اذا بتحب الوحدات قاطع

[Abu Tameem]

حبيبي أبو تميم .. هيها فوق .

هذا حالنا مع الإتحاد المستأسد

[أبو صلاح القصراوي]

برأيي قرار المقاطعة قرار غير مدروس ...

[أخو خالد علاء]

مع المقاطعة ... على النادي ان يطالب بحضور الجمهور 100% لصاحب الارض

[ماجد جامع]

افضل حل

[أبو جمعه]

صدقني يا ايمن غير نلعب الاياب بدون جمهور
ويبعثوا كم واحد -مندس- زي ما بقولوا على مدرجاتنا ويسبوا
ما رح يغابوا

[yara1990]

نعم للمقاطعة .... و الناس الي متخوفه من موضوع المندنسين و انو راح يجيبوا ناس تقعد مكان الجماهير ..فاعتقد انها تخوفات لا مكان لها ... يكفي فقط اعلان المقاطعة و ستجد المدرجات الخاصة بنا فارغة تماما وما راح يستجري حدا يقعد فيها ... اامقاطعة تصرف حضاري من قبل جماهيرنا وسوف يلاقي الاحترام و التقدير من الجميع . لانها جماهير متحضرة ترفض انت تسيء لاحد و لذلك ترفض ان يسيء احدا لها و بما انها تتوقع الاساءة فققررت عدم الذهاب . تصرف اكثر من راءع و سوف ينصف التاريخ مستقبلا جماهيرنا العضيمة بانها تحاشت الاساءة و فضلت حفظ كرامتها و لسانها على تشجيع فريقها المحبوب ... صدقوني بالنسبه للمباريات الجايات كثيرة ....وانشاء الله الوحدات ما بوقف لعب بس بالنسبه للمواقف المشرفة فقط التي تسجل ويحفضها التاريخ

و عز نفسك تجدها

[وحداتي ميونيخ]

ي المكتسبات التي جنيناها ، وما هي العوائد التي عادت علينا كمنظومة وحداتية ؟!!.
وفي جرّة قلم فرطها ( مجلس الجماهير ) مع أكمِّن إداري وأكمِّن منتفع ..
فرطوها بعد ذلك الاجتماع ، ذاكــــــــــــــرينو ؟!!.

= = = = = =

وبالمناسبة ، نكتة القرد :

هذا يُحكى أن قردا كان مْجَنِّن هالأسد في الغابة ومربّيلُه عِلّه على قلبه ، ففكَّر الأسد إنُّه يـGـَـرْدِنو لهالقرد هذا ويستِلْمُه خمسِه بلدي عالطالعة والنازلِه .. فأصدر فرمانًا مُلزمًا ، بموجبه تلبس كل الحيوانات طاقيِّه في عز أيام الصيف اتقاءً للحرارة .. وبالغصب ، ومعلومك عمّ ياسر .. أصلا القرد بيحبّ يعيش في المناطق الحارة ، وبتفرقِش معاه لا شمس ولا جحيــــــــــــــــــــــــــــم !.

فقالّك بتخبّى من الأسد وبورجِهوش وشّي ، وما بلبس هالطاقيّه ..
لكن على مين ؟!. الأسد متبّعلُه ،
وكل ما يشوفُه يسلخُه كفّين مع سؤاله له : ليش مِش لابس الطاقيِّه ؟!!.






ظل على هالحال أيام وأيام ، على بين ما النمر فَكَّر للأسد بطريقة يْبَـرِرلُه فيها طـGـعُه هالكفّين للقرد ، بدل ما هو نازل فيه عالطالعة والنازلِه ..
فقال النمر للأسد ، يعني بيصيرِش كل ما تشوف هالقرد تسلخُه كفّين هيك لله وفي الله .
فقالُّه الأسد : شو بدّك اياني أسوّي ؟!.
جاوبُه النمر : ابعثُه يجيبلك باكيت دخان ، إذا جابُه أحمر اسلخوا كفّين وقلُّه بدّي أبيض يا حيوااااااااان ، وإذا جابُه أبيض اسلخُه هالكفين وقُلُّه بدّي اياه أحمر !.

راح الأسد نادى هالقرد وقالُّه : روح جيبلي باكيت دخــــــــــان .

ردّ عليه القرد ، بدّك ايّاه أحمر وِلّا ابيض ؟!!!.

وبرضو سلخُه كفّيـــــــــــــــــــــــــــــن ، وليش مِش لابس الطاقيِّه !!!!!.

