::..! ..احhcولنا عن فلسطين ...بلهجتها..! ..::

[حنان عبد الرحمن عز]

بصراحة بعد قرائتي لبعض المشاركات وعادت بي الذكريات
عدت للوراء كثيرا كثيرا
أصبت بصدمة ,,, والله وتسمرت


سأحاول كتابة أي شيء لاحقا

لاحقا

طيب هالحين كلي عمي ليش انصدمت
يعني لما رجعت لورا لكيت حالك hcبير hcثييييير وختيار ؟؟ هيذ انا حللت صح ولا من شو بالزبط انصدمت ؟؟...خرفنا خلينا ننصدم معك بلhcي فكنا وصحينا على حالنا معك

[حنان عبد الرحمن عز]

انزلت ب13 رمضان لعام 2011
رحت انا واخوي
وكانت معنا شنة وحدة والثانية شايلتاه على ظهري اغراضي انا
ما بعتها على التفتيش
طبعا مرينا لنروح عند المفتشة
ختم اخوي جوازه على رقم الشنتة ورحنا
كان الجسر مليان ناس هلقيت مروحين من العمرة
لما وصل دورنا للمفتشة حكتلي كال ممنوع افوت لازم يكون عندي رقم للشنتة
احكي معها من هان ومن هان ابدا ما في فايدة
رجعت مرة ثانية عند اللي بختم للشنتات
وحطلي رقم
وبلشت من جديد بالازمة وبداحش بين هل ناس
واخوي فات على الجسر من جوا ورد طلع ليشوف وين انا
اجا ناداه اليهودي لابس نظارة سودا وماسك اشي كبير بيطخ فيه ما بعرف شو اسمه
وحكاله
ها خبيبي انت وين رايه ممنوع انت تطلع برا
حكاله اخوي انه بستنا باختي اخذني هو ورحت وقطت التفتيش ودخلت عند اخوي بسلام

هذول يختي يا ام يحيى أوباش وجبنا بس بدهم يتحموا في حدا
وهان بتلاكي مربط الفرس
المهم الحمد لله على سلامتhc يختي وان شاء الله hcل سنه بتخشي البلاد وراسك مرفوعة
بنستنى باكي خرافhc يا ام يحيى

[حنان عبد الرحمن عز]

انها فلسطين جنة الارض ونور السماء

حكاياتها و قصصها و كل جلسات السمر تسطرت على صفحات التاريخ

الماضي و الحاضر و المستقبل يروي قصة شعب تهجر تشتت تشرد

سمعت الكثير عن الوطن

كيف كان جدي يتنقل من قريه الى قريه ومن مدينه الى مدينه بحثا عن لقمة العيش

فمن عرابه الى عكا و حيفا و يافا و نابلس ويعبد و قباطيه هنا وهناك

اخبرنا عن ايام الطفوله الشاقه الجميله

عن عشق الجار للجار و وقفة الرجل الواحد عند الشده

اخبرنا عن النكبه و الهجره كيف وصل بهم الحال

اخبارنا عن حنينه للوطن لارضه و بيته و دكانه

اخبرنا وحدثنا و اخبرنا وحدثنا ووووووووووووو .....

لكنه لم يخبرنا متى نعود ...

وهلحين بنستنى منك تخرفنا شو خرفك بالزبط
سنعود اخي ...انه وعد الله لنا

[رمزي الياموني]

هُناك مناطق اجدها هُنا في الاردن اجوائها قريبة جداً من فلسطين مثل
مدينة اربد
الشونة الشمالية
الاغوار

جمالية فلسطين باراضيها الخضراء
على مدار الفصول تجدين الخَضار يُغطي اراضيها

من الممكن ان اتطرق قليلاً لليامون وهي مسقط رأسي مثلاً
بلدة اُشتهرت في الزينون وتعتمد على الزراعة كمنتج اساسي


صورة لقرية اليامون


فريق اليامون علشان تعرفو انا لعيبين ورح نغلب الوحدات لو فكر يواجهنا
ههههههههههه

طريق الوعر الذي يسلكه الناس والتركتورات للذهاب للتنزه او حتى الاعتناء بأراضيهم التي يزرعونها كالزيتون واللوز وغيرها

ان شاء الله سيكون لي عودة

[سوا ربينا]

