شخصيه هذا الاسبوع ... اداره الموقع ابو عبدالله سردانه ( المارد الاخضر )

[jamal nashwan]

مالنا ومال الحكي... راسي كبيرة، عشان هيك بلبسش الا قمصان او بلايز قبة عريضة. بلبسش بلايز خنق لانه راسي كبيرة! خلقة ربنا.

ومرة رجل مسؤول قلي راسك كبيرة بدّي اكسرلك اياها، قلتله اذا كسرتها بتكبر زياده ، وبتغلب حالك وبتغلبني ... أقطعها احسنلك واحسنلي <دعابة> .. سلخني كف وضحكنا ومضى كل الى غايته < دعابة >

ههههههههههههه

بسّ ما يكونش مضى كلٌّ إلى خالَتِه !.

= = = = = =

والله أنت عـ راسي من فوق ، فووووووق يا ابو فايز ..

[khaled salameh]

حياك اخي خالد ،، شهادة اعتز بها ،،،

بس عليك عتب بصراحة ،، في الإمارات وما نشوفك ولا نلتقي فيك،،، لك واجب علينا ولازم نقوم فيها،، والله يبارك فيك

تسلم أخي ابو عبدالله .. يمكن بسبب اقامتي في ابوظبي لم نلتقي .. بس الايام جايه وان شاء الله بنزبطها ..

[Abu Hisham]

ولا بطيق الفيسبوك ولا سيرته ... حاولت اهضمه بس يا خيّي ما فيني. صدقني كنت بدّي اعلق اشي بس قلت هلأ بنطلي ابو عمر ويستل سيفه . فقلت خليك لابد بهالبردات احسنلك

أكيد، هذا المنتدى اهم بعشرات المرات من اي موقع اخر بما فيهم الفيسبوك. وهذا الموقع لا يرتقي الا بهمة رؤوس امثالك اخي ابو احمد والمارد وأبو صلاح وأبو لامار الهندي و القائمين عليه من الرعيل الاول والأجيال الشابة وغيرهم، دون ذكر اسماء لان القائمة تطول بالروس.

انتو بس حطولنا خاصية اللايك زي تاعة الفيسبوك عشان نتفشخر زيهم. وصدقا، لا اظن ان الفيسبوك سرق منا الأعضاء بقدر ما هاجرت الروس لأسباب اخرى يدري بها الأمريكان.

ابو فايز العزيز
أذكر قبل أكثر من سنتين العزيز الآخر أبو جندل اشتغل على موضوع اللايك والمفروض انه ظبط معاه بس شو صار بعديها ما بعرف .. لازم نرجع ننكش القصه مره ثانيه ، لأنه فعلا الشغله بتستاهل وما يضل الفيسبوك شايف حاله علينا فيها

[ابو محمد عماد]

أبو عبد الله
أبو بكر كل الحب والاحترام
عند هذه القامة حقيقة تتعطل لغة الكلام
فمهما تحدثت أو تحدث الأخوة في هذا الموقع عن هذا الرجل
تعجز الكلمات بل وأكيد لن تفي أبا بكر حقه
كل الحب والاحترام والتقدير
والى مزيد من آلعطاء
ادام الله عليكم وعلى صاحب البيت أبو عبدالله الصحة والعافية

[المارد الأخضر]

مهو بِحكيلك راسين في الإمارات بيجتمعوش !.
البلد بدها راس واحد ، وِانتو الاثنين أبو عبد الله ..

فـ دبّْروا روسكم ...

لا ما تشيل هم ابواحمد ،، مجموعين على الخير دوما وابداً

أبو عبد الله هظـــــــــــــــــــــــــــــاك ، وين مِتخبّي ؟!.
لا حس ولا خبر ، ولا جُفِّيّة ولا حامض حلو ولا شَرْبَتْ !.

ابوعبدالله مضغوط كثير هاي الفترة بشغله الله يكون بعونه ،،،

ئي ، ئي ، ئي !!.

شو أخبار اللي إحنا ضيوفه ؟.
وين راح ؟.

تعال يا طيّب ، يا ابو الطيبات ..
تعال احكيلنا شو آخر استعدادات رابطة الإمارات
وين انتو عن مباراة الرمثا والوحدات ؟.
شو عملتوا من لقاءات ؟.
وشو حضّرتوا من ترتيبات ؟.

