للمتزوجين فقط

[مروان]

كل الاعمال المطلوب بعد منتصف الليل

غسيل - جلي - كب زباله - كوي

ربنا امرنا بالستر

بعد نص الليل ما حدا بشوفك

[AbuLamar]

كل الاعمال المطلوب بعد منتصف الليل

غسيل - جلي - كب زباله - كوي

ربنا امرنا بالستر

بعد نص الليل ما حدا بشوفك

بدك اي مساعده احنا جاهزين

[ابو محمد عماد]

والله نصائحكو مافي منها

كبيت الزبالة في الغسالة

بصراحة مافي زلمة فيكو الا أنا
ما بغسل
وما بجلي
وما بنظف
وما بكب زبالة


الا لما تطلب مني المرة

[ابو محمد عماد]

أنا أخذت الكورس نظري ,,, وأكم من شهر راح أطبق عملي

معلم ,,,,من أولها
هيك بدي اياك

الزبالة فعلا اذا ظلت للصبح بتطلع ريحتها
قديش انحكتلي هاي الكلمة ,,,,,بس دايما بنسى

معلم يا أنوس

[ابو محمد عماد]

مرحيا بك مع فريق الجزر اخي ابو محمد
هون في فريق الجزر تم تشكيله قبل فتره المسؤولين عن الفريق
ابو احمد نشوان
وأبو فارس
وقاسم ابو فاره
وباسل بدير اللي قرر الاعتزال وإقامة مباراه بعد عودة الأخت ام العبد من الكويت
ان شاء الله هدول رح يساعدوك ويجابوا على أسئلتك

أنو جزر ماجزر ابو عمار
انا اللي شايفو أرانب
بستعملو فيري لتنظيف الصحون

[ابو محمد عماد]

بعد كبرن البنات بالدار اعتزلت وسلمت المهمة ... لكن عندي نصائح من الزمن الغابر

شغل الغسالة ورح اجلي ... هون عندك حل من اثنين

...اما ....

بتحط ايديك بالجلي و بعد ما تليف الجليات بتكون الغسالة خلص شوطها وهون الموقف بيعتمد هل هي اتوماتيك والا من عصر ما كانت ستي تلعب بالحارة اذا كانت اوتوماتيك هيك نفدت بريشك وبترجع للجليات (بتبحهن) وتشطفهن كويس وتنساش الكاسات يكون بابهن تحت علشان يتنشفن .... اما ان كانت الغسالة احم احم عندها برضه بترجع تكمل الجليات وبعدين بتروح تنشر الثم الاول ....

.... او .....

اذا طبختك فيها رز او فيها لحمة هون بتعلق اللحمة ع النار قبل ما تبلش بأشي وبعدها بترجع للخطوة أعلاه في ( ...اما ....)

خليتوني أحن لأيام العزوبية وأيام لبنان سنة 1980 - 1982 ... هيك كنت أسوي .... عموما مش غلط أعطيني جزرة من عندك

أحلى شي عجبني ابو عدي
الثم الأول والثم الثاني ,,,,, يعني بتشتغل صح
وبطلع الجلي بلمع

يسلم ثمك

[ابو محمد عماد]

بتفق مع اخي ابو عمار وعليك بقاسم ابو فارة
يجيد التمركز في الثلاث مواقع المذكورة وبشكل
احترافي

حلوة يجيد التمركز في المواقع الثلاث
بس اذا جد عليه تغيير الحفاظة للولد
على ما أظن بتشربك بحاله

شوف يا أخوي يا ابو محمد و ولا يهونوا الشايفيين ,, ما اعتقد حد يخدمك ويعطيك معلومات صحيحه إلا الأسد الجسور وهرقل الموقع جمال نشوان

لا حبيبي
جمال نشوان مابقبل لا يجلي ولا يغسل ولا يكب زبالة
بعرفو مزبوط




الا بعد ما يغير للولد الحفاظة وينيمو

أكشرها ولا بكشرها ؟

كشرها

خيو من واقع خبرة ..

بس تكحش المدام على الاردن " قصدي بس تنزلها اجازة"

عليك بالصحون البلاستيك والكاسات الورق..

بتوفر على حالك جلي .. ووجعت قلب

اما بخصوص الغسيل .. كوم هالغسيلات وحطهم بالغساله طبعا في حالة الغسالة اتوماتيك .. واقعدلك على النت شوي ولا ما بتسمع الا صوت طوط طوط يعني الغسيلات انتهوا.. وبعد هيك انشرهم ..

