المأكولات والمشروبات الشعبية الفلسطينية (ادخل واكتب نوع اكل قريتك بفلسطين )

[salem_silva2003]

يا عيني عليك ... رائع جدا

[jamal nashwan]

شو هالاكله ابو احمد
ماشاء الله الكل اتفق بهذا الموضوع

يسعـدو الخــال عيسـى ،

إحنـا دوووووم متفقـين ،، وخاصّـة عـ الأكــل .

[jamal nashwan]

اسكت ،، اليوم ما اخذت الجرعة والضغط ارتفع!!!

يعـــافيك ربنــا ، ويشفـيك ..

ويخلّـصك من هَالْهـمّ اللي إسمـو جـزر !.

[أبو فايز]

بتيري يا باذنجان....

الله يسامحكم على هالموضوع ... وطبعا يجزيكم الخير

نزلت اليوم على السوق وجبت جرعة بتيري "مقلد" لحين وصول شحنة بتيري اصلي من المصدر

بتيري يا باذنجان.... تثبيت لملكية المزارع الفلسطيني لأرضه"

http://www.raya.com/news/pages/db6d35d3-22ef-4e1a-8c88-3890a4564242

حقيقة، المطبخ الفلسطيني بالذات مطبخ مميز بالمحاشي حيث يتطلب وقت وصبر وفن وذوق وخبره وإحساس ومزاج وابداع. قد ترى نفس الطبخة او شبيهة لها في دول اخرى ولكن المطبخ الفلسطيني مميز بمراعاته للتفاصيل الدقيقة من حيث الشكل والمحتوى وطرائق التحضير والطهي.

[حسن نوفل]

في جنين
الصبر
البياعة بنادو
فقوعة يا صبر
من قرية فقوعة

الله يرحمها والدتي كانت تعمل المسخن على اصوله .

البامية

بالمرة خليني احكيلك بعض الكلمات الفلسطينية والتي قد يجهلها الكثير

اوضة .... غرفة

درج ..... حصيرة


بينسا ..... العَتَلة تاعت البناء


خوصة ..... سكينة

البان ..... علكة


طوس ..... علبة


صفوة ..... شوربة


وهناك الكثير الكثير واكتفي بذلك

رحمة الله عليها اخوي رمزي بس عجبتني كلمة اوضة .... غرفة

[حسن نوفل]

قرية سمخ/ طبريا . تقع على الشاطىء الجنوبي لبحيرة طبريا .
تشتهر بأكلات السمك بجميع انواعها .

والله والنعم منك اخوي اشرف

[حسن نوفل]

نسيت يا حسون أزكى أكله فلسطينيه وهي الفته الغزاويه وهي خبز قمح شراك مع رز وعليهم اللحم وفوقهم الدقه بالفلفل الحار والليمون

هلا بالغالي ابو محمد اه والله الفته يا حبيبي على الفته وخاصة على الصبح يا كبير

[حسن نوفل]

قلب مواجع يا حسن !!

بعين الله اخوي خالد كي لا ننسى

[حسن نوفل]

هلكتنا يا ابو فؤاد ،،، الله يفتح نفسك دائما يا طيب ،،، حقيقة موضوع ولا اجمل ،،، المسخن والمقلوبة أقراص السبانخ واللحمة أشهى الأكلات و الكلاج والكنافة والمطبق أشهى الحلويات بالنسبة لي ،،، بس نسيت الشوربات يا ابو فؤاد عشان تكمل الأمور ،،، شوربة العدس والفريكة ،،،

الله يخليك اخوي ابو اليزيد ابشر الموضوع الجاى بنعملوا شوربة

[حسن نوفل]

فعلًا قلّـبت علينا المواجـع يا حسن !.
يعني كـل هالطبايخ هذي وهالحلويات ما إلها طعـم بـرّة الِبْلاد ..










فَحِـل بصـل مع زرّيـن بندورة وشوية دُGـّـة بجنب سنسله أو تحت عريشة عنب أو في ظل شجرة تين على الأرض الطاهرة فلسطين بتسوى كل أكلات الدنيـا ..

* * *

بـسّ برضـو حبيبي يا حسّـون ، الله يعطيك العافية .. أقل ما فيهـا خلّـيتنا نختار شو نطبخ يوم الجمعة .

