خربشات بحار

[باسل بدير]

الله يهدّي بالك يا ابو عدي ,,,

والله ماني عارف أكتب إشي ,,, بحكيلك عالخاص أحسن

[قاسم ابو فاره]

ع فكرة،، اول مرة بعرف انك بتشتغل بشركة حلحول للمقاولات البحرية والإسكان،،،

[محمد مبارك النبالي قطر]

الله يعطيك الف عافية وصحتين على النومة يلي طارت

شو رايك نعمل اتفاق بيناتنا نعمل كتيب خربشات بحار ونطبعها ونسوق يا معلم

اخوك ابو عمر (ابو صالح)
محمد مبارك
قطر

[رمزي الياموني]

ابو عدي ان شاء الله ربنا بخفف عليك الغربة وبرجعك بالسلامة من السفر .
الان واجب عليك تجاوبني على بعض الاسئلة ان تكرمت .

1- كيف انت والسباحة .

2- شو هي الامور الايجابية في السفينة ام لا يوجد هناك ايجابيات .

3- بدي منك تخرفني عن موقف صار معك في السفينة لا يُغادر مُخيلتك .

صدقني اخي ابو عدي سلامتك اهم من هذا العالم وان شاء الله بتمر الايام بسرعة وبشوفك في الاردن يا كبير

[ابو عدي]

بمزح والله لا تفكرني قاصد اشي

حج جهاد احنا بندخل هون اصلا علشان نمزح ونتباسط مع بعضنا .... علشان هيك اسمها استراحة يعني اللباس الرسمي هون ممنوع لا كرفطة ولا بدلات

ولعيونك المرة الجاية بكتب بلهجة (الحي الشرقي) من مادبا واذا ما بتزبط معك بخليها بلجة ازيدية!!! ههههههه

[رمزي الياموني]

هاي سفينتك

[ابو عدي]

الله يهدّي بالك يا ابو عدي ,,,

والله ماني عارف أكتب إشي ,,, بحكيلك عالخاص أحسن

والله الف سلامة ابو العبد ........ صارت معي قبلك بس 5 سم لتحت !!!!! وكنت بالبحر وقعدت 4 ايام بدون نوم ونزلت من السفينة للمطار لمستشفى الاردن وعلى غرفة العمليات مباشرة لاني اتأخرت كثير لدرجة اقتربت من تسمم الدم ، انت على الاقل بتابع مع الحكيم قبل استفحال الامر.

سلامتك يا غالي وبكلمك على التلفون اطمن عليك ان شاء الله قريبا (بس تيجي الاشارة ع التلفون)

[رمزي الياموني]

طيب ابو عدي اكلكم وشربكم وغسيل اواعيكم وهاي الامور كيف بتتعايشو معاها

[رمزي الياموني]

ابو عدي سؤال مهم بدك اتجاوب
الان ما تابعته في موضوعك انك تقول جُزُر
هاي مسكونة ام لا يوجد في ناس وبعدين هل تقضي كل الشهر في البحر ام على ايام متقطعة

[ابو عدي]

أبو عدي .. فيها بريكات السفينة .. و إذا فيها كيف بيكون بريك إجر ولا البريك على الإستيرنج ...!!؟
صحيح هو فيها إستيرنج .. و إذا فيها إستيرنج بيكون باور و لا عادي ...!!؟
يعني بتخمّس فيها بنص البحر .. و إذا بتخمّس فيها شو نوع الكوتشوك ...!!؟
طب الكوتشوك ( تيوب ) ولا ( تيوبلس ) .. و إذا لا سمح الله بنشرت كيف بتفكوا و بتركبوا البنشر ...!!؟


ربنا يحماك .. و يرجعلنا إياك سالم غانم يا حبيب الكل ...

شوف بريكات ما في واذا بدنا نوقف بنحط رجلينا على المية وبنوقف السفينة !!!!! اما التخميس تسألش فسفينتي فيها محركات (أزيمث) يعني بتلف على كعبها (شغل تفحيط) زي البي ام (الزعرة - بوز النمر) !!!!! البنشر بنروح نطلب (كونتا كونتي) بيجي يرفع السفينة بيديه لفوق وبنغير البنشر!!!