عذرا ابواحمد عن الغياب هاليومين،،
كان عنا تجمع لمباراة الوحدات والرمثا يوم أمس ،، وتشرفنا بحضور الاخ سعيد والاخ صمت البشر ايضاً
لقاء كالعادة كان اكثر من رائع ،،، لكن كنا بامس الحاجة للفرح الاخضر حتى تكتمل بهجة اللقاء بالاحبة،، والحمد لله ،، وقدر الله وما شاء فعل،،،
وان شاء الله الاخضر يعوض هذه الاخفاقات في قادم اللقاءات

[المارد الأخضر]

بجتمعوا بمكان محايد ب راس الخيمة

تحية للأخ المارد الأخضر ولجميع الاخوة. مش عارف كيف ما حشرتش حالي بالموضوع من أوله .. عم احاول أفكر بسؤال بس مش ملاقي ... لكن صدقا أتشرف بمروري على موضوع يخصك وألقي تحية احترام ومحبة لك،

السؤال الوحيد الذي يحضرني ... تبدل رقم عضويتك برقمي ... وبدفع الفرق

مرة اخرى، تحياتي لك ولشخصك الكريم

حياك الله اخي الكريم
وانا اتشرف بك وبمرورك الكريم ابوفايز

رقمي على حسابك ومن عيوني ،، بس بشرط يرجعوا لي رقمي السابق

[المارد الأخضر]

العمدة
من اروع وارقى وانقى الشخصيات التي قابلتها في العالم الافتراضي .. ويملك الكثير الكثير من تاريخ الوحدات..
حقيقة مفخرة لنا

الله محييك الحبيب بلال ،،
صاحب التاريخ الرائع والجهد الوفير والكثير من سهر ليالي وعمل دؤوب في خدمة الوحدات نت

افخر بك اخا عزيزاً ابوجندل الرائع

[المارد الأخضر]

عاد أنا كنت أتوقّع تحشر راسك بين هالروس مع هالقامة الكبيرة ضيف هالموضوع ، وتقتبس مشاركتي اللي تحت هاي وتعلّق على ما جاء فيها ... مع إنّي بعرفك ، ما إلَكْش عـ الفيس بووك !.






لإنّـو في روس كبيرة قـدّ راسك يا ابو فايز ، بيهمّنا يكونوا هون أكثر من هناك ، وفي روس كبيرة كمان بيهمّنا إنهم يرجعوا يْطَلْطِلوا علينا على الأقل ثلاتّرباع ما هُمّـه مْداومين هنـــــــــاك .

مالنا ومال الحكي... راسي كبيرة، عشان هيك بلبسش الا قمصان او بلايز قبة عريضة. بلبسش بلايز خنق لانه راسي كبيرة! خلقة ربنا.

ومرة رجل مسؤول قلي راسك كبيرة بدّي اكسرلك اياها، قلتله اذا كسرتها بتكبر زياده ، وبتغلب حالك وبتغلبني ... أقطعها احسنلك واحسنلي <دعابة> .. سلخني كف وضحكنا ومضى كل الى غايته </دعابة>

والله يا جماعة الخير اجد ان الفيس بوك اكثر على المنتديات بشكل عام وفي كل مكان،،، ومثله التويتر في دول الخليج العربي
سابقاً كانت المنتديات تكاد تكون المتنفس الوحيد لجماهير الفرق بشكل عام،،، ومع ظهور الفيس والتويتر وغيرها تغير الحال ،، ولنا في عدد مستخدمي الفيس مثال وعبرة على ذلك

برأيي لا بد من مواكبة هذا الامر بطريقة ما،، كأن يكون للمنتدى صفحات رسمية على الفيس وتويتر،، بحيث تصبح هذه الصفحات او الحسابات تابعة للمنتدى ورافد له مع بقاء المنتدى الوسيلة الأم

