:::: هستيريااااا :::::

[مواطن عربي]

كنت فى منصة الصحفيين وكنت علي البث مش قادر اكتب اي اشي نزلت تحت وانقهرت اكثر من بعض ادارين العربي وبعدها اجت الركنيه قالت يارب يارب هدف الى هي هجف ركضت كثيرا ونطيت الى ارض الملعب من الفرحة الحمدلله على الفوز

وللك انتا يا لورد نواره ... يا زلمه نط نط وما بنط الا الوحداتي

همسه : ثاني مره لا تقعد مع هيك اشكال

[مواطن عربي]

كنت جاهز اطلع اصلي العشا وكان ظايل للأقامة 5 دقائق أجي الجول ونطات شوي مع بيسان بنتي ورحت صَلَّيْتَ وحمدت الله كثير الي أكرمنا بالفوز

الله يخليللك بيسان .. ويخلي الوحدات ... والحمد لله على الفوز

[مواطن عربي]

أنا بطلت أميز. ..فكرت حالي بحضر بمباراة كرة يد.
هههههههه

فرحت لفرح الوحداتيين كلهم. .... و فرحت شماته في الحاقدين

الله يفرحك يا لؤي يا وحداتي ... ورد الله كيد الحاقدين ... وعقبال الفرحه الكبرى ان شاء الله

[مواطن عربي]

كان يحضر المباراة معي شب اسبانيولي ،، اول كلمة طلعت من ثمي (يا بايييييييييييييييي) كل اللي ذاكره اني حضنت الاسبانيولي وضربته خمسبن كف على ظهره وهو فارط من الضحك احلي شي كنت حاكيله الفرق مع الثاني اربع نقاط بعد ما هديت حكالي
Now we have seven points difference

يا بااااااااااااااااااااااااااااااااااااااا اااااااااااااااااااااييييييييييييييييييي يييييييييييييييييييييي عليك يا ابو احمد ... بيني وبينك

الفوز هاظ الي بيجي هيك خاوه ... بخلي الواحد ينجن

همسه : قول لهاظ الاسبانيولي .. بقللك المواطن اه 7 .. لانه الشباب بعون الله بدهم يطسوا الكشافه

[مواطن عربي]

كنت بالملعب على الدرجه الاولى واعصابي بدت تنهار وبدي اخرج من الملعب وانه الجوول جاي فقدت اعصابي وجيت على ظهري من الفرحه وقعن تلفوناتي واقعد لم عاد
وصوتي لحد الان مختفي

الله عليك ابو شهاب ... سلامتك ... وكله الاشياء بتهون لعيون الاخضر

[مواطن عربي]

بلاش
اول شي صرت أنط من وين بتجيني اللياقة البدنية بعرفش مع العلم انو في ظهري دسكين او ثلاثة
ثاني شي المرة والولد الصغير بظحكو علي والمرة بتقول شو قلة العقل هاي
بصير مش عارف وين الدخان والقداحة صارت, والصغير بظحك علي وبقوللي القداحة في ايدك بابا والدخان بجيبتك

بعدين

مسكت المنتدى وبلشت دمج عن جنب وطرف
لانو لما الوحدات بفوز او بخسر وهذا متعودين عليه كل واحد من الأعضاء ماشاء الله بكون عندو كلمتين اوثلاثة مذايقاتو بزتهم بموضوع لحالهم غير الحذف والتعديل

خليها على الله يامواطن
احنا شعب مقهور

ههههههههههه ابو محمد ... سلامتك ان شاء الله الي بيكرهوك ... الوحدات بدب فينا الحماس .. بكفي برجعك شب

[مواطن عربي]

ابني من النوعية النقاقة بدوا كل اشي والله كنت ناوي اقتله قتلة عمره ما شافها
وبلش التوتر يزيد حتى الله افرجها علي وقلبت الكرسي
طبعا ابني نفذ من القتلة اه والله نفذ يا خسارة
بس والله ارجعت وضربته حرقت راس
ابني عمره 5 سنوات
هل يوجد علاج للنق

طول باللك يا احمد ... والمره الجاي تحضرهاش معه مش ناقصنا تخليه يكره الوحدات

والله يخليللك اياه

[حمزة قراقع]

