نهفات حصلت معك من خلال ذهابك للملعب

[فلسطيني وحداتي بالفطرة]

مره واحد من الدرك أخذ الفلاشه على إنها قداحه ... وين لوين لما إقتنع إنها مش قداحه بعد ما سأل 5 شباب شو هاي ...

[فلسطيني وحداتي بالفطرة]

في احد المباريات غلطت غلطة عمري واخذت ابني معي على الملعب وكانت مع العربي في ستاد الحسن وابني عمره 6 سنوات
والله ...اشتريت التذكرة ودخلنا الملعب وبعد ربع ساعة على بداية المباراه بلش صهيب(ابني )
يقول متى بدنا نروح...زهقت....مليت...بدي اروح ...بدي ماما
ظليت اصبر فيه وبس خلص الشوط الاول فكر الاخ انه المباراه خلصت وزاد الوتيرة ...بدي اروح بدي ماما
بس على مين والله ما روحت الا لما خلصت المباراه
ومن يومها من12 سنه ما اخذته على الملعب

يا سيدي صارت معي بس بالقهوة مش بالملعب
وما خليت شي ما شريتلوا اياه
عصير بطيخ بدو الحبيب وجبتلوا
هههههههههههههههههه

[فلسطيني وحداتي بالفطرة]

بمبراة للوحدات مع الحسين اربد باربد ببداية عام 2000 او 2001 هيك شي
روحت انا واخوي الزكش و واخ ثالث الي مش قايل اسمة منعا للفضيحة ما الو بالمباريات نهائيا بس اذا بالدار بحضر
المهم اخوي الثالث الو نسايب باربد وراح تغدا عندهم ((((((صواني كفتة))))) وضل عندهم وموعدنا نتلاقا بعد المبارة
وقلنا يا رب عالمبارة
خلصت المباراة
الو ....الو وينك وينك يلا يا زلمة الجو قلب بلشت تشتي كبس
وصل الحبيب مجمع اربد الجديد ركبنا باص كوستر هو بالمفرد جنب السايق والزكش وراه وانا عغطا المتور
المهم الباص ماشي عمهلة والدنيا كبس والتدخين ممنوع والطريق الي بدو ساعة ونص صار ساعتين وربع
واخوي قتلناااااااااااااااااااااااااااااااااااا ااااااااااااااااااااااااااااااااااااااا بريحت الكفتة
وفوق هيك احساسك انك بقفص الاتهام
لانو الشفير قضاها يطل بصباحي وانا مش قادر اعترفلوا لانو اخوي الاي قتلنا مش حد غريب
هههههههههههههههههههههههههههههههههههههههه

[محمد الحسيني]

اكبر نهفة صارت معي كانت في مباراة مع العربي لما اخذنا الدوري مع ثائر جسام ووقتها حسن عبد الفتاح جاب جول في الوقت بدل الضايع

المهم انا كنت موجود في المنصة وكان موجود رئيس النادي وقتها طارق خوري، وانا وابو سامي اللي ما بعرفنا منيح بخربط بينا كوننا بنفس الطول وبنحلق على الزيرو

المهم،، الجماهير فرحانه ومتجمعه على باب المنصة وانا طلعت قبل طارق خوري،، فالجمهور فكرني طارق خوري وراحوا حملوني على الاكتاف وبهتفوا لطارق،، وانا احاول افهمهم بس ولا حدا سامع لا مقتنع

وحتى تكمل اجا ابو سعدوا وشافني محمول على اكتاف الناس وفهم الموضوع،، وانا حكيتله انه يتدخل،، راح الاخ اجا على باله يمزح،، ووقف بين الناس،، واشر علي وقال (كف لطارق خوري يا شباب) ههههههه

[اليازوري]