هذا من ناحية مواكبة التسارع في عالم التواصل الاجتماعي ،،

من جانب آخر وكما اسلفت ،، لا بد من بعض المبادرات لجمع ولم الشمل للاخوة اللذين ابتعدوا،،، رغم اني اجد ان الابتعاد سببه ظروف الحياة بالدرجة الاولى والمسؤوليات التي زادت اليوم عن الأمس،، بالامس كنا (عزابية) ونقضي بالمنتدى اكثر من 12 ساعة،،، اليوم عنا أسر واطفال وهذا زاد عبء الحياة ومسؤولياتها،،،
هذا من جانب،، ولو افترضنا ان غياب عدد اخر من الاخوة بسبب خلافات ما،، برأيي لا يمكن لأي خلاف ان يبعدني عن المنتدى والبيت الذي كان له الفضل بعد الله في جمعنا وظل لسنوات بيتنا الاول ومتنفسنا،،

[المارد الأخضر]

تسلم أخي ابو عبدالله .. يمكن بسبب اقامتي في ابوظبي لم نلتقي .. بس الايام جايه وان شاء الله بنزبطها ..

بنتشرف اخي خالد ،، بيتك واخوك في اي وقت

[المارد الأخضر]

أبو عبد الله
أبو بكر كل الحب والاحترام
عند هذه القامة حقيقة تتعطل لغة الكلام
فمهما تحدثت أو تحدث الأخوة في هذا الموقع عن هذا الرجل
تعجز الكلمات بل وأكيد لن تفي أبا بكر حقه
كل الحب والاحترام والتقدير
والى مزيد من آلعطاء
ادام الله عليكم وعلى صاحب البيت أبو عبدالله الصحة والعافية

الله يبارك فيك ابومحمد على هذه الكلمات وهذا الإطراء غير المستحق،،
اخ عزيز وغالي ابو محمد ،، تسلم

[محمد الخطير]

ابوبكر ابوسردانة
عمدتنا الغالي رمز الاخوة والوفاء والانتماء
والله كلمات الشكر تخجل من وصفك ولن تعطيك حقك وصدقا شرف كبير معرفتك
شكرا للقدر الذي جمعنا بك يا عمدة وشكرا لمواقفك الرائعة بحقي وحق كل وحداتي ، نهجك وحبك الامنتهي للوحدات هو نهجنا وهو من نتمنى ان نكون عليه دوما وان نبقى الجنود الاوفياء في حب وحداتنا الرمز والكيان
*الصمت في حرم الجمال جمال *
شكرا للمنتدى على هاي اللفتة الرائعة بحق عمدتنا
#رابطة_جماهير_الوحدات_في_الإمارات_اليها_ انتمي

[jamal nashwan]

والله يا جماعة الخير اجد ان الفيس بوك اثر على المنتديات بشكل عام وفي كل مكان،،، ومثله التويتر في دول الخليج العربي
سابقاً كانت المنتديات تكاد تكون المتنفس الوحيد لجماهير الفرق بشكل عام،،، ومع ظهور الفيس والتويتر وغيرها تغير الحال ،، ولنا في عدد مستخدمي الفيس مثال وعبرة على ذلك

برأيي لا بد من مواكبة هذا الامر بطريقة ما،، كأن يكون للمنتدى صفحات رسمية على الفيس وتويتر،، بحيث تصبح هذه الصفحات او الحسابات تابعة للمنتدى ورافد له مع بقاء المنتدى الوسيلة الأم

هذا من ناحية مواكبة التسارع في عالم التواصل الاجتماعي ،،

من جانب آخر وكما اسلفت ،، لا بد من بعض المبادرات لجمع ولم الشمل للاخوة اللذين ابتعدوا،،، رغم اني اجد ان الابتعاد سببه ظروف الحياة بالدرجة الاولى والمسؤوليات التي زادت اليوم عن الأمس،، بالامس كنا (عزابية) ونقضي بالمنتدى اكثر من 12 ساعة،،، اليوم عنا أسر واطفال وهذا زاد عبء الحياة ومسؤولياتها،،،
هذا من جانب،، ولو افترضنا ان غياب عدد اخر من الاخوة بسبب خلافات ما،، برأيي لا يمكن لأي خلاف ان يبعدني عن المنتدى والبيت الذي كان له الفضل بعد الله في جمعنا وظل لسنوات بيتنا الاول ومتنفسنا،،

تْسُؤْ !.



أبو عبد الله أنت قاعد بتلف على الحل !.

