خاص نت ... حسن عبدالفتاح يتفق مع الشمال القطري .. والتوقيع بعد الإطمئنان على إصابته ...

[أبو كرم 76]

بالتوفيق للحسون

[jamal nashwan]

يا إخوان ، اللي بعرفه أن حسن طالع للعلاج ..

هسّة الجماعة شافوه وقعد معهم ، صحّ فاوضوه وتصوّروا معه كمان .. بسّ لسّة الزلمِه ما اتّفق بشكل واضح وصريح ، وحسب ما عرفت كمان أنه سيتفق على اللعب للشمال القطري عند عدم وجود نية للوحدات للتوقيع معه .. والأهم كمان لما يجتاز كل الفحوصات اللي بتعملها هيك أندية واللي ما بخلّوا إشي إلا بيفحصوه .

أنا مِش عارف شو فيها يعني حتى لو وقّع معهم ؟!!.
كل العالم مقلوبِه فوقاني تحتاني ، إذا مِش على حسن ، فعلى الإدارة .. مِش مْخليين سِتر مغطّى لا لهذا ولا لهذولاك !.

شو هالعيشِه هاي ؟!!!.

[AbuLamar]

اتنماء يا عمي ليش الحكي

[ابو احمد 75]

يا إخوان ، اللي بعرفه أن حسن طالع للعلاج ..

هسّة الجماعة شافوه وقعد معهم ، صحّ فاوضوه وتصوّروا معه كمان .. بسّ لسّة الزلمِه ما اتّفق بشكل واضح وصريح ، وحسب ما عرفت كمان أنه سيتفق على اللعب للشمال القطري عند عدم وجود نية للوحدات للتوقيع معه .. والأهم كمان لما يجتاز كل الفحوصات اللي بتعملها هيك أندية واللي ما بخلّوا إشي إلا بيفحصوه .

أنا مِش عارف شو فيها يعني حتى لو وقّع معهم ؟!!.
كل العالم مقلوبِه فوقاني تحتاني ، إذا مِش على حسن ، فعلى الإدارة .. مِش مْخليين سِتر مغطّى لا لهذا ولا لهذولاك !.


شو هالعيشِه هاي ؟!!!.

حبيبنا أبو أحمد بعتقد الكل شاف الصور وبعدين أنسى حسن شو كتب على صفحته
دايما بندعيله ربنا يوفقه بس التوقيت غلط . وهو عارف ان الوحدات بحاجة ل كل شخص منتمي
والكل عارف من هو حسن .
بس حركة غبية والجمهور من حرقة دمه بلاقيها من مدرب ولا لاعبيين ولا إدارة بصراحة طفح الكيل معهم .

[Abu_Besan_Alw7daty]

لا صوت فوق صوت الدولار
بكرة بحط العرض قدام ادارتنا وبحكيلهم شو بتقدرو تجمعولي منو

[faris allan]

الله يوفقك يا حسن
يا اخوان الظروف صعبه جدا والهجوم عليه شرس من جماهير الوحدات
شو بتتوقع منه ومن اي واحد
ارجو ان لا ننسى ما قدمه الحسون في السابق
الله يوفقك يا شاطر حسن ويوفق الوحدات

[canada]

العرض 250 الف دولار يا اخوان وهاي رزقه أولاده
كل واحد يعتبر اخوه اجا عرض بربع مليون بالسنه شو بحكيله؟؟

[dr.ashraf]

الى كل من يقول حسن أفاد الوحدات .. حسن اكثر لاعب استفاد من الوحدات.. بس السؤال شو عمل للوحدات .. لا شيء .. وبكرا بتسمعوا شو رح يعمل للفريق القطري

[أمل إيلياء]

خروج حسن عبد الفتاح بهذه الطريقة لأسباب منها تصريحات الصقور

بعد أسبوع أول حافل للصقور بتصريحات مقروءة ومسموعة ومرئية عن خزائن النادي الفارغة
وتسمية أمور بغير مسمياتها
وقراءته لميزانية وأرقام النادي بشكل غير دقيق ، وتضخيمه لأرقام المديونية ..
لا تلوموا أي لاعب يخرج من الوحدات، لا حسن ولا غير حسن
يوجد أسباب وأسباب لخروج حسن،، ومنها فقدان اللاعبين الثقة بمؤسسية النادي والتي يتحملها الصقور بتصريحاته الأخيرة

وتوقعوا المزيد..

أتمنى عدم التسحيج المفرط للصقور فحتى الآن فشل في تعامله مع الإعلام، فشل في جلب مدرب مؤقت على سوية عالية، فشل في إخراج اللاعبين من الحالة النفسية المزرية، من يريد ذلك فليذهب على صفحته الخاصة ..
وأتمنى من معارضي الإدارة السابقة التعامل مع إدارة الصقور بموضوعية حسب النتائج على الأرض وليس من باب المناكفة

خير الكلام ما قل ودل
والسلام

[jamal nashwan]

حبيبنا أبو أحمد بعتقد الكل شاف الصور وبعدين أنسى حسن شو كتب على صفحته
دايما بندعيله ربنا يوفقه بس التوقيت غلط . وهو عارف ان الوحدات بحاجة ل كل شخص منتمي
والكل عارف من هو حسن .
بس حركة غبية والجمهور من حرقة دمه بلاقيها من مدرب ولا لاعبيين ولا إدارة بصراحة طفح الكيل معهم .