في مباراة للوحدات مع الفيصلي والله ما ني متذكر أي موسم ، بس هديك الايام انغلبنا من الفيصلي بالكأس وبعد كام يوم لعبنا مباراة بالدوري لما مزعناهم 3 - زيرو ( أبو زمع - وعوينه - وسفيان ) ، المهم ... القصة أني حضرت المباراة مع اثنين من كباتن الملكية الأردنية وصديق من السعودية اسمه " محمد المدني " ، طبعا الكباتن بحبوا الوحدات بس مش متعلقين فيه كثير أما المدني فهذا انسان دمّه أخضر ، شو بدنا بطولة السولافة ، لما أجى الجول الثالث بعديها أتوقع انطرد أبو زمع وهو طالع صار يرقص ويلوّح بالكلر من نص الملعب ولما هاج الجمهور ما لقينا حالنا أنا والكباتن والمدني إلا وناطين فوق الشيك ( الحاجز ) وبنشجع بحرارة ونسينا حالنا تقريبا ظلينا نضحك على حالنا للصبح ...!

طبعا معلومة للشباب " النط " على الشيك أيام زمان كان مسموح ساعات ساعات

[رمزي الياموني]

بمبراة للوحدات مع الحسين اربد باربد ببداية عام 2000 او 2001 هيك شي
روحت انا واخوي الزكش و واخ ثالث الي مش قايل اسمة منعا للفضيحة ما الو بالمباريات نهائيا بس اذا بالدار بحضر
المهم اخوي الثالث الو نسايب باربد وراح تغدا عندهم ((((((صواني كفتة))))) وضل عندهم وموعدنا نتلاقا بعد المبارة
وقلنا يا رب عالمبارة
خلصت المباراة
الو ....الو وينك وينك يلا يا زلمة الجو قلب بلشت تشتي كبس
وصل الحبيب مجمع اربد الجديد ركبنا باص كوستر هو بالمفرد جنب السايق والزكش وراه وانا عغطا المتور
المهم الباص ماشي عمهلة والدنيا كبس والتدخين ممنوع والطريق الي بدو ساعة ونص صار ساعتين وربع
واخوي قتلناااااااااااااااااااااااااااااااااااا ااااااااااااااااااااااااااااااااااااااا بريحت الكفتة
وفوق هيك احساسك انك بقفص الاتهام
لانو الشفير قضاها يطل بصباحي وانا مش قادر اعترفلوا لانو اخوي الاي قتلنا مش حد غريب
هههههههههههههههههههههههههههههههههههههههه

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههه

[رمزي الياموني]

اكبر نهفة صارت معي كانت في مباراة مع العربي لما اخذنا الدوري مع ثائر جسام ووقتها حسن عبد الفتاح جاب جول في الوقت بدل الضايع

المهم انا كنت موجود في المنصة وكان موجود رئيس النادي وقتها طارق خوري، وانا وابو سامي اللي ما بعرفنا منيح بخربط بينا كوننا بنفس الطول وبنحلق على الزيرو

المهم،، الجماهير فرحانه ومتجمعه على باب المنصة وانا طلعت قبل طارق خوري،، فالجمهور فكرني طارق خوري وراحوا حملوني على الاكتاف وبهتفوا لطارق،، وانا احاول افهمهم بس ولا حدا سامع لا مقتنع

وحتى تكمل اجا ابو سعدوا وشافني محمول على اكتاف الناس وفهم الموضوع،، وانا حكيتله انه يتدخل،، راح الاخ اجا على باله يمزح،، ووقف بين الناس،، واشر علي وقال (كف لطارق خوري يا شباب) ههههههه

هههههههههههههههههههههههه
روووووووووووووووعة
كف لطارق خوري
ههههههههههههههههههههههه

كل الاحترام يا كبير ومرورك هنا اعتز فيه ولكن ما حصل معك جميل وخففت عن السيد طارق خوري

[رمزي الياموني]

في مباراة للوحدات مع الفيصلي والله ما ني متذكر أي موسم ، بس هديك الايام انغلبنا من الفيصلي بالكأس وبعد كام يوم لعبنا مباراة بالدوري لما مزعناهم 3 - زيرو ( أبو زمع - وعوينه - وسفيان ) ، المهم ... القصة أني حضرت المباراة مع اثنين من كباتن الملكية الأردنية وصديق من السعودية اسمه " محمد المدني " ، طبعا الكباتن بحبوا الوحدات بس مش متعلقين فيه كثير أما المدني فهذا انسان دمّه أخضر ، شو بدنا بطولة السولافة ، لما أجى الجول الثالث بعديها أتوقع انطرد أبو زمع وهو طالع صار يرقص ويلوّح بالكلر من نص الملعب ولما هاج الجمهور ما لقينا حالنا أنا والكباتن والمدني إلا وناطين فوق الشيك ( الحاجز ) وبنشجع بحرارة ونسينا حالنا تقريبا ظلينا نضحك على حالنا للصبح ...!

