للمتزوجين فقط

[ابو محمد عماد]

انتهت قبل قليل قمة الأسبوع ال11 بين فريقنا وضيفه فياريال بفوز كبير وصعب ومثير بكامل تفاصيله بثلاثية مقابل هدف وحيد للضيوف .

افتتح فيا سجل الاهداف بالدقيقة "22 ،ثم مارس ميسي هوايته بتسجيله ثنائية في الدقيقتين "58 و "83 ، سجل هدف الضيوف الوحيد نيلمار في الدقيقة "26 .

شهد اللقاء مهازل تحكيمية قادها حكم الراية المساعد تحت أنظار حكم الساحة باحتسابه عدة تسللات كانت صحيحه في مجملها وكان منها هدف صحيح لم يحتسب أسفر عن هدف الضيوف بهجمة مرتدة مباشرة .

شهد اللقاء ايضا حضور ملك الأردن وعقيلته والابناء في المقصورة الشرفية .

[IiI_anas_IiI]

للأخوة المتزوجين

شو بتنصحوا

نجلي الجلي الصبح قبل ما نطلع على الدوام
والا المسا

الجلي بتجليه المسا ,,, إذا ظل للصبح المطبخ بطلع له ريحة

والغسيل أي فترة أنسب لتشغيل الغسالة ونشر
الغسيل

الغسيل بعد الظهر وقبل العصر ,,, والنشر ثم ثم وأول بأول

الطبيخ مافي مشكلة ,,,, بنطلب من المطعم

بتنصحوا بتنزيل كياس الزبالة الصبح؟ والا المسا
أي وقت أستر؟

وقت المسا راح تلاقي جيرانك كلهم بكبوا زبالتهم ,,, هههه وكثار بفكروا بالسترة وآخرتها ,,, فزلام الصباح جزر المساء والعكس صحيح لما تنكب الزبالة

أنا أخذت الكورس نظري ,,, وأكم من شهر راح أطبق عملي

[ابو عمار الجنيدي]

مرحيا بك مع فريق الجزر اخي ابو محمد
هون في فريق الجزر تم تشكيله قبل فتره المسؤولين عن الفريق
ابو احمد نشوان
وأبو فارس
وقاسم ابو فاره
وباسل بدير اللي قرر الاعتزال وإقامة مباراه بعد عودة الأخت ام العبد من الكويت
ان شاء الله هدول رح يساعدوك ويجابوا على أسئلتك

[ابو عدي]

بعد كبرن البنات بالدار اعتزلت وسلمت المهمة ... لكن عندي نصائح من الزمن الغابر

شغل الغسالة ورح اجلي ... هون عندك حل من اثنين

...اما ....

بتحط ايديك بالجلي و بعد ما تليف الجليات بتكون الغسالة خلص شوطها وهون الموقف بيعتمد هل هي اتوماتيك والا من عصر ما كانت ستي تلعب بالحارة اذا كانت اوتوماتيك هيك نفدت بريشك وبترجع للجليات (بتبحهن) وتشطفهن كويس وتنساش الكاسات يكون بابهن تحت علشان يتنشفن .... اما ان كانت الغسالة احم احم عندها برضه بترجع تكمل الجليات وبعدين بتروح تنشر الثم الاول ....

.... او .....

اذا طبختك فيها رز او فيها لحمة هون بتعلق اللحمة ع النار قبل ما تبلش بأشي وبعدها بترجع للخطوة أعلاه في ( ...اما ....)

خليتوني أحن لأيام العزوبية وأيام لبنان سنة 1980 - 1982 ... هيك كنت أسوي .... عموما مش غلط أعطيني جزرة من عندك

[جهاد علي]

بتفق مع اخي ابو عمار وعليك بقاسم ابو فارة
يجيد التمركز في الثلاث مواقع المذكورة وبشكل
احترافي

[باسل بدير]

شوف يا أخوي يا ابو محمد و ولا يهونوا الشايفيين ,, ما اعتقد حد يخدمك ويعطيك معلومات صحيحه إلا الأسد الجسور وهرقل الموقع جمال نشوان

[باسل بدير]

عموما مش غلط أعطيني جزرة من عندك

أكشرها ولا بكشرها ؟

[أبو جندل☻]

خيو من واقع خبرة ..

