ايام التصويت وما تحمله من نهفات

[nemer75]

شباب الرياض .... بتشرفونا في بيت اخوكم اي وقت

مناسف ,,, مندي مظبي .....الخ ......وكنافة من ابو الهوس كمان

والله قدها يا اخ ماجد تسلم يا عمي

احلى اشي كنافة ابو الهوس والله بتذكريني في حبيبة البنك العربي

خلص ولا يهمك خلص خلينا نتفق ونلتقي ان شاء الله

[براء صبرة]

والله انكم يا شباب الوحدات نهفات
كل النهفات بتموت من الضحك

[free palestine]

انا كنت ادور على بروكسيات و برامج تغير IP وبالغلط نزلت برنامج معين وبعديها دخل علي هاكر وكنت مشغل ياهو والهوت ميل و غيري الباسورد لكل شي فاتحه ولولا ما لحقت حالي و زبطت الوضع كان راحو اميلاتي ههههههههه

[ابو بكر القدومي]

انا ما بسميها بالنسبة الي نهفات 00

اتعرضت لعشرات الزنقات00

كنت على إتصال مباشر مع زيد العمري وكان يؤكد لي وخصوصا طريقة البروكسي00

أن البرنامج دقائق ويكون جاهز00

ولما تأكدنا من البرنامج وبعث لي نسخه منه وجربته وتأكدت من نجاعته 00

وبعد أن تم التعديل ليكون سهل الاستخدام00

كانت الطامة الكبرى وهي البروكسات والتي قسمت ظهرنا00

وجميعكم تفاجئ بها00

[سامر ابوقوطه]

اذا عالزنقات يا عم ابو بكر
تعدش

[لطفي]

اذا على الزنقات يا عمي ابو بكر لا تعد انسى

اي اذا الحمام كنت انزنق بالساعات وما اروح هههههههههههه

[يحيى الحلو]

احلى نهفه واحنا بنعمل باجهزه الي بالنادي
قعدت للساعه 1 ليلا واحنا نعمل بالاجهزه
طلعت بدي اروح الاقي النادي فش فيه ولا حدا والباب مسكر
ومليان "بسس" خف عقل اهلي ضلمه وبسس وفش حدا
اتصلت على عساف قلتلو وين الحارس بالاخير نزل الحارس بعد ربع ساعه
فتحلي الباب بعد ما خف عقلي عالاخر
كان معي يحيى الحلو

ولك احكيلهم على نهفه الاجهزه لما ضربت بلوك

[يحيى الحلو]

عجبني تعليق احد الاخوة في موضوع التصويت ولغاية الان كل ما اتذكره بضل اضحك

اتوقع انه للاخ وحداتي بالغربة

انه فتح مكه يا رجال

[arlove]

كمان نهفة
انا ابوي ما بعرف اشي بالكمبيوتر وبالنت
طبعا علمتو طريقة التصويت

وصرت لما اطلع عالشغل يقعد هو ويصوت

وكان مبسوط لما كانت النتيجة لمصلحة رأفت
لما صار الي صار وتقدم الليبي صار ابوي يبهدل فيي قال ليش صار هيك
شوفولنا طريقة بسرعة
زعل عنجد وعصب

[ابو محمد وأوس]

احلى النهفات
كانت انتظار ساعة الصفر وكأننا في حرب حقيقيه والنصر مظمون ميه بلمبه ههههههههههههه
هههههههههههه

[سامر ابوقوطه]

ولك احكيلهم على نهفه الاجهزه لما ضربت بلوك

هههههههههههههه
يا زلمه هاي زنقه مش نهفه
احلى نهفه الغرفه الي فيها البلاوي جوا

[يحيى الحلو]

هذا يا اخوان على قد ما حكيت عن التصويت ايام ما كان رافت متصدر عنا بالشارع لحد الان الناس بتوقفني وتسالني شو صار بالتصويت

[علاء ناصر]

احلى نهفة صارت معي وتكررت كثيرا:
كنت أظل اغلق موضوع التصويت عشان الشباب كانت مرابطه فيه ونسو ان هناك مواضيع اخرى بالمنتدى بحاجة الى تفاعلهم معها وردودهم وفعلا كنت اغلق الموضوع واتابع المتواجدين بالموضوع لاجدهم متسمرين هناك وما غادرو الموضوع وقاعدين بنتظروا اي خبر او تعليق وكنت اغيب ربع ساعة وارجعلهم ونفس القصة اجدهم ما زالو هناك فلله دركم يا وحداتية
وبعدها تبلش الرسائل
افتحوا الموضوع حرام تسكروه وكنت ارضخ لطلباتكم لسبب بسيط وهو معرفتي لمدى عشقكم لقلعتكم الخضراء

[يحيى الحلو]

هههههههههههههه
يا زلمه هاي زنقه مش نهفه
احلى نهفه الغرفه الي فيها البلاوي جوا

احكيلهم عن حفله الشباب الي عملناها بالنادي

[ابو محمد وأوس]

انا ما بسميها بالنسبة الي نهفات 00

اتعرضت لعشرات الزنقات00

كنت على إتصال مباشر مع زيد العمري وكان يؤكد لي وخصوصا طريقة البروكسي00

أن البرنامج دقائق ويكون جاهز00

ولما تأكدنا من البرنامج وبعث لي نسخه منه وجربته وتأكدت من نجاعته 00

وبعد أن تم التعديل ليكون سهل الاستخدام00

كانت الطامة الكبرى وهي البروكسات والتي قسمت ظهرنا00

وجميعكم تفاجئ بها00

البروكسات عد ولا حرج
طلبتو منه نجمع مليون بروكسي بس زي قول السلام عليكم
اي شي بطير العقل من لبروكسي
هههههههههههههه