الوحدات

يجمع أكثر الجماهير عشقاً

ويجمع أكثر الجماهير ولعاً
وأكثرهم حباً
الوحدات
أنت من ترمي بنا إلى فوهات الغرام
تلهبنا بإحساس نادر
تجمع في معانيك الشموخ والكبرياء
نرسم حروف أسمك في قلوبنا
وعشقنا لك تفوح منها عبير الزهور
الوحدات
لاينتهي
لاينتسي
لايمتحي
يامن تقرءون كلماتي
سوف انقل لكم قصتي وسبب عشقي للوحدات
فالوحدات
أحببته .... بكل جوارحي ، بكل نبضات قلبي بكل مشاعري
فملأ كياني سروراً ، وروحي أملاً ، ومشاعري صدقاً
فروى حياتي بماء حروفه وحب جماهيره
الجماهير
أبحث عن كلمات الحب أنسجها لجماهير المارد الأخضر
فلا أجد ما أعبر به لكم من كلمات
احترت فيكم ، في وفائكم ، في صدقكم , في عشقكم ,
وفي ومحبتكم للوحدات
فجعلتكم من الحب عنواناً
ومن الوفاء نبراساً ، ومن المشاعر ملاذاً
فاعذروني إن لم أجد من الكلمات
ما أعبر به عن قصة وفائكم ، وعظيم تضحياتكم
فأنا
أستنشق رائحتكم المميزة
أرتوي من حبكم النادر
ومن عشقكم الجارف
ومن وفائكم اللا متناهي

كانه ما عجبك الرد ايها المواطن الكريم !!!!!!

[Abu Hisham]

كانه ما عجبك الرد ايها المواطن الكريم !!!!!!

لا مستحل بس بكون المواطن ما انتبه

[احمد فرهود المدياوي]

طول باللك يا احمد ... والمره الجاي تحضرهاش معه مش ناقصنا تخليه يكره الوحدات

والله يخليللك اياه

من هاي الناحية لا تخاف حب الوحدات يجري في عروقنا والحمد لله
يسلموا على الموضوع الجميل اخ مواطن عربي اصيل

[yazan almahseri]

قبل الهدف المرة جنبي مش قادرة تحكيلي اصبلك شاي ولا اسويلك قهوة بعد الجوووووول بكل عين قويه روح جيب كنافه طيب ههههه

[AHMAD-abuOmar]

عصبت عالولد بالدقيقه 93 ليقيني ان المباراه طارت

بس اجا الجول نزلت فيه بوس

الولد فكرني انهبلت ههههه

[Rui Costa 10]

كنت ناوي طلع من البيت مشن اوديه على مول مشان يلعب ... و ابني بحكيلي يلله يلله و انا منطنشه ... طفى التلفزيون مع لركنيه ... دجيت فيه راح عيط لامه ... عبين ما شتغل التلفزيون ما شفت الجما هير الا في الملعب ... بلشت انط و انا مو فاهم ... بس بشوف الناس بتنط على التلفزيون .... و جى ابني نط معاي ..... طبع طلعت من نصيب الولد .. لعب لصبح و ما روحته عبين ما قلي انروح ... اجمل شيء بالوحدات انك بتحبو بدون مقابل .. و الفرحه هي ما قد تكافئ عليه لهذا الحب - مع ان الفرحة ليس سببا لهذا الحب

[مواطن عربي]

كانه ما عجبك الرد ايها المواطن الكريم !!!!!!

اسف جدا يا حمووز .... بس ما انتبهت ... كل اشي وحداتي بعجبني وبحبه ....

هات قلي شو صار معك بعد الهدف ... شاركنا الفرحه

[نشأت المحسيري]

قصتي قصه ،،، كنت في باص بلندن مروح من بيكاديللي لتشيلسي مكان سكني وكل شوي اعمل ريفريش والله والله كنت بتذكر مباراة موسم 2007 يوم حسن جاب الجووول وبعدها بلاقي مكتوب جووووووول بعد ريفريش ،،،، نطيت في الباص وجنبي بنت مزه وصرخت جووووول وسبيت عالفيصلي والباص كله بيتطلع علي وطلع واحد عربي معي في الباص وانا نازل بيحكيلي مبروك يا خيي