شخصيه هذا الاسبوع ... اداره الموقع ابو عبدالله سردانه ( المارد الاخضر )

[khaled salameh]

الاخ ابو بكر نشاط واضح وجهد كبير لخدمة الصالح الوحداتي يستحق الاشادة والتقدير .. لم يتح المجال ان التقيه رغم اغترابنا في نفس البلد وان شاء المولى ان نتشرف بمعرفته والاخوة أعضاء الرابطة في المستقبل القريب ..

[المارد الأخضر]

أهلا وسهلا وكل الحب والإحترام

حياك الله اخي

حقيقة قد لا يعلمها الكثيرين .... المهندس سعيد الجمل شخصية ستحق ان نقف لها احتراما وصاحب مشروع ريادي تم اقتراحة على ادارة النادي النادي اثناء حملة (أوس - 1) كان (لو تبناه النادي) سيدر دخلا معتبرا للنادي ولكن لأنه كان سيُضعف دور القوات المحمولة فد تم تجاهل مشروعه وكالعادة تم اجهاضه ..... ابو دماغ عالية سندباد الاماكن

من الممتع ان نرى هده الكفاءة تجوب العالم العربي تنثر التكنولوجيا وبدون ضجيج.

حياه الله وبنتشرف فيه وطالما انه ابن المنتدى مؤكد هو اخ لنا عزيز وغالي
حبيب القلب ابو عدي

[المارد الأخضر]

اقتبست رد اخي ابو احمد للتأكيد على احدى أهم سمات الشخصية المستضافة (رُب همة أحيت أمة) فأبو عبدالله صاحب الهمة والتي ننتظر منها ومن أمثاله ممن يحملون نفس الهمة ان يكونو قادة التغيير في العشيرة الوحداتية ... العطاء والتقديم بصمت والجلوس بالمقعد الخلفي دون ضجيج مع حفظ الحق للمجموعة وليس للفرد أهم ما يُميز الأخ والصديق المارد بحق وحقيق ابو عبدالله.

كنت أتمنى أن أخوض ببعض الاسئلة ولكنها من المقدسات المحرمات لدلك أكتفي بالترحيب فيك حبيب الشعب الوحداتي وآسر القلوب ابو بكر ابو سرداة (ابو عبدالله).

حبيب القلب ابو عدي ،، شهادة اعتز بها وهي نيشان على صدري من اخي الكبير

اسأل ابوعدي ،، بالعكس صدقني وتأكد تماماً لا يمكن لأي سؤال ان يضعني في حرج لأن مخافة الله كانت حاضرة قبل اي خطوة خطوتها في حياتي ،، وبالتالي لا ضير ،، كن مع الله ولا تبالي ،، يسعد قلبك

[المارد الأخضر]

السلام عليكم أخونا الاكبر "قيمة "ابو الشباب ابو عدي .. اطراء لا استحقه وافخر به وانت تعلم انك انت وابو احمد ومن خلفكم كل اعضاء الوحدات نت من ناشطين ومحتجبين ومن خلفكم كل من قال انا وحداتي الغوالي على القلب فانتم جميعا والله القلب والاهل والعزوة.

ساكون باذن الله على جهوزيه تامه دائما لاداء واجبي تجاه مخيمنا ونادينا واعلم انني سابقى مقصرا مهما قدمت واجتهدت فالوحدات بيتي وعائلتي .. من هذا المنطلق طلبت التعرف على شباب الامارات المبدعين واللذين افخر بهم جميعا وبعمدتهم اخونا ابو عبدالله.
سندباد تعب ابو عدي ويحلم برجوع نهائي الى عمان لا سفر بعده الا لمناسك حج او عمره او ترحالا خلف الوحدات ... التنقل والترحال وديمومه السفر داخل وخارج العالم العربي وعدم الاستقرار هد الحيل والبال "ادعيلنا".