[Abu Anas]

بسم الله الرحمن الرحيم
ارجو من الجميع مقاطعة المباراة ولا تغني خارج السرب كون كبار الجماهير امرت وعلينا تنفيذ الامر لما فيه مصلحة للوحدات ولجمهوره
يد الله مع الجماعة

الله يصبحك بأنوار النبي أبو الوليد

بتمنى يكون صدرك واسع وتستوعبني

قبل ما أكتب أي شي بخصوص موضوعك بحب أنوه إني مقاطع من زمان وما رجعت عن مقاطعتي من المرة

الأولى ومع المقاطعة مدار البحث.

لكن اسمحلي احكي بعض الشغلات

مين كسر المقاطعة الأولى غير كبارنا بدون ما يتحقق ولا شي من مطالب الجمهور

مين اللي ضحك على الجمهور ومشى مع نائب لفلفها بطريقتة الخاصة لمصلحته الإنتخابية آجلاً استغلال لإسم الوحدات وشعبيتة واكثر من هيك طلع الجمهور في النهاية غلطان

أخذوا ضمانات من جهة واحدة وشفهية والباقي على حالهم ولا تغير منهم شي لإنا ما ألزمناهم بشي

في الوقت اللي كانت فيه المقاطعة ناجحة وصارت توجع الجميع والأندية والإتحاد قربت تشحد

طلع كبارنا ولغوا المقاطعة لمصلحة مين ..؟

فريق الوحدات بالنسبة للجميع منهم فريق دخيل ولو طلع لسابع سما بظل بنظرهم دخيل

ممكن يتقبلوا فريق من سوريا,العراق,الشركس,الأرمن, الشيشان ممن يعيش على ثرى الأردن الغالي (مع كامل احترامي لهم جميعا) لكن فريقنا أبدا أبدا مش مقبول

ظلم الجميع عارفه وحاسه,شايفه ولامسه وعايشه ولولا رمزية الوحدات كان ما حد وصل استاد

لأنه ابجديات كرة القدم مش موجودة عنا مقارنة بكرة القدم الممتعة في الكون

لهيك الكل بشجع الوحدات مش الطابة

ليش كبار الجماهير عملوها وكسروا مقاطعة فعالة كان ممكن تعطينا حفنة حقوق وتساوينا بنادي من بلاد

الواق واق على اقل تقدير واليوم بدهم الجمهور يقاطع.


المشكلة هسا الجميع عارفنا ومش رح يصدقنا وعارفين انو بكره بنرجع واحنا (محترمين) زي المرة الأولى

\\

بتمنى الجميع يقاطع وما حد يعمل فيها خايف على مصلحة الوحدات ولازم يشجعه في المدرجات حتى تكون الكلمة وحدة لهدف واحد عدم حرمانهم من مباراة الإياب

[ابو راشد*]

ليش القويسمة يوم السبت
وليش في عمان يوم الجمعة !!!!!!

[ATA NAKHLEH]

مقاطع

[يوسف]

اخي العزيز بارك الله فيك .... ولكن اذا ممكن تغير اسم الموضوع الى ... اذا تبقى عندك شيْ من الكرامه قاطع .... المقاطعه هي السلاح الوحيد بعدما خدلنا كل من ادارة الوحدات بكل الاطياف

[jamal nashwan]

اخي العزيز بارك الله فيك .... ولكن اذا ممكن تغير اسم الموضوع الى ... اذا تبقى عندك شيْ من الكرامه قاطع .... المقاطعه هي السلاح الوحيد بعدما خدلنا كل من ادارة الوحدات بكل الاطياف

الله يصبّحك بالخير أخي يوسف ..

كل الناس عندها كرامة وخاصة نحن - الوحداتيين - واسمح لي ، العبارة أعلاه ، وعنوان مطروح منك غير لائق لمن لا يميل مع خيار المقاطعة ، ولا حتى للذين هم مع المقاطعة ..
هذا فضلا عن أنني قرأتُ لك مداخلة أخرى في موضوع آخر :
( نعم للذل والاهانه لا لا للمقاطعه ..... هناك ناس تقول الله خلقها ان تكون عبيد شو ماتسوي تبقى عبيد ) ..
في تهكم واضح منك على معارضي خيار المقاطعة ، الأمر الذي لا يعطيك الحق بالمرة بتوجيه مثل هذه العبارات لإخوة لك هنا .

صباح الخيرات مرة أخرى ، وأرجو أن تأخذني بحلمك .

[العمواسي07]

لازم يعنى الواحد ينسب عليه وينضرب ويتبهدل مع المقاطعه بس بالقويسمه اول واحد بالملعب

[احمد ابوديه]

مقاطع

[doahah]

يازلمه في حلول بدل المقاطعة تروح الادراة وتقدم اقتراح انه الملعب 100% لجمهور الفيصيلي بالذهاب و100% لجمهورنا بالاياب واعتقادي انه ادارة الفيصلي راح تقبل فكونا من شعارات مقاطع ومصارع بش هيك العالم بتمشي