تعالوا جاي : خلينا نغني تراث فلسطيني

[حنان عبد الرحمن عز]

كم غربتنا الريحْ == قلبي عناقيدو

عرف الهوى تجريحْ == لكن أنا اريدو

لا تسألوا شو صارْ == عاشق أنا أسمرْْ

من ضحكتو الأنهارْ == بتتزنر بعنبرْ

يشبه عريس الزينْ == شامه على خدو

يذرف دموع العينْ == وحاير أنا بعدو

يا حاملين المي == صعب الفراق وهمْْ

أدفع عمر وشوي == وخلوا الشمل يلتمْْ.

[حنان عبد الرحمن عز]

فرساننا يما شدوا على ضو الفجر خيل ْ

وصاحوا لا بد ما ينجلي عن أرضنا الليل ْ

مندفع مهر هذا الوطن من دمنا

وتطلع شمس أحلى شمس بنهارنا

فرساننا شدوا وثاروا ..

سلاحهم كان الحجر ..

لا تعجبوا وتتعجبوا

أرض البطولة ولادها اتحدوا الخطرْ

نادت عليهم هللوا ..

كانوا الغضب .. شعلةْ غضب .. ما اتأخروا

مشيوا على درب البطولة والشرفْ

صاروا حكاية هالزمن يللي اعترفْ

إنو الحجر لما الحقيقة بتسندو

وإيد البطولة والشهامه تسددو

بيكسر رصاص الغاصبين بيدحروا

مهما تمادوا بظلمهم .. واتجبروا

[حنان عبد الرحمن عز]

حنة وحنيت الشجرْ دمي على بابك مطرْ

يا أرضي قومي وزغردي العرس الفلسطيني انهمرْ

- يا خلي حنةْ أرضنا زهرة على إيدي وهنا

حنةْ دهب ومأصلهْ ما احلاك حنة أرضنا

- تراب الوطن غالي وغلي حنة عروس مناضلهْ

أغلى وأحلى من الدهبْ والشمس منو مشنشلهْ

- ياخلي ونجوم السما من فرط حسنو منجمهْ

تراب الوطن ياروعتهْ حنة أمل متبسمهْ

- حنة شهيد وحنتهْ ورد الأمل يالهفتهْ

لما انحنى وباس الأرضْ طلعت شمس من جبهتهْ.

[حنان عبد الرحمن عز]

ضاع السلام وراحْ وضاع العدل يا ناسْ

بأرض السلام جراحْ وغصن الزتون انداسْ

هدم ودخان ونارْ والقدس دم وليلْ

قتل ونسف وغبارْ عتمةْ وآهات وويلْ

دم الطفل مسفوحْ غاب الأمان انبادْ

لون الفرح مدبوحْ طعم المرار ازدادْ

ضاع السلام وراحْ

* * *

سمعنا حكي وأخبارْ == عن نصرة الإنسانْ

هيئة أمم وكبارْ == قالوا العدل ميزانْ

بيكفي يا ناس سكوتْ == وجه العدالة اسودْ

ليش الحقيقة تموتْ == ليش الظلم يشتـدْ

وين الضمير الحرْ == يشهد على الطغيانْ

يوقف جنود الشرْ == ويعطي العدل عنوانْ

ويعطي العدل عنوانْ

ضاع السلام يا ناس.

[حنان عبد الرحمن عز]

ع العميم ع العمام == دم الشهداء ما بينامْ

الشجر انتفض الشجر التمْ == مشي مع شعب الثورة انضمْ

لما الأقصى غرق بدمْ == ولفت أبوابه الآلامْ

وحيات الجرح المفتوحْ == والدم الغالي المسفوحْ

رح ندفع ع الدرب الروحْ == ولا حبة رمل بتنضامْ

اشهد يا شجر الزيتونْ == رح نحمي التاريخ نصونْ

وما نخلي هالأرض تهونْ == وبالثورة نعلي السلامْ

أرضي بلادي أرض النار == أرض الهمة والإصرارْ

ما بترضى غير الثوارْ == يعطوا عنوان الأيامْ



تراث منقول

[حنان عبد الرحمن عز]

