تعالوا جاي : خلينا نغني تراث فلسطيني

[حنان عبد الرحمن عز]

زهر يا دوار الشمس ونور نور كانت القيامة تقوم

لما حسبوا إنا متنا وظنوها انكسرت شوكتنا

لما قطعوا الزهر السامي قالوا للشمس الحرة نامي

واحنا قيمنا القيامة ونفخنا في الصور

زهر

[حنان عبد الرحمن عز]

من دمع الأطفال الرضع من برد الليل ال ما بيهجع

من صبرا من شاتيلا من تل الزعتر من صور ال هزمت الاسكندر

من دم الوردة الحمرا من عرق الشاب الأسمر

ظهرنا العزم المنشود ونفخنا بالصور

زهر

[حنان عبد الرحمن عز]

يا شمس بلادي الشمالية يا جنوبية في لبنان

شعبي مرسال الحرية صوته بينادي الأكوان

صور اللي صارت غنية بالعالم ع شفة ولسان

بتقول الحرب الشعبية بترد الطاغي والعدوان

والحرية نبع المية بالصحرا والصحرا ميدان

يا هالأبطال النشبية المية بتنادي العطشان

إنه الزتونة مروية بدم الأحرار الشجعان

والأرزة الخضرا العربية لا ما بتهون ولا بتنهان

[حنان عبد الرحمن عز]

وردة لجريح الثورة

وردة للجرح الساطع

لجريح الثورة وردة

للجرح الساطع وردة

يا شجرة بوردة حمرا



زغروتة للبطل الغالي

ماشي بكرامة وتحدي

بوسام الحرية العالي

وردة



ماشي والجبهة مرفوعة

وتارك رجله في الميدان

قطعها لغم الطغيان

يا صحاب الضحكة المسموعة

يا غفلة وما بدها توعى

يا نسيان ويا غفيان

سبقتكو الرجل المقطوعة

[حنان عبد الرحمن عز]

غزة غزة إحنا فداها ، أرض العزه ما أغلاها
مابننساها مابننساها
كلمتنا يا إستعمار لا تدويل ولا إسرائيل
غزه غزه للأحرار ، لا لعدو ولا لدخيل
كلمتنا واحده قلناها
غزه غزه مابننساها
غزه للعرب الأمجاد ، لا لطريد ولا لشريد
أرض جدودنا والأحفاد نحميها وعنها ما نحيد
كل العرب اليوم أبناها
غزة غزة مابننساها
غزة مش هنفرط فيها ، نفديها من الملايين
بالدم الغالي نرويها ونطرد منها المحتلين
أقسمنا بأرواح شهدائها
غزة ما بننساها
غزة غزة إحنا فداها ، أرض العزة ما أغلاها

[حنان عبد الرحمن عز]

غَزَّه !

غَزَّهْ فِي عِزْ الطُّوْقْ فِدائيه
وبنادق الثوار .. بِتْشَتِّي حُريَّه!
غزه يا غزتنا...
يا مْكُوْفَلَهْ بالنار
يا سواعد الاصرار
في الصَّبَره، في حي الدَّرج، فوق السواقي
في تلةِ المُنطَار
غزه يا غزتنا
يا جامع العُمري
ويا شارعِ المختار
غزه يا زَخِّةْ نار
يا عُبُوَّه في كُلْ دَارْ
إتفَجَّرِي.. إتْفَجَّرِي وإحْنَا مَعِكْ
من أول المشوارْ
ولآخِر المشوار !

[حنان عبد الرحمن عز]

يا دار ما لها حد

من ريحة الأحباب مرق ودق الباب

ما حد يا دارنا ما حد نادى من الجيران

يا فلان ويا ريس الحقنا ع المينا

ولا النسيم يا دار رجع أغانينا

ما حد ما بسألك يا دار

تأزيد عليك الهم

تأذكرك بعيون مكحلة بالغم

ما بأسألك عن طفلة ع حفاف الطريق مكوفلة بالليل

وختيار صابه العمى كسروا عصاته وارتمى

بكيت بدمعه الأرض والليل والسما

ما بأسألك عن بنت مختار البلد اللي اشترت لأبوها

وبحق الأساور والحلق كمشة فشك

ما بأسألك لكن بأقول يابا مشوارنا مشوار

والنار والبارود ممدود قدامها ثوار

ثوار يا دار تربى في عينيهم مارد الإصرار

ومن زمان من زمان

تعودوا يا دار على اللقم المغمسة بالغار

[حنان عبد الرحمن عز]

أنا بأقطف آلام حزني في ليل الشوق

وبأهدي للحبيب الأسمر عناقيده

وأبوس الثورة في إيده

[حنان عبد الرحمن عز]

يا فدائي خلي رصاصك صايب

يا فدائي وجمع شمل الحبايب

وطلع معي بعدها

باسم الله باسم الفتح باسم الثورة الشعبية

باسم الدم باسم الجرح اللي بينزف حرية

[حنان عبد الرحمن عز]

أنا يا أخي آمنت بالشعب المضيع والمكبل

وحملت رشاشي لتحمل بعدنا الأجيال منجل

[حنان عبد الرحمن عز]

يا شعب كبرت هويتي

يا رب تكبر مهرتي

تكبر وأنا خيالها

اللي فيها

يا أم الشهيد وزغردي

كل الشباب ولادك

يا أخت الأسير الموت ولا المذلة

حيا الله أم الصابرة

حيا الله الأخت الثائرة

[حنان عبد الرحمن عز]

جفرا ويا هالربع وتقول استنوني

راجع لديرة هلي لأقطف زيتوني

ما بنسى منسف هلي وخبزات طابوني

مهباج دق قهوة سهرات ليلية

جفرا ويا هالربع بالصوت تناديني

وموشمة عالصدر رسمة فلسطيني

ما أطيق لبس الدهب وأساور ثمينة

يحلا لي صف الفشك وبارودة روسية

[حنان عبد الرحمن عز]

فوق التل وتحت التل بين الوادي والوادي

اسأل عنا ولا تندل تلقاني وتلقى ولادي

[حنان عبد الرحمن عز]

طل سلاحي من جراحي

يا ثورتنا طل سلاحي

غلابة يا فتح يا ثورتنا غلابة

غلابة اليد اللي بتفجر دبابة

[حنان عبد الرحمن عز]

لمين يا توأم جروحي لمين أكتب يا ضي العين

أنا واقع ما بين نارين

لا أنا قادر أغني يا طير للثوار

ولا قادر أغني يا طيف لنص الدار

لربع الدار لكسر الثاني في الأعشار

وأشواقي بتتبعثر ما بين الماضي والحاضر

أنا صوتي انحبس فيي

حروفي تئن في جوفي

تذكرني بغنية

سلاحي طل من جراحي

وغلابة وفلسطيني

على صوت المراثيني

أنا غنيت لأحبابي من الخندق

لا من أبراج عاجية ولا من كرسي ورا مكتب

أنا شاعر بسيط بأحلم

بغنيوة لأم ثائر تزف الشهداء

وبأحلم بالشبل هيثم

وبأحلم بكاسة شاي من إيد الشبل هيثم

وبأحلم يا وطن بأحلم بأطفال انتفاضتنا

بثورتنا