نهفات حصلت معك من خلال ذهابك للملعب

[رمزي الياموني]

في احدى المباريات بالزمن الجميل وكان الاستاد فل اكثر من 30000 الف مشجع وحداتي وكنت مع شله ما شاء الله عليها والنعم منهم واحد واحد رجال بمعنى الكلمه روحي بعرفهم كلهم وكنا مروحين من الملعب عن طريق النفق الى الدوار الثالث والا احد الاخوه معه قلاب وموقف القلاب داخل النفق ونازل من القلاب وقاعد برقص هو وكل الشباب اللي معه ومجموعه من الجماهير والناس بتزمر علشان يفتح النفق وهو بفكر انه الناس كلهم وحداتيه وفراحنيين وبزمروا معه ووين وين ترضي يفتح النفق

هههههههههههههههههههههههههههههه

[رمزي الياموني]

في احد المباريات غلطت غلطة عمري واخذت ابني معي على الملعب وكانت مع العربي في ستاد الحسن وابني عمره 6 سنوات
والله ...اشتريت التذكرة ودخلنا الملعب وبعد ربع ساعة على بداية المباراه بلش صهيب(ابني )
يقول متى بدنا نروح...زهقت....مليت...بدي اروح ...بدي ماما
ظليت اصبر فيه وبس خلص الشوط الاول فكر الاخ انه المباراه خلصت وزاد الوتيرة ...بدي اروح بدي ماما
بس على مين والله ما روحت الا لما خلصت المباراه
ومن يومها من12 سنه ما اخذته على الملعب

الله يخليلك اياه
الان وعي ما شاء الله يعني لازم يتعود على الملعب

[رمزي الياموني]

في مباراة الوحدات والكرمل الشيهرة عام 97 كنت بنتظر انا وصديقي نستنى ندخل المدينة الرياضية من البوابة الرئيسية احتى عرفنا انه فتحوا البوابة مقابل فندق الارز... فصرنا نركض و من العجلة وقعت وقعة الله لا يورجيكم انفتح وجهي!!!! والدم صار للركب!!! صديقي بحكيلي خلص روح وانا بحكيلوا شووووووووو ولك اليوم الكاس...المهم وصلنا على الاستاد والدم الله وكيلكم نافورة وشافني احد جنود الحرس الملكي المنتشرين يومها شفق علي واعطاني محارم حضرت المباراة كاملة بهاي الحالة وقوفا من كثر البشر ودمي بقطر على قميص الرجل الي واقف قدامي D:
المهم بس خلصت المباراة رح على المستشفى واكلت 6 غرز

والله بالسلامة
ههههههههههههههههههههههههههههههههههههه
لهدرجة حب الوحدات

[مالك]

كان في مباراة بنهاية الدوري وكانت محسومة للوحدات
الوحدات فاز 4/0 ويومها سجل الرابع جهاد
وعلى ما اذكر والله اعلم كانت بين الوحدات والجليل
يومها كنت ماخذ ابن اخوي وكان صغير ممكن بالصف الثاني او الثالث
وكان الملعب فُل
بس خلصت المباراة الدرك نزل فينا عن جنب وطرف
صرت اركض انا وياه وانا ماسك ايده
فجأة الولد وقع على الدرج وحسيت اده ارتخت صرت اصرخ وادفع الشباب الي فوقه
واجا شرطي من الدرك ساعدني
طلت الولد والا مش مبين ملامح وجهه
كان منظر محزن ما بضحك بس لما شفت مفش مكان بوجهه الا كندرة دايسة عليه فطست من الضحك رغم القهر الي بداخلي

اما نهفات اني ادخل عند مشجعي الفريق الثاني وانا بفكرهم وحداتية ..تعِدِش كثثثثثير صارت معي

[tito1402]

بشهر 3-2011

كنت جاي من السعودية وكعادتي والحمد لله أي مباراة بالأردن مابفوتها ابداااااا....المهم رحت انا وإبن عمي ابراهيم طموس على القويسمة ويومها كانت المباراة مع فريق السويق العماني الي فزنا فيها 5-1 .....اشتريت التذاكر وكنت واقف على الدور ومعي كاميرا سوني صغيرة ....فشافها الدركي وقالي هاي مابتدخل قلتله يارجل انا جاي من السعودية علشان احضر المباراة وآخذ صور للمباراة للذكرى ....قالي هاي القوانين قلتله وين المسؤول هون بدي احكي معه...رحت للمسؤول وحكيت معه وقلي ممنوع وقلتله ياأخي بأوروبا وكل دول العالم مسموح شو معنا احنا"هو مفكر اني بدي اترجاه يعني!" بيرد علي وبيقولي هاظا بأوروبا .....إنت بالأردن!!!!!!!!!!!!!!!!!!!!!!!!!!!!!!!!! !!!!!!!!!! ورحت خبيتها بالسيارة ورجعت للدور من جديد قال حرية قال؟؟؟