بس تكحش المدام على الاردن " قصدي بس تنزلها اجازة"

عليك بالصحون البلاستيك والكاسات الورق..

بتوفر على حالك جلي .. ووجعت قلب

اما بخصوص الغسيل .. كوم هالغسيلات وحطهم بالغساله طبعا في حالة الغسالة اتوماتيك .. واقعدلك على النت شوي ولا ما بتسمع الا صوت طوط طوط يعني الغسيلات انتهوا.. وبعد هيك انشرهم ..

واجازة سعيدة وراحة بال ونوم عميق وداعاً للازعاج

[عبدالله الكعكة]

ههههههههههههههههههههههههههههههه
هههههههههههههههههههههههههههههههههههههههه هه
هههههههههههه

الله يقويكم يا رب

والله ما في اسد بفش الغل هون إلا جمال نشوان
هههههههه

[مالك]

بالنسبة الي احسن حل مفش احسن من الثانية هيك بتجيب وحدة تساعده وبحالات متل هاي بس تغيب المرة عن البيت بكون عندك وحدة تساعدك وبكل الحالات انت بتوخذ الأجر لانه نيتك تساعد الاولى مش اكثر

وهنيالك يافاعل الخير

[مالك]

شايفين شو فائدة الزوجة الثانية يانساوين يابتوع المدارس

[jamal nashwan]

مرحيا بك مع فريق الجزر اخي ابو محمد
هون في فريق الجزر تم تشكيله قبل فتره المسؤولين عن الفريق
ابو احمد نشوان
وأبو فارس
وقاسم ابو فاره
وباسل بدير اللي قرر الاعتزال وإقامة مباراه بعد عودة الأخت ام العبد من الكويت
ان شاء الله هدول رح يساعدوك ويجابوا على أسئلتك

أبو عمار لا تخلط الأمور ، الكل يعلم أن " أبو أحمد نشوان "
رئيس جمعية الأسود والوحوش الضارية ،،
للتذكير وأخذ العلم ..

توجيهاتكم وتعليماتكم لإجابة طلب الأخ " أبو محمد عماد "
وتقبلوا منا ناضج الجزرات ..

شوف يا أخوي يا ابو محمد و ولا يهونوا الشايفيين ,, ما اعتقد حد يخدمك ويعطيك معلومات صحيحه إلا الأسد الجسور وهرقل الموقع جمال نشوان

أيوة ،، احسدنا عَ الشوف وعَ النظر يا ابو الجزر !.

أكمّن يوم قعدِت حاطط إيدك على خدّك ومش شايف الفضا ؟.
طلِّع من هالجزرات اللي عندك وفيدُه للزلمه ،،
خبراتك ضرورية ولازمه والله لابو محمد ..



* * *
أبو عمار وأبو العبد

إليكما : -
رمتني بدائها وانسلّت !.

[jamal nashwan]

ههههههههههههههههههههههههههههههه
هههههههههههههههههههههههههههههههههههههههه هه
هههههههههههه

الله يقويكم يا رب

والله ما في اسد بفش الغل هون إلا جمال نشوان
هههههههه

حيّو عبد الله ،، أسد المستقبل ،،
و " سي السيد الجديد "

[قاسم ابو فاره]

بتفق مع اخي ابو عمار وعليك بقاسم ابو فارة
يجيد التمركز في الثلاث مواقع المذكورة وبشكل
احترافي

شكرا لك أخي الكريم على هذه الثقة المطلقة،، وإن شاء الله ما بخيب ظنك،، والآن فورا رح اراسل أبو أحمد نشوان وأجيب منو الصافي،،،

[قاسم ابو فاره]

مرحيا بك مع فريق الجزر اخي ابو محمد
هون في فريق الجزر تم تشكيله قبل فتره المسؤولين عن الفريق
ابو احمد نشوان
وأبو فارس
وقاسم ابو فاره
وباسل بدير اللي قرر الاعتزال وإقامة مباراه بعد عودة الأخت ام العبد من الكويت
ان شاء الله هدول رح يساعدوك ويجابوا على أسئلتك

والله ما النا غنى عنك يا كبير الجزريين،،،