اخر مرة زرت فيها فلسطين بكت سنة ال 2000 ، مش مذكر منها اشي الا فلسطين ، فلسطين بكدسها وبحجارها وبناسها .
من لما اعبر نهر الاردن ريحة فلسطين بتملا الجو ، تخيلوا على chثر اليهود وريحتهم اللي بستوردوها من اوروبا بظل ريحة الام فلسطين انكى وحلى وجمل.
احلى منظر يا جماعة لما نصل الكدس ونلف من فوق جبل وتلاكينا كبة الصخرة ، في حياتي ما شفت احلى من هيذ منظر.
لما نمر من شوارع الكدس ونتعداها بظل مرسومة في البال حتى لو راح من العمر مية سنة بظل الرسمة زي ما هي .
بنطلع من الكدس وبنخش بيت لحم وما احلى ساحة المهد فيها ،ما احلى شوارعها والبنايات الكديمة اللي فيها واللي زارها منchو يchي يا جماعة.
ومن بيت لحم للخضر ، وكل خليلي لازم يبكى يعرف هلبوابة التاريخية اللي لهلوكت فيها جمال مش موجود عند chثير من المناطك التاريخية.
ومن الخضر للكرية اللي للان مش ناسيها ومش رايح انساها ان شا الله " حوسان".
وهذي صورة لعين الهوية فيها:

وراجعلchوا اذا الله اعطاني عمر

[سوا ربينا]

اليامون كضى شو يا اخ رمزي(بلا زغرة)؟

[رمزي الياموني]

اليامون كضى شو يا اخ رمزي(بلا زغرة)؟

ما فهمت عليك
ممكن توضحلي يا مُحترم
راجعلك ان شاء الله بعد صلاة العصر
ارجو منك التوضيح اكثر ان تكرمت
للعلم اليامون قرية من قرى جنين
ولا قصدك
كضى
بالفلسطيني يا خالتي
ترى انا مش كاشع الله يرضى عليك وينشلك من كل ذيك

[سوا ربينا]

ههههههههههههههههههههههه

هذي هي كضى بالفلسطيني وينشلك من chل ذيك

والنعم منك ومن chل اهل جنين
ومن الحاضرين

[ابو عمار الجنيدي]

طبعا انا خليلي وافتخر وبحكي باللهجه الخليليه التي اعتز بها كثيـــــــــــــــــــــــــــــــــــــ ـــرا
يعني بنمط بالحكي وبنحكي ئال وئلنا والنا مصطلحات خاصه فينا رح احكي فيها اللي بعرف بعرف واللي ما بعرف يسال يا خالي وانا حـــــــــــــــــــــــــــــــــــــــ ــــاضر اجــــــــــــــــــــــــــــاوب بس والله رجال الخلايله مثل كل اهلنا بالبلاد

بعض المصطلحات علشان تعرفوا

العواف -- يعطيك العافيه
السلامات -- السلام عليكم لما تكون غايب كتير عن الواحد
دخشه -- بكره -- غدا
راس السئاء -- اول الدخله او الزكه بالفلاحي مع احترامي الشديد طبعا
هئيتي -- هلكيت بالفلاحي وهلئ بالمدني والان بالفصحى
هئ -- شهقه قويه للاستغراب
الكروم -- البستان
ابيلا -- امبلا او ايوه

-------------------------
طبعا ستي الله يرحمها توفيت عام 1997 عن عمر 105 سنه ما شاء الله وسيدي توفي قبلها بشهرين بنفس العام عن عمر يناهز 115 سنه ما شاء الله
اجوا على عمان سنة 85 علشان يحضروا فرح ابن عميـــــــــــــــــــــــــــــــــــــ ـ ولما خلص الفرح بدهم يروحوا على الخليل ستي بتحكي لسيدي وقئتيش بدنا نروح ئالها دخشه مع الصبح ئالتله خلينا يومين عند لولاد اسعان ما ما شفناهم متل الخلئ ئلها علي الطلاق الا نروح دخشه مش عارف ائعد هوني اسمعي يا مره وين باصي بئصد طبعا جواز السفر وتصريحي ليكون ضيعتــــــــــــــــــــــــــــــــــــ ــــــــــيهم لا يا زلمه هيمه معي بالكيس طيب ئولي لعبد العزيم ( عبد العظيم ) والدي رحمه الله يحكي مع جواد يستننا على راس السئاء بعد الضهر ئالت طيب هئيتي بحكيله اسمعي خليه يجي على الكروم ئبل طيب يا زلمه يئطع شرك
بعد شويه حكيتي لعبد العزيم ولى لا ابيلا حكيت جاوبت ستي وتاني يوم روحوا على الخليل الله يسهل دربهم
هاي سريعه بس في كمان ئصص حصلت معي لما انا روحت لغاد سنة 98 وئصص لما كنت زغير بحكيلكوا اياها بعديــــــــــــــــــــــــــــــــــــ ــــــــــــــــن ان شالله

