خربشات بحار

[ابو عدي]

ابو عدي يا بركة
نصيحة لوجه الله قبل ما تبحر لا تفوت على اي موضوع لمالك
لانك بكل تأكيد ستواجه المشاكل

مالكون ملك النحس
بس تكون بعمان اقرأ كل مواضيعه

هو من قليل محدش بيرضى يروح معو على المباريات؟؟؟؟؟؟!!!!

مالك نوارة بس عيبو انو أنس (ابنه) برشلوني هههههههههههه

[رمزي الياموني]

اخي ابو عدي
ما هي المُدة التي تعمل بها في البحر
اقصد
هل هناك سن معين ام فقط الاعتماد على القدرة البدنية ربنا يعطيك الصحة ام هناك امر اخر
يعني حتى تتقاعد نهائياً

[رمزي الياموني]

سؤال وركز معي الله يرضى عليك

في حيتان وسمك قرش ومن هاي الامور بتشوفو وهل هناك شئ يستحق الحديث عنه ان وجد من خلال اسرار البحر

[ابو اوس القدومي]

الخلاصه حمد الله على السلامه يا كبير ....

[سمير يونس]

أخي أبو عدي ...أولاً أتمنى لك السلامة دائماً وأن تكون بحفظ الله في جميع الأوقات

من خلال ما تابعت من ردودك بدا لي انها وظيفة متعبة ...لكن أظن انها مثل أي وظيفة أخرى لها عيوب ومميزات..فهي قد تعطيك بعض الوقت للاختلاء بنفسك ..وهو الوقت الذي يحتاجه الواحد احيانا ...أيضاً عندما تكون مبحراً في أفق لا متناهي من المياه تتذكر قدرة الله وهذا الكون الواسع .
مرة اخرى اتمنى لك السلامة دائماً .

[ابو عدي]

اخي ابو عدي
ما هي المُدة التي تعمل بها في البحر
اقصد
هل هناك سن معين ام فقط الاعتماد على القدرة البدنية ربنا يعطيك الصحة ام هناك امر اخر
يعني حتى تتقاعد نهائياً

سن الستين هو السن الرسمي للتقاعد من العمل البحري ويمكن لظروف خاصة التجديد لسنة متبوعة بأخرى على الا يتجاوز 62 سنة ، بالتأكيد بعض الدول لاتُطبق هذا كأستثناء ، يعني حضرتنا باقي له 10 -12 سنة كحد أعلى.

سؤال وركز معي الله يرضى عليك

في حيتان وسمك قرش ومن هاي الامور بتشوفو وهل هناك شئ يستحق الحديث عنه ان وجد من خلال اسرار البحر

الحيتان والاسماك نراها عن بعد لان السفينة اثناء مسيرها يكون الصوت الصادر عن محركاتها (لا أذكر كم ديسبل بالضبط) يشكل ازعاجا لتلك الكائنات وبالتالي هربها بعيدا عن السفينة ، لكن من الممتع معرفة ان الدلفين هو الكائن الوحيد الذي لا يتأثر بتلك الذبذبات الصوتية لذلك تراه كثيرا يتراقص باعداد كبيرة امام مقدمة السفينة في حركات بهلوانية ممتعة.

[ابو عدي]

أخي أبو عدي ...أولاً أتمنى لك السلامة دائماً وأن تكون بحفظ الله في جميع الأوقات

من خلال ما تابعت من ردودك بدا لي انها وظيفة متعبة ...لكن أظن انها مثل أي وظيفة أخرى لها عيوب ومميزات..فهي قد تعطيك بعض الوقت للاختلاء بنفسك ..وهو الوقت الذي يحتاجه الواحد احيانا ...أيضاً عندما تكون مبحراً في أفق لا متناهي من المياه تتذكر قدرة الله وهذا الكون الواسع .
مرة اخرى اتمنى لك السلامة دائماً .

