بوط وطابة او وفطبول ... عندك منه؟

[ابو عدي]

الأردني رأفت علي
36% | 18,743 صوت

[jamal nashwan]

ابو عدي ،، هاظ البوط صيني مش أصلي لإنه بوزه نافخ من قدام ،، الأصلي كا بيجي مسح ،، بعدين الخط اللي ع الداير كان مايل ع صَفَار !..

[jamal nashwan]

والفطبل ،، أنا لحّقِت النوعيه اللي قبله وحسب الجيبه ( إذا كانت مليانه برايز من العيدية ) يا إما كنا نشتري الفطبل البلاستيك إذا كان الطفر ظارب أطنابه ، يا إما نشتري الفصبل الجلد الْمْحَزّز لما تكون الجيبه مزقططة ..

[jamal nashwan]

بلكي اليوم بالليل لفّت معنا البُنديرة بهالزمانات واتذكرنا قصص البوط الصيني والفطبل المرقّع !.

[عبدالله الكعكة]

يا عمي هاظ البوط الصيني زهقت وانا بشوفو على رجلين المصاروة .. بس بحكو إلي كان يلبسو زمان كإنه كابتن ماجد زمانه .. ولا واحد بقدر يقطع الكرة منه .. صحيح هل الحكي ؟ في منه ؟ معقول بوووووط ميسي هيك .. مشان هيك هو مثل الكابتن ماجد

[أبو ينال]

انهرى اصابعي منهم


المشكلة كان يعلم على الارضيا زي بريكات السيارات


واخخخخخخخخخخخخخخخخخخ على الريحة

اشي فاخر عالاخرررررررررررررررررررررر


عليم بالله كيماوي


الفطبول بدهم حريفة يلعبوا فيه

لانه بيفتل فتل بتشوط على جولهم بتعرفش كيف بتجي بجولك

اين انت يا حميدو

[IiI_anas_IiI]

البوط الاقدم منه الصيني البلاستيك أبو أصابع أسود وعلى زنار أحمر كان يضارب على النوعية هاي

النوعية هاي التقليد ,,, الأصلي منها كان البوز تبعه أبيظ وبشوط حامي ,,, هاظ شكله ما بشوط حامي ومش سريع ,,, كان عندي بوط سريع

هههه الله يرحم أيام فطابل الأوفيشال ,,, لما ( يبعط لك اياه أبو أكرم والا أم سعيد ,,, هات ورقع ,,, )

طريقة ترقيع الفطبول كالتالي :
بتقص لسان البوط الخربان الي شرى لك اياه أبوك قبل خمس أعياد ,,, ولازم يكون لسان البوط من النوعية البلاستيكية المرنة جدا ,,,

بتجيب علبة ( آجو ) وبتدهن لسان البوط شوي ,,, وبتحط مكان خزك الفطبول شوي

وبتتركه ينشف

أحيانا بكون خزك الفطبل مش معروف وين مكانه

طريقة اكتشافه بوضعه في ( جاط مي ) وغمر الفطبول في الجاط ,,, مكان الخزك راح يصير يبكبك ( بق بق بق )

[IiI_anas_IiI]

في حالة الطفر الحاد جدا ولا معلمانية على أبو أحمد

كل واحد في الحارة عندهم كمشة جواز جرابين خربانة يجيبها ,,, ونعمل طابة جرابين

[IiI_anas_IiI]

بعدين الفطبول لكل الحارة
أبو الليرة وخمسة وسبعين كرش هاظ الأصلي

مصروفك شلن ع المدرسة ,,, والسندويشة بكرشين ونص ,,, وكدامك خيارين ,,, يا بتحوش كرطة كرطة ,,, أو شلن على مدار أسبوع عشان تصير مساهم في الفطبول ويكون لك كلمة في الحارة وبتحكم عليه ,,, ههه أو بتكون كوي ومخاوي ع أولاد الحارة أنت الوحيد الي بتبطحهم كلهم ,,, بس حتى لو بكيت كوي ,,, ومش مساهم بتحس أنه ما الك كلمة وخلي كوتك تنفعك ^_^

[IiI_anas_IiI]

كاعدين برجعوا في الموظة الكديمة ,,, صارت الموظة الكديمة هسة بمسميات أخرى

البوط هاظ بطل اسمه بوط صيني ,,, صار اسمه شوز

ههههه كنا نشتريه من البالة بخمستعشر كرش وربع ليرة ,,, هسة عشان صار موظة صار سعره خمستعشر ليرة

أنداري

بس كان اله اسم هاظ البوط نسيت اسمه
مش البوط الصيني لا كان اله اسم ثاني

[IiI_anas_IiI]

بعدين كال بس صارت الناس تتركى ,,, وتترفع عن هاي النوعيات ,,, صاروا يشتروا بواط الأميجو الي بتظوي

[IiI_anas_IiI]

زي هاظ بس اله اصابع

والثاني بلاستيك واله اصابع

[باسل بدير]

كنت ألبس الأسود ابو أصابع ويا حبيبي على ريحته مع شوب وحر الكويت
ولا الكره ؟ يا ويل إمه اللي كانت الكره تيجي بوجهه كان ينسمط سمط
آه على هذيك الأيام

[IiI_anas_IiI]

زي هاظ تكريبا

[باسل بدير]

زي هاظ تكريبا

كان اسود وعالداير خطوط أبيض والربّاط أبيض بجوز طوله 2 متر وبكينا نعمل الف عقده وإحنا نربط فيه