[رمزي الياموني]

ههههههههههههههههههههههه

هذي هي كضى بالفلسطيني وينشلك من chل ذيك

والنعم منك ومن chل اهل جنين
ومن الحاضرين

الله يحييك اخي
والنعم منك يا طيب

[jamal nashwan]

بداية .. هذه أولى كلماتي هنا ، لذا وجب علي أن أقدم احترامي ومن ثم اعتذاري للأخ الفاضل " أبو محمد عماد " مشرف المنتدى الفلسطيني ، الذي وجه لي دعوة لدخول هذا المكان !!.. هذا المكان الذي يحمل أغلى الأسماء .. حينها ترددتُ واعتذرت !! لكنني كنتُ وما زلتُ أتسلل خلف رمز المرور وأعبر إلى فلسطين .. أجوب فضاءاتها ، أتبارك من عظمة قدسها ،وأخشع في محراب أقصاها ، أتسلق شموخ جرزيمها وعيبالها ، أعتز بجهاد وتضحيات خليلها وجنينها ، أسجد على كل أرضها وألثم تراب آبائها وأجدادها ، أستنشق عبير أزهارها ، أرتوي عذب مياهها وأنعم بصفاء سمائها ، وأسبح في بحرها في غزة الصمود .. ثم أعود !!..

أعود من حيث أتيت في غربة الشتات ، ووحشة البعاد وألم الحنين والفراق وحسرات اللاجئ النازح !!

أعود لأجد دعوة أخرى من الابنة الغالية حنان للعودة إلى فلسطين ، لنحكي عنها وبلهجة أهل البلاد .. نحكي عن ساحات الحارات وسنسلات البيارات ، عن معرشات الداليات وسمر السهرات ، عن دفء القعدات على سطوح " العقد " وعن حلو اللمات ..

نعود لنحكي .. فالحكي ما فيش عليه جمرك ولا تفتيش ، والخُراف فش عليه رقابه ولا تنبيش !!

بس يا خوفي نضلنا نحكي وهالحكي كله يعاود ولادنا يحكوه لولادهم !!

يي .. كشلي ساعتها !!

إذا بدكم أرجع أحكي بحكيلكم عن " المسخمط " اللاجئ النازح ..

[سوا ربينا]

الله يحييك اخي
والنعم منك يا طيب

منور يا خوي يا رمزي

[سوا ربينا]

يي .. كشلي ساعتها !!

إذا بدكم أرجع أحكي بحكيلكم عن " المسخمط " اللاجئ النازح ..

هي السعان فيها كشل يا ابو احمد
محنا مكشلين خلكه

وبعدين مهمه chلهم مسخمطين ، انو واحد فيهم بتكصد؟

[سوا ربينا]

بتعرفو يا جماعة
احلى ما فلكصه هان ، انها chل واحد فينا بحchي بلهجة اهل بلده
يجبر بخاطرch يا حنان يا بنت ابو العز الي جبرتي بخاطرنا فهلموضوع

[حنان عبد الرحمن عز]

راجعة أرد على الhcل بس عمي أبو عمار نسيت مصطلحات بحبها hcثييييييييييييير
نسيت يئ...وهي شهكه بتدل على الاستغراب
بحري تكلhc طبعا هذي الhcلمة بغمى عليها بس يكولي ياها الحج الله يطول بعمره ويعطيه الصحه وطبعا هذي بيكولي ياها بس أكون رايحة ويتذhcر انه بده يكلي كمان اشي فبيكلي بحري تكلhc يعني شوفي أو تطلعي
ويسعد لغة بلادنا محلاها