حياك اخي سعيد ،،، نعتز ونفخر بك اخاً عزيزاً
اليوم سألت ابوهشام عنك ،، قال لي ما اتصل ،،، بانتظار اتصالك ويا ريت اليوم نتواصل للاهمية
انت مطلوب للشباب

[DAAS]

تشرفت بمعرفة ابو بكر منذ اكثر من عشر سنوات، شخص محب للوحدات وسباق دائماً بخدمة النادي وجماهيره، شخصية تجبرك على احترامها.
تحياتي ابو عبدالله ��

[المارد الأخضر]

الاخ ابو بكر نشاط واضح وجهد كبير لخدمة الصالح الوحداتي يستحق الاشادة والتقدير .. لم يتح المجال ان التقيه رغم اغترابنا في نفس البلد وان شاء المولى ان نتشرف بمعرفته والاخوة أعضاء الرابطة في المستقبل القريب ..

حياك اخي خالد ،، شهادة اعتز بها ،،،

بس عليك عتب بصراحة ،، في الإمارات وما نشوفك ولا نلتقي فيك،،، لك واجب علينا ولازم نقوم فيها،، والله يبارك فيك

[المارد الأخضر]

تشرفت بمعرفة ابو بكر منذ اكثر من عشر سنوات، شخص محب للوحدات وسباق دائماً بخدمة النادي وجماهيره، شخصية تجبرك على احترامها.
تحياتي ابو عبدالله ��

دعاس اخي الحبيب ،، الله يسعدك ويبارك فيك
يعني عشنا وشفنا اسمك ومشاركتك بالمنتدى رغم انك من الرعيل الاول

[jamal nashwan]

حياك اخي خالد ،، شهادة اعتز بها ،،،

بس عليك عتب بصراحة ،، في الإمارات وما نشوفك ولا نلتقي فيك،،، لك واجب علينا ولازم نقوم فيها،، والله يبارك فيك

مهو بِحكيلك راسين في الإمارات بيجتمعوش !.
البلد بدها راس واحد ، وِانتو الاثنين أبو عبد الله ..

فـ دبّْروا روسكم ...

[jamal nashwan]

أبو عبد الله هظـــــــــــــــــــــــــــــاك ، وين مِتخبّي ؟!.
لا حس ولا خبر ، ولا جُفِّيّة ولا حامض حلو ولا شَرْبَتْ !.

[jamal nashwan]

ئي ، ئي ، ئي !!.

شو أخبار اللي إحنا ضيوفه ؟.
وين راح ؟.

تعال يا طيّب ، يا ابو الطيبات ..
تعال احكيلنا شو آخر استعدادات رابطة الإمارات
وين انتو عن مباراة الرمثا والوحدات ؟.
شو عملتوا من لقاءات ؟.
وشو حضّرتوا من ترتيبات ؟.

[أبو فايز]

مهو بِحكيلك راسين في الإمارات بيجتمعوش !.
البلد بدها راس واحد ، وِانتو الاثنين أبو عبد الله ..

فـ دبّْروا روسكم ...

بجتمعوا بمكان محايد ب راس الخيمة

تحية للأخ المارد الأخضر ولجميع الاخوة. مش عارف كيف ما حشرتش حالي بالموضوع من أوله .. عم احاول أفكر بسؤال بس مش ملاقي ... لكن صدقا أتشرف بمروري على موضوع يخصك وألقي تحية احترام ومحبة لك،

السؤال الوحيد الذي يحضرني ... تبدل رقم عضويتك برقمي ... وبدفع الفرق

مرة اخرى، تحياتي لك ولشخصك الكريم

[أبو جندل☻]

العمدة
من اروع وارقى وانقى الشخصيات التي قابلتها في العالم الافتراضي .. ويملك الكثير الكثير من تاريخ الوحدات..
حقيقة مفخرة لنا

[jamal nashwan]

بجتمعوا بمكان محايد ب راس الخيمة

تحية للأخ المارد الأخضر ولجميع الاخوة. مش عارف كيف ما حشرتش حالي بالموضوع من أوله .. عم احاول أفكر بسؤال بس مش ملاقي ... لكن صدقا أتشرف بمروري على موضوع يخصك وألقي تحية احترام ومحبة لك،

السؤال الوحيد الذي يحضرني ... تبدل رقم عضويتك برقمي ... وبدفع الفرق

مرة اخرى، تحياتي لك ولشخصك الكريم

عاد أنا كنت أتوقّع تحشر راسك بين هالروس مع هالقامة الكبيرة ضيف هالموضوع ، وتقتبس مشاركتي اللي تحت هاي وتعلّق على ما جاء فيها ... مع إنّي بعرفك ، ما إلَكْش عـ الفيس بووك !.

