ايام التصويت وما تحمله من نهفات

[عصام الحوراني]

بدكوا احلى نهفة احلة نهفة كانت ساعة الصفر

يا شباب وين ساعة الصفر
دخيل رب الصفر بدهاش تتطلع هالساعة يا اخوان متى ساعة الصفر
يا اخوان اتاخرنا هيك صارت صفر وربع اتا خرنا على ساعة الصفر

[shadi byari]

رابعا :
في بداية التصويت اليدوي كنت أجلس ساعات أصوت ، وكانت زوجتي ( الديرابانية ) في البداية تصوت عني عندما أذهب للعمل ، لكن بعدين شافت الشغلة مطولة ، فقعت معها و سحبت على موال ( ما بنشوفك لا انا و لا بناتك ، شوف يا حرام البنت ابتتطلع عليك ، بدها اتلاعبها ... الخ ) و زادت الحالة الهستيرية ثاني يوم و بدوا الجيران يسمعوا
الأصوات بتلعلع ، و انا بقول الشباب بتصوت و بقدرش عيب اترك التصويت ، خلص شو صار كلها كم يوم ، واذا بأحد الأعضاء و يدعى الـ ( الديراباني ) بيقول شو صار يا جماعة ( هسة روحت حماتي ) ، فناديت زوجتي و شاهدت التعليق
وقلت لها الناس في ايش و الديراباني في ايش ملتهي بزوجته و حماته ، فقالت : و الله انه بفهم ،يعني لازم أنضرب على قلبي و اتزوج عباسي ، شفتوا اكثر منهيك عنصرية ، قلتلها : صحيح ما انتن الديربانيات حاكمات ، و لم تهدأ حتى وعدتها بشراء بسكليت رياضي آخر غير اللي خربتوا .

شفتوا شو اجاني من التصويت

تحية خاصة لاخونا الديرباني ( اللي بيفهم )

[باسل بدير]

من بداية التصويت لآخر يوم ما نمت الا بعد الساعه الثانيه والنصف او الثالثه قبل الفجر واذا بتسأل مرتي مين بتكرهي بيتحكيلك رأفت علي والشاطر يفهم

[حافظ صندوقة]

شباب الرياض .... بتشرفونا في بيت اخوكم اي وقت

مناسف ,,, مندي مظبي .....الخ ......وكنافة من ابو الهوس كمان

مل تنسو اخوانكم بالامارت

[التغريبة]

شباب الرياض .... بتشرفونا في بيت اخوكم اي وقت

مناسف ,,, مندي مظبي .....الخ ......وكنافة من ابو الهوس كمان

كبير من يومك واحنا جاهزين وفي سبيل الوحدات كل شيئ يهون عشان ننسق بين بعض حلوة كنافة ابو الهوس

[shadi byari]

خامسا :

بعد ان تبادلنا المواساة بالخسارة و كتب كل واحد اللي عنده في هذه المواساة و خلص الشباب خلصت و ابتتعارف
فاذا بأحد الاخوان يخرج علينا بهذه المشاركة متسائلا و لم اجد ردا الا :
--------------------------------------------------------------------------------

اقتباس:
المشاركة الأصلية كتبت بواسطة zozz

يا جماعة من أمس سمعت عن ساعة الصفر ... شو صار فيها؟

الرد :


صح بدنو .... بزرع بصل


الله يكون بالعون

تحيتي ابو الزوز

[التغريبة]

احلى نهفة صارت معي وتكررت كثيرا:
كنت أظل اغلق موضوع التصويت عشان الشباب كانت مرابطه فيه ونسو ان هناك مواضيع اخرى بالمنتدى بحاجة الى تفاعلهم معها وردودهم وفعلا كنت اغلق الموضوع واتابع المتواجدين بالموضوع لاجدهم متسمرين هناك وما غادرو الموضوع وقاعدين بنتظروا اي خبر او تعليق وكنت اغيب ربع ساعة وارجعلهم ونفس القصة اجدهم ما زالو هناك فلله دركم يا وحداتية
وبعدها تبلش الرسائل
افتحوا الموضوع حرام تسكروه وكنت ارضخ لطلباتكم لسبب بسيط وهو معرفتي لمدى عشقكم لقلعتكم الخضراء

وانا كنت اطلب يا مشرفين يا ادرة اغلق الموضوع لمدة ربع ساعة خلينا نركز في التصويت وبعد اغلاق الموضوع اضيع الوقت وانا اعمل رفرش للصفحه واقول الله واكبر ليش ردو علينا واغلقوا الموضوع وهاتلك رسائل خاصة شو صار عندك وخليهم يفتحو الموضوع.

