خاص نت ... حسن عبدالفتاح يتفق مع الشمال القطري .. والتوقيع بعد الإطمئنان على إصابته ...

[tarboush73]

التوقيت غلط

[وسام لافي]

حسن عبد الفتاح ... أصيب مرتين يتمزق خلال هذا الموسم ولم يقم بالانتقال للعلاج في قطر ... ولكن يبدو في هذه المره الهدف هو توقيع العقد وليس العلاج
ظلمنا أمجد المجالي عندما اتهم حسن بالفرار من معسكر المنتخب وادعاء الاصابه

[ماهر حسين]

يا عيب بطلب من النادي نص تكلفة العلاج بقطر وبخدع النادي وبروح موقع مع نادي قطري ولا في اشي يبرر الي عمله وكان لازم استنى ليخلص الموسم مش ليلة مباراة وبعدين هي نادي الشمال القطري اعلن رسميا ان حسن وقع معه ونزل فيديو التوقيع وتم الاعلان والتصريح منهم ان حسن اول صفقات الموسم رسميا

[qusi]

الله معك كنت حموله زائده عقبال باقي الحموله

[ماهر حسين]

يا إخوان ، اللي بعرفه أن حسن طالع للعلاج ..

هسّة الجماعة شافوه وقعد معهم ، صحّ فاوضوه وتصوّروا معه كمان .. بسّ لسّة الزلمِه ما اتّفق بشكل واضح وصريح ، وحسب ما عرفت كمان أنه سيتفق على اللعب للشمال القطري عند عدم وجود نية للوحدات للتوقيع معه .. والأهم كمان لما يجتاز كل الفحوصات اللي بتعملها هيك أندية واللي ما بخلّوا إشي إلا بيفحصوه .

أنا مِش عارف شو فيها يعني حتى لو وقّع معهم ؟!!.
كل العالم مقلوبِه فوقاني تحتاني ، إذا مِش على حسن ، فعلى الإدارة .. مِش مْخليين سِتر مغطّى لا لهذا ولا لهذولاك !.

شو هالعيشِه هاي ؟!!!.

معلوماتك مش صحيحة تم التوقيع رسمي وتم نشر فيديو التوقيع وتصريح نادي الشمال انه تم التوقيع رسمي وانه حسن اول صقثات الموسم لفريقهم وما ترد على المنشور تاع حسن

[سيف الاخضر]

ليش يتحجج بالإصابة ؟' هو فعلا مصاب.
والقطريين اللي بدهم يوقعوا ب 350 الف، ممكن بيجوا ع عمان ويوقعوا معه الاتفاق. مش راح ينكسروا من ورا تذكرتين طيارة

يا رجل كيف بتدافع عن عبد للدولار ترك الوحدات بااحلك الظروف يارجل كلهم منافقين وعشان أذكرك لعلك تستعيد ذاكرتك رافت هرب مع دراغان وخسرنا الاسيويه عبدالله ذيب هرب ولحق الدولار وقوي در وعامر ذيب لعب مع اليرموك. وسلب إيه الجزيرة. يا رجل لا تدافع عن منافقين. من صنعهم هو الوحدات بجماهيره وكانوا البلوزه ما بعرفوا كيف بتلتبس انت من يسجع هؤلاء على التعالي على النادي والجماهير. وبحكي عن غيرنا يا رجل جماهير الفيصلي بالكندرة والبزقه على لاعبين هم ورغم هيك بلعبوا بدمهم. نحن من عمل من هؤلاء رجال

[jamal nashwan]

معلوماتك مش صحيحة تم التوقيع رسمي وتم نشر فيديو التوقيع وتصريح نادي الشمال انه تم التوقيع رسمي وانه حسن اول صقثات الموسم لفريقهم وما ترد على المنشور تاع حسن

عادي يا أخي الكريم ، عادي بالنسبة لي ..
عادي جدا ، الله يبارك له ويتمّم له على خير .

وحتى لو معلوماتي غلط ، فأنا حكيت في مداخلتي اللي أنت اقتبستها :

مِش عارف شو فيها يعني حتى لو وقّع معهم ؟!!.

