تعالوا جاي : خلينا نغني تراث فلسطيني

[شهد نابلس]

يــــويــــا

يا ولاد حارتنا
يــــويــــا
نصبو طارتنا
يــــويــــا
طارتنا تطير
يــــويــــا
طير العصافير
يــــويــــا
تروي الأحزان
يــــويــــا
يوم سبت سبات
يــــويــــا
إجو الخواجات
يــــويــــا
أخدوا حارتنا
يــــويــــا
كسروا لعبتنا
يــــويــــا
و دواليب الدم
يــــويــــا
موت عمّ و طمّ
يــــويــــا
و رفضنا نهاجر
يــــويــــا
قالو الأوامر
يــــويــــا
و رفضنا نهاجر
يــــويــــا
عيني ماكو أوامر
يــــويــــا
قال ال بيقول
يــــويــــا
شده وبتزول
يــــويــــا
ولا شده زالت
يــــويــــا
ولا دنيا دارت
يــــويــــا
و صرنا لاجئين
يــــويــــا
بكرت التموين
يــــويــــا
و زي طير مهاجر
يــــويــــا
في الدنيا مسافر
يــــويــــا
يعني الموضوع
يــــويــــا
عيسى اليسوع
يــــويــــا
رجعو صلبوه
يــــويــــا
و برصاص طخوه
يــــويــــا
و الأمر الواقع
يــــويــــا
قمع و مواجع
يــــويــــا
ممنوع نشكي
يــــويــــا
و ممنوع نحكي
يــــويــــا
بنسكت ليش
يــــويــــا
لقمة العيش
يــــويــــا
طب نسكت ليش
يــــويــــا
لقمة العيش
يــــويــــا
يلعن أبوها
يــــويــــا
للي جابوها
يــــويــــا
و ليش السكوت
يــــويــــا
ما كلو موت
يــــويــــا
و نموت بعزه
يــــويــــا
و لا موتت معزه
يــــويــــا
و قرر هالشعب
يــــويــــا
طريقو الصعب
يــــويــــا
و ع هالاساس
يــــويــــا
يا كل الناس
يــــويــــا
إحنا الأطفال
يــــويــــا
أصغر أجيال
يــــويــــا
نستنا بيان
يــــويــــا
من اللجان
يــــويــــا
و في كرم التين
يــــويــــا
ننصب كمين
يــــويــــا
و إرجم يا مسخمط
يــــويــــا
حجرك المسخمط
يــــويــــا
سفينة نوح
يــــويــــا
بتيجي و بتروح
يــــويــــا
و باقي المجاميع
يــــويــــا
تجهز مقاليع
يــــويــــا
و بأغلى روح
يــــويــــا
حلفو الشباب
يــــويــــا
يا وطن مجروح
يــــويــــا
يا وطن مجروح
يــــويــــا
على كف الروح
يــــويــــا
قنية ملوتوف
يــــويــــا
دسنا عالخوف
يــــويــــا
و حررنا شوارع
يــــويــــا
و عنها بندافع
يــــويــــا
و إزا قلعو شجره
يــــويــــا
بنزرع عشره
يــــويــــا
شباب شباب
يــــويــــا
للأرض أحباب
يــــويــــا
و يالا يا أبطال
يــــويــــا
ما في محال

يــــويــــا

[شهد نابلس]

أغنية ارحل : كلمات : حسن ضاهر
غناء : أحمد كعبور
ارحــــــــــــــــــــــــــــــل
إرحل قالوا لي جند أتوا
من بعيد قالوا إرحل
دخلوا بيتي قتلوا ولدي إغتصبوا امرأتي ...
قالوا إرحل ...
حفروا في الوجه مغارة
مرّوا على جسدي زرعوا
في القلب رصاصة نصبوا لي الخيمة ...
قلت سأبقى مارداً جرحاً يعانق تربتي
و طرقت باب أمتي
وكانت نائمة و بقيت وحدي
وأمتي تحلم دخلوا وأمتي تحلم ...
قالوا إرحل ...
هذه بلادي واعلموا أن الصغار
من دورة الأحلام تمتلك القرار
من سجون الليل تنتزع النهار وتمضي عواصف ...

