الجماهير عندما خرجت عن النص ... خرج الوحدات من البطولة

[وليد القدومي]

لا اقول الا حسبي الله ونعم الوكيل بهكذا جماهير والله العيب كل العيب لكل من شتم اعراض هؤلاء اللاعبين بطريقة بشعة

هم السبب الاول بخروجنا من البطولة

نعم تلك الجماهير اللاواعية التي لا تفقه بالكرة شيء

كان هناك اكثر من 25 دقيقة كفيلة بعودة الفريق

هتافات الجماهير هي من ربطت اللاعبين وتسببت بما حصل وبدل من ان يسمعوا التشجيع سمعوا اعراضهم تشتم

ولا الوم اي لاعب لو انه بعد ذلك تعمد الخسارة ولو كنت احدهم لتركت الملعب وغادرت

من غير المعقول ان اقضي معظم وقت المباراة لا اسمع الا المسبات القذرة وان اتعارك مع هذا واترجى هذا بعدم الشتم

من قبل ان نسجل هدفنا بدؤا بشتم اللاعبين وعلى مسمعهم

وبعد هدف التعادل اصبح الوضع مش معقول

حسبنا الله ونعم الوكيل فيكم

الي بده رأفت يروح يلحقه على الكويت ويشجع الكويت والوحدات بغنى عن هيك جماهير

صار رافت مش كويس ؟؟؟ اللي باع رافت يرجعوا وانت الصادق

[ابو سند 77]

اخي شو بتتوقع من الجمهور الفريق ما لعب بقرش اليوم

[ابو احمد 75]

حسبيى الله بهيك جماهير وهيك اشباه لاعبيين

الله لا يسامحهم

[muha-1990 القريوتي]

انا معك انو اللي عملو الجمهور غلط مليون بالمية ... يعني اللي بدو رأفت يروح يشجع الكويت

بس انا مش معك بشتم الجماهير !!!!

الجماهير بلشت تشتم آخر 10 دقائق من المباراة ...... لما شافت أشباح في الملعب ولم تشاهد الوحدات ...

انا معك انو عيب وما بصير الجمهور يعمل هيك

بس لما ما يكون لاعبك سوى رجل آلي في الملعب !!؟؟؟

فهذا اشي بطلع الروووووح

[بشار زيد الخطيب]

يا زلمة صلي على النبي احسنلك ، انا مش مع سب اي انسان بس والله انو الفريق اليوم ما بسوى بصله ، شو بدهم اكثر من هيك ظروف ما احترمو الجمهور اللي زحف الهم بالالاف من كل بقاع الاردن والله انا ندمان على الروحه على الملعب من الساعة 2 وانا قاعد على المدرجات ونشجع ونهتف وما حد اجى باي لاعب والتعب هلكنا وعملنا كل اشي ممكن يرفع من ازرهم بس ما احترمو الجمهور ولا قدرو هالوقفه وخدلونا حسبي الله ونعم الوكيل في كل متخاذل وبدهم يلعبو بدوري ابطال اسيا والله كثير عليهم درع الاتحاد وعين كارم والطرة

[لؤي الفيومي]

يا رجل بالله عليك مقتنع هل انت مقتمع فيما تقول...
الجماهير هي سبب الخسار....

لا يا سيدي الجمهور 10/10

والاعبين ....على هذا الاداء ...لا ستحقون ان يرد السلام عليهم...مع العلم ان كل شي موفرلهم...

وقويض اتمنى ان يكون على حدود سوريا..

والله يرحم ايامك يا دراجان يا فنان...
وينك يا رافت يا معلم ..

بس رجاء لا تحكي على الجمهور ..

[ابو ادهم الادهمي]

شلباية اللي لعب مباراتين بمنخار مكسور
هيك تعاملوه يا وحداتية ؟؟؟؟

ياعيب

[شنلر]

ان شاء الله خسارة مخزية لرافت والكويت الكويتي امام ناساف الاوزبكي
اللي بده رافت يلحقه

[رنين]

خيي خليك معي شوي

يعني لو الجمهور شاف لعيبه عم تلعب صح
كان ما هتف لغيرها

داخلين لحتى يخسروا الشباب
لعب غلط وتشكيله غلط

حكوا بدهم جمهور إز الفيصلي راح شجع
شو بدهم؟
اعلام جبنا ومكافآت فيه حوافز فيه


هما ما بدهم الفوز مو من الجمهور
السبب ابدا

[أبو ينال]

للاسف انصدمت اليوم.... والله ليمسكوها علينا مذلة...ابو ينال شو اللي صار بالزبط مع حسن بعد المباراة

اخي الحبيب واحد نزل من الجمهور وتف على اللاعبين بنص الملعب

الدرك لحقوه ولو مسكوه كان شلوا املوا ومع ذلك حسن مسكه وحماه من الدرك وقلهم خلص عندي وتجابوا الدرك معه

ومع ذلك كانت الجماهير على مسمعي تشتم حسن بصيغ مقززة وهو يبكي

يا عيب الشوم بس

[ابو ادهم الادهمي]

يا رجل بالله عليك مقتنع هل انت مقتمع فيما تقول...
الجماهير هي سبب الخسار....

لا يا سيدي الجمهور 10/10

والاعبين ....على هذا الاداء ...لا ستحقون ان يرد السلام عليهم...مع العلم ان كل شي موفرلهم...

وقويض اتمنى ان يكون على حدود سوريا..

والله يرحم ايامك يا دراجان يا فنان...
وينك يا رافت يا معلم ..

بس رجاء لا تحكي على الجمهور ..

لو اعتزل رافت هل نبقى نردد رافت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟لمتى ما بيوقف الوحدات على اي لاعب و نفس الشي نحترم كل العيبة

[ramy_love]

يا اخي بلا حكي فاضي هسا صار الحق على الجمهور ؟؟؟ الجمهور اللي ترك اعماله وربنا يعلم كل واحد كيف دبر حق التذكرة
لا تحكي كان في 25 دقيقة قسما بالله من اول المباراة واللعب بخزي ومدرب واقع من المريخ

[ibrahim7881]

ليش كانوا اللعيبة حارقين الاخضر واليابس قبل هدف ناساف يعني.. نعم الجمهور هو السبب تعرف ليش لانهم كانوا على الموعد قطعوا عن فم اطفالهم ليحضروا المباراة اصلا الاعبين والمدرب داخليين مهزوزين ما تلوم الجمهور بعدين يالله مواضيعك شو بتعكر الدم والواحد بيمسك حاله ما يعلق بس للاسف الردود اللي بتجامك كثير هون من شان هيك بتفكر انه مواضيعك بتضيف شيء...احكليلك شغلة للك والى كل من يلوم الجممهور1000000 سنة لما يجي واحد زي رافت بعدين ليش ما يكون الهتاف ضد الادارة وبعدين الوحدات يفقد الاعب المهاري خصوصا في تهميش ابو طعيمة فما تلوم الناس

[baddream]

بالله عليك من الساعه وحده بالملعب عشان يلعبو لعب شوارع مع احترامي للعيبة الشوارع وبتقول خرجو عن النص لا يا سيدي خرجنا عن النص والبطوله اذا مش عاجبك ........... الشباب ما شاء الله بتصيد عصافير ما بتلعب فطبول

[goodman]

الشتم بصوت يسمعه الاعبين وين حدث بأي دقيقة ؟؟ لانه بصراحة لم اسمع ذلك

الاعبين و الادارة و الجهاز الفني سبب الخسارة