بعين الله عم ابو احمد شو بدنا نعمل بس هاد تراثنا ولازم نذكر فيه كل فترة وفترة عشان الي بيحاول ينسى ما ينسى
شو بدكم تتطبخو الجمعة بلاقي اجينا نتغدى عندك يا كبير

[حسن نوفل]

ولا تنسوا المسلوعة


طبقي الشتوي والرمضاني المفضل

المقادير
1) كاسة عدس مجروش
2) كاسة زيت نباتي او سمن
3) اربع كاسات مي وربع (4 اكواب + 3 ارباع كوب ماء)
4) بصلة متوسطة مفرومة فرم ناعم من الاخر
5) ملعقة صغيرة ملح
6) ملعقة صغيرة من مسحوق الكمون
7) ربع كاسة رز قصير مش طويل (ربع كوب من الارز المصري)


الطريقة
يوضع الزيت في الطنجرة (القدر) وتوضع القدر على النار متوسطة الحرارة
يضاف البصل المفروم ويحرك على النار حتى يذبل قليلا
ينقى العدس ويغسل عدة مرات ويضاف اليه البصل
يغسل الارز ويضاف الى خليط العدس ويحرك
يضاف الماء ويحرك الخليط
وعندما يغلي العدس تغطى القدر وتترك على النار الخفيفة مدة ساعة مع التحريك بين الحين والاخر
عندما يتجانس المزيج ويجمد قليلا" يضاف اليه الملح والكمون ويحرك العدس
وتقدم باردة او ساخنة حسب الطلب


ملاحظة : يضاف للمسلوعة كوب ونصف منم الماء او مرق الدجاج ويحرك الخليط وتقدم كحساء العدس المجروش مزينا" بالبقدونس المفروم


الكمية تكفي 4 اشخاص


وصحة وعافية ع قلوبكم و قلوبكن
المصدر: http://www.aqsaa.com/vb/showthread.php?t=80608

ما النا على المسلوعة خلص شيء يوم بتعزمنا عليها اخوي زنجلون

[حسن نوفل]

طبعا الاكلات في بلاد الشام (سوريا و لبنان و فلسطين ) قريبة من بعضها البعض ومرجعها سوري فالمطبخ السوري اله الفضل على كل بلاد الشام بالاكلات
عنجد يسلمو هالديات عالصور الطيبة والله يعين اللي عايش لحالو وما بيعرف يطبخ راحت عليه بس يشوف هالصور
اما طبقي المفضل فهو المقلوبة الملكة واعتقد ان طريقتي الخاصة بعملها اتحدى فيها اكبر الشيفات بالاضافة للكوسا محشي و ورق العنب
اما المدلوقة من اطيب الحلويات الشامية وبفضلها اكتر من الكنافة بكتييير وبعمان محل نفيسة على السابع او بشارع المدينة المنورة بيعملها بطريقتها الشامية و لا اطيب

الله يسلمك اخوي والاكل الشامية كمان طيب

[jamal nashwan]

بعين الله عم ابو احمد شو بدنا نعمل بس هاد تراثنا ولازم نذكر فيه كل فترة وفترة عشان الي بيحاول ينسى ما ينسى
شو بدكم تتطبخو الجمعة بلاقي اجينا نتغدى عندك يا كبير

مســافر أنا يـوم الجمعة ، ماخـذ العيــال وهــاجّين عـ جزر القمـر !.

[حسن نوفل]

[FONT="Courier New"][SIZE="4"][B]

يا زلمه اقللك اشي قسما بالله كل اشي بفلسطين غير .. فلسطين جنه الله على الارض .. كنت بس انزل على فلسطين

المحتله .. اصحى على ريحه خبز "ستي" الي بتكون صاحيه بعد الفجر تخبز .. بتلاكي هالخبزات نار نار سخنات .. وريحتهن

احلى من عطور " ابو شقره" .. بتلاقي صحن الجبنه الي طعمها لو تلف العالم كله بتووكلش مثله لانه مصنوع من ايديها

ولا الزعتر الي نكهته بتشمها من 2 كيلو متر .. ليش لانه كل محتوياته طبيعيه من خير الارض .. الي ستي زرعتها ..

ولا قلايه البندوره .. طازه من الارض للمقلاي .. بتذكر مره اجى عبالي بطاطا .. راحت عالبستان وجابت كم حبه وقلتهن

عليم الله عليم الله طعمها لهسا مش ناسيه .. طبعا بديش اقللك عن الزيت والزيتون والمخلل .. لانه هاظ اشي اساسي

بكل بيت فلسطيني . بس بتوكل اشي خرافي .. هاظ عمستوى النواشف .. بديش اغمق اكثر من هيك بلاش اتدايق

بتذكرش نزلت على فلسطين واكلت اشي الا الاقيه بالبستان .. واذا مش من بستان ستي من بستان جاراتها