شكلك مش مصدقني ، صح؟ طب خذلك هالصور الحقيقية لسفينتي وهي موديل 2010 - 2011 وشوف

المحركات الرئيسية ، قابلة للدوران 360 درجة (ازيمث)



الرفاصات الجانبية وعددها 3 لتحريك السفينة جانبيا



اصو نزول السفينة للماء



بدك صور ومعلومات اكثر ابعتلي طلب صداقة على صفحتي على الفيس بوك

http://www.facebook.com/emad.khaleel?ref=tn_tnmn

[عمرو الاخضر]

يااااااااااه يا ابو عدي رجعتني بذكريات الباخره الحسا وبيلا وناقلة البترول الازرق وناقله الركاب جيمي على فكره ابو عدي كلهم انا اشتغلت عليهم

[جهاد علي]

حج جهاد احنا بندخل هون اصلا علشان نمزح ونتباسط مع بعضنا .... علشان هيك اسمها استراحة يعني اللباس الرسمي هون ممنوع لا كرفطة ولا بدلات

ولعيونك المرة الجاية بكتب بلهجة (الحي الشرقي) من مادبا واذا ما بتزبط معك بخليها بلجة ازيدية!!! ههههههه

بحب لهجة الجبالية ممتازه هذه بس فيها مشكله
وحدة يمكن الكلمة توخذ سطر معك او سطرين
هههههههه اما الازيديه صعبه هذه بدها بكالوريس
على الاقل ههههههههههه

[عمرو الاخضر]

هههههههههه حج ابو عدي قصدق في الرفاصات الجانبية

(البوث رصه ) هههههههههههههه

والله انتا عاى قنقوي راسي يا بريج المنتدى

[ابو عدي]

أولًا .. الله يسلمك من كل شر يا أبو عدي ، وبعرف إنه سواقة هالسفينه بالنسبة إلك زي سواقة البسكليت أبو الثلاث عجال بالنسبه إلي ، او زي ما كنت أسوق عرباية البيليا زماااااان !!

بس هل من الممكن ان تُفيدنا عن هذا الاستفسار ؟؟

إمبارح .. أحد الأخوة الكرام نزل موضوع عن توقعات الأعضاء وأمنياتهم عن الفريق الذي ممكن نقابله بعد مباراة كاظمة ، وتحديدًا في دور الثمانية .. فكان تعليقي .. ماليزيا بحكوا إنها حلوه كتييير .. خلي هالشباب تشم الهوا !!!!

الاستفسار يا أبو عدي .. بتقدر وانت رايح رايح ترمينا بطريقك إحنا وهالوفد اللي بده يسافر ، ترمينا بـِ " قندهار " بعدين إحنا بنكملها سباحة لـَ " بيجين " وبعدها لـَ " طوكيو " ، وبعدين بنوخذ تكسيات طَلَب لماليزيا !!

بتكسب أجر فينا .. الله يكثر خيرك يا أبو عدي يا بركه ..

يحرق حريش الجغرافيا شو بكرهها ..... من وين بدي اجيبلك خط بري يروح بالسفينة على قندهار .... أقولك ببعت جماعتك بطيارة لقندهار (واذا) رجعوا بوخذهم بحر على تايلاند (يتزهزهو براحتهم) الزهزهه هناك بثلاثة تعريفة الا ربع ما دام التذاكر مدفوعة الباقي سهل.

تسابقني على البسكليت ابو 3 عجال .... جهز حالك بس أروح نتسابق بطلوع المصدار عليه!!!

[ابو عدي]

ايام الواحد يتعرض لابتلاءات تماما كما حصل معك وعليه ان يصبر لان الله يبتلينا في هاي الحياة

قبل ايام ما صليت الفجر الا بعد شروق الشمس ووالله ما ريت اصعب من اليوم خناقه مع الزوجه والاولاد الصغار وبالشغل امرت بامر للعمال فوقع سيزر ليفت على فورمان وانكسرت رجله من الفخذ ولما رجعت من الشغل رفضت اتغدا مع الاولاد والاسلرة ورحت على مطعم الجامعه وطلبت غداء ولما اجيت احاسب ما لقيت معي فكه وتدينا من شب مهندس كان موجود بالمطعم ولما اجيت اوكل طلع الكل مش لحمه زي ما طلبت طلع روبيان وعليها صلصه كانت مخفيتها وشطه من 220 فولت واكلت خاوة ولما وصلت المكتب حدثني صاحب العمارة اللي رحلت منها كان الي عنده 1000 ريال اكلهن عليا بحجة اني تركت مرطبانات زيتون بالبيت وخلافة فسبحان الله

الحياة يا ابو عدي كلها ابتلاءات والكيس اللي بيصبر ويحتسب امره لله ولا يخالف الله حتى لو شو ما صار
الله يهونها عليك وعلينا

هاي كابسة معك ...... بس لازم تجاوب معي كمان على تساؤل مالك (كيف مزاجك اليوم؟).

للأمانة انا عند الابتلاء اكتفي بذكر الله والحمد وأستذكر (لن يصيبنا الا ما كتب الله لنا) فازداد ايمانا بقدري وأطمئن.