[صمت البشر]

أويهــــا
ارفـــع عينـــك يــا دياب واقشعهــــا
أويهــــا
وكـل مـا قلتلـك كلمـي إسمعهـــا
أويهــــا
وكـــل المـال يلّـــي حطيتـــوا
أويهــــا
مــا بيســــوى راس أصبعهــــا

أويها ..
واسكتي ياحنان لا تسمعيها ..
أويها
هي عنيها عالذهبات زايغة ولا طّمعيها ..
أويها ...
وخربت علينا الجيزة حنان بدعاويها
أويها ...
وينك يا محمد تتداويها ..
لولولولولوولولويش
ههههههههههههه الله يجزيك الخير صدقيني هذه المقتطفات البسيطة بدأنا ننساها في أعراسنا من ورا الديجي والحفلات !!

[صمت البشر]

أغنية ارحل : كلمات : حسن ضاهر
غناء : أحمد كعبور
ارحــــــــــــــــــــــــــــــل
إرحل قالوا لي جند أتوا
من بعيد قالوا إرحل
دخلوا بيتي قتلوا ولدي إغتصبوا امرأتي ...
قالوا إرحل ...
حفروا في الوجه مغارة
مرّوا على جسدي زرعوا
في القلب رصاصة نصبوا لي الخيمة ...
قلت سأبقى مارداً جرحاً يعانق تربتي
و طرقت باب أمتي
وكانت نائمة و بقيت وحدي
وأمتي تحلم دخلوا وأمتي تحلم ...
قالوا إرحل ...
هذه بلادي واعلموا أن الصغار
من دورة الأحلام تمتلك القرار
من سجون الليل تنتزع النهار وتمضي عواصف ...

يا الله ما أجمل هذه الأغنية ..وكم أعشق كلماتها ...
الله يجزيك الخير ...
بس لي ملاحظة ..طبعاً هاي للجميع ..لاحظت في المدة الأخيرة تكرار لقصائد كتبت سابقاً أكثر من مرة ..وأنا لا أعني هذه القصيدة ...لكن مثل يويا وغيرها ..
الله يجزيك الخير على جهودك الرائعة حقاً ...

[شهد نابلس]

يا الله ما أجمل هذه الأغنية ..وكم أعشق كلماتها ...
الله يجزيك الخير ...
بس لي ملاحظة ..طبعاً هاي للجميع ..لاحظت في المدة الأخيرة تكرار لقصائد كتبت سابقاً أكثر من مرة ..وأنا لا أعني هذه القصيدة ...لكن مثل يويا وغيرها ..
الله يجزيك الخير على جهودك الرائعة حقاً ...

مش سوري
بس اسفة ما شفتها بحاول ارجع للوراء قبل ما اختار اغنية

[صمت البشر]

وهادي تهليله للطفل قبل النوم


نيمتك في العلية ،،،،،،، خوفي عليك من الحية
تعاليله يا بدرية ،،،، بركن على صوتك ينام
نيمتك بالمرجوحة ،،،، خوفي عليك من الشوحة
تعاليله يا عندورة ،،، بركن على صوتك بنام

أو نني نني


هذا الاصطلاح أو نني يستعمل كثيرا عند تنويم الطفل
وكلمة نن ليست عربية بل ايطاليه ورومانية لها نفس المدلول الذي نستعمله في اثناء تنويم
الطفل


حدريجه بدريجه ،،،،، من حيها لبيها
قالت لي معلمتي ،،،، جيبي زيت وبصل
وقع الكوز وانكسر ،،،، حلفتني معلمتي
لتعلقني بالشجر ،،،،، والشجر مليان عروق
خبي إجرك يا ،،،،،، منيح يا عروس
يا أم الحلق ،،،،، والدبوس