الله الله على فلسطين .. والله لا يحرم كل مشتهي انه يزورها ويكحل عيونوا فيها

أنا من القدس..من قرية بيت إكسا
أزكى من هالأكلات ما رح نشوف بحياتنا..وراء كل طبخة وأكلة في قصة..بتحس البركة طالعة من كل وحدة..بتحس ريحة البلاد موجودة بكل لقمة
إشي بفتح النفس والله...وللي ما بعرف أكل فلسطين يجرب ينزل هناك وياكل من الشجرة ومن الأرض مباشرة حتى يعرف شو معنى الأكل الفلسطيني!!
بتذكر مرة انعزمت عند دار خالتي في قرية (بدّو) المجاورة لبيت إكسا وكان الغدا عبارة عن مسخن..الحلو بالموضوع كل مكوناته كانت من البيت..الجاجات مربيات في البيت، الخبز من تحت إيدين خالتي، زيت زيتون السنة، سماقات البلاد، بصل من الأرض..يا ويلي شو زاكي!!
بعيداً عن الموضوع ولكن محاولة لطرح تجربة مرت معي هناك: قبل حوالي 17 أو 18 سنة كنت أصحى مع ستي بكير والكل نايم..وكانت تستغل طولي - الله يرحمها - وتحكيلي هات قطف العنب هاد وهاد..عنب دبوقي إشي فاخر عالآخر..بعدين توزنهم وبس يطلعو 5 كيلو تحكيلي روح يا ستي على دكانة حكيم - الله يرحمه هو التاني - وجيب بدالهم رطل خبز!! أنا يا جماعة عشت عصر المقايضة في فلسطين وكنت أجيب 3 كغم خبز مقابل 5 كغم عنب!!

آسف للإطالة..بس حبيت أحيكلكم شوي عن....♥فلسطين♥

الله يعطيك العافية على هذا الموضوع المتعوب عليه
بالمناسبة موضوع الطبخ موضوع اصيل واول كتاب ألف في الطبخ باللغة العربية كتب في القرن الثاني عشر الميلادي.
كوني اعشق الطهي وانا طباخ ماهر والحمدلله ولدي معلومات كثيررره جدا عن المطبخ الفلسطيني الذي يعد من أغنى المطابخ في العالم العربي وفي المنطقة كلها
هذا المطبخ لديه وجبات رئيسية هي ابتكار فلسطيني أصيل وكذلك حلويات خاصة تميز بها بين المطابخ العربية:
من اهم هذه الوجبات الرئيسية التي ابتكرها: المفتول والمسخن والقدرة الخليلية وكذلك المقلوبة التي كانت قبل مئات السنين تسمى الباذنجانية (قيل ان صلاح الدين الايوبي من اطلق عليها هذا الاسم اذ اطعمه وجنوده منها اهل القدس بعد تحريرها قتعجب من شكلها واصفا اياها بالاكلة المقلوبة فسميت بهذا الاسم بعدها واعاد بها بعض جنود صلاح الدين للعراق واصبح العراقيين يطبخونها كذلك وهكذا انتشرت بين جميع اشقاءنا العرب)
وهذه المعلومة موجوده ايضا بصفحة ويكيبيديا:

http://ar.wikipedia.org/wiki/%D9%85%D9%82%D9%84%D9%88%D8%A8%D8%A9

الاقتباس:
(أكلة المقلوبة معروفة في فلسطين والأردن وسوريا ولبنان منذ زمن بعيد، ظهرت المقلوبة اولا في فلسطين حيث يجدر القول ان الأرز (أحد مكوناتها الرئيسة) كان يؤتى به الى فلسطين من مصر، ذلك أن الأرز المصري تحديدا كان معروفا في المنطقة قبل فترة الاستعمار بل منذ أيام الفراعنة المصريين وهو كان ولا يزال يزرع في دلتا النيل. كانت المقلوبة تسمى (الباذنجانية) نسبة إلى الباذنجان، وهو المكون الأساسي فيها، إلى أن جاء يوم فتح مدينة القدس على يد القائد صلاح الدين الأيوبي ودخوله وجنوده المدينة المقدسة، واحتفالاً بهذا النصر والفتح قام أهل مدينة القدس بتقديم الطعام إلى صلاح الدين وجنوده كعادة المسلمين في هذه المناسبات، وعندما أكل صلاح الدين من أكلة (الباذنجانية) أعجبته كثيراً فسأل عن اسم هذه الأكلة واصفاً إياها ب(الأكلة المقلوبة)، حيث كان من العادة أن تقلب في أواني التقديم (الصواني) أمام الضيف، فقيل له أنها تسمى الباذنجانية، ومن هنا جاء تسميتها (المقلوبة) كما أطلقه عليها القائد صلاح الدين الأيوبي.)

