:::: هستيريااااا :::::

[مواطن عربي]

أنا آخر ربع ساعة قضيتها أقزدر في البيت بعصبية معهودة عني أوقات مباراة الوحدات

و يا ويلو اللي من الاولاد بيجي قدامي

بالشلووووووت

بس لما اجا الجووووول صرت أنط و الاولاد صاروا يضحكوا علي

ههههههههه

بس بعدين راضيتهم و اشتريتلهم شبس أبو الشلن

شو سبب الكزدره ابو ريان ... بكرا ولادك الله يخليللك اياهم راح يعرفوا ليش كنت تنط ... بس يكبروا ... ويعرفوا الوحدات

[abedmh]

كنت جاهز اطلع اصلي العشا وكان ظايل للأقامة 5 دقائق أجي الجول ونطات شوي مع بيسان بنتي ورحت صَلَّيْتَ وحمدت الله كثير الي أكرمنا بالفوز

[مواطن عربي]

بقدرة قادر تشعبطت حافي ووقفت وقوف تام ع الدرابزين اللي بفصل مدرجات ستاد الحسن في الدرجة الثانية أكثر من خمس دقائق لغاية ما طلعوا الحكام واللاعبين والمدربين والإداريين ،، وع قدّ ما كنت فرحان ومهستر من الفرحة ع قدّ ما تنكّدت واشمأزّيت من الحركات القذرة واللامسؤولة وغير الأخلاقية ، لا بل التي خدشت الحياء العام ( حركات وألفاظ وسخة ) خاصة وقد كان يجلس معنا ع المدرجات عائلات ، وهذه الألفاظ وهذه الحركات قام بها أحد أفراد الجهازين ( الفني والإداري ) للنادي العربي ومعه شخص آخر ..

الله عليك يا راقي .... هاظ منيح الي فيه دربزين .... منيح ما نطيت اخرى .... الي مثللك بستاهل يفرح والله

همسه : لا عليك من هؤؤلاء الجهله ... فالوحدات لديهم عقده ستبقى الى يوم الدين ان شاء الله

[مواطن عربي]

خلصنا الدخانات وابو عدي كان عندي صدره صار يوجعه وضغطته ارتفع وخفت عليه

له له له كل اشي الا ابو عدي ... الحمد لله على سلامته ... بعدين ابو عمار المفروض تعمل حسابك انه بس نلعب

قدام هيك فرق كل دقيقه لاعب منهم بوقع لازم تعمل حساب للوقت الضايع ... خلي عندك باكتين يا رجل بهيك مبارايات

[Loai Al-Hajjaj]

أنا بطلت أميز. ..فكرت حالي بحضر بمباراة كرة يد.
هههههههه

فرحت لفرح الوحداتيين كلهم. .... و فرحت شماته في الحاقدين

[مواطن عربي]

نيالك يا ابو محمد باقي في راسك شعر تمزعوا .... هانت ان شاء الله الدوري وحداتي ....وما حدث بعد المباراة في اعتقادي سيجعل المارد ...يصحوا من جديد ....

شاركنا كيف كانت فرحتك يا وحداتي

[أبو أحمد زبدية]

كان يحضر المباراة معي شب اسبانيولي ،، اول كلمة طلعت من ثمي (يا بايييييييييييييييي) كل اللي ذاكره اني حضنت الاسبانيولي وضربته خمسبن كف على ظهره وهو فارط من الضحك احلي شي كنت حاكيله الفرق مع الثاني اربع نقاط بعد ما هديت حكالي
Now we have seven points difference

[مواطن عربي]

انا والله حضنت الي بجنبي و ما بعرفه كانت فرحة مجنونة
اقسم بالله كان احساسي بوجود هدف الفوز

الله على احساسك الكبير يا ابو الرب ... الله يبسطك يا رب دايما

[AbuLamar]

كنت بالملعب على الدرجه الاولى واعصابي بدت تنهار وبدي اخرج من الملعب وانه الجوول جاي فقدت اعصابي وجيت على ظهري من الفرحه وقعن تلفوناتي واقعد لم عاد
وصوتي لحد الان مختفي