[Jet_Li_Zamel]

احلى نهفة صارت معي مباراة للوحدات والفيصلي بعام 2007 الدرك وقفنا عند التفتيش ولقط معي فلاشة كمبيوتر وهاات هالدركي يعرف شو هيي الفلاشة وكل شوي ولك شوو هااااظ وشو هاااظ وانا اقلو هااي فلاشة
بالاخر اجاه دركي ثاني(بفهم)
قلو را رجل هااظ للكمبووطر
ومرقنا

[رمزي الياموني]

في موسم 1998 وفي المباراة المشؤومة مع القادسية اللي خلصت 3-3.. كنت طالب بالمدرسة وعمري 14 سنة ومصروفي على قدي..
اداينت من اخوي دينار ونص عشان اروح عالستاد.. نص دينار تذكرة درجة ثالثة ونص دينار مواصلات روحة رجعة من الزرقا لستاد عمان.. واشتريت ساندويشة فلافل وعصير..
طبعا وصلت الملعب قبل المباراة يخمس ساعات.. وقعدت استنى يجوا الشرطة والتذاكر..
لما اجوا التذاكر بنتفاجأ انهم رافعين سعر التذاكر والثالثة صارت بـ 75 قرش..!! كل اللي معي يعني اذا اشتريت التذكرة ما بروح!!

ظليت احوم حوالين الملعب عشان الاقي طريقة ادخل فيها ما عرفت.. بلش الشوط الاول وانا لسا برا..
رحت على باب الدرجة الاولى وظليت واقف على جنب.. والا شوي المسؤول عن تبع العصير والبزر اجا سأل ولد جنبي تفوت تبيع معنا؟؟
الولد ما رضي.. انا نطيت على طووووووووول وقلت انا باجي.. اطلع فيا من فوق لتحت وقالي تعال..

المهم دخلت معاه وكانت المباراة مبلشة.. اخذت الصندوق وقالولي عالاسعار وكل شي تمام..
اكثر البيع كان بين الشوطين وبربع ساعة كنت بايع بعشرين دينار..
طبعا الشوط الثاني فش حركة وقضيتها احضر المباراة.. بس خلصت المباراة سلمت الغلة واعطاني اجر دينار ونص..
وكان معي 75 قرش من اول..
روحت عالبيت ورجعت لاخوي الدينار ونص اللي اتداينتهم.. وحضرت المباراة..!!
واهم اشي انها كانت المرة الاولى بحياتي اللي بدخل فيها الدرجة الاولى.. وعرفت الفرق بينها وبين الثالثة..!!

الله اعلم نيتك صافية يا طيب
سبحان الله تحولت الامور من عدم مقدرة الدخول للملعب الى حضور اللقاء مجانا
حلوووووووووووووه

[رمزي الياموني]

