الجماهير عندما خرجت عن النص ... خرج الوحدات من البطولة

[وحداتي ماحييت]

الي صار من الجمهور عيب
بس والله الواحد انحرق دمو
الله لا يوفقك ادارتنا بدنا طارق خوري

[أبو ينال]

أخي أبو ينال

مش ملاحظ أنك بتبرر للعيبة كثير زيادة عن اللزوم و في كل المناسبات ؟؟

و مش شايف إنك دايما في كل مواضيعك بتفضل مصلحة اللاعبين الفردية على مصلحة الفريق ؟؟

يا سيدي العزيز لعيبتنا طول ٧٠ دقيقة ما عملوا ولا هجمة، و اتحداك إذا بتجيبلي
فرصة وحدة، يم أخذتهم عزة النفس لما الجمهور هتف لرأفت أخر ٢٠ دقيقة ؟؟
بالطبع انا تماما ضد الاساءة لمحمود شلباية تحديدا لأنه ليس الوحيد السيئ، بل
كان ١١ لاعب سيئ في الملعب، بسبب أن من يقودهم هو مدرب مبتدئ مفلس كرويا
وفوق كل هذا وذاك يتلقى الأوامر مباشرة من زياد شلباية الله يريحنا منه.

لا تلوم الجمهور لما يشوفوا ٧٠ دقيقة بدون أي هجمة ولا حتى تمريرة صحيحة، برغم
عدم تبريري للأساءة لشلباية.

اخي الحبيب ابو يونس

كيف يعني مصلحة فردية ؟؟ ما فهمتها هاي

يا اخي اذا عندكم لعيبة احسن من الموجودين جيبوهم يلعبوا

استغرب من جمهورنا العظيم ان يوافق على شتم اي لاعب من اللاعبين

[أبو الوليد]

لسنا مع الشتم ولكن يا ابو ينال حلمنا كان كبير ولاعبينا

قلبوه كابوس علينا

[ابو الخل]

خطأ فادح تحميل الجماهير المسؤولية. بالرغم من عدم اتفاقي مع الهتافات سواء مع رأفت الذي هو خارج الوحدات أو ضد شلباية الذي قدم وما زال يقدم الكثير.
الوحدات قدم اسوأ أداء من سنتين: خطوط متباعدة - الروح مفقودة - اللياقة معدومة - الحلول مفقودة - التكتيك سيء. اعتقد الطاقم التدريبي يتحمل جزء كبير من الخروج.

[علي ابو تسنيم]

ابو ينال بعد اذنك .... يا ريت تحضر المباراة كمان مرة ويفوز الوحدات 5 صفر عشان نخلص من عنادك يا رجل انا بامريكا ونحرق دمي

فالله يعين اللي كانو في الملعب وبتلوم الجمهور ليكون الاعبين من اولياء الله الصالحين ... معقول تهاجم 20000 الف متفرج عشان 11

شريطه ظايعين في الملعب

[osama1968]

والله العظيم السبب حفاية شلباية
لا بيعرف يلعب ولا يركض والله ما هو لاعب
حمل ثقيل على الوحدات والمدرب والفريق
حفاية + عيسى السباح زي المطهر جديد
وغبي ما بيعرف بتصرف الكرة
وباسم فتحي مفكر نفسة احمد عبدالحليم
الجمهور غلط بس مش السبب بس الحماهير مصدومة
نفس ما صار يوم شباب الاردن يوم ما ضاع الدوري مصعوقة لا تصدق ما حدث

[ehab-1986]

والله انا كنت مع الجمهور وذايقت من اسلوبهم يا زلمه الجمهور كلو بيفهم وعندهم خطط كثير حلوة وبحكو عن حالهم وحداتيه وللسف ما شوفت حدى مدح لاعب وحداتي بالمرة ....ولما هتفو لارافت علي انا هتفت معهم لاني بحب هاض الاعب ..... محمود شلباية زعيم هدافي الوحدات ...... الله وحدات القدس عربية

[أبو يونس]

اخي الحبيب ابو يونس

كيف يعني مصلحة فردية ؟؟ ما فهمتها هاي

يا اخي اذا عندكم لعيبة احسن من الموجودين جيبوهم يلعبوا

استغرب من جمهورنا العظيم ان يوافق على شتم اي لاعب من اللاعبين

اخي الكريم
كل مواضيعك تتمحور حول "نفخ اللاعبين" و تصويرهم بأنهم يستحقون اللعب في برشلونة،
و المفترض وضع الهم و الاهتمام الأكبر بالفريق و ليس بـ "لاعبين"..