[مواطن عربي]

تابعت المباراة مع صديق لي في مقهى من مقاهي عمان كون المباراة كانت مقامة بمدينة الحسن في اربد ، وفي الحقيقة كانت الاعصاب مشدودة قبيل انتهاء المباراة بدقائق ، ووصلنا الى اللحظة التي فقدنا فيها الأمل بتسجيل هدف ثان يضمن لنا النقاط الثلاثة والحسرة تملأ وجوهنا على فوز كان في متناول اليد ثم فقدناه ، وما هي الا لحظات حتى جاء الفرج من عند الله بهدف هو الأغلى والأحلى والأمتع ! في وقت كنا نترقب فيه صافرة حكم المباراة بمرارة.
شعور جميل ولحظات سعيدة واحتفالات اشبه ما تكون بالهستيرية تلك التي عشناها مع هدف الوحدات الثاني في مرمى العربي
في حقيقة الأمر لا ألوم اللاعبين الذين احتفلوا بالهدف بطريقة هستيرية " واخالف كل من انتقدهم " لأنني احتفلت بنفس الطريقة الهستيرية التي احتفلوا بها

الله عليك يا شنطي ... احلى اشي انه تكون فاقد الامل وبثانيه يرجعللك .... يا الله ما احلى هالشعور ...

الفرحه الهستيريه للجماهير هي من باب الحب للوحدات ... وللاعبين من باب الانتماء له ايضا ...

[ابو محمد عماد]

ابو محمد بدنا نعرف بالتفصيل شو صار معك

بلاش
اول شي صرت أنط من وين بتجيني اللياقة البدنية بعرفش مع العلم انو في ظهري دسكين او ثلاثة
ثاني شي المرة والولد الصغير بظحكو علي والمرة بتقول شو قلة العقل هاي
بصير مش عارف وين الدخان والقداحة صارت, والصغير بظحك علي وبقوللي القداحة في ايدك بابا والدخان بجيبتك

بعدين

مسكت المنتدى وبلشت دمج عن جنب وطرف
لانو لما الوحدات بفوز او بخسر وهذا متعودين عليه كل واحد من الأعضاء ماشاء الله بكون عندو كلمتين اوثلاثة مذايقاتو بزتهم بموضوع لحالهم غير الحذف والتعديل

خليها على الله يامواطن
احنا شعب مقهور

[مواطن عربي]

انا ظربت على راسي ودمعت وقلت معقول

طبعا معقول يا وحداتي ... من فرحه لفرحه يا رب

[احمد فرهود المدياوي]

ابني من النوعية النقاقة بدوا كل اشي والله كنت ناوي اقتله قتلة عمره ما شافها
وبلش التوتر يزيد حتى الله افرجها علي وقلبت الكرسي
طبعا ابني نفذ من القتلة اه والله نفذ يا خسارة
بس والله ارجعت وضربته حرقت راس
ابني عمره 5 سنوات
هل يوجد علاج للنق

[مواطن عربي]

كنت متابع للقاء من خلال المنتدى (البث من خلال الرابط كان متأخر)
صراحة كنت شبه متيقن أن الهدف الثاني قادم لا محالة لكن المسألة مسألة وقت
مع إنه سلمت للتعادل في أخر اللحظات لكن لم يخب التوقع
إن شاء الله يتم إنهاء ما تبقى من اللقاءت في الشوط الأول

كم اعشق التفاؤؤل يا بلال ... ضليت واثق من فوز الوحدات ومتفائل ... والله ما خيب ظنك

اتمنى كذاللك ان ننهي كافه اللقاءات من شوطها الاول

[مواطن عربي]

اول شي ما كنت مصدق... وظليت خمس ساعات بحرق بروس الزرق...وهاي قمة المتعة انه تنبسط لفرحة الوحداتية وحرقة قلوب الزرق

الله يحرق روسهم كمان وكمان ... ويديم عليك الفرحه