طبعا معلومة للشباب " النط " على الشيك أيام زمان كان مسموح ساعات ساعات

ههههههههههههههههههه
جميل جدا وموقف رائع
تحياتي اخي وسعيد جدا بمرورك

[محمد الخمايسة]

الله بعين مش مشكلة

[الوحداتي ابو ثائر]

في مباراة الوحدات والفيصلي واظن سنة 1996
في مباراة الذهاب اللي خسرناها صارت طوشه بين جماهير الوحدات والفيصلي على المدرجات وكنا احنا ثانية يمين حسب التقسيمات القديمة
المهم صار رمي حجار وكان معنا صاحب رمى حجار لما زهق وفجأة صار يدور على حجار يرمي ما لقي الا هو صار يمد ايده على جيبته ويصير يرمي برايز

[رمزي الياموني]

في مباراة الوحدات والفيصلي واظن سنة 1996
في مباراة الذهاب اللي خسرناها صارت طوشه بين جماهير الوحدات والفيصلي على المدرجات وكنا احنا ثانية يمين حسب التقسيمات القديمة
المهم صار رمي حجار وكان معنا صاحب رمى حجار لما زهق وفجأة صار يدور على حجار يرمي ما لقي الا هو صار يمد ايده على جيبته ويصير يرمي برايز

ههههههههه
هههههههههههههههههههههههههه
لو محلك بنط على جهة الفيصلي
ههههههههههههههههههههههههه

[وحداتي جدا]

بصراحة موضوع نهفة

طبعا يا اخوان صار معي من النهفات ما يتسع لتأليف كتاب بس رح احطلكم نهفتين

طبعا للملاحظة محسوبكم لساني طويل زيادة عن اللزوم بس ما ببدأ بالغلط
و كمان ملاحظة عمري ما دخلت الملعب الا و قداحتي معي و مشاريبي معي(خاوه)

النهفة الاولى
رحت انا و صاحبي و صاحبه على مباراة الوحدات و فريق مش عارف شو هندي ولا بنغالي المهم فزنا مليون صفر
المهم صاحبي ما بيدخن و صاحبه بيدخن
على الباب الشرطي بيسألني :معك قداحة
انا : انا معي
الشرطي ارميها برة
انا :ليش حمل القداحة حرام؟
الشرطي : بقولك ارميها بلا حكي زيادة
انا: اسف و الله ما برميها
الشرطي :شكلك بدك تقرفنا
انا :لا اقرفك و لا تقرفني انا بدخن و بدي قداحتي بجيبتي تدفي بكيت الدخان
الشرطي : اقولك و الله ما بتدخل
انا : اقولك و الله غير ادخل (و بالقداحة)
طبعا الدور وقف و الناس صارت تتذمر اجا الضابط
الضابط :شو المشكلة
الشرطي :سيدي هاظ مش راضي يسلم القداحة
انا :مين(هاظ)؟الي اسم و اذا ما بتعرفه احكي باحترام
الضابط :شو جاي تعلمنا الاحترام
انا :و الله اذا شايف هذا الكلام احترام فعداك العيب
الضابط :ارمي القادحة و ادخل خلصنا منك
انا :اسف و الله ما برميها
الشرطي :سيدي اتعامل معه؟
انا :تتعامل مع مين عمو؟
الضابط :خلص دخله بس ترى هاي اخر مرة مفهوم؟
انا :عملت حالي مش سامع و دخلت انا و الشباب