يوم مباراة الوحدات مع الفيشلي عام 1986 على ما اذكر كنت ادرس بمعهد الوكالة ناعور رحت احضر المباراة وكنت واقف بالطابور لدخول الدرجه الثالثه وما انتبهت الا قنوة بتطرقني على راسي من شرطي طبعا عمى ظوي قلتلو شو فيه قاللي دخل رجلك في الطابور
هههههههههههههههههههههههه
شكل رجلي اليمين كاينه خارج الطابور المهم تحملت كل اشي ودخلت المباراة وبعد ما انتهت المباراة صار شغب وحرق جرايد وشوي الا قوات الشرطه متجهه الى الدرجه الثالثه وهات يا مسيل للدموع عن جنب وطرف طبعا اصابتني قنبلة مسيله للدموع على جنبي والله يا اخوان الآن عمري 43 سنه
العمر الطويل اخي
والله لسه معلم حرقها على جنبي طبعا هذا وسام وحداتي اعتز به
100\100
المهم حاولت الخروج ومن هجوم الشرطه صار الكل بدو يهرب ومحسوبكه طويل طولي 165 سم ما اطلعت الا رجلي فوق الارض بمتر من ضغط الجمهور بعدها صحيت الا انا خارج ستاد عمان بشي 200 متر كيف ما بعرف حملني سائق تكسي ووصلني لمستشفى البشير ولقيت امثالي مثايل من جمهور الوحدات طبعا عالجوني بعد التحقيق كالعاده ثم ذهبت للمعهد / ناعور وقت السحور لما اطلعت في المراية والا عيني مثل الجمر او مثل البطيخ الاحمر طبعا خفت اروح الى مخيم سوف نهاية الاسبوع وظليت انام بالمعهد لمدة شهر وانا اقل لابوي واهلي عندنا عمل تطوعي نهاية الاسبوع وبعد شهر اضطريت اروح ولما شافني ابو قاللي مال عينيك طبعا كان واحد صاحبي قايلي قلو كنا في عمل تطوعي فيه لحام مثل الحدادين اكسيجين او غيرو ما بعرف ابوي ما صدق عارفني قاللي بالله ما كنت في مباره للوحدات وانضربت اضطريت اعترف وهات يا كتل المهم اخواني على ما اذكر انشطب الوحدات بعد هذه المباراة وغيرو اسمو للضفتين المهم اول مباره الو حضرتها مع الجزيرة وكان منظر الستاد بيجنن هو اخضر والثلج ابيض معبيه
اعذروني على الاطاله فالموضوع جذبني
اخوكم ماجد غانم
جرش/ مخيم سوف

حسبي الله ونعم الوكيل
لا تعلبق في النهاية على البقية

[رمزي الياموني]

رحت انا وابن عمي على استاد عمان نحضر مباراة

الوحدات والفيصلي 1983 وكان جمهور الوحدات اكثر

من ثلاثين الف يومها , وابن عمي مجنون بالوحدات كثير

وكنا قاعدين بدرجة العائلات كانت هيك اسمها وكان قاعد

جنبنا واحد ومعاه ابنه الصغير ولما اجا جووووووووول للوحدات

هاج الجمهور وصارت فوضى الاحتفال بالهدف , ابن عمي بدون

وعي حمل الولد ورماه على المشجعين اللي قدامن من الفرحة

وتعانق هوه وابو الولد وهنوا بعض بالهدف , وبعد ثواني صار الاب

يصرخ وين ابني وين ابني , ههههههههههههههههههههههههههه

ههههههههههههههههههههه

الوحدات نساه ابنه
هههههههههههههههههههههههههههههه

[رمزي الياموني]

احلى اشي لما الواحد يروح من المباره سؤال الحجه مين سوا فيك هيك الدرك ولا جمهور الفيصلي ولما يجو ويتصلو شباب النت بعد كل معركه قصدي مباره

النهفات كثيرة وأحلاها نهفات الهكر محمد

مشكورين للمرور

[رمزي الياموني]

كان في مباراة بنهاية الدوري وكانت محسومة للوحدات
الوحدات فاز 4/0 ويومها سجل الرابع جهاد
وعلى ما اذكر والله اعلم كانت بين الوحدات والجليل
يومها كنت ماخذ ابن اخوي وكان صغير ممكن بالصف الثاني او الثالث
وكان الملعب فُل
بس خلصت المباراة الدرك نزل فينا عن جنب وطرف
صرت اركض انا وياه وانا ماسك ايده
فجأة الولد وقع على الدرج وحسيت اده ارتخت صرت اصرخ وادفع الشباب الي فوقه
واجا شرطي من الدرك ساعدني
طلت الولد والا مش مبين ملامح وجهه
كان منظر محزن ما بضحك بس لما شفت مفش مكان بوجهه الا كندرة دايسة عليه فطست من الضحك رغم القهر الي بداخلي

اما نهفات اني ادخل عند مشجعي الفريق الثاني وانا بفكرهم وحداتية ..تعِدِش كثثثثثير صارت معي

احمد ربك انه نفد بعمره

[رمزي الياموني]

