تعالوا جاي : خلينا نغني تراث فلسطيني

[حنان عبد الرحمن عز]

دلعونا

لمّا لِلفَنِّ الشّعْبي غَنِّينا
قصدْنا تانحيي ترابِ فلسطينا
حُبِّك يا بلادي صارِ يغذِّينا
بأجمَل أغاني على دلْعونا
وحُبِّي للوطن راسخ بقلْبي
بالدَّمِّ الغالي فرشنا الدَّربِ
لأجل تحريرِك يا فلسطينا


يا ثورَة مِدِّي يا ثورة مِدِّي
لتحريرِ الوطَن يلله استعدِّي
شِبلِ منِ أشبالِكْ باطناشرْ جُنْدي
أما المجاهد اطناشَرْ دزِّينا


وبكمائن ما بنهادِنْ
جيشِ الغادِر للمَمات
وبالكرامةِ رفعتِ اعلامي
وفوق اعلامي إلرَّاياتْ
ويا مجاهد يا ابن بلادي
على الجوادِ اعمَلْ جولاتْ


وباسِمْ فِرقتنا لابعث تحيِّة
يابا لكُفُرْ شُوبا والهَبّاريِّة
ومُخيَّم صبرا والرَّسيديّة
الرَّشاشِ بيحمي غُصْنِ الزَّيْتون

غَرْبيِّ النّهِر دخلْتْ دَوْريِّة

ضمّت مجموعة فلسطينية
دمّر دبابة مع خمسميّة
أمّا الخسارة اطناشرْ صهيُونا
ربِّي هالفرقة بعونَك خلِّيها،
خلِّي الدَّبيكة والغنّا فيها
ثورة شعبنا ربِّي يحميها،
وينْصُر ثورتنا عَ اللي يعادُونا.


يا شبل الثّورة قُودِ الدَّبابة
من نهرِ الأردن حتّى عرَّابة
وإهجِم عَ العِدا فُوقِ الرَّوابي،
وع قُومِ النّذِلْ إبن صهيونا
شعبي للوطن قدَّم هدية
الرُّوح العزيزة لأجل القضيِّة
لا يُمكن نرضى بالصِّهيُونيّة
على تُرابِك أرضِ الزَّيتونا


سلاحنا بيدينا هذا أمانة

وحتّى نحرِّرك كلِّ الأوطانِ
وما في بشعبنا واحد جبان
يسَلِّم سلاحُه لو كان مجنونا

[حنان عبد الرحمن عز]

عتابا

أوف
وعِنّا الفنّ مش تقليدْ أصلي
عدوِّي اللي كواني بنار أصْليه
أنا فلسطيني من فصْلي وأصلي
ما بنْسَى سهولْ أرضي والهَضابْ


أوف
بلادي منها الغاصب حرمنا
لحتّى شرَّدوا اطفالنا وحريمنا
والصَّخرة إنداستْ وحرقوا حرمْنا
وهذا غير اللي جاؤوا تكميل لحسابْ
أوف.. يا باي
بيُومِ الكرامِة إنْكسَرْ جيش الخصِمْ
وكانتْ خسارِتْهُم ألف بعد الخصم
وربِّ البَريّة والنّبي يبقُوا الخصِم
للِّي سَعُوا ولَلِّي دعوا لحَرْبِنا


كلِّ العيون عيون وانتو عيوننا
أوف
إللُّي بخُونِ أوطانُه خاصمْنا
ومِن هذا الشّعِبْ فعلاً خاصمْنا
وحُبّث الوطن طعمانا وخصمْنا
وعلى درب الفدا اعترفنا الصَّوابْ


يا ميجنا ويا ميجنا ويا ميجنا
زهر البنفسج يا ربيع بلادنا
أوف.. أووف
يا با باي
الشعب قال أنا بفخر بعيدي
ومهما تكون أوطاني بعيدِه
ومين اللِّي لأوطاني بعيدي
غير التّضحية ودمِّ الشباب


يا ميجنا ويا ميجنا ويا ميجنَا


قالوا الشعب قد على مجدُه علا
ومن بعدِ هذا اليُومِ بزوِّد عُلا
ولولا بعزِّ عليِّ وعَ هلفِرْقة وعلى
هالنّاس ما غنِّيت شطرة ميجنا

يا ميجنا ويا ميجنا ويا ميجنا


يا خيِّ فُرقِة الأوطانْ مُرّة
ولهذا قد شربنا كؤوس مُرّة
بحبِّ اشُوفْ بلدي بَسْ مرَّة
تكون محَرَّرة وراحُوا لِغْراب


أوف
يا عِيْدنا يا فخرِ كُل اعيادْنا
وعيد انطلاقة ثورتي ببلادنا
وعيد اللِّي ضحُّوا من أجل إسعادنا

