طلب مساعدة ((مش مصاري)) أدخل وماتخاف

[Owen]

اخ ابو محمد
تشامبيكس ممتاز جدا حتي طريقة الاقلاع مافيها غلبة بتدخن عادي وانت بتتركة لوحدك هو برسل اشارات للدماغ الفتره العلاجية اظن ثلاث اشهر الدوا غالي بس كويس
حسب كتير ناس انا جبتة صراحة واول علبة جبتة تقريبا 43 دينار بس ما استخدمتة لااني مابدي اساسا ابطل تدخين بس انت اذا بدك اتبطل هاد هو العلاج الافضل

[جهاد علي]

الموت واحد بد خان ولا بدون دخان وعلى شو خايف
اراده ماكو عندك عشان هيك دخن وما بصير غير الي كاتبه ربك

نصيحة عاشق التدخين جهاد علي

[ابو محمد عماد]

اخ ابو محمد
تشامبيكس ممتاز جدا حتي طريقة الاقلاع مافيها غلبة بتدخن عادي وانت بتتركة لوحدك هو برسل اشارات للدماغ الفتره العلاجية اظن ثلاث اشهر الدوا غالي بس كويس
حسب كتير ناس انا جبتة صراحة واول علبة جبتة تقريبا 43 دينار بس ما استخدمتة لااني مابدي اساسا ابطل تدخين بس انت اذا بدك اتبطل هاد هو العلاج الافضل

43 دينار العلبة؟ ؟؟؟؟؟علبة وحده؟
ال 43 دينار بجيبو كومة باكيتات دخان
بعدين موضوع الإشارات للدماغ بخاف منو بلاش تطلع إشارة مش ولابد وين اصفي بعدين؟

[ابو محمد عماد]

الموت واحد بد خان ولا بدون دخان وعلى شو خايف
اراده ماكو عندك عشان هيك دخن وما بصير غير الي كاتبه ربك

نصيحة عاشق التدخين جهاد علي

هاي أقوى مشاركة خوفتني بصراحة
وحد الله أبو إبراهيم
خابرك عاقل

[ابو محمد عماد]

أبو محمد .. الحل عندك فقط .. استفيد من نصائح الأطباء وخبرات المجربين ..
أحد أصدقائي عمل قسطرة عند د. يوسف القسوس عام 2006 وتوقف عن التدخين وغير نوعية حياته .. عام 2011 عاد للتدخين وطبعه السيء السابق "العصبية والإنفعال" فدخل المتاعب مرة أخرى وبالتالي أعاد العملية عام 2013 في دبي ..

التدخين في غاية الخطورة على حالتك .. صديقي كان يحدثنا عن ما قاله له د. يوسف القسوس بعد العملية الأولى من أن قلبه قد عاد شبابا وأنه في حالته هذه بعد القسطرة قد أصبح كحالته قبل عشرين سنة من القوة والنشاط ولكن كل هذا سيكون هباء إن عاد إلى التدخين ..

ما شاء الله .. قلبك رجع شباب .. جدد شبابك .. اتجوز !!

هاي كمان بتخوف
واللي خلى رجلي يرقصن موضوع شباب واتجوز
الله يستر عليك أبو عبد الله
شكلها فعلا راح تكون ماساة مغترب

[ابو محمد عماد]

نصيحتي لك يا كبير

خد عهد على حالك كل ما تدخن سيجارة تقوم تتوضأ وتصلي ركعتين وتدعي

انا ما بمزح

جرب هاي التجربة وشوف شو بصير معك

حتى لو كنت متوضي بعد كل سيجارة قوم توضأ وصلي ركعتين لله

وانا بأذن الله في اقل من شهر بضمنلك تكون تارك التدخين

أبو ينال هذا امتحان يارجل
انت بتدخن؟
لاتقوللي بس ارجيلة ! !!
إذا ارجيلة بعد كل نفس قوم توضى وصلي أربع ركعات

[ابو محمد عماد]

بالك بسترجي يعملها

سوسة
أن شاء الله

[ابو محمد عماد]

يا قلبي كل ما جفني بِكِي امشي
روح اسأل لي حبــــايبنا بِكُـم شي
عســــاك تعــــود وموفــــق بِكمشِــه
من التـراب الْـ مِشوا عليه الحباب

* * *

بنبطـلو سوا يا ابو محمّــد لما نعـــود !.
خلّـيك صــامد ..

على الله تعود على الله .. يا ضايع في ديار الله .

شو مالك ابو احمد؟؟
خوفتني عليك يارجل
من ناحية الصمود ماتقلق
احنا اللي صمدنا الصمود ولولانا عمر عمرو ما صمد

[ابو محمد عماد]

السهل الممتنع....