طبعا صاحب صاحبي فكرني شو (سوبرمان) و انا الزلمة المدعوم اللي ولا بيهمه
بعدها بفترة رحنا كمان مرة نحضر مباراة و للصدفة صاحبي ما اجا و اجا بس صاحبه لاقيته عالباب و توجهنا عالمدرجات
بالطريق بيقولي انا بدي اخبي القداحة مش كل مرة بتسلم الجرة
قلتله خليها بجيبتك و ما عليك اما اذا بتخبيها و انمسكت بتتبهدل
ما رد علي
المهم وصلنا التفتيش تقريبا نفس الحوار الاول حصل و دخلت بس على دور اللي معي راح الشرطي يفش غله فيه و فتشه لقيه مخبي الولاعة في المحفظة فصار يقوله انا معاه انا معاه و يأشر علي
طبعا الشرطي اساسا مش متخيل منظري راح قعده نص الشوط الاول عندهم عشان يفش غله و اخذ حزامه و قداحته حتى ......كان بدو يوخذه من القهر

[وحداتي جدا]

النهفة الثانية

كنت رايح في موعد شغل مع عميل (بما اني موظف بنك سابقا)
المهم اني رايح و قرفاااااااان يعني الموعد بعد الشغل و مش طايق لا الموعد و لا العميل
و انا قريب على ستاد عمان شفت الكشافات مضوية فتذكرت مباراة الوحدات و الحسين اربد
دخلت المدينة و صفيت السيارة و اتصلت بالزلمة قلتله السيارة خبرت و ما رح اجي عالموعد
طبعا كنت معطيها عدة الشغل بدلة و جرافة يعني لابس اللي عالحبل
و رحت على الملعب وصل دوري للتفتيش فالدركي حتى مش مطلع علي و زايح وجهه عالجهة الثانية
فطرحت السلام
رد علي و هو لسه لافف وجهه
بقوله شو مش مستنظف تطلع علينا
لف وجهه و هو بيضحك ضحكة من الذان للذان و الله انه وجهه بشوش على غير العادة
و الكارثة احزوا شو بيقولي؟؟؟؟؟؟؟؟؟؟؟
اسف سيدي سامحني
بيني و بين حالي صرت اقرص حالي مش مصدق
المهم حامل بإيدي باكيت الدخان و القداحة و التلفون
فالزلمة بيقولي تفضل
قلتله ما بدك تفتش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالي فوت يا رجل (شكل البدلة الها تأثير)
فحكيت في عقلي مهي خربانة خربانة و سألته بالله شو اللي كان باسطك لهالدرجة و ضحكتك معبية الستاد
بيقولي اللي دخل قبلك يا رجل
بقوله ماله؟
بيقولي اقسم بالله صارلي بالخدمة 7 سنين و قديش مر علي ناس زي هاظ ما شفت
بقوله خير ماله
بيقولي اقسم بالله اني غيبت من ريحته و انا بفتش فيه

قلتله بتستاهل
كشر و طارت الابتسامة
بيقولي كيف؟
قلتله اه بتستاهل
مش انت اللي بدك تفتش بضمير بدك تتلقى و تشم

رجع ضحك و بيقولي طب ادخل ركاظ قبل ما افتشك بالمخفر

[أبو صلاح القصراوي]

النهفة الثانية

كنت رايح في موعد شغل مع عميل (بما اني موظف بنك سابقا)
المهم اني رايح و قرفاااااااان يعني الموعد بعد الشغل و مش طايق لا الموعد و لا العميل
و انا قريب على ستاد عمان شفت الكشافات مضوية فتذكرت مباراة الوحدات و الحسين اربد
دخلت المدينة و صفيت السيارة و اتصلت بالزلمة قلتله السيارة خبرت و ما رح اجي عالموعد
طبعا كنت معطيها عدة الشغل بدلة و جرافة يعني لابس اللي عالحبل
و رحت على الملعب وصل دوري للتفتيش فالدركي حتى مش مطلع علي و زايح وجهه عالجهة الثانية
فطرحت السلام
رد علي و هو لسه لافف وجهه
بقوله شو مش مستنظف تطلع علينا
لف وجهه و هو بيضحك ضحكة من الذان للذان و الله انه وجهه بشوش على غير العادة
و الكارثة احزوا شو بيقولي؟؟؟؟؟؟؟؟؟؟؟
اسف سيدي سامحني
بيني و بين حالي صرت اقرص حالي مش مصدق
المهم حامل بإيدي باكيت الدخان و القداحة و التلفون
فالزلمة بيقولي تفضل
قلتله ما بدك تفتش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالي فوت يا رجل (شكل البدلة الها تأثير)
فحكيت في عقلي مهي خربانة خربانة و سألته بالله شو اللي كان باسطك لهالدرجة و ضحكتك معبية الستاد
بيقولي اللي دخل قبلك يا رجل
بقوله ماله؟
بيقولي اقسم بالله صارلي بالخدمة 7 سنين و قديش مر علي ناس زي هاظ ما شفت
بقوله خير ماله
بيقولي اقسم بالله اني غيبت من ريحته و انا بفتش فيه

