اذا بتحب الوحدات قاطع

[jamal nashwan]

يا زلمة.. أخ منك أخ ..
من وين بتجيب كل هالحكي اللي مصفَّط مثل البيض في الكرتونة تصفيط.
اعمللنا دورات، نصير نعرف نحكي مثلك...
الواحد فينا مثل اللاطة، لا للصدة ولا للردة.

يا حبيبي،، اذا انت بتحكي هيك عن حالك،، شو أحكي انا عن حالي،،

بْتِتْـخَوَّثوا إنتو الجُــــــوز ؟.

طَبْ إنتو عارفين نكتة القرد اللي ما رضيش يلبس الطاقيِّه ؟!!!.

[jamal nashwan]

أهو إحنا القرد هـــــــــــــــــــــاظ !.

[ابو عدي]

الأسلم أن تتم مخاطبة الاتحاد لتقام المباراة بدون حضور الجمهور المنافس 100% هون وهناك

نعم للمقاطعة

[أبو وليد اللورد]

يا حبيبي،، اذا انت بتحكي هيك عن حالك،، شو أحكي انا عن حالي،،

خليك في التاريخ ههه

[mousaqaddoura]

مقاطع

[وحداتي في الخبر]

لا طبعا لن اقاطع

[قاسم ابو فاره]

خليك في التاريخ ههه

والله زمان عنك أبو الوليد،، دخلتني التاريخ وطلعتني من الجغرافيا

[طارق1992]

مع المقاطعه

[ليث احمد السحت]

#نعم مقاطع

[الذيب©]

بْتِتْـخَوَّثوا إنتو الجُــــــوز ؟.

طَبْ إنتو عارفين نكتة القرد اللي ما رضيش يلبس الطاقيِّه ؟!!!.

احنا معاك انا وقاسم بكل حرف والله...
حبيبنا ابو احمد

[أبو ينال]

واتمنى مجلس الادارة كمان مقاطعة المنصة

لان معظم مجلس الادارة بالفيصلي من المتوقع يأتي مرتديا التي شيرت أبو خشوم تبعهم

وهذا فيه استفزاز

[ابوعمران]

لازم تواجد الجماهير و المحبين و المشجعين
خلف الفريق
غياب الجماهير سيزيد من عزلة الفريق
و يأزم نفسياتهم
نتمنى تواجد الجماهير و التشجيع المعتاد
لأن الزرق من اتحاد و صحف و تلفزيون سيجد قصة
يتكلم بها
و الجميع يعرف مؤامراتهم المستمرة ضد الوحدات
سنكون حكاية و رواية للبيفهم و اللي ما بيفهم
الوحدات يريد جماهيرة و محبية

[Abu Tameem]

بْتِتْـخَوَّثوا إنتو الجُــــــوز ؟.

طَبْ إنتو عارفين نكتة القرد اللي ما رضيش يلبس الطاقيِّه ؟!!!.

أنا مش عارف شو "نكتة القرد أبو طاقية"
علل؟؟!!

[jamal nashwan]

احنا معاك انا وقاسم بكل حرف والله...
حبيبنا ابو احمد

صادق أبو محمد ، الله يسعدك أنت وقاسم ..

أنا فكّـرت بتمزحوا !.
مع إنّي كل كلمة في مداخلتي أعلاه قاصدها وبجدّ ، وكل فقرة منها ترمي إلى مضمون معين .. أرجو أن نرجع بذاكرتنا قليلا لبداية الموسم عند المقاطعة ( المطروحة ) من مجلس الجماهير وقتها ، وما أسفرت عنه تلك المقاطعة من نتائج ، وإيش أجانا من وراها ، وماذا حققت لنا كجماهير أو حتى للنادي أو للذين تضرروا من السبب الذي قاطعنا من أجله ، وما هي المكتسبات التي جنيناها ، وما هي العوائد التي عادت علينا كمنظومة وحداتية ؟!!.
وفي جرّة قلم فرطها ( مجلس الجماهير ) مع أكمِّن إداري وأكمِّن منتفع ..
فرطوها بعد ذلك الاجتماع ، ذاكــــــــــــــرينو ؟!!.

= = = = = =

وبالمناسبة ، نكتة القرد :

هذا يُحكى أن قردا كان مْجَنِّن هالأسد في الغابة ومربّيلُه عِلّه على قلبه ، ففكَّر الأسد إنُّه يـGـَـرْدِنو لهالقرد هذا ويستِلْمُه خمسِه بلدي عالطالعة والنازلِه .. فأصدر فرمانًا مُلزمًا ، بموجبه تلبس كل الحيوانات طاقيِّه في عز أيام الصيف اتقاءً للحرارة .. وبالغصب ، ومعلومك عمّ ياسر .. أصلا القرد بيحبّ يعيش في المناطق الحارة ، وبتفرقِش معاه لا شمس ولا جحيــــــــــــــــــــــــــــم !.

فقالّك بتخبّى من الأسد وبورجِهوش وشّي ، وما بلبس هالطاقيّه ..
لكن على مين ؟!. الأسد متبّعلُه ،
وكل ما يشوفُه يسلخُه كفّين مع سؤاله له : ليش مِش لابس الطاقيِّه ؟!!.

ظل على هالحال أيام وأيام ، على بين ما النمر فَكَّر للأسد بطريقة يْبَـرِرلُه فيها طـGـعُه هالكفّين للقرد ، بدل ما هو نازل فيه عالطالعة والنازلِه ..
فقال النمر للأسد ، يعني بيصيرِش كل ما تشوف هالقرد تسلخُه كفّين هيك لله وفي الله .
فقالُّه الأسد : شو بدّك اياني أسوّي ؟!.
جاوبُه النمر : ابعثُه يجيبلك باكيت دخان ، إذا جابُه أحمر اسلخوا كفّين وقلُّه بدّي أبيض يا حيوااااااااان ، وإذا جابُه أبيض اسلخُه هالكفين وقُلُّه بدّي اياه أحمر !.

راح الأسد نادى هالقرد وقالُّه : روح جيبلي باكيت دخــــــــــان .

ردّ عليه القرد ، بدّك ايّاه أحمر وِلّا ابيض ؟!!!.

وبرضو سلخُه كفّيـــــــــــــــــــــــــــــن ، وليش مِش لابس الطاقيِّه !!!!!.

[jamal nashwan]

أنا مش عارف شو "نكتة القرد أبو طاقية"
علل؟؟!!

حبيبي أبو تميم .. هيها فوق .