااااااااااااال .. لليش هالحتشي طيب ..!؟ .. أنا إستغربت تشثييييييييييير وكتها .. صلينا الفجر .. وركبنا ع العرباي اللي بتجرها حمارة سيدي - أجلكم الله - وبكى سيدي يكول تشك تشك تشك .. يعني إمشي لكدام .. هههههههههههههههههههههه .. هييييييييييييش معناها وكفي .. بكيت صغييير ومبسوط تشثير .. وصلنا أرضنا بـ فلاميه وهي أرض وااااااااااااااااااااااااااااااااااااااا ااااااااااااااااااااااااااااااااااااااسع ة كد ما تكول واسعة .. تشثير تشبيرة .. بكى سيدي وأبوي وعمي و ولادو يزرعو ويحصدو ويفلحو فيها ..

أرضنا يا جماع ةالخير كللللللللللها زيتون بهداك الوقت .. أما أيام زماااان .. قبل الـ 90 وحتى يمكن قب الـ 80 كانت مزروعة برتقال .. هسة في بنص الأرض شجرة زيتون عمرها وإن شالله أكون متأكد من معلومتي .. أيامها كان عمرها فوق الـ 60 مدري 70 سنة .. بحكولها زتونة المدتش - المدك - شجرة كبيييييييييييييييييييييييييييييييييييير وتحتيها قعدة .. طبعاً لما وصلنا ع الأرض هناك إشتغلنا شوي .. وبلشو بدهم يعملو فطور .. أنا إلي الله . هسة بجيبو حمص وفلافل زي عنا هون ويلا أفطرو .. هههههههههههههههههههههههههه .. ولا الوضع مش هيك .. راح أبوي ع الحمموت - واللي هو البيت البلاستيكي - جاب بندورة منو طاااااااااااااااازجة جداً قطفها وإجى فيها يعني .. عملنا السلطة .. وعملو قلاية بندورة .. إبريق شاي ع الفحم مع زعتر بلاط - بعرفش إذا بتعرفوه بس بجوز مارق عليكم بإسم ثاني *_* - بس خلصنا كل هالحكي .. ولا جاي عمتي ومرت عمي عاملين خبز طابون ع إيدهم .. قعدنا كللللللللللللللللللللللللللللللنا بالقعدة اللي تحت زتونة المدك وأفطرنا فطور لم ولن أشوف فطور زيو بحياتي .. ريحة الأرض .. والمي بتسقي الشجر .. والناس بأراضيها .. والله شعور لا يوصف ..

طبعاً البلد كيف بدي أحكيلكم .. عيلة وحدة .. أي نعم في مشاكل بينه ملا أنكر يعني هههههههههههههههههههههه بس بحبو بعض .. وبزعلو الصبح قبل المغرب بكونو متصالحين .. الحياة حلوة هناك .. البيوت كلها قديمة إلا ما ندر في الـ 98 يعني .. كبعاً نسيت أحكيلكم إن وفي بدار سيدي بير مي .. كنا ننزل الدلو نطول المي وما أشربها بكاسة من الدلو نفسو .. هههههههههههههههههههههه .. المي بااااااااااااااااااااااااااااااااردة و والله ولا مية صحة .. إشي جد متتتتتتتتتتتتعة ..

طبعاً كل هالحكي هاد كان جديد علي .. لإني أول مرة بدخل فلسطين .. بأول يومين حبي لـ فلسطين زاااااااااااااااااااااد أضعاف مضاعفة .. تعلق بالبلاد .. تعلقت بتراب البلاد .. إنزرع إشي جواي .. إنزرع إشي بقلبي بحكيلي هاي حبيبتك يا أبي .. كنت صغير وقتها بس والله كنت واعي إنو هاي لابلاد بلادي .. وأنا إلها وهي إلي .. طال الزمان أم قصر ..

طبعاً ناهيك ع نالسهرات الخياااااااااااااااالية على سطوح الدار .. وريحة التراب .. وكلللللللللللللل الدنيا شايفها من عندك .. يعني إشي بجنن .. من بلدنا بتقدر تشوف البحر الأبيض المتوسط .. بتشم ريحة البحر من عندك .. والله إنو أجواء مااا بتنوصف .. لازم تشوف بعينك عشان تعرف ..

ممممممممممممممممممممممممممم .. ع فكرة أنا لسة بحيك بتفاصيل أول ليلة فقط من زيارتي الأوى اللي إستمرت قرابة الشهر .. يا حبيبي .. لسة مطول يا جماعة .. تحملوني .. ههههههههههههههههههههههههههههههه ..

طبعاً ولحسن الحظ حصل لي الشرف إني زرت كللللللللللللللللللللللللللللللللللللل بقاع فلسطين .. بما فيها المسجد الأقصى . هضبة الجولان .. المدن المحتلة .. مااااااااا خليت إشي ما دخلتو .. والحمدلله .. كان صاحب أبوي هناك من بلد إسمها الطيرة .. أخدان بسيارتو . .ولف فينا كللللللللللللللللللللللللللللللللللللللل لللللللللللللللللللللللللل فلسطين .. أبلش وحدة وحدة باللي علق في ذهني في تلك السن الصغيرة ..