كنت جاي من السعودية وكعادتي والحمد لله أي مباراة بالأردن مابفوتها ابداااااا....المهم رحت انا وإبن عمي ابراهيم طموس على القويسمة ويومها كانت المباراة مع فريق السويق العماني الي فزنا فيها 5-1 .....اشتريت التذاكر وكنت واقف على الدور ومعي كاميرا سوني صغيرة ....فشافها الدركي وقالي هاي مابتدخل قلتله يارجل انا جاي من السعودية علشان احضر المباراة وآخذ صور للمباراة للذكرى ....قالي هاي القوانين قلتله وين المسؤول هون بدي احكي معه...رحت للمسؤول وحكيت معه وقلي ممنوع وقلتله ياأخي بأوروبا وكل دول العالم مسموح شو معنا احنا"هو مفكر اني بدي اترجاه يعني!" بيرد علي وبيقولي هاظا بأوروبا .....إنت بالأردن!!!!!!!!!!!!!!!!!!!!!!!!!!!!!!!!! !!!!!!!!!! ورحت خبيتها بالسيارة ورجعت للدور من جديد قال حرية قال؟؟؟

امور تحدث باستمرار يا غالي
بعين الله

[majeduothman]

احلى نهفة صارت معي مباراة للوحدات والفيصلي بعام 2007 الدرك وقفنا عند التفتيش ولقط معي فلاشة كمبيوتر وهاات هالدركي يعرف شو هيي الفلاشة وكل شوي ولك شوو هااااظ وشو هاااظ وانا اقلو هااي فلاشة
بالاخر اجاه دركي ثاني(بفهم)
قلو را رجل هااظ للكمبووطر
ومرقن


يعني اللي ما بيعرف الفلاشه من القداحه بتتوقعوا من اشي غير القنوة

هههههههههه


بعدين نفسي افهم هو في مشجع وحداتي ما اكل قنوة من دركي او في دركي ما سلخ وحداتي قنوة

ما في ما في ما في

هذه اوسمة حب الوحدات

[majeduothman]

عذرا اقتباس

احلى نهفة صارت معي مباراة للوحدات والفيصلي بعام 2007 الدرك وقفنا عند التفتيش ولقط معي فلاشة كمبيوتر وهاات هالدركي يعرف شو هيي الفلاشة وكل شوي ولك شوو هااااظ وشو هاااظ وانا اقلو هااي فلاشة
بالاخر اجاه دركي ثاني(بفهم)
قلو را رجل هااظ للكمبووطر
ومرقن

هذه المشاركه السابقه اقتباس اردت النويه

يعني اللي ما بيعرف الفلاشه من القداحه بتتوقعوا من اشي غير القنوة

هههههههههههههههههههههههههههههههههه


بعدين نفسي افهم هو في مشجع وحداتي ما اكل قنوة من دركي او في دركي ما سلخ وحداتي قنوة

ما في ما في ما في

هذه اوسمة حب الوحدات

طبعااااااااااااا

[سفيان الشاعر]

سنه 1996 كان في نهائي الدوري مباراه فاصله بين الوحدات والفيصلي ... المهم انو والدي رحمه الله كان يميل قليلا للفيصلي ,,وكان دائما يمنعني اروح عالاستاد احضر للوحدات ,, وكنت وقتها عمري 12 سنه ,, وصدفت يومها انها يوم جمعه وكان بدو يطلع يشتغل عالباص بعد الصلاه ,, فقبل مايطلع حذرني من الذهاب للاستاد .. وعشان ما اروح ربطني بحبل من رجلي وخلاني اقعد قبال التلفزيون ,, وطلع عشغلو ,, وصرت وقتها اعيط لامي عشان تفكني وقلتلها اني بدي اروح احضر المباراه عند زميلي بالمدرسه وبرجع عالبيت قبل ما يروح ابوي .. المهم حزنت علي وفكتني .. ومن كثر حظي ماهو حلو اول ماطلعت من البيت لقيت بكم محمل ناس كثير لابسين وحدات وطالعين عالاستاد فشافوني لابس وحدات اخذوني عالاستاد بطريقهم وطبعا بدون تردد طلعت قعدت معهم وطول الطريق واحنا نغني ويا محلانا ,, وانتهت المباراه يومها بفوزنا بركلات الجزاء ,, طبعا بعد نهايه المباراه كنت خارج من بوابه الثانيه ,,اللي كانت وقتها اسمها الثالثه ,, وكانت قوات الامن جايبين باصات من مجمع رغدان عشان توصل الجمهور للمجمع ,, وكان الركوب فيهن اجباري عشان مايصير احتكاك بين الجمهورين .. فلقيت حالي طالع بباص مع الجمهور وكان مافي محل غير جنب الشوفير ,, يعني على غطاء الرديتر واول ماطلعت بلشت اغني مع الناس واطبل وفجاه بيطلع شوفير الباص اللي طلعت معو هو ابوي ,,, وكانت ليله لاتنسى !!! والباقي عندكم