[حافظ صندوقة]

احلى نهفة انه كنا نصوت والدرك بعيد عنا.........

[القيصر الصغير]

احلى نهفة صارت معي
بعد ما نزلت برنامج التصويت الاوتوماتيك
شغلته بالليل الساعه 1 وقلت خليني أنام
لأنو كنت اصحى س 6 على الشغل
المهم كل شوي بالليل أقوم أتفقد الجهاز
انو لسه بصوت ولا لأ
وراح الليل كله وما نمت قلت خليني ارجع اقعد احسن
وبالآخر صحيت علي الحجه وقالتلي :
يا حزيط خلصت الكاز من الصوبه
قوم نام تقوم قيامتك

[abu fade]

هههههههه

السلام عليكم

في البدايه وبما اني عضو جديد في المنتدى ووحداتي من ايام الجاهليه

وعند ظهور برنامج فونيكس الاول (المذهل بصراحه)

كانت مشاركاتي قليله او معدومه مجرد القراءه فقط

فقام احد الاخوه بالتعليق بان لايتم ارسال البرنامج الا للاعضاء القدامى واصحاب المشاركات الكثيره

فعندها وصلت حرارتي للمليون واصبحت اعلق على مشاركات الاخوه حتى ازيد عدد المشاركات

ومع ذلك لم يشفع لي فعلقت ((يا اخواني انا وحداتي وحامل لواء المارد في جريده الغد الملحق الرياضي))
فقام احد الاخوه الله يسهل عليه ورد ببروده اعصاب (للاسف انا بتابع حاليا الصحف الليبيه) فمت من القهر

فراسلت الاخ عمرو الاخضر قلتله والله انا وحداتي اذا بدك بطلعلك كرت المؤن( ضحك كثير وبعد ثواني كان عندي البرنامج على الخاص).


والنهفه الاخيره ابني كانت حرارته 39 وصرت اعمله كمادات وزوجتي جالسه جنبي وانا بصوت لرأفت الحمدلله نزلت

حرارته وصارت الساعه الواحده ليلا وبدنا ننام بس انا مش عارف انام واترك التصويت قمت صحيت ابني واخذته عند

الكمبيوتر بحجه ان حرارته ارتفعت وبده كمادات وظليت اعمل كمادات والولد مافي حراره بس علشان اصوت وجلست

للرابعه صباحا على هالحال والولد نشف من البرد وفي صباح اليوم الثاني صحيت متاخر على الشغل بتقولي مرتي

ليش ما رحت على الشغل قلتلها طول الليل سهران على الولد ومع العلم اني عطلت من الشغل ثاني يوم علشان اكمل تصويت

[abu fade]

احلى نهفة صارت معي
بعد ما نزلت برنامج التصويت الاوتوماتيك
شغلته بالليل الساعه 1 وقلت خليني أنام
لأنو كنت اصحى س 6 على الشغل
المهم كل شوي بالليل أقوم أتفقد الجهاز
انو لسه بصوت ولا لأ
وراح الليل كله وما نمت قلت خليني ارجع اقعد احسن
وبالآخر صحيت علي الحجه وقالتلي :
يا حزيط خلصت الكاز من الصوبه
قوم نام تقوم قيامتك

ههههههههههههههههههههه مت من الضحك

[القيصر الصغير]

ومن النهفات أيضا
لما سجل معنا عضو جديد
اسمه يوسف العموري
قام الأخ عبدالله السويطات وقال
هي كابتن الوحدات يوسف العموري سجل معنا
هههههههههههههههه

[ASHIQ AL GREEN72]

الله يعطيكم العافية والله انكم احلى شباب .........

فعلا كانت من اجمل اللحظات ايام التصويت ...........

[ابو احمد 75]

كانت ايام جميلة بغض النظر على النتيجة

[omarganem74]

أكثر نهفة فلقتني من القهر والحقد على الهذولاك لما قال الأغا إنه اللاعب اليبي حصل على 500000 صوت من الأردن
وأبت النذالة أن تفارق الهذولاك