ممغوص، تعبان أو هيك إشي...!!

[الذيب©]

الله يخليلنا اياك يا شفيع

وركلة جزاء صحيحه للوحدات بعد تعمد للاعب كفرسوم بلمس الكره بيده داخل منطقة الجزاء

والحكم معيييد

هاردلك والقادم افضل

[يوسف منصور]

انداري

[عامر حرب]

الحل
مدرب جديد يقود الوحدات لاننا اعطينا دراجان فترة كافية لاثبات نفسه والدوري قرب يخلص والوحدات في تراجع مستمر

[مرادالصفدي]

الحل استهدي بالله وطول بالك شو مش لهاي الدرجة !!!الفريق معرض للخساره والتعادل والفوز شيء طبيعي
ومش بس الوحدات بمر بظروف الريال بعظمته بمر بظروف بزعل بدايق بس ما بزعل الي حوالي ولا بحسس حد
وبعدين الوحدات بالف خير ومابخوف متصدر الدوري والكاس على الباب اذا على اللعب ودرغان توكل على الله بلاش ياخذ كاس الشاي خليه لمدرب ثاني على ولازم تخلي ثقتك بالفريق كبيره انت وحداتي وتعرف الوحدات انه فريق قوي حتى ولو لم يقنع الا انه قوي وما بنخاف عليه

[الذيب©]

الحل استهدي بالله وطول بالك شو مش لهاي الدرجة !!!الفريق معرض للخساره والتعادل والفوز شيء طبيعي
ومش بس الوحدات بمر بظروف الريال بعظمته بمر بظروف بزعل بدايق بس ما بزعل الي حوالي ولا بحسس حد
وبعدين الوحدات بالف خير ومابخوف متصدر الدوري والكاس على الباب اذا على اللعب ودرغان توكل على الله بلاش ياخذ كاس الشاي خليه لمدرب ثاني على ولازم تخلي ثقتك بالفريق كبيره انت وحداتي وتعرف الوحدات انه فريق قوي حتى ولو لم يقنع الا انه قوي وما بنخاف عليه

الله يطمن بالك
بس هاد يلي حاصل مؤخرا من دون مجاملات
اين الاقناع
نحن لا ننظر الى الخلف ننظر للامام
ولازم نكون أكثر قوة
الكويت الكويتي بالطريق ............................. الله يستر

[ضيف]

والله يا خوي كلامك كله صح بس انا ما بحط الحق على المدرب الحق على اللعيبة المزاجيين لانه كل واحد بلعب لوحدة وبدة يبين حاله ما في لعب فريق ومركنين على فارق النقط بينا وبين الفيصلي بس ما بعرفو انه خسارتين وتعادل بتصدر لفيصلي لانه مباراتنا مع الاهلي الاسبوع الجاي مش راح نلعبها فرايح يتجمد رصيدنا واللي راح يلعب بتزيد الثلاث نقاط يعني 7 نقط فارق مش 10 الله يهديهم

[أحمد الصادق]

سأترك الموضوع لأهل الإختصاص .. بس من وجهة نظري الفريق في تراجع

[عاشق الوحدات ابن سعدات]

والله يا صاحبي
كلامك فيه منو
بس مبارح لمن شفت لقطات المباراه عالمنتدى
ايقنت انو لاعبيتنا دائما متسابقون في اهدار الفرص
ثلاث او اربع فرص حقيقه
شو يسولهم دراغان
يخش يجيبها هو بالجول
في كثير اسباب
ومن ضمنها دراغان ما بدافع عنو

[أشرف شاكر]

والله يا خوي كلامك كله صح بس انا ما بحط الحق على المدرب الحق على اللعيبة المزاجيين لانه كل واحد بلعب لوحدة وبدة يبين حاله ما في لعب فريق ومركنين على فارق النقط بينا وبين الفيصلي بس ما بعرفو انه خسارتين وتعادل بتصدر لانه مباراتنا مع الاهلي الاسبوع الجاي مش راح نلعبها فرايح يتجمد رصيدنا واللي راح يلعب بتزيد الثلاث نقاط يعني 7 نقط فارق مش 10الفيصلي الله يهديهم