ضدِّ الجُناة ال ساهموا بإبعادنا
بعيد الشعب بنهتف بأنشَادْنا
وإلكُم تهانينا بهذا الإحتفال
ويا ريتْ هذا الحفِلْ جُوَّا بلادنا


أوف
لو كِلّ يومْ بتهدُّوا مخيّم
عُمرِ السِّلِم عَ بلادي ما خيّم
ومهما الظلم يا بيغن ما خيّم
سيُمنحى بفعِلْ أبطالِ العرب


أوف
وثورة شعبنا ركبت حُصُنْها
وبسواعِدِ الفدا تقوَّى حصنْها
وبقلبي وفِكري بحفظْها وبصُونها
وبفديها بدمّات لِعصابْ

[حنان عبد الرحمن عز]

في ليالي الصيف يالهادئة..
تحتشد الجماهير الشعبية على البيادر لتسمع العتابا من فم الفنان الشعبي.
وفي ساعات المِحنة..
وعندما يتقيّأ الفانتوم حقده الأسود
على الرشيدية،
والهبارية،
والنبطية،
وأكواخ الصفيح في صبرا،
يصمت الفنان الشعبي.
ليتفرّغ اصبعُه للزناد.
وترهف الآذان السمع..
في كل المنافي والمخيّمات..
لصوت فلسطين...
لتسمع الجماهير..
أخبار البطولة..
وفولكلور الكاسِت.
دُقِّ الرُّمحِ بعودِ الزِّينْ
وانتُوا يا نشامى منينْ؟
واحنا اللِّي خلِّينا الدِّنيا
تِحكي بلَهْجِة فلَسطين
تحكي بلهْجِة فلسطينْ
دُقِّ الرُّمحْ
دُقِّ الرُّمحْ
دقِّ الرُّمحِ بعودِ الزينْ


دُقِّ الرُّمح ببابِ الدّارْ
تشعشعْ ساحاتكْ بالنّارْ،
ولمّا المصاعِب تشتدْ
أمر الوطَن ما بيِرتَدّ،
ولمّا بيُأمُر وطنّا
امرُه عَ الرَّاس وعَ العينْ
أمرُه عَ الرَّاس وعَ العينْ
دُقِّ الرُّمْح
دُقِّ الرُّمْحِ
دُقِّ الرُّمحِ بعودِ الزِّينْ


ليل وليلِ وليلِ وليلْ
قمرَ وشهيد ورشاشاتْ
كلِّ ما عتّم الليلْ،
نطْلَع من جوفِ العتمات
بنخلِّي سوادُه نهارْ
وكلِّ نجومُه كلاشيناتْ
وكلِّ نجومُه كلاشيناتْ
دقِّ الرمح
دُقِّ الرمح
دُقِّ الرمح بعودِ الزين.
الشّمسِ بتطلَع عَ المتاريس،
ع الشهيد وع الجالِسْ،
ومهرِك يا بلَدْنا الدَّمْ
واحنا عُرسِكْ والعَريسْ
وصامِدْ يا شعب بلادي
ويا جبل ما يهزِّك ريحْ
ويا جبلْ ما يهزَّك ريحْ
دُقِّ الرمح
دُقِّ الرمح
دُقِّ الرمح بعودِ الزينْ
لا يُمكنْ
لا يُمكِنْ .. لا يُمكِنْ
لا يُمكِنْ
آكلها بدمِّي لا يمكن
يا كُلني رصاصي لا يمكن
لا يُمكِن
على حجار بيتي تبني بيتْ
ومهما في مكانُه بَنيت
أنا جايْ
في قنابِلْ مُوتْ


لا يُمكِنْ
لا يُمكِنْ
أخلِّيك ليلَة مطَّمِّن
ومهما تبني وتْسَكِّنْ،
على أرضي وتِستَوطِنْ،
أنا جايْ في قنابِل مُوتْ،
أنا جاي في قنابل مُوتْ!
لا... لا..
لا يُمكِن.
لا يمكِن.
لا يُمكِن.
أو لا يُمكِن.