نابلس .. مدينة رائعة .. أهلها ناس جداً طيبين .. وجد لما يحكولك كنافة نابلسية ما بكذبو .. إشي خياااااااالي .. طبيعة المدينة حلوة .. مزيجها السكاني كتير حلو .. يعني إنبسطنا جداً فيها رغم إنو ما طولنا فيها .. بس إنبسطنا ..

طولكرم " مدينتي الحبيبة " .. ما أقوللللكمش أد إيه هي حلوة .. هههههههههههههههههههه .. طبعاً الطريق من بلدنا لطولكرم المدينة بتمر بأراضي ومناطق خالية من السكان بس كللللللللها خضرا - من يومو الوحدات ضارب بالدنيا ههههههههههههههههههههه - .. طبعاً ع الطريق لـ طولركم في تلة أو جبل صغير . .أو مش عارف شو حجمو صراحة .. هههههههههههههههههه .. إسمو كرم توبة . هاي الأرض لأبوي وعمامي كلها كروم عنب وبرتقال وليمون وزيتون .. تلة مطلة ع مستوطنة والله تعالى أعلم إسم هاي المستوطنة الطيبة .. المنطقة جداً رائعة وحلللللللللللوة .. وفيها آثار مش عارف من أي عصر .. وووو وفيها كمان بير مي جواتو شجرة .. الجرة إرتفاعها لحد نظر العين 15 متر تقريباً .. والبير الله يعلم لوين واصل تحت .. بس إشي جد حلو ..

نرجع لمدينة طولكرم . مدينة شعبية .. أسواقها غاية في الجمال .. مو ومدينة عصرية جداً .. بس جد حلوة ..

رام الله .. رام الله يا جماع ةالخير حكاية أخرى .. مدينة عصرية بكل ما تحمله الكلمة من معنى .. حديثة جداً .. متكاملة الخدمات .. ناسها من أكرم الناس وأفضلهم .. عمي كان ساكن فيها .. جداً رائعة .. وأكثر ما تشتهر به - بالنسبة إلي وبهداك الوقت - شعر البنات لإنو جد زاااااااااكي ورووووووووووووووعة .. ههههههههههههههههههههه ..

الخليل زرتها تل الربيع المحتلة زرتها .. حيفا .. يافا .. طبريا .. كلللللللللللللللل إشي .. خلو الحكي عن المدن اللي زرتها بتعليق آخر .. هاد والهل نسيت شو كتبت أولو من كثر ما هو طوييييييييييييييييييل ..

طبعاً يا جماع ةلي عودة . ورح أكمل ع نفس التعليق تفاصيل أكثر إثارة عن زيارتي للقدس .. ولمدينة بيت لحم .. وهضبة الجولان .. اللي كلللللللللللللللللللها في الزيارة الأولى ..

لي عودة ..

[حنان عبد الرحمن عز]

أخي أبي أبكيتني رغم ما بمشاركتك من ضحكات فعلا
أسلوبك الرائع في سرد هذه القصة التي عايشتها جعلني أشعر بأنني لم أعش بعد
أتمنى أن يكتب لي الله زيارة أرضها الطاهرة في يوم من الأيام
بانتظار المزيد على شوق وأجمل ما في مشاركتك بأنك قد تحدثت عن بلدتك كما رأيتها وبلغتك أت فأعطيتنا لمحة عنها لن نستوعبها من الكوبي بيست الموجود في صفحات النت
رائع أنت يا أبي فعلا الله يجزيك الخير

[La Rosaleda]

أخي أبي أبكيتني رغم ما بمشاركتك من ضحكات فعلا
أسلوبك الرائع في سرد هذه القصة التي عايشتها جعلني أشعر بأنني لم أعش بعد
أتمنى أن يكتب لي الله زيارة أرضها الطاهرة في يوم من الأيام
بانتظار المزيد على شوق وأجمل ما في مشاركتك بأنك قد تحدثت عن بلدتك كما رأيتها وبلغتك أت فأعطيتنا لمحة عنها لن نستوعبها من الكوبي بيست الموجود في صفحات النت
رائع أنت يا أبي فعلا الله يجزيك الخير

والله يا أخت حنان .. لما بلشت أكتب تذكرت كلللللللللللل إشي مر علي وقتها .. و سدقيني هدول أول يوم أو يومين بزيارتي الأولى وأنا طفل .. كيف لو أكلم الشهر اللي قضيتو هناك ..!؟ ..
ولا لو أحكي تفاصيل زيارتي للقدي وتل الربيع المحتلة ..!؟ ..
ولا لما زرتها بالـ 2007 ..!؟ ..
الله يطعمك إياها يا أختي وتزوريها .. والله تعرفي قيمة البلاد بس تزوريها ..
الله يطعمك إياها يا رب ..