ثورة ثورة ومشينا إحنا مشينا == كيف الأرض بتطلبنا بتلاقينا

زيت الثورة عبينا دم وأرواحْ == وجذر الماضي بعينينا ما تخلينا

مهما الغاصب يتجبر عنف وإرهابْ == ما منتراجع يا بلدي عن أمانينا

مستعمر مهما تحاصر وتصب النارْ == ما منرجع ما منتحول عن خطوينا

هب الحق فلسطيني من دار لدارْ == غير النصر بيوم الغد ما بيرضينا

إحنا وقودك يا ثورهْ ونفدي الأوطانْ == قدم دم ونحمي الشمس بأراضينا

[حنان عبد الرحمن عز]

على دلعونا على دلعونا طلوا النشامى طلوا وحيونا

عرس انتفاضه والفرح دايرْ بمولوتوف وحجر نضرب أعادينا

عرس فلسطيني والدم مندفعْ والروح منعطي مشينا وما منرجعْ

الأرض بتحكي والعالم يسمعْ شمسك يا وطني عزم بتعطينا

طلع المخيم نادى المنادي انتفاضه وهبت قامت ببلادي

قريه ومدينه التله والوادي إحنا هبينا وللنصر مشينا

نادى المنادي يا نهاري الماشي المولوتوف سلاحي وحجري رشاشي

بغير الحرية والله ما ارضاشي وحبهْ من ترابي والله ماتهونا

نادى المنادي والسيف بيلمعْ التاريخ بيهدر والحق بيسطعْ

الزند بيحكي والشمس بتطلعْ فجرك يا وطني نورو بعينينا

نادى المنادي وسيفك يا شعبي حجارة من بلادي وهبة وراهبة

بتهد الباغي وبتزيل الغربهْ وبتخلي الفرحة تزين أراضينا

نادى المنادي ويا عالم اشهدْ عرس انتفاضهْ ونهاري ورّدْ

خطوه وبفجر الحرية بنسعدْ وزهور النصر بترقص حوالينا.



تراث منقوووول

[حنان عبد الرحمن عز]

طفل بإيدو مرتينهْ ناحتها من الزيتونهْ

بترمي حجر بوجه الليلْ بتقلع عين الصهيوني

عندو جيش ولاد صغارْ مدرب على خوض الأخطارْ

حمل حجار وباس الأرضْ وصمم يمحي الاستعمارْ

أطلق طلقهْ شد ومالْ رصاص الغادر صال وجالْ

وقع وحضن المرتينهْ ونادى ع جيشو هجموا يا رجالْ

هجم الجيش وشال الأرضْ ملا الجو حجاره ورفضْ



ودم الطفل انتشر وظلْ بوجه العالم طول وعرضْ

قصة وكانت مرتينهْ من الزيتونهْ الحزينهْ

قصة طفل صغير كبيرْ اتحدى الوحش الصهيوني

[حنان عبد الرحمن عز]

على دلعونا على دلعونا انتفاضه وهبت ما بهدونا

وقفنا يا أهلي بعزة وكرامهْ بحجاره نقاتل نرمي أعادينا

* يا ظريف الطول والله يا غالي راسنا المرفوع هو رسمالي

رد بسيفك ليل يا جبين العالي خلي العيشه تجود وتصفى بدارنا

* من بين البيوت من بين البيوت طلعوا رجال الثوره من بين البيوت

حقي ما يموت حقي ما يموتْ انتفاضة وبتنادي الحق ما يموتْ



تراث منقول

[حنان عبد الرحمن عز]

رائعه من الروائع فعلا


كانوا بعمر الزهور ولادي مشيوا ولون الخطوة عيادْ

ضحكوا وغنوا ركضوا وطاروا وعود النعنع شدّ وتارو

ابني وقف ضحك ولوحْ على بسمه من شفافي تمرجحْ

فجأة رصاص وغدر وليلْ وجه الغاصب نقط ويلْ

ركض الشارع مع البيوتْ ابني يا ابني وصرخة تموتْ

ابني فوق الأرض التمْ وجرحو فوق الشارع دمْ

فرد إيديه ونادى يا يمهْ حطي إيديكي ع قلبي يا يمهْ

ليش الدمع بعينك يمهْ رايح ألحق خيي يا يمهْ

ضم بقلبو إيدي ونامْ وسكت القمر وغمض نامْ

حبيبي يا قلبي يا روحي يا يمهْ نار فراقك والله يا يمهْ

بوسو لَخَيك سلم يمهْ يمكن بكرة أجيلك يمهْ

شعبك وأقف صامد يمهْ وليل الغاصب زايل يمهْ

شعبك ماشي بزفة عرسكْ وهي زغرودهْ لعرسك يمهْ.