لو كان دراغان مدرباً ناجحاً لشكل - على الأقل - فريقاً رديفاً يعتمد عليه
فمن غير المعقول أن ينتهي فريق عظيم كالوحدات بسبب غياب لاعبين أو ثلاثة أو حى نصف الفريق

يا عزيزي ربان السفينة الناجح هو من يستطيع قيادة طاقمة بالشكل السليم وخوض غمار الصعاب بحنكة واقتدار .. ولا يترك السفينة في مهب الريح لتتلاطمها الأمواج كما شانا في جميع مباريات مرحلة الإياب ونحن نزعم أن الرجل ما زال يخبئ لنا الكثير!.. لقد انتظرنا وطال الانتظار ولم نرى فعلياً ما يمتع جماهير الوحدات!

[النبالي]

بداية اسمحولي اكتب بالعامية مع إني مش متعود، بس بصراحة " لكل مقام مقال" والمقام بحتاج احكي بالعامية" المشرمحي".
طبعا أرجو من الجميع ما يطلق علي احكام " مستعجلة انطباعية" يعني روووق قبل ما تحكي بلاش تظلمني.. أوكي ؟؟
أنا لا متشائم ولا طابور خامس، ولا بحب أنكِّس حدا" الله لا يجيب التنكيس"ولا أنا مثل غراب البين، ولابنسى فضل لأي حدن من اللاعبين، كلهم على" متلت شواربي بيكزدروا كزدرة" بس بالمختصر صرنا وإحنا ابنتفرج على المباريات الأخيرة" للوحدات " نعاني من اشياء مش عارف شو أسميها، خصوصا وإحنا عم نتفرج على لعبة فطبل" بتذكرني بلعب الحارات أيام زمااااااااااااااااان، والطابة منفسه، والجواني طالع من البراني نص متر.مثل:
1- مغص: والممغوص يا ويله لا نوم ولا قوم، ويتظلك حاشر حالك قدام التلفزيون، وبقعة المي تحتك" قد راس الجدي"
2- ضغط، والمضغوط يا خراب ديارة مثل البلون بس تلمسه بفقع.
3- شلل أطفال أو "رُعاش عضلي" :يعني بتكون قاعد تتفرج وحاسس حالك مخدر وعرقك بيشر، قدامك كاسة الشاي وإيدك بترج مش قادر تمسكها.
4- انفصام بشخصيتك: يعني انت عارف إنو الفريق مش متماسك والفرص قليلة واللعيبة مش قادرة تركض، والعارضة بتصد عن الحارس"أيا كان اسمه" جول ورا الثاني، وبتقول لمرتك جنبك: شايفة مسحنا فيهم الأرض.
5- عقوق والدين: لا بترد على أبوك ولا على أمك، بتظل تتأفأف قدامهم ،ولما امك بتقولك: سايق عليك الله لا تشد عحالك يا بنيي لتنجلط، بتقوللها، يما حلي وخليني بحالي.
6- كبت وعنف أسري: كفوفك على خدود اولادك شغالة طالع نازل، ما يلحق الولد يقول يابا بدي، إلا والكف خماسي معبي وجهه.
ولما بتقول الله رحمنا من الخسارة، بتلاقي 10000 واحد بيقولك: طابور خامس، متشائم. طيب شو الحل؟
[COLOR=purple[/COLOR]

موضوع جميل وخطير على الصحة ههههههههههههههه
الحل ما تحضر المبارة وإسمع بنتيجتها أحسن إلك ولصحتك

[عبير عطاالله الحراسيس]

هههههههههههه أحلى فقره ما يلحق الولد يقول يابا بدي، إلا والكف خماسي معبي وجهه.

[hosaeean]

الفريق بتراجع لانوا بتحس لاعبين غير متفهمين مع بعض
زى الاول شو سبب برايكم؟
المدرب او .....................

[ابو مايا]

وين الاداره

[عاشق فلسطين 1984]

الفريق بحاجة الى فرمتة و تنزيل ويندوز جديد

[محمد ابو شقرة]

الحل
مدرب جديد يقود الوحدات لاننا اعطينا دراجان فترة كافية لاثبات نفسه والدوري قرب يخلص والوحدات في تراجع مستمر

هذا الكلام الصحيح
لم أشاهد أداء الوحدات بهذا الحال منذ زمن