في السفن التقليدية نعم يوجد الكثير من الوقت ويمكن للربان استغلال الوقت كما يحلو له ولكن السفينة التي اعمل عليها فهذا ترف لا اناله فأنا مطلوب عل مدار الساعة وقد أُستدعى باي وقت وعادة لا يتم ايتدعائي لاجل قطعة من الحلوى بل للتعامل مع مشكلة ، الان ونتيجة الظروف الجوية فالسفينة راسية بالميناء ولذلك اجد بعض الوقت للتواصل معكم

[صفوان عليان]

الله يسلمك من كل شر أخونا الغالي أبو عدي

كل هاظ من مالك ؟؟

الله لا يوطرزلك يا مالك، في حياتك ما عمرك تسأل أبو عدي كيف مزاجك

يا أخي قله كيف حالك

قله كيف شعورك

قله أي إشي بس لا تقله "كيف مزاجك"

يعني شوي و لولا لطف الله، كان أبو عدي نزل الأوكرانية يدزوها

[شهد نابلس]

الحمدلله على السلامة
جد عمري ما تخيلت اشوف بحار ليش ما بعرف
في سؤال بخطر ببالي
عن القراصنة شو قوانينهم شو افكارهم .. كيف ممكن تعرفو انو هالمناطق فيها قراصنة وتحذرو منها
خدني على اد عقلي بس جد ولا عمره خطرلي اعرف بحار عربي بجوز لانو بالاردن ما في بحر

[لحن الجراح]

الله يكون في العون

[ابو عدي]

الله يسلمك من كل شر أخونا الغالي أبو عدي

كل هاظ من مالك ؟؟

الله لا يوطرزلك يا مالك، في حياتك ما عمرك تسأل أبو عدي كيف مزاجك

يا أخي قله كيف حالك

قله كيف شعورك

قله أي إشي بس لا تقله "كيف مزاجك"

يعني شوي و لولا لطف الله، كان أبو عدي نزل الأوكرانية يدزوها

هي لو ظلت على (كيف مزاجك) بندبرها بس الشب البستوني غرقني ووصف حالتي وانا بموت ..... على دوري قلب الشب (هتشكوك) هههههههههههههه

[ابو عدي]

الحمدلله على السلامة
جد عمري ما تخيلت اشوف بحار ليش ما بعرف
في سؤال بخطر ببالي
عن القراصنة شو قوانينهم شو افكارهم .. كيف ممكن تعرفو انو هالمناطق فيها قراصنة وتحذرو منها
خدني على اد عقلي بس جد ولا عمره خطرلي اعرف بحار عربي بجوز لانو بالاردن ما في بحر

بداية سلامة عقلك وبحب اقولك البحارة الاردنين زي الهم على القلب ولو قرأتي تعقيباتي رح تلاحظي اني كنت ابن الزرقاء لمى طلعت ادرس فيمكن وبكرر (يمكن) سيل الزرقاء الو دور باختياراتي ههههههههه

القراصنة ..... سؤال ذكي طب يا ستي اقولك ، القراصنة الهم منطقتين بيتركزوا فيها وبقالهم فيها اكثر من 30 سنة ، المنطقة الاولى (مضيق سنغافورة) وهي ممر ملاحي يقع ما بين ماليزيا (الارض الام) وجزيرة سومطرة (وهي ارض ماليزية ايضا) مرورأ بجزيرة سنغافورة وهي تقع جنوب ماليزيا

المنطقة الأُخرى هي منطقة (بحر عدن) وتقع جنوب البحر الاحمر وتمتد حتى الصومال .... القراصنة بهذه المنطقة أكثر دموية من منطقة مضيق سنغافورة.

القراصنة بشكل عام هم جنود سابقين ومحترفين وشخصيا أظن انه يتم ادارتهم من قِبل دول لتحقيق اغراض سياسية او ترويعية معينة ، بالسابق كان القراصنة وعند صعودهم للسفن يتوجهون لغرفة الكابتن لعلمهم المسبق بوجود خزنة الامانات لديه ويأخذون ما خف حمله وغلا ثمنه الان الحال تطور وبدأوا باختطاف السفن وبيع حمولاتها او اخذ فدية كما يحدث بالصومال حاليا.

يوجد مراكز دولية لمكافحة القرصنة وهناك دراسة بتعيين حراس مسلحين للسفن العابرة لتلك المناطق ولكن الغالبية (الشركات التجارية) ترفض هذا المبدأ خشية تعرض سفنها لاطلاق النار او اغراقها عدى عن تحفظها بحق شركات الحماية والتي قد تكون هي نفسها من القراصنة او تدفع لهم لينتشر عملها.