الله يكرمك يا عزيزي أبو أحمد الأول ..

حسن ظايل في عقده عشرة وِلّا خمسطعشر يوم ، ولأي لاعب الحق بالتفاوض والاتفاق المبدئي مع أي نادٍ ، هذا عداك عن أن الوحدات ما لمّحِش لحسن بتجديد عقده ولا جابلُه سيرة ، ممكن لظروف الإدارة الانتقالية ، وممكن لأسباب فنية ، وممكن لأي سبب آخر !.

ثم أنا ذكرتُ ، هل يعني التفاوض أو الاتفاق أن حسن .. خَلَص صار شمالي قطري ؟!.

معلِش ، خلّينا نحسبها بالعقل !.
أكمِّن لاعب يتم مفاوضته من الأندية والاتفاق معه ، بل حتى والتوقيع معه لموسم قادم ، وموسمه مع ناديه لسّة ما خِلصِش ؟!.
إحنا كنادي الوحدات ما بنعملهاش ؟!.
أو ما عملنهاش ؟!.
أو لسّة ما بنعملهاش هالأيام هاي ؟!.

بلاش ..
عدّوس هاظ ، اللي GـَرGـَعوا راسنا جمهور الوحدات وهُمّه يتحاملوا .. إشي على أبو زمع وقتها إنّو ما كانِش يلاعبُه ، وقال إيش - حرقُه . وإشي على الإدارة ، قال إيش ما أعطهوش باقي مستحقاته اللي هيّه أصلا كثيره عليه ، وهُوِّه ما طابِش من الإصابة إلّا في آخر ثلاث أربع مباريات من الموسم ، والجمهور عِمْلُه مظلوم ومسكين والله يكون بعونه !.
هاظ عدّوس مِش راح وقّع مع البقعة بعد ما عالجناه وصار يمشي على رجليه ويعرف يلعب ، والدوري لسّة ما كانِش مْخلِّص ، وكانت إلنا مباراة مصيرية مع الوحدة السوري في دور الـ 16 ؟!.
هسّة بدّيش أحكي لا عن عدوس إنُّو مِش ابن النادي ، ولا عن حسن إنّو أبو الوفاء والانتماء .. لأ ، بدّي أحكي عن الاثنين مرتزقة وأجيرين عندنا وعند اللي خلّفونا .. فَـ إيش مِعنى هظاك قعدنا نطبّلو ونزمّرلو وخسرناه وحرقوه ، وهذا حسن قاعدين نلعن سنسفيل أبو اللي جابوه ؟!.

عنجد يا اخوي أبو أحمد ، والله ما هِي عيشِه هاي !.

[الوحش الكاسر]

هاظ الي هو المفروض رمز من رموز النادي
خلينا نشوف شو بده يستفيد من فريق درجة ثانية ونشوف مين بده يجي على اعتزاله

[رود كرول]

أرجو أن أكون مخطئا ،، ولكن يبدو
أن أول الغيث قطرة

[د.محمد مخلوف]

يا اخوان هذا زمن الاحتراف...

طبعاً من حقه أن يحترف ويغادر النادي مع نهاية عقده... ولكن لا داعي لأن يتحجج بالاصابة ليغادر الى قطر...
والمفروض فينا كجماهير أن نفهم أن هؤلاء لاعبين محترفين، يعني بلحق مصلحته وين ما كانت........

[أبو فايز]

الكل قاعد بتفشش ...

شو اشكالية اي لاعب يوقع عقد احترافي؟ اول الوسم، اخر الموسم، نص الموسم! هو يعني بطولة كاس العالم جاي وهو كاين اخر لاعب بالنادي؟!

الله يباركله ويفتحها عليه وعلينا. واذا بدبرلي عقد عمل معه بقطر بعمل خير

[أبو فايز]

يا اخوان هذا زمن الاحتراف...

طبعاً من حقه أن يحترف ويغادر النادي مع نهاية عقده... ولكن لا داعي لأن يتحجج بالاصابة ليغادر الى قطر...
والمفروض فينا كجماهير أن نفهم أن هؤلاء لاعبين محترفين، يعني بلحق مصلحته وين ما كانت........

ليش يتحجج بالإصابة ؟' هو فعلا مصاب.
والقطريين اللي بدهم يوقعوا ب 350 الف، ممكن بيجوا ع عمان ويوقعوا معه الاتفاق. مش راح ينكسروا من ورا تذكرتين طيارة