واجازة سعيدة وراحة بال ونوم عميق وداعاً للازعاج

لا حبيبي احنا بدنا أجوبة والمدام موجودة مش لما توديها اجازة,,,,,,عارفينك أصلا وهي اجازة حضرتك بتنام بدون عشا والمطبخ ريحتو بتكتل

[ابو محمد عماد]

ههههههههههههههههههههههههههههههه
هههههههههههههههههههههههههههههههههههههههه هه
هههههههههههه

الله يقويكم يا رب

والله ما في اسد بفش الغل هون إلا جمال نشوان
هههههههه

أسد جمال نشوان فعلا
لو كلنا زيو

بالنسبة الي احسن حل مفش احسن من الثانية هيك بتجيب وحدة تساعده وبحالات متل هاي بس تغيب المرة عن البيت بكون عندك وحدة تساعدك وبكل الحالات انت بتوخذ الأجر لانه نيتك تساعد الاولى مش اكثر

وهنيالك يافاعل الخير

انت قد الثانية يا مسخمط
وال قصدك غسالة ثانية

شايفين شو فائدة الزوجة الثانية يانساوين يابتوع المدارس

عفية والله يا مالك ,,,,متغير
شو جرالك

أبو عمار لا تخلط الأمور ، الكل يعلم أن " أبو أحمد نشوان "
رئيس جمعية الأسود والوحوش الضارية ،،
للتذكير وأخذ العلم ..

توجيهاتكم وتعليماتكم لإجابة طلب الأخ " أبو محمد عماد "
وتقبلوا منا ناضج الجزرات ..





أيوة ،، احسدنا عَ الشوف وعَ النظر يا ابو الجزر !.

أكمّن يوم قعدِت حاطط إيدك على خدّك ومش شايف الفضا ؟.
طلِّع من هالجزرات اللي عندك وفيدُه للزلمه ،،
خبراتك ضرورية ولازمه والله لابو محمد ..



* * *
أبو عمار وأبو العبد

إليكما : -
رمتني بدائها وانسلّت !.

رمتني بدائها وانسلت,,,,,,الغسالة معلقة؟

حيّو عبد الله ،، أسد المستقبل ،،
و " سي السيد الجديد "

شكرا لك أخي الكريم على هذه الثقة المطلقة،، وإن شاء الله ما بخيب ظنك،، والآن فورا رح اراسل أبو أحمد نشوان وأجيب منو الصافي،،،

كل الاعمال المطلوب بعد منتصف الليل

غسيل - جلي - كب زباله - كوي

ربنا امرنا بالستر

بعد نص الليل ما حدا بشوفك

بعد منتصف الليل
بس هيك بتصير زحمة,,,,, كل الشباب برة بنص الليل
طب مسموح الواحد يطلع بنص الليل؟
أعتقد لأ ,,,,حتى لو لكب الزبالة

أريد حلا

[ALaa AL LORDDD]

مني وعلى انا شديد جدا في البيت اذا بغسل مستحيل اجلي يا بجلي يا بغسل اسد اسد في البيت

[ابو محمد عماد]

مني وعلى انا شديد جدا في البيت اذا بغسل مستحيل اجلي يا بجلي يا بغسل اسد اسد في البيت

صباحك ورد ,,,,,فعلا أسد
خليها تبلط البحر
جلي وغسيل مع بعض لأ,,,,,,,
لو يوم جلي واليوم اللي بعدو غسيل ,,,, ممكن

فعلا أسد,,,طبعا علاء مابتكب زبالة ,,,,صح؟

[أبو فارس]

اهلا بالجميع في النادي العريق ...
اي استفسار انا جاهز ..

[أبو فارس]

بعد كل وجبة اجلي يا ابو محمد .. عشان ما يتراكم ..
بالنسبة للزبالة بعيد عنكم .. احسن اشي زي ما تفضل المحنك مروان بعد نص الليل

[علي درويش الرمحي]

الحمد الله عندي غسالة اوتومتيك بتغسل لحالها
بالنسبة للجلي حاول يا اخي ما تكوم الجلي على حالك يعني بعد كل وجبة قوم اجلي
والطبيخ ربك الرزاق الكريم
هههههههههههههههههههه

[ابو محمد عماد]

اهلا بالجميع في النادي العريق ...
اي استفسار انا جاهز ..

بعد كل وجبة اجلي يا ابو محمد .. عشان ما يتراكم ..
بالنسبة للزبالة بعيد عنكم .. احسن اشي زي ما تفضل المحنك مروان بعد نص الليل

معلم ابو فارس
يعني الجلي أول بأول,,,,عشان مايتكوم
الزبالة بنص الليل ,,, متفقين عليها هاي
طب نشر الغسيل أو تغيير الحفاظات للولد ,,,كمان أول بأول؟
مش راح تلحق

[ابو محمد عماد]

الحمد الله عندي غسالة اوتومتيك بتغسل لحالها
بالنسبة للجلي حاول يا اخي ما تكوم الجلي على حالك يعني بعد كل وجبة قوم اجلي
والطبيخ ربك الرزاق الكريم
هههههههههههههههههههه

الله برزق فعلا

علي

ممكن تقوللي شو بتعرف تطبخ