بخصوص الشتائم، أنا قلت بأنها مرفوضة خصوصا لشلباية، لأنه لم يكن السيئ الوحيد في الملعب..

خسارة يتحملها أولا و أخيرا المدرب الضعيف الشخصية و الفكر التكتيكي..

هل تعلم بأن زياد شلباية يفرض التشكيلة على سيدنا الشيخ ؟؟

[لاجئ فلسطيني]

الحمد لله على كل حال...

بس ليش كل مرة اللعيبة بخيبو أملنا في المباريات المصيرية...

[أبو ينال]

ابو ينال بعد اذنك .... يا ريت تحضر المباراة كمان مرة ويفوز الوحدات 5 صفر عشان نخلص من عنادك يا رجل انا بامريكا ونحرق دمي

فالله يعين اللي كانو في الملعب وبتلوم الجمهور ليكون الاعبين من اولياء الله الصالحين ... معقول تهاجم 20000 الف متفرج عشان 11

شريطه ظايعين في الملعب

اخي الكريم
كل مواضيعك تتمحور حول "نفخ اللاعبين" و تصويرهم بأنهم يستحقون اللعب في برشلونة،
و المفترض وضع الهم و الاهتمام الأكبر بالفريق و ليس بـ "لاعبين"..

بخصوص الشتائم، أنا قلت بأنها مرفوضة خصوصا لشلباية، لأنه لم يكن السيئ الوحيد في الملعب..

خسارة يتحملها أولا و أخيرا المدرب الضعيف الشخصية و الفكر التكتيكي..

هل تعلم بأن زياد شلباية يفرض التشكيلة على سيدنا الشيخ ؟؟

خلص يا عمي خلينا نعلقهم المشانق ونعدمهم

يا اخوان اذا في احسن منهم بالبلد هاتوهم يلعبوا

شاطرين بس تلوموا على جماهير الفيصلي

اقسم بالله سمعت مسبات وحكي بيخزي

تكفير وسب الرب والبدن بطريقة بتقشعر البدن

[لؤي حجير]

ما في روح رياضيه يا اخي

[سماح عاطف]

اوكي أنا معك أنو غلط شتم اللعبين ... ولا يجوز وجمهورنا أرقى من ذلك بكثير
بس أنو الجمهور سبب الخساره هاد حكي مرفوض تماما ... ليش الجمهور يلي قل لبشار بني ياسين اتفرج على اللاعب وهو يحط الجول ...
الجمهور يلي قال لخط الدفاع اسرحوا والله بسهل
الجهمور يلي قال لقويض العب بهاي الخطه يلي مش معروف أصل أبوها شو
ولا هو يلي قال لباسم ان شاء الله واقف بالمريخ كل الرميات الثابته لازم بايد الحارس ولا هو يلي قال لحسن ضل طالع بالكوره لما اتوصل زاوية الكورنر واستنى واحد يطلعها ...
ولا قال لعامر شوت الكره غلط عند كل مرمى ...
وكل هاد كوم .. وانو شلبايه متسلل عيني عينك ... ومحتج على قرار التسلل ... كمان لاعب قال هداف فريق وقائد وكابتن وما بعرف شو مش عارف شو يعني التسلل ... كم مباراه لعبها شلبايه وما اتسلل فيها ... !!! ولا وحده
والله اشي بخزي لا لعب ولا اداء و وفوق كل حدا بطلعوا يبكوا مين يلي يبكي ... 20 الف اتغلبوا على ظروفهم الصعبه وتركوا مدارسهم وجامعاتهم ودواماتهم وشغلهم ... واجوا يتفرجوا ... ( تمرين مع احترامي لجدية التمارين ) ...
يعني والله مش هيك شكل المباريات بكون .... والله لفريق لعب متل العالم حتى بدون ما يفوز أو يتأهل ... كان الملعب انفجر من التشجيع ... بس الجهور والله مصدوم ... من خيبات فريقوا ...
يعرفوا يلعبوا متل العالم ما حد بجيب سيرتهم ....

[jamal nashwan]

إلى كل الجماهير

أخي الحبيب أبو ينال
إلى كل من شارك بهذا الموضوع

ربما تلاحظ من خلال مشاركاتي في هذا المنتدى أنني دائماً ما أكون مع اللاعبين .. مع الإدارة .. مع الجهاز الفني .. في كل ما يدور حولهم من انتقادات من مداخلات ( تسئ ) أو تقلل من شأن أي فرد ممن ذكروا !!

