بوط وطابة او وفطبول ... عندك منه؟

[IiI_anas_IiI]

والا الطبة سبع جلد ,,,
هههه تلعب فيها صيد العمود ,,, أو سبع شحف ,,, أو سبع جور والراس حي

بعرفش شو كصة الركم سبعة معنا

ههههه حتى الموس تبع أبو أكرم الي كان يبعط فيه الفطابل سبع طكات

خزكنا الحارة وحفرناها جور ,,,, يا ويل قلبي محلاها من أيام

نلعب جلول ,,, مفرد مجوز ,,, شبر صيد ,,, أو فنة هههه طكي طكك أو ظربي ظربك ,,, هاي طكي طكك او ظربي ظربك آخر فرصة للفوز أو الخسارة ,,,

[IiI_anas_IiI]

كان اسود وعالداير خطوط أبيض والربّاط أبيض بجوز طوله 2 متر وبكينا نعمل الف عقده وإحنا نربط فيه

بعدين ببينش اذا سريع والا لا غير لما نلعب زكوطة هههه

[IiI_anas_IiI]

أبو عدي كل العذر حولنا لك مسار الموضوع وفتحنا كصص ملهاش علاقة بالفطبول والبوط الصيني

[مارد85]

الفطبول هاظ لحقته لما كان بنيييييرة وربع ...اما البوط ما لحقتو لحقت بوووووووط الاصابع اللي عرضوا انس ...
يرحم ...زمن اول حول

[مالك]

ياه على هذيك الايام بس مشكلته انه كنا نسمع بهدلة خاصة بالصيف لما كنا نركظ بحوش الدار ويعلم على الارض حزوز من اصابع البوط" زي تخميسة عجال الكاوشوك"

[قاسم ابو فاره]

كانوا يجيبو دعايتو بالتلفزيون واحد بينط من الشباك من عشرطعشر طابق وما بيصير فيه اشي،،
أول مرة لبستو كان حقو دينار وربع،، وتخيلت حالي صرت لعيب لمجرد اني لبستو،،

[free palestine]

ذكريات مع هذا البوط ولا اروع بس مشكلته كانت انا ممنوع نلعب فيه بصالة النادي ( نادي شباب الحسين) .... ايام جميلة ولا اروع كنا نلعب فطبل 25 ساعة في اليوم

[سوا ربينا]

كان في بوط اله اصابع وكان ممنوع ف المدرسة والمسموح فيه هو هذا اللي ف الصورة اللي نزلتها انت يا ابو عدي
والسبب كان الاصابع يشحم ارضية المدرسة .
وبالنسبة للفطبول ياما اتسطحن معنا .
بس فيه بوط كان لونه ازرق برقبة كنا نسميه "فلاش" ، كان حقه تسعين قرش وقتها ، والان نفس النوعية نازلة برقبة وبدون وحق الواحد مش اقل من 15 و20 دينار لانه ماركة ،،،، يعني اللي قبل مش ماركة ، مهو كان احسن من بوط اليوم....


ويسعدلي فطبولك يا ابو احمد

[jamal nashwan]

ويسعدلي فصبولك يا ابو احمد

يا رجل الله يسعدك انت يا صاحي ..

انت اللي انتبهت للفصبل !.

حرف الطاء في السطر الثاني من الكيبورد في أقصى اليمين وحرف الصاد في السطر الأول منه وفي أقصى اليسار ، يعني مش غلطة مطبعية منّي ، إحنا - ولاد الحارة - وقتها والله كنا نسمي فطبل الجلد ( فصبل ) وهظاك البلاستيك ( فطبل ) !!..

بالليل بفرجها الله ع قصص الفطابل والبوط الصيني وجزمة الكاوتشوك ( إم التبقبق )
بقبق بقبق بقبقيك ...

[ابو عمار الجنيدي]

ههههههه
هيك أنتوا فرش
أولا يا معلم الفطبول نوعين نوع لونه على بني فاتح وكان سعره عشرين قرش جلد محفور
والنوع التأني براني جواني وهذا اللي معه مصاري كان سعره يلحق ليره ونص وليرتين
البوط الصيني الأصلي اسود ومخطط بأبيض وبوزه نازل شويه صح مثل ما حكى ابو احمد نشوان
ونشخص فيه مع الفوتيك وكان سعره البوط 45 قرش والبوط الصيني ابو رقبه أرخص شويه سعره 30 أو 35 قرش
لي عوده انا بحب الحركات هاي
ابو عدي هات ما عندك لأعطيك ما عندي

[jamal nashwan]

ويسعدلي فطبولك يا ابو احمد

يا رجل ليش عدّلتها ؟!.

[jamal nashwan]

وأنا زي أبو عمار إلي رجعة بالليل !.

والله لنكيّف ..

[سوا ربينا]

يا رجل الله يسعدك انت يا صاحي ..

انت اللي انتبهت للفصبل !.

حرف الطاء في السطر الثاني من الكيبورد في أقصى اليمين وحرف الصاد في السطر الأول منه وفي أقصى اليسار ، يعني مش غلطة مطبعية منّي ، إحنا - ولاد الحارة - وقتها والله كنا نسمي فطبل الجلد ( فصبل ) وهظاك البلاستيك ( فطبل ) !!..

بالليل بفرجها الله ع قصص الفطابل والبوط الصيني وجزمة الكاوتشوك ( إم التبقبق )
بقبق بقبق بقبقيك ...

هههههههههههههههههههه

يسعدك يا ابو احمد
اول مرة بعرف هلمعلومة

عاد احكي للي عدل مشاركتي واجا يتفصحن علي لحالي وما عدل مشاركتك الاولى اللي فيها فصبول،،،

والفطبل ،، أنا لحّقِت النوعيه اللي قبله وحسب الجيبه ( إذا كانت مليانه برايز من العيدية ) يا إما كنا نشتري الفطبل البلاستيك إذا كان الطفر ظارب أطنابه ، يا إما نشتري الفصبل الجلد الْمْحَزّز لما تكون الجيبه مزقططة ..

احنا اولاد البطة السودا يا ابو احمد ،،منتا مش عارف مين احنا !!!!!

يا جماعة صرت لما اجي اضحك الاقي حدا ناكشني بأي طريقة !!!!!!

[سوا ربينا]

يا رجل ليش عدّلتها ؟!.

ما احنا من عامة القوم ،،،، موجودين زيادة عدد بس

[سوا ربينا]

يا رجل ليش عدّلتها ؟!.

انا مش زيكو

علي الهسهس ما برجع حتى طوبولي اياها