[حنان عبد الرحمن عز]

طلوا الخيالهْ من دار لدارْ

بعرس الأصالهْ بإيديهم نارْ

حلو الشمايلْ يا غالي

ياعريسْ مناضلْ تحلالي

إحنا رجالكْ يا وطنْ

نفدي ترابكْ يا وطنْ

يا عريس الزينْ يا غالي

والله يا زينْ تحلالي

زغروده يما وزغردي

للزين يما وزغردي

على دلعونهْ على دلعونهْ يا بنات بلادي التمو وهنونا

خيال وحامل علم فلسطيني إيدو ع إيدي نحرر أراضينا

عريسنا زين الرجالْ عريسنا

عريسنا ما لو مثالْ عريسنا

حيوا العريس يا رجال الثوره حيوا

حيوا العريس يا بنات الثوره حيوا

من بين البيوت من بين البيوتْ

طلت زفه وفرحة من بين البيوتْ

الأمل ما بموت الأمل ما بموتْ

مهما الظلم اتجبر الأمل ما بيموتْ

عريسنا زين الرجالْ عريسنا

عريسنا ما لو مثالْ عريسنا

[حنان عبد الرحمن عز]

ع العميم ع العمامْ رفرف يا طير الحمامْ

احنا بأرضك يا فلسطينْ لا منسلم ولا ننضامْ

ثورة وقامت بفلسطينْ هبت بالسبعة والتمانينْ

بكانون الأول والنارْ قادت في وجه الظلامْ

حجارة وما هديت والنارْ هجموا وصبوها الثوارْ

كتبوا بروح وكتبوا بدمْ عمره الثور ما بتنامْ

اشهد يا بلدي والدمْ فوق ترابك شمس التمْ

ولما الحرية بتعودْ منعيش الكل بسلامْ

بكرة الحرية بتعودْ وشمس العدالة بتسودْ

والوطن الغالي موعودْ تتطلع بالنصر الأيامْ.



تراث منقول

[حنان عبد الرحمن عز]

جمل المحامل طلْ إيدو على جبالو

فوق الشفايف ظلْ للأرض موالو

نادى ع أرضو وقالْ لا بد ما نرجعْ

الليل مهما طالْ الفجر رح يطلعْ

لا بد ما يطلعْ

جمل المحامل مدْ خطواتو لبلادو

حمل السلاحْ وشدْ ونادى على ولادو

عهد الأرض مكتوبْ نبضو فلسطيني

شدت عليه قلوبْ والوعد حطيني

نبضو فلسطيني

جمل المحامل نارْ ما ينطفي جمرو

ضد الأعادي ثارْ وامتدت الثورهْ

نادى وهب الصوتْ في أرضنا حجارهْ

توقف بوجه الموتْ بزنود جبارهْ

بزنود جبارهْ.

[حنان عبد الرحمن عز]

موضوعك رااااائع وبستمتع جدا وانا فيه الله يجزيك الخير اخي دياب
راجعه بأذن الله

[صمت البشر]

سدئني رح تدفع



إحنا الفلسطينيات مهرنا غالي .... ما منوخد غير الشبْ اللي جبينو عالي

ما منوخد غير الشب اللي بيحمي أرضو ... واللي كل حبة تراب هي دمو وعرضو

إحنا الفلسطينيات مهرنا معروف .... وبين كل الناس مشهور وموصوفْ

ما منوخد غير الشب اللي روحو على كفو .... اللي بتحدى الموت مهما العدا اصطفوا

إحنا الفلسطينيات بنات ذات الهمهْ ..... مهما الحرب تشتد بتزيد عنا الهمهْ

وحياة كل حبة تراب لنرد الأعادي ... ومهما طلبت الدار بنعطيها وزياده

إحنا الفلسطينيات ما منهاب الردى .... جنب رجالنا ع طول بالحرب والفدا

يا الله يا أهل البلد خلو الإيد ع الإيد ْ ... زفوا الأرض للشمس وملوا العرس زغاريدْ.

يا الله ما أجمل هذه الكلمات ..المليئة بالصخب ..صدقاً هذه الكلمات تراث غالي .. بصدق الأم الفلسطينية كانت وما زالت هي السلاح الذي لا بنضب ..وهي مدفع الرجال وهي سندهم القوي ...
الله يبارك فيك يا حنان ويحفظك بحفظه