يا مفطر بعد العيد ،،،،، حني اسعد وسعيد
حني عليه الالماني ،،،، خلي اسنانه قدامي
بكرة العيد وبنعيد ،،،،، بنذبح بقرة السيد
والسيد ماله بقرة ،،،،، بنذبح بنته الشقرة
والشقرا ما فيها دم ،،،، غير نذبح بنت العم
بكره العيد يا مسعود ،،، دارت المية في العود
يا سعيد ويا سعيد ،،، اليوم الوقفة بكره العيد
بكره العيد من حقه ،،،، بنقطع راسك يا سقا
بكره العيد والثاني ،،،، بنقطع راس ابو هاني
بكره العيد والثالث ،،،، بنقطع راس ابو عايد

صدقاً جميلات جداً ... والأخير كنا نرددها في الصغر ...جميل جداً

[صمت البشر]

مش سوري
بس اسفة ما شفتها بحاول ارجع للوراء قبل ما اختار اغنية

ههه ماشي يا "أوكي نايت" ...منين جايبيتها ...ال ليش خربو الأجيال ال ..
أنا آتٍ

أنا آت يا وطني آت

والعالم يرقب خطواتي

خطواتي عزم و إباء

وحياتي بذل وفداء

والثورة هي كل حياتي

الثورة هي كل حياتي

أنا آت يا وطني آت



أنا آت يا وطني آت

إني آتيك فدائيا

أنا آت يا وطني آت

موفور العزة عربيا

والعالم يرقب خطواتي

.....



أنا آت يا وطني آت

إصرار الثائر يملؤني

وأمانة شعبي تدفعني

رشاشي ينهي مأساتي

والعالم يرقب خطواتي

[صمت البشر]

أنا صامد

أنا صامد صامد أنا صامد
وبأرض بلادي أنا صامد
وان سرقوا زادي أنا صامد
وان قتلوا ولادي أنا صامد
وان هدموا بيتي يا بيتي
في ظل حطامك أنا صامد
أنا صامد صامد أنا صامد
* * *
وبنفس أبية أنا صامد
وعصا وشبرية أنا صامد
والراية ف إيدي أنا صامد
وان قطعوا إيدي والراية
بالإيد الثانية أنا صامد
أنا صامد صامد أنا صامد
* * *
بحقلي وبستاني أنا صامد
بعزمي وإيماني أنا صامد
بظفري وأسناني أنا صامد
وان زادت في جسمي جروحي
بجروحي ودمي أنا صامد
أنا صامد صامد أنا صامد

....أغاني ثورة "قديم"

[صمت البشر]

من سجن عكة ...كاملة

كانوا ثلاثة رجال يتسابقوا عالموت

أقدامهم عليت فوق رقبة الجلاد

وصاروا مثل يا خال وصاروا مثل يا خال

طول وعرض لبلاد

يا عين..

نهوا ظلام السجن يا أرض كرمالك

يا أرض يوم تندهي بتبين رجالك

يوم الثلاثا وثلاث يا أرض ناطرينك

من اللي يسبق يقدم روحه من شأنك

يا عين.



***

من سجن عكا طلعت جنازة محمد جمجوم وفؤاد حجازي

جازي عليهم يا شعبي جازي المندوب السامي وربعه عموما

محمد جمجوم ومع عطا الزير فؤاد الحجازي عز الدخيرة

أنظر المقدم والتقاديري بحْكام الظالم تيعدمونا

ويقور محمد أن أولكم خوفي يا عطا أشرب حصرتكم

ويقول حجازي أنا أولكم ما نهاب الردى ولا المنونا

أمي الحنونة بالصوت تنادي ضاقت عليها كل البلادي

نادوا فؤاد مهجة الفؤادِ قبل نتفرق تيودعونا

بنده عطا من وراء البابِ أختو تستنظر منو الجوابِ

عطا يا عطا زين الشبابِ تهجم عالعسكر ولا يهابونَ

خيي يا يوسف وصاتك أمي أوعي يا أختي بعدي تنهمي

لأجل هالوطن ضحيت بدمي كُلو لعيونك يا فلسطينا

ثلاثة ماتوا موت الأسودِ جودي يا أمة بالعطا جودي

علشان هالوطن بالروح جودي كرمل حريتو يعلقونا

نادى المنادي يا ناس إضرابِ يوم الثلاثة شنق الشبابِ

أهل الشجاعة عطا وفؤادِ ما يهابوا الردى ولا المنونا

فرقة العشقين ...