قلتله بتستاهل
كشر و طارت الابتسامة
بيقولي كيف؟
قلتله اه بتستاهل
مش انت اللي بدك تفتش بضمير بدك تتلقى و تشم

رجع ضحك و بيقولي طب ادخل ركاظ قبل ما افتشك بالمخفر

[رمزي الياموني]

بصراحة موضوع نهفة

طبعا يا اخوان صار معي من النهفات ما يتسع لتأليف كتاب بس رح احطلكم نهفتين

طبعا للملاحظة محسوبكم لساني طويل زيادة عن اللزوم بس ما ببدأ بالغلط
و كمان ملاحظة عمري ما دخلت الملعب الا و قداحتي معي و مشاريبي معي(خاوه)

النهفة الاولى
رحت انا و صاحبي و صاحبه على مباراة الوحدات و فريق مش عارف شو هندي ولا بنغالي المهم فزنا مليون صفر
المهم صاحبي ما بيدخن و صاحبه بيدخن
على الباب الشرطي بيسألني :معك قداحة
انا : انا معي
الشرطي ارميها برة
انا :ليش حمل القداحة حرام؟
الشرطي : بقولك ارميها بلا حكي زيادة
انا: اسف و الله ما برميها
الشرطي :شكلك بدك تقرفنا
انا :لا اقرفك و لا تقرفني انا بدخن و بدي قداحتي بجيبتي تدفي بكيت الدخان
الشرطي : اقولك و الله ما بتدخل
انا : اقولك و الله غير ادخل (و بالقداحة)
طبعا الدور وقف و الناس صارت تتذمر اجا الضابط
الضابط :شو المشكلة
الشرطي :سيدي هاظ مش راضي يسلم القداحة
انا :مين(هاظ)؟الي اسم و اذا ما بتعرفه احكي باحترام
الضابط :شو جاي تعلمنا الاحترام
انا :و الله اذا شايف هذا الكلام احترام فعداك العيب
الضابط :ارمي القادحة و ادخل خلصنا منك
انا :اسف و الله ما برميها
الشرطي :سيدي اتعامل معه؟
انا :تتعامل مع مين عمو؟
الضابط :خلص دخله بس ترى هاي اخر مرة مفهوم؟
انا :عملت حالي مش سامع و دخلت انا و الشباب

طبعا صاحب صاحبي فكرني شو (سوبرمان) و انا الزلمة المدعوم اللي ولا بيهمه
بعدها بفترة رحنا كمان مرة نحضر مباراة و للصدفة صاحبي ما اجا و اجا بس صاحبه لاقيته عالباب و توجهنا عالمدرجات
بالطريق بيقولي انا بدي اخبي القداحة مش كل مرة بتسلم الجرة
قلتله خليها بجيبتك و ما عليك اما اذا بتخبيها و انمسكت بتتبهدل
ما رد علي
المهم وصلنا التفتيش تقريبا نفس الحوار الاول حصل و دخلت بس على دور اللي معي راح الشرطي يفش غله فيه و فتشه لقيه مخبي الولاعة في المحفظة فصار يقوله انا معاه انا معاه و يأشر علي
طبعا الشرطي اساسا مش متخيل منظري راح قعده نص الشوط الاول عندهم عشان يفش غله و اخذ حزامه و قداحته حتى ......كان بدو يوخذه من القهر

موقفك جامد وحاسم ولكن بدها ديرت بال يا كبير
مش كل مرة بتسلم الجرة