هذا هُو دربي
هذا هُو دربي
لنُقاتِلْ..
لِنُقاتِلْ..
لِنُقاتل يا شعبي
لِنُقاتل يا شعبي
لِنُقاتِل...
ولنطلقْ كلَّ النّااااااااار

من جُرحي،
فليخفُق سيفٌ بتهار،
من جُرحي،
من عيني،
فلتُشْهَق فوْهة مدفع،
من عيني.
ولتشحذ يا جُرحَ الشعب السِّكِّينَ
على عُنُقِ الجزار.
ولتطلقْ أعينُ شعْبي النااااااارْ


قطراتُ دمي
خَيْطٌ في الرَّايةِ يا وطني.
وبسيفِ الجُرْح البتّار
لنُقاتِلْ...
لِنُقاتِلْ...
لنقاتِلْ يا شعبي
لنُقاتِلْ...
ولنُطلِق كل النّااااااار


قدِّمْ معي
لأرْضِ السّلامّ
قدِّمْ.
قدِّمْ.
خلِّي الكلامْ
لهْلِ الكلامْ
قدِّمْ
قدِّمْ


وازحفْ معي
وقدِّم.
وِحْدِتنا وحْدِةْ دم
وِحْدِتنا فُوقْ أرضِ المعَارِكْ
في الْحِمَّة،
في شجاعَة،
في طُوباس،
قدِّم.
قدِّم.
قدِّم.
يا خْسارِةِ اللِّي بيْدُه السِّلاحُ وما يقدِّم.
وما يقدِّم.


قدِّم معي
وهوِّد على أرْضَك
هوِّدْ...
ومِشْ بالجَعْجَعة تقدر تصُون عَرْضك.
إقطع لسان الهرج.
كُثْر الحَكي إقطَعْ.
واقطعْ معايَ النّهْر
قبلِ الفجرْ تِسمَعْ،
صُوتِ المدافِع يدوِّي
والشهيد يرفَعْ
إيديه لحكْم الزَّمَنْ
تِلْقَى الفَجِرْ بطلَعْ.
ثوْرة ويا هالرِّيحْ
ثورة بُطوليّة
ماشيين حتى النصرْ
على الصَهْيُونيّة


ماشييْن ما نْخاف النّار
والمُوتْ ما نْهابُه،
بالدَّمْ نفدي الوَطَنْ

نِروي لُه تْرابُه
بَنادِقْنا في إيدينا
بِنْدُق أبوابُه،
حتى يطلَعِ الفَجِرْ
في شَمْسِ الحُرِّيّة.
قالوا الوطن أرضِ وْبيتْ،
قُلْتِ الوَطَنْ أغلى.
من كلِّ بيوتِ الدنْيا
من جَنّتها أحلى.
لو جابُوا كنوزِ الأرض،
يا عيني ما تِحْلى،
ما بَرْضَى بيفَلَسْطينْ
وطنِ وهَوِيّة


والله يا سلاحِ الثورة
ما تِرْخيك إيدينا.
لو قطّعُوا الأيادي،
بنْضُمَّك في عِينينا.
لَوْ سَدُّوا كُلِّ الطرق
نِوْصَل أعادينا
نِدْعَس ع شُوكِ الدَّرب
ما نهابِ المنِيَّه.




عشتْ يا شعب ثاير
تِتحدَّى كل العدا.
بالدَّم تخوضِ الْحَرِبْ
وتقدِّمْ فيها الفِدا.
لما بَدينا الثّورَة
ما تنازلنا حاجَه،
ولا نِقبَلْ وصِايَة
على البُنْدُقيّة

[حنان عبد الرحمن عز]

ماشين.
من الكرامة
ماشين
ماشين
لَلْعَرْقوبْ والغُورِ الصَّافي
ماشين
ماشين.
على طول الدَّرب،
وثُوَّارِنا لكُلِّ صعب.
على طولِ الدَّرب
وثُوّضارِنا لكلِّ صعِبْ.
من أوَّلِ المسافِة،
لآخر المسافة

ماشيين
ماشيين.

كُلِّ البنادِقْ

للعَدُوِّ مسدَّدَة
والألف ميل تِبْدا بخطوة واحدة.
كل البنادقْ
لَلْعَدوِّ مَسدَّدَة
والألفِ ميلْ تبدا بخُطوة واحِدة
وثورِتنا ثورة مُستمِرَّة وصاعِدة



لا يْهمِّنا فانتُومْ ولا دبّابة
ثاوْرِتْنا أقوى ووحدها الغلابة
بِصْدورِنا نخُوضِ الرَّدى وما نهابَه

[حنان عبد الرحمن عز]

بعض الاغاني من التراث الفلسطيني الي كانو يغنوها الاولاد من زمان ولا زالوا


يا رايح على الشجرة
جبلي معك بقرة
حلابة العشرة
تحلب وتسقيني
يا رب تنجيني
انظروا انظروا يا ولاد
ربانا شيخ الشباب
اللي عيون سود سود
مكحلات براس العود
....................