وكذلك فقد كنت من أكثر الذين كانوا ممن شارك في جميع ما دونت ( أنت أخي أبو ينال ) وكنت معك على طول الخط في كل ما ذهبت إليه في مواضيعك من عدم التدخل في شؤون الجهاز الفني وفي قضية رأفت علي وأن النادي لا يقوم على شخص بعينه ولا على لاعب بعينه ولا على حتى على طرف كامل من أطراف معادلتنا أو منظومتنا المتكاملة ( الوحدات ) الذي يساوي جمهور + إدارة + لاعبين + جهاز فني .

ولكني اليوم أجدني أخالفك الرأي تماماً .. حتى وإن كان ما تقصده من موضوعك الفئة التي تتحدث عنها من الجماهير .. والتي أخذ البعض من المشاركين في هذا الموضوع يتحدثون عنها ..

أخي أبو ينال .. الإخوة جميعاً

كنت قد تحدثت عن شلباية وعن ولائه وانتمائه وحبه وإخلاصه في مباراة الأنف المكسور وكم كان عظيماً هذا اللاعب بكل ما ذكرت من تلك الصفات .. وكذلك عن حسن .. وآخر موقف لحسن كان بالأمس .. عندما دافع عن ذلك الشاب وحرقته وحرصه على ألَا يمسه مكروه ، فعلاً كان موقفاً وتصرفاً عظيماً من حسن .. كيف لا وهو النجم الخلوق .. الكبير .. المحروق دمه ( يمكن أكثر منا ) .. لكن أن تعزو خسارة فريقنا على الجمهور أو لفئة من الجمهور نتيجة بعض الشتائم التي صدرت منهم .. لا يا صديقي ..
شلباية .. عامر ذيب .. عبدالله ذيب .. حسن .. وغيرهم من اللاعبين شخصيات عامة .. معرضين ليس فقط للشتم .. ربما للضرب والله يسترهم من إشي أكثر من هيك .. مكافآت بوخذو ولو أنها مش هالقد .. مديح يكال لهم بمناسبة وبغير مناسبة .. ميزات يتمتعوا بها - ميزات معنوية - حتى لا أظلمهم .. لأنهم مادياً ربما يكونوا لم يصلوا حد طموحهم .. وهذا ما جعلهم شخصيات معروفة ومشهورة .. إذن هم معرضون للشتم .. للذم .. كما هم يتمتعون بمزايا لا يتمتع بها واحد فقط ممن شتمهم ..
فهل تستكثر على جمهور أو كما تقول ويقول من شاركك في هذا ( فئة مندسة ) أن تقوم بشتم وقدح فلان من اللاعبين أو غيره وهم الذين مش طلعت روحهم وبس .. عانوا كل أنواع المعاناة والقهر والذل وضيق الحال .. أي والله العظيم عندي ناس أخذوا سلفة عشان يحضروا المباراة .. وأقسم بالله العظيم أنني أنا ماخذ إجازة من يومين ومعسكر لهذه المباراة قبل ما يعسكر الفريق .. وقمت بالتنسيق وحشد ما تمكنت من حشده من الأصدقاء اللي أعلم بأحوالهم عشان ييجوا يحضروا المباراة ..
أخي ابو ينال .. الله يكون بعون الجماهير .. أو الفئة اللي بتحكي عنها .. لأنهم هذول المحروق دمهم .. هاي هي الطريقة اللي بنفسوا فيها عن غضبهم !! والله لولا أنني في هذا المقام أقوم بنشر غسيلي الوسخ ، لقلت لك ولكل الإخوة ( إيش سويت بولادي ) يعني أجت على شتيمة ( لا تلصق أبدا .. سب ) لمحمود شلبايه أو حسن .. يمكن هم أنفسهم قدروا حالة الغضب الجماهيري وعذروا هذه الجماهير وسامحوها .. سامحوهم يا أبو ينال إنتو كمان وسامحونا .. وعذراً من كل وحداتي أصيل ..

[helal]

سيدي احنا مش مع الشتم بكل الاحوال والموضوع مؤذي النا قبل ما هو مؤذي للاعبين
بس هاد اشي موجود للأسف في ملاعبنا ومتوقع
بس السؤال ليش بتوصلو حالكم يا لاعبين انة يصير فيكم هيك؟؟؟؟
يا سيدي مش طالبين منكم غير تعلموا اللي عليكم مش أكثر
مش لاطعين الجمهور من 8 الصبح بستنا عشان يشجعكم ومتأمل فيكم عشان تيجو تقزدرو
ولكم يا الله ولا شوته عالجول

مع كل هذا انا ضد السب والشتم بكل الاحوال

[محمد طليب]

مع احترامي الشديد لموضوعك الجهاز الفني واللعيبة لم يلتزمو بالسناريو فخرج الجمهور عن النص