اسهل شي عندي هو ترك التدخين تقريبا تركته حوالي ثلاثين مره

بس بجد،
التدخين عباره عن مزيج من ادمان جسدي (نيكوتين) وإدمان سلوكي (عادة).
قوة الإرادة هي العامل الأساسي بترك الدخان، فمثلا برمضان هناك قوة إرادة لتركه مؤقتا خلال فترة الصيام. المهم بالموضوع، اذا كنت لا تستطيع تركه مرة واحده، فاجعلها على مراحل مع تغيير النمط السلوكي. فمثلاً:
- ممنوع التدخين بالبيت، ان أردت ان تدخن فاخرج خارج المنزل، عالبرنده مثلا او ع السطوح. (التخين بالبيت مضر جدا للآخرين وللمدخن نفسه فكأنك تدخن السيجارة مرتين... وذكر نفسك بالامراض السرطانية وامراض الجهاز التنفسي (بعيد الشر) التي قد تصيب أهل بيتك وهم لا دخل لهم ان كانوا غير مدخنين)

- قرر ان تدخن سيجارة واحدة كل ساعه... يعني عند تمام الساعة دخن سيجارة واحدة فقط، واعتمد هذا البرنامج حتى لو لم تشعر انك تريد تدخن. هذا يعني انك ستدخن حوال 15 سيجارة يوميا. هذا سيساعد على تقليل نسبة النيكوتين بالجسم، وسيعتمد جسمك على هذا المعدل. ثم بعد ان تتعود على هذا المعدل، بعِّد الفترات الزمنية الى ساعه ونصف او ساعتين، حسب قدرتك طبعا. بالنهاية ستصل الى مرحلة تستطيع ان تترك الدخان. (ان دخنت سيجارتين بدلا من سيجاره، فعاقب نفسك بان لا تدخن في الساعة القادمة)

- حاول ان تبتعد عن الأجواء التي تثير فيك رغبة التدخين، مثلا، اذا كانت لعبة طاولة او شدة تجعلك ان تدخن اكثر من اللازم، فإما ان تبتعد عن هذه الأجواء، او غيّر من هذه الأجواء بحيث يكون التدخين صعبا او مستحيلا فيها. مثلا اذا كانت اجواء لعبة او جمعة أصدقاء، فلتكون في مكان ممنوع فيه التدخين.

- غيّر نوع الدخان لنوع لا تستصيغه، فمثلا اذا كان دخانك مارلبورو احمر، غير لأبيض او لنوع تاني.

وهكذا، الفكرة هي التغلب على جانب العادة ومساعدة الجسم على التخلص من ادمان النيكوتين.

طبعا الكلام اسهل من الفعل، ولكن قوة الإرادة هي الفيصل بالموضوع .

اذا كل هذا الكلام مش حيزبط، فاستشير أطباء مختصين وادفع الف ألفين ليرة بحيث انك تستخسر العودة للدخان لكي لا تخسر ما استثمرته في مالك وصحتك وصحة العائلة الكريمة.

هي رابط لموقع أمريكي مختص: http://www.helpguide.org/articles/ad...it-smoking.htm
ورابط اخر https://www.webteb.com/quit-smoking/...ن/263#section

وبالتوفيق.

يارجل هاي جريدة الله يهدينا ويهديك
ترى مع الكبر الواحد مالو خلق يقرأ أكثر من سطرين
موضوع الشدة بعرفهاش ابوي الله يرضى عليه دايما بنهاني عن هالموضوع والطاولة نفس الشي

بس ممكن تغيير نوع الدخان يساعد معاك بهاي
لاني بلاحظ لما مابلاقي المارلبورو الأحمر واضطر اشتري نوعية ثانية
بلاحظ اقبالي ضعيف عليها

هاي مقنعة بعض الشيء
بس بدنا أقوى! !!!

[ابو محمد عماد]

قريت مشاركتك زنجلون وجدت فيها شيء ربما مبشر
انا بدخن من 35 سنة
ولكن معلومة جديدة بدي اضيفها ونسيت أذكرها
انو شخصيا وتقريبا من حوالي عشر سنوات لم ادخن سيجارة واحدة داخل البيت
وحتى ضيوفي المدخنين بسحبهم عالبلكونة
الدخان دائما وابدأ عالبلكونة
ومستمتع بالأمر وحتى نسبة تدخيني بالبيت أقل بكثير من النسبة خارج البيت

[أبو ينال]

أبو ينال هذا امتحان يارجل
انت بتدخن؟
لاتقوللي بس ارجيلة ! !!
إذا ارجيلة بعد كل نفس قوم توضى وصلي أربع ركعات

الحمد لله الي تارك التدخين 14 سنة

لا دخان ولا ارجيلة ولا حتى عيدان ملوخية

ومن فضل الله بطلت حتى احب اشم ريحته

[جهاد علي]

هاي أقوى مشاركة خوفتني بصراحة
وحد الله أبو إبراهيم
خابرك عاقل

لا اله الا الله
بالعكس لازم ثقتك تزيد اكثر ويروح الخوف
مع الاوضاع والعواصف الحالية ما ظل فيها عقالة
الدخان شيء جميل وانا متعلق فيه والله يستر ما نطور
الموضوع الى ما بعد التدخين
دخن اخوي ابو محمد وصدق ما حد بموت ناقص عمر
وبس تيجي الاراده لحالك بتبطله بدون مساعدة دكاتره

[جهاد علي]

الحمد لله الي تارك التدخين 14 سنة

لا دخان ولا ارجيلة ولا حتى عيدان ملوخية

ومن فضل الله بطلت حتى احب اشم ريحته

ولساتك عايش؟؟؟؟

[محمد عباهرة]

حلاوة الشب بسيجارتة لاتتركو ولا ترد على حدا ....... بالنهايه انتا الي تعبان مش احنا

[ابو محمد عماد]

حلاوة الشب بسيجارتة لاتتركو ولا ترد على حدا ....... بالنهايه انتا الي تعبان مش احنا

والله انك شيخ الشباب فعلا
الله يديم علينا وعليك الشبوبية