أبو عبد الله يا بركتنا ، الفيس بوك ووسائل التواصل الاجتماعي الأخرى ولا إشي ، وما إلهاش قيمة ولا يمكن نخلق إلها هذه القيمة لما كل صاحب قلم وفكر واعي ورأي سديد يحرص على أن تكون هذه القيم مكرّسة هون في منتداه هذا ، لخدمته ومعالجة مشاكله بالحوار البناء هون وبالاحترام المتبادل في كل أمر يهمنا كوحداتيين ، والفيس بوك ووسائل التواصل الاجتماعية الأخرى رح تصير خرابِه بِتزعِّق فيها الغربان لحالها لبالها لما يقدِّر كل أصحاب القيم اللي ذكرتُهم أعلاه قيمة موقعهم هذا ، ويرجعوا يعالجوا كل قضايانا المهمة هون في بيتهم هذا !.

لإنّـو في روس كبيرة قـدّ راسك يا ابو فايز ، بيهمّنا يكونوا هون أكثر من هناك ، وفي روس كبيرة كمان بيهمّنا إنهم يرجعوا يْطَلْطِلوا علينا على الأقل ثلاتّرباع ما هُمّـه مْداومين هنـــــــــاك .

[أبو فايز]

عاد أنا كنت أتوقّع تحشر راسك بين هالروس مع هالقامة الكبيرة ضيف هالموضوع ، وتقتبس مشاركتي اللي تحت هاي وتعلّق على ما جاء فيها ... مع إنّي بعرفك ، ما إلَكْش عـ الفيس بووك !.






لإنّـو في روس كبيرة قـدّ راسك يا ابو فايز ، بيهمّنا يكونوا هون أكثر من هناك ، وفي روس كبيرة كمان بيهمّنا إنهم يرجعوا يْطَلْطِلوا علينا على الأقل ثلاتّرباع ما هُمّـه مْداومين هنـــــــــاك .

ولا بطيق الفيسبوك ولا سيرته ... حاولت اهضمه بس يا خيّي ما فيني. صدقني كنت بدّي اعلق اشي بس قلت هلأ بنطلي ابو عمر ويستل سيفه . فقلت خليك لابد بهالبردات احسنلك

أكيد، هذا المنتدى اهم بعشرات المرات من اي موقع اخر بما فيهم الفيسبوك. وهذا الموقع لا يرتقي الا بهمة رؤوس امثالك اخي ابو احمد والمارد وأبو صلاح وأبو لامار الهندي و القائمين عليه من الرعيل الاول والأجيال الشابة وغيرهم، دون ذكر اسماء لان القائمة تطول بالروس.

انتو بس حطولنا خاصية اللايك زي تاعة الفيسبوك عشان نتفشخر زيهم. وصدقا، لا اظن ان الفيسبوك سرق منا الأعضاء بقدر ما هاجرت الروس لأسباب اخرى يدري بها الأمريكان.

[أبو فايز]

لإنّـو في روس كبيرة قـدّ راسك يا ابو فايز ، .

مالنا ومال الحكي... راسي كبيرة، عشان هيك بلبسش الا قمصان او بلايز قبة عريضة. بلبسش بلايز خنق لانه راسي كبيرة! خلقة ربنا.

ومرة رجل مسؤول قلي راسك كبيرة بدّي اكسرلك اياها، قلتله اذا كسرتها بتكبر زياده ، وبتغلب حالك وبتغلبني ... أقطعها احسنلك واحسنلي <دعابة> .. سلخني كف وضحكنا ومضى كل الى غايته </دعابة>