[شهد نابلس]

يا رايح صوب بلادي

-أحمد قعبور-
يا رايح صوب بلادي دخلك وصللي السلام
بلغ أهلي وولادي مشتقلن رف الحمام
سلي امي يا منادي بعدا ممنوعة الاحلام
وقلا اياما ببالي والله بتعز الايام

يا رايح صوب الليطاني دخلك وصللي السلام
صبح اهالي النبطية وطل شوية ع الخيام
وقلا انه الحج محمد مشتاق لاهله ورفقاته
بحي السلم ما اتهنوا اشتاقت عينو لتراباته
قلا عيونه نامت لكن صاحي قلبه ما بنام

يا رايح صوب كفر متا دخلك وصللي السلام
وبلغ غيمات كفر متا واصللا رف الحمام
وقلا عندي بنت صغيرة ع التلة نسيت شالا
عن اهلا سالتا وعن بيتا بتحكي وما بتعرف حالا
يابا ضاعت وصلت لكفر متا غنولا شوية تتنام

يا رايح صوب المنارة فتشلي عن حرش العيد
وبالعالي طير طيارة وقللي وين صار القرميد
ونادي كان في عنا ساحة نلعب فيها من زمان
ونادي كانت حول بيوتن حلوة اشجار الرمان
قطعوها وبقيت وحدة اسقوها شوية حرام

[صمت البشر]

بكرة العيد

بكرة العيد ..بكرة العيد ..بكرة بكرة العيد ..
ح نفرح وح نلعب ونلبس ثوب جديد ..
****
بكره العيد وبنعيد بنذبح بقرة السيّد
والسيد ماله بقره بنذبح بنته ها الشقرا
والشقرا ما الها دم نذبح بنته بنت العم

[شهد نابلس]

بكرة العيد

بكرة العيد ..بكرة العيد ..بكرة بكرة العيد ..
ح نفرح وح نلعب ونلبس ثوب جديد ..
****
بكره العيد وبنعيد بنذبح بقرة السيّد
والسيد ماله بقره بنذبح بنته ها الشقرا
والشقرا ما الها دم نذبح بنته بنت العم

على الهامش
بقرة سعيد مو سيد
والشقرا ما فيها دم

[شهد نابلس]

هاي ياسجاني هاي ياعتم الزنزانة
عتمك رايح ظلمك رايح نسمة بكرا
مابتنساني هاي هاي ياسجاني
لولا امي تركتها بعيد اه
لولا اشتقت لضيعتنا
لكنت وقفت بشباك الزنزانة وغنيتلها
يا امي العسكر بيني وبينك
لو طولت بيعلى جبينك
يامي العسكر بيني وبينك
لوطولت بيعلى جبينك
رضعتيني العز ويما الموت يطيب وماتنهاني
هاي هاي اه اها اه اه
هاي ياسجاني

[صمت البشر]

على الهامش
بقرة سعيد مو سيد
والشقرا ما فيها دم

مين سعيد ..أنا بعرفها من زمان سيّد ...
يمّا التزوير ...ولا ليكون سيّد مات وأنا ما بدري ..الله يرحمك يا سيّد ...موتوك وسموك سعيد ...هههه
بس عجبني التدقيق التعبيري هنا .. هو لغوياً نقول "فيها دم" ..ولكن كنص شعبي تقال ..ما الها دم مجازياً ...
شكراً على مداخلتك الأكثر من رائعة حقاً

[شهد نابلس]

انا بعرفو سعيد وتلفظ بكسر السين انا هيك بعرف ازا سعيد صار مصري واسمه سيد الله اعلم ههههههههه