[ماهر حسين]

عادي يا أخي الكريم ، عادي بالنسبة لي ..
عادي جدا ، الله يبارك له ويتمّم له على خير .

وحتى لو معلوماتي غلط ، فأنا حكيت في مداخلتي اللي أنت اقتبستها :

مِش عارف شو فيها يعني حتى لو وقّع معهم ؟!!.

انت محترم وهي وجهة نظرك بس ليش هو كذب ونزل منشور انه اتفاق مبدئي واذا الوحدات ما بجدد الهم بحترف معهم وطلع الصح موقع رسمي ومنهي وهم صرحو وكان لازم يكون صريح وما يكذب

[shouman]

هذا الموسم كان عالة على الفريق وهو منتهي بدنيا وفنيا ويعتقد نفسه نجم الشباك الاول
وعقبال باقي اللاعبين المنتهين بخروجهم يكفي مجاملات

[jamal nashwan]

انت محترم وهي وجهة نظرك بس ليش هو كذب ونزل منشور انه اتفاق مبدئي واذا الوحدات ما بجدد الهم بحترف معهم وطلع الصح موقع رسمي ومنهي وهم صرحو وكان لازم يكون صريح وما يكذب

الله يكرمك يا عزيزي ،

أما هذه أخي ماهر ، فما بقدر أستغرب وأحكيلك شو فيها !. لأ .. أستطيع أن أكتب فيها مجلّدات وأنا بحكي فيها ، لكن باختصار شديد .. إنْ صحّت المعلومات وأنه وقّع بشكل رسمي ونهائي ، وأنه كذب - على حد تعبيرك - فإن مردّ ذلك هو للعلاقة الحميميّة التي جمعته ولا تزال بجماهير الوحدات ، والتي تعدّت نطاق المستطيل الأخضر ، وأن هذه الكذبة - والآن من وجهة نظري أنا وليس على حد تعبيرك - جاءت من باب خجله وسواد وجهه أمام هذه الجماهير التي اجتمع معها بهذه العلاقة ، وأنه لم يجد بُدًّا من تمرير هكذا معلومة إلا بهذه الطريقة ، وكله خجل وسواد وجه كما أسلفتُ ، من أجل التمتع بحقه في الاحتراف ، مُراعيًا بذلك مشاعر وأحاسيس جماهير الوحدات التي أحبّته واحترمته ، على الرغم مما كان منها في الفترة الأخيرة تجاهه .

يعني بالبلدي هيك ، لسان حاله يقول غصبن عني والله ..
وبلغة الفن والطرب كما قال الكاتب الغنائي حسين السيد في أغنية محمد عبد الوهاب :

بفكَّـر في اللي ناسيني ،
وبنسى اللي فاكرني ..
وبهرب مِـ اللي شاريني ،
وادَوَّر عَـ اللي بايعني !.

وأدوَّر ليه على جرحي ، وصاحب الجرح مُش فاكر ؟!.
وأقول يا عيني ليه تبكي ، ما دام الليل مالوش آخـر ؟!.

[باسل بدير]

الله يوفقه

فرصه لفسح مجال للشباب

[faris allan]

جماهير الوحدات
معظمهم محللين نفسيين
معظمهم محللين فنيين
معظمهم ما بدهم اي لاعب بالفريق
ولما واحد بغادر ويبحث عن رزقته بنبلش جلد من كل طرف
ونفس اللاعب لو الاداره وقعت معه بنبلش ننتقد ونجلد ليش وقعوا معه
الله المستعان
ويهديني والجميع معاي امين

[anas_wam]

يا عيب العيب يا حسن

نتوققها من الكل الا منك
اللي صار انتقاص من قيمة الوحدات

[Abu Al-Walled]

كم حصة النادي ؟؟ والف مبروك للشاطر حسن،،،

[jamal nashwan]

كم حصة النادي ؟؟ والف مبروك للشاطر حسن،،،

ههههههههههههه

هو لو في حصة للنادي ، كان بتشوف كل هالطخّ يا بو الوليد ؟!.
لو حتى خمستالاف ، كان بتلاقي كثير بيحكوا اللي منّو أحسن منّو ..