موقعنا هذا بإمكانه يرجّع كل الأعضاء اللي راحوا منّو على الفيس بوك وصاروا مستخدمين هناك ، وبإمكانه يستقطب غالبية المستخدمين الوحداتيين على الفيس بوك اللي ما إلهم عضوية بموقعنا كمان .. وذلك :

1 - لما يتبنّى الموقع هون الطروحات والقضايا المهمة والمشاكل التي يطرحها الإخوة الأعضاء الدائمون هون في الموقع .

2 - لما الإخوة أعضاء الموقع الذين أخذوا جانبا وتفرغوا فقط للفيس ولصفحاتهم هناك يطرحوا قضايا بتهمّنا هون في الموقع ، ويطرحوا المشاكل والحالات التي يمر بها وحداتنا هون في الموقع ، ونتناقش فيها كلنا هون في الموقع ، كلنا كوحداتيين .. مش تِنْطَرَح قضية عـ الفيس ونلاقي واحد من غـاد وِلّا عشرة من هناك مش عارفين قرعة أبوهم من وين يدخلوا ويقعدوا ينظّروا في هالقضايا والمشاكل ، بحيث تيجي بدّك تردّ تلاقي جزاك قلة القيمة والبهدلِه وتطميلة الراس !.

أنا بهمّني موقعنا ، وبهمّني وحداتيينا في موقعنا ، وبهمّني قضايانا ، شو إلي بِـ ( غيرنا ) إذا كانوا بالملايين وأغلب طروحاتهم تكسير مجاديف وعرقلة مسيرة وتنظير ونَدِب حال وسوداوية ؟!.
وحتى لو كنا عارفين إنّو ( غيرنا ) هذول اللي بالملايين في منهم وحداتيّه ؟!!!.

أنا إلي في اللي هون ، وبسّ .

[jamal nashwan]

استكمالا لمداخلتي أعلاه ، لإنّو كثير من الإخوة الكرام بيظلّهم يحكولي إنتا بتكتب جرايد ، وبنلحّقش نقرأ ، أو بنزهق نكمّل .. ههههههه ، فحبّيت أجزِّئ المداخلة !.


المهم ، الفيس هذا مش انوجَد ولعلع في عـزّ تواجد موقعنا هذا ،، وعلى الأقل هذه اللعلعة وهذا التواجد من قبل 3 سنوات ؟!.
طَبْ ليش كان موقعنا هذا من قبل 3 سنوات يُنْغُل نَغِل بالأعضاء وكتاب الأعمدة والكلمة الواعية وبالحوارات واللقاءات وطرح القضايا والمشاكل وحل الكثير منها ، واللي ما ينحلّش منها عن طريق الموقع كان لرجال هذا الموقع مساهمات نسبية في حلها ، أو كان لهم بصمة ومؤشر ووضع اليد على الجرح في سبيل حلها ؟!..

الآن وما أدراك ما الآن - وخلّيني أحكي بصراحة - وبالشفافية اللي أنت بتحبها أخي أبو عبد الله ، الآن صار الكثير منّا بدّو يعملُّه مـGـعدِه على الفيس بعد ما هالموقع هذا عمل لُه اسم وعرَّفُه وأشهرُه ، وصار يجرّ معاه اصحابه وحبايبه من هالموقع هون للفيس هناك ، وانتقلنا من حالة الحوارات البنّاءة والنقاشات الجادة التي يسودها الاحترام المتبادل هون ، إلى حالة فرض الرأي وإثبات وجهة النظر الشخصية بالردح والملاخَمِه وخذوهم بالصوت ليغلبوكو !.

بحكي غلط وِلّا كلامي مش مزبوط ؟!.

[jamal nashwan]

وعموما أخي أبو عبد الله ، زيّ ما حكيتلك في مداخلة سابقة :

إحنا اللي بنقدر نعمل قيمة وشان وشِنْشان للفيس ولأي مكان بنتواجد فيه ..

زهّقتك أنا !.

[عبدالله الكعكة]

وعموما أخي أبو عبد الله ، زيّ ما حكيتلك في مداخلة سابقة :

إحنا اللي بنقدر نعمل قيمة وشان وشِنْشان للفيس ولأي مكان بنتواجد فيه ..

زهّقتك أنا !.

يزلمة انت عملت مشاركات اكثر منو مش بس زهقتو

هههههه