[حنان عبد الرحمن عز]

حدوته بدوته ،،،،،،،،، طلع الشيخ ع التوته
والتوته بدها فاسة ،،،،،،،، والفاسه عند الحداد
والحداد بدو بيضه ،،،،،،، والبيضه عند الجاجة
والجاجة بدها علفة ،،،،، والعلفة بالطاحونة
والطاحونة مسكرة ،،،،، فيها مية معكرة

[حنان عبد الرحمن عز]

حطو مقص على مقص ،،،، سبع عرايس تنزف
حطوا منخل على منخل ،،،، سبع عرايس تدخل
اشتي وزيدي ،،،،،، بيتنا حديدي
عمنا عبدلله ،،،،،،،، رزقنا ع الله
شمست شمسية ،،،،،،،،، على قريعة عشية
عيشة بالمغارة ،،،،، جابت قط وفارة
ضربته ع تمه ،،،،،،، راح يعيط لامه
فتت له فطيرة ،،،،،،، ع قد الحصيرة

[حنان عبد الرحمن عز]

يا فاطمة ،،،،،،،،،،، يا عونك
اين الجمل ،،،،،،،،،، بالقنطرة
شو ياكل ،،،،،،،،،، حب الذرة
شو يشرب،،،،،،،،، قطر الندى
هالباب يفتح ،،،،، ما يفتح
هالباب يفتح ،،،،،، ما يفتح
هالباب يفتح ،،،،، يفتح ، يغلق
ليلة عرسك ،،،،يا فلان
لا كرشة ولا مصران

شتي يا دنيا وزيدي،،،،، بيتنا حديدي
عمنا عبد الله ،،،، رزقنا ع الله
شمسي يا شمسية ،،،، ع عروق عيشة
عيشة بنت البابا ،،،،، بتلعب ع الشبابة
يا قمرنا يا جدع ،،، يا اللي مشنشل بالوداع
بناتك ستة سبعة ،،،، بلعبن على القبعة

[حنان عبد الرحمن عز]

وهادي تهليله للطفل قبل النوم


نيمتك في العلية ،،،،،،، خوفي عليك من الحية
تعاليله يا بدرية ،،،، بركن على صوتك ينام
نيمتك بالمرجوحة ،،،، خوفي عليك من الشوحة
تعاليله يا عندورة ،،، بركن على صوتك بنام

[حنان عبد الرحمن عز]

أو نني نني


هذا الاصطلاح أو نني يستعمل كثيرا عند تنويم الطفل
وكلمة نن ليست عربية بل ايطاليه ورومانية لها نفس المدلول الذي نستعمله في اثناء تنويم
الطفل


حدريجه بدريجه ،،،،، من حيها لبيها
قالت لي معلمتي ،،،، جيبي زيت وبصل
وقع الكوز وانكسر ،،،، حلفتني معلمتي
لتعلقني بالشجر ،،،،، والشجر مليان عروق
خبي إجرك يا ،،،،،، منيح يا عروس
يا أم الحلق ،،،،، والدبوس

[حنان عبد الرحمن عز]

يا مفطر بعد العيد ،،،،، حني اسعد وسعيد
حني عليه الالماني ،،،، خلي اسنانه قدامي
بكرة العيد وبنعيد ،،،،، بنذبح بقرة السيد
والسيد ماله بقرة ،،،،، بنذبح بنته الشقرة
والشقرا ما فيها دم ،،،، غير نذبح بنت العم
بكره العيد يا مسعود ،،، دارت المية في العود
يا سعيد ويا سعيد ،،، اليوم الوقفة بكره العيد
بكره العيد من حقه ،،،، بنقطع راسك يا سقا
بكره العيد والثاني ،،،، بنقطع راس ابو هاني
بكره العيد والثالث ،،،، بنقطع راس ابو عايد

[حنان عبد الرحمن عز]

من اغاني المقاومة ،،

أنا طفلة عربية ،،،، بحارب مع الفدائية
أنا عمري ثلاث سنين ،،،، قلبي صوان متين
ما بحمل فرد فلين ،،،، وبرمي قنابل يدوية
أنا عمري ما بخاف ،،،،، ولا نتخبا تحت لحاف
والصهاينة قبالي ضعاف ،،،وبكفي اني عربية

[حنان عبد الرحمن عز]

طيري وهدي ،،،،،، يا وزة
ع بلاد غزة ،،،، يا وزة
قطف العنب ،،،، بالسلة
مقطوف مقطوف ،،،آمنة
يا معطارتي ،،،،، آمنة
دقت الكبة ،،،،،،، آمنة
انزلت على الشركة البركة
يا خالو
لقيت خواتي الستة
يا خالو
لقيت مندوب الازعر
يا خالو
عما يمشي او بتكعور
يا خالوا

[صمت البشر]

والله يا حنان شيء روعة لي عودة لهذه المشاركات المميزة ...

[حنان عبد الرحمن عز]

والله يا حنان شيء روعة لي عودة لهذه المشاركات المميزة ...

الله يجزيك الخير
صدقني موضوعك الاكثر من رائع