من قواعد التعامل مع القراصنة (ان صعد للسفينة) البقاء هادءً اعطه ما يُريد ودعه وشأنه (وانا بتكلم جد كمان) .... ولكن ربان السفينة يأخذ بعض الاحتياطات اللازمة لمنع صعودهم الى سفينته وذلك بتسيير دوريات من طاقم السفينة وانارة انوار السطح عدى عن تجهيز افراد الطاقم بخراطيم الحريق لمنع صعود القراصنة للسطح.

أتمنى أن اكون قد اجبتك ويسعد صباحك

[ابو عدي]

ابو عدي سؤال مهم بدك اتجاوب
الان ما تابعته في موضوعك انك تقول جُزُر
هاي مسكونة ام لا يوجد في ناس

على ذكر الجُزُر .... سنة 1984 رحنا نفرغ شحنة فحم شحناها من ميناء (هيوستن - امريكيا) في جزيرة اسمها (ساينت كرويكس) تقع بالقرب من بورتوريكو وهي ايضاً تابعة للاراضي الامريكية .... بعد وصلنا للميناء طلعت بالليل ومعي 2 من زملائي نسهر برة واخذنا تكسي وكان السائق امريكي اسمر وشكله بيخوف وموشم بطريقة مريبة، توقف التكسي عند محطة بترول واثناء تعبة الخزان سمعت واحد بيقول (ولك تعال هون يلعن حرمك!!!!) تفرجت واذا هو الشب بيرطن بالعربي مع شب ثاني واقف معو .... طلعت راسي وقلتلهم مرحبا شباب كيفكم .... وبصورة سريعة تعرفنا على بعض وحولنا مسار الطلعة وقعدنا معهم ومنهم فهمت انهم من مخيم الوحدات وان الجزيرة هاي (ساينت كرويكس) يتم نفي اصحاب القيود الجبرية اليها وان المرشح لمنصب العمدة شب فلسطيني ّ الاصل ...... للأسف ابحرنا ثاني يوم ولم أعرف هل فاز العمدة ام لا

هاي قصة حقيقية بحذافيرها ..... ابن العشيرة الوحداتية جدع وبيعيش مع مين ما كان وبأي مكان

[فراشة الوحدات]

على ذكر الجُزُر .... سنة 1984 رحنا نفرغ شحنة فحم شحناها من ميناء (هيوستن - امريكيا) في جزيرة اسمها (ساينت كرويكس) تقع بالقرب من بورتوريكو وهي ايضاً تابعة للاراضي الامريكية .... بعد وصلنا للميناء طلعت بالليل ومعي 2 من زملائي نسهر برة واخذنا تكسي وكان السائق امريكي اسمر وشكله بيخوف وموشم بطريقة مريبة، توقف التكسي عند محطة بترول واثناء تعبة الخزان سمعت واحد بيقول (ولك تعال هون يلعن حرمك!!!!) تفرجت واذا هو الشب بيرطن بالعربي مع شب ثاني واقف معو .... طلعت راسي وقلتلهم مرحبا شباب كيفكم .... وبصورة سريعة تعرفنا على بعض وحولنا مسار الطلعة وقعدنا معهم ومنهم فهمت انهم من مخيم الوحدات وان الجزيرة هاي (ساينت كرويكس) يتم نفي اصحاب القيود الجبرية اليها وان المرشح لمنصب العمدة شب فلسطيني ّ الاصل ...... للأسف ابحرنا ثاني يوم ولم أعرف هل فاز العمدة ام لا

هاي قصة حقيقية بحذافيرها ..... ابن العشيرة الوحداتية جدع وبيعيش مع مين ما كان وبأي مكان

الله عليكم يا شباب المخيم ويا شباب فلسطين ,حتى بالجزر البعيدة موجودين ,وبتعمروها
بس باكدلك مليون بالمية انه العمدة وحداتي

[ahmad weehdaty]

مشكور عمي ابو عدي على الموضوع الجميل
متى رح نشوفك في قطر قريبا؟
شو اجمل منطقة زرتها ؟