ممغوص، تعبان أو هيك إشي...!!

[Majed Fares]

الله يحمي جماهير المارد الأخضر من الأمراض
ويوفق الوحدات في البطولات الأسيوية

[احمد ابوديه]

بكفي تشاؤم الحمدلله كل شي تمام اهم شي البطولات ودعونى نفرح

[رمزي الياموني]

يا اخوان لا تستعجلو والخير بالقادم ان شاء الله

[عمر اللحام]

والله يا كبير , بيكونو يلعبو بالكرة , وبأعصابي كمان ,
يعني بصراحة امبارح رأفت اعطى شلباية كرة هدف 100 % بآخر الدقايق
قعد يماطل فيها .. والله لا اراديا صرت اصرخ ,,

عنجد والله يرحمو هالجمهور العظيم

[محمد عباهرة]

ولما بتقول الله رحمنا من الخسارة، بتلاقي 10000 واحد بيقولك: طابور خامس، متشائم. طيب شو الحل؟


الحل انو نسكت ونحكي فريق من الاخر وانو هذول العيبه همه الي شايلين الوحدات وانو وانو وانو

انسيت كمان المدرب احسن من هيك ما بتلاقي

[الذيب©]

بكفي تشاؤم الحمدلله كل شي تمام اهم شي البطولات ودعونى نفرح

صدقني مش تشاؤم
بس هيك يلي صاير
مع تأكدي ان الدوري والكأس للوحدات
بس والله المستوى مش " بلا بوند " قصدي مش ولا بود

[ابو عمار الجنيدي]

الاخ ياسر بدي اقولك كلمه وحده فقط لا غير

احسنت

[ابو حلوة]

الله يجيب الخير

[محمد الوحداتي2011]

ادريقان ممتاز لاكن الوحدات يريد لاعب اجنبي حتا لو كلف الكثير ف نضحي في كشكش والعتال ونجده اكبر مثال كرستيان ولي هامسون لاعب الهلال السعودي

[د. محمد]

بداية اسمحولي اكتب بالعامية مع إني مش متعود، بس بصراحة " لكل مقام مقال" والمقام بحتاج احكي بالعامية" المشرمحي".
طبعا أرجو من الجميع ما يطلق علي احكام " مستعجلة انطباعية" يعني روووق قبل ما تحكي بلاش تظلمني.. أوكي ؟؟
أنا لا متشائم ولا طابور خامس، ولا بحب أنكِّس حدا" الله لا يجيب التنكيس"ولا أنا مثل غراب البين، ولابنسى فضل لأي حدن من اللاعبين، كلهم على" متلت شواربي بيكزدروا كزدرة" بس بالمختصر صرنا وإحنا ابنتفرج على المباريات الأخيرة" للوحدات " نعاني من اشياء مش عارف شو أسميها، خصوصا وإحنا عم نتفرج على لعبة فطبل" بتذكرني بلعب الحارات أيام زمااااااااااااااااان، والطابة منفسه، والجواني طالع من البراني نص متر.مثل:
1- مغص: والممغوص يا ويله لا نوم ولا قوم، ويتظلك حاشر حالك قدام التلفزيون، وبقعة المي تحتك" قد راس الجدي"
2- ضغط، والمضغوط يا خراب ديارة مثل البلون بس تلمسه بفقع.
3- شلل أطفال أو "رُعاش عضلي" :يعني بتكون قاعد تتفرج وحاسس حالك مخدر وعرقك بيشر، قدامك كاسة الشاي وإيدك بترج مش قادر تمسكها.
4- انفصام بشخصيتك: يعني انت عارف إنو الفريق مش متماسك والفرص قليلة واللعيبة مش قادرة تركض، والعارضة بتصد عن الحارس"أيا كان اسمه" جول ورا الثاني، وبتقول لمرتك جنبك: شايفة مسحنا فيهم الأرض.
5- عقوق والدين: لا بترد على أبوك ولا على أمك، بتظل تتأفأف قدامهم ،ولما امك بتقولك: سايق عليك الله لا تشد عحالك يا بنيي لتنجلط، بتقوللها، يما حلي وخليني بحالي.
6- كبت وعنف أسري: كفوفك على خدود اولادك شغالة طالع نازل، ما يلحق الولد يقول يابا بدي، إلا والكف خماسي معبي وجهه.
ولما بتقول الله رحمنا من الخسارة، بتلاقي 10000 واحد بيقولك: طابور خامس، متشائم. طيب شو الحل؟
[COLOR=purple

100%.
تحليل رائع
مشكوووووووووووووور[/COLOR]

[ابو عمار الوحداتي]

المشكله عدم وجود مهاجميين هدافين ومع ذلك فريقنا بألف خير والدليل النتائج

[أبو صلاح القصراوي]

عليّ الطرباش إنك ضحكتني .. بعد ما أُشبعت يأس من الصراع حول دراغان اللي بشوفه بأغلب المواضيع لفرض وجهات النظر ...
روح يا شيخ ... و تعال بسرعة ...!!!

[باسل بدير]

وك .. ياسر شو اللي بتقولوا هاظ حرام عليك فريقنا ما في بعده ومدربنا من الآخر .. نقطه ومن أول السطر


أخي ياسر هل تذكر ماذا قلت لي أثناء الرحله .. قلت لي بجوز في بالباص كثير وحداتيه ساعتها علمت كم تملك من روح الدعابه ولكن لم أجد في مقالك اليوم إلا كل ألم ووجع مما آلت إليه الأمور

ولكن للحقيقه وضع فريقنا لا يحسد عليه من غيابات للإيقاف أو حرمان للإنذارات أو للإحتراف الخارجي

وعدم تجانس التشكيله لتلك الأسباب وقد إفتقدنا للكثير من ذكريات اللعب الجميل وكدنا ننسى هتافنا ( دي مش كوره دي مزيكا ) وأصبحنا نبحث عن الثلاث نقاط وبدون أداء مع إعتقادي أن حصولنا على نقاط المباراة فيما نمر به من ضرووف هي إنجاز بحد ذاته

[الذيب©]

فكرة

على فكرة شباب
في هالكم يوم شغالين البلطجية والمرتزقة شغل من الآخر
يعني صاروا يشكلوا حلول " للانهيارات السياسية والاقتصادية"
وأعتقد إنها أرخص من الاحتراف
بالكو لو " مسلا " لو تعاقدنا مع كم بلطجي ومرتزقه بيصير الوضع " زينكو" ؟

[Naji]

بصراحه جزء كبير من هذا التحليل واقع حاليا .. الفريق يقدم مستويات متباينة أحيانا بتشوف الوضع تمام وأحيانا بينقلب لفريق بلا تكتيك ولا تنظيم كل واحد بيلعب لحاله ..
عدا عن موضوع المحترفين الذين لا أثر لهم في الفريق بتاتا
اللي بعرفه انه المحترف بينضم لأي فريق ليضيف له شيء والأهم إنه يكون مستواه أفضل من مستوى لاعبي الفريق الأصليين .ز لكن عندنا نحن نقدم للمحترفين بلا مقابل
كشكش .. والعتال .. بكل صراحه صفر عالشمال في الفريق
إذا لم نكن قادرين ماديا على جلب محترف بمعنى كلمة محترف .. فالأفضل إعطاء الفرصة لبعض الشباب للظهور