أما الاكلات الجانبية فمن أهمها الحمص والفول والفلافل وقد طفت بالبلاد العربيه فما وجدت احدا يصنعهما مثل الفلسطينيين وهنا لا بد أن اذكر ان هاتان الاكلتان هما فلسطينيتان تماما وهذا دليلي من موقع لبناني: أصل الفلافل فلسطيني من عكا الفلافل أكلة شعبية... من عكّا إلى صيدا

http://saidaonline.com/news.php?go=fullnews&newsid=65124

بالنسبة للحلويات واهمها الكنافة النابلسية الأصيلة وكذلك الحلويات الشعبية (كالحلبة والقزحة) التي تميز المطبخ الفلسطيني وهنا يجدر القول ان الحلبة والقزحة لا يعرفها معظم أشقائنا العرب ربما باستثناء فلسطين والاردن ولا فرق بينهما بالطبع كونهما كانا تاريخيا مقسومان بالعرض وليس بالطول كما هو الامر الآن في زمن سايكس بيكو الاستعماري: فكان شمال الاردن وفلسطين يسمى "جند فلسطين" وجنوب الاردن وفلسطين يسمى "جند الاردن"

أخيرا من افضل صفحات الطبخ على الفيسبوك هذه الصفحة واسمها "المطبخ النابلسي":

https://www.facebook.com/nablusKitchen

المنسف

موضوع رائع

جاي على بالي اشاركم باكلة اعشقها هي محشي اللفت (على تمر هندي او سماق) طبعا طبخة شتوية بس بانسبة الي خرافية وعلى ما اعتقد انو بس الخلايلة (اللي بحبوها) وبما انو زوجتي شركسية فكانت اول طبخة كان على زوجتي تعلمها من المصدر وهي الوالدة الله يخليها ويخليلكم امهاتكم جميعا والله يرحم امهات من والدته رحمها الله

http://2.bp.blogspot.com/-IT6k9reIMT...68952719_n.jpg

ومن أكــلات الأرض الطيّبة ، أعشــابها :

الحمـاصيص .
الهِـنْدْبِه .
الخُـبّيـزه : مْـGــلّبه بزيت الزيتـون أو خُبّـيزه بْعجيـن .

ومن أشجــارها :

الـرُّمّـانيِّـه : عصيـر الرُمّـان الحـامض ( دِبس الرمّـان ) ، مـع البِتنجــان المقلي ( زي القلي للمقلوبه ) وعـدس الحَبّ مع Gــدحة ثومـه بزيت الزيتون عـ وجـه الطبخَـة في مزيج مْـعـGـّـد من هـذه المكـونات ..
وبتتّــاكل غْـمــاس .

حبيبي يا ابو عمر .. تعيش ، ونفـس هاي الطبخـة بتنعمـل محشـي جـزر ،، بنفس المكوّنات ..
الجـزر الأحمـر والجـزر اللي لونه بتنجــاني ،،

ووالله بحكـي عنجـدّ ، عشــان قاسم ما يفكّـر إنّي بطقّـس عليه !.

[QUOTE=jamal nashwan;1901766][COLOR=Black]هيّهـا ، لاقيت صورة إلها .. بسّ هاي عند الناس اللي الله معطيـهم !.

إحنـا عنّـا بتكون الطنجرة معـرّمه عـ الآخر ، والجـزر أخـمل من هيــك ..

حبيبي يا ابو احمد لو ما لقيت الصورة كان فكرتك بطقس علي انا ههههههه

لاني الله وكيلك ما بعرف غير الجزر البرتقالي اما الاحمر والبتنجاني عمري ما شفتهم يمكن لاني مش من الناس المزنقلة هههههه

صغّـرولنا هالصور يا أفـاضل ، خلّي الـواحد يغـزّي نظـره !.

لَـهْ يا ابو عمــر ، خـوذ .. متّـع نظرك بألوان الجـزر .

بسّ إن شاء الله قاسم ما يـزعل !.

والله يا ابو احمد خليتو الواحد يقعد يتشهون زي الولاد الزغار !!

عشان ما أقول زي اللي بتتوحم !!

عــادي ، احكيــها .. في سـوق الـوْحــام في الوحـدات ،،
وفي كمــان واحـد قْـبال مطعـم هاشم في البلد عنـد البـريد ..

إنتــا توحّـم بـسّ وولا يهمّـك .. حــاضرين .

هههههههههههههه

بعرفهم الجوز .. كنت اروح "أمتع" نظري بشوفة "غوالي" الصيف بعز الشتا والعكس ..

قديم ابو أحمد ..

ويــا حبيبي لمّـا كنّـا نشـوف الكـرز الأحمـر في شهـر كانون الثــاني ..

ما كانش في سمارت فـون ، كـان مُـخّـنا دفتـر طبيعـة أبو الثّـنين وثلاثين ورقـة ، واطبـع يا ابو الحِـبّـــان .. واحلــــم !.

ش احكي وش اقول عليك،،
بتوكل الجزر محشي وبتتخوث علي!!!

مطبــوخ ، مطبـوخ بنوكله للجـزر .. مِـش بنتعاطــاه سِـكّ عـ الريـق !.

يازلمه الدمعه فرت من عيني .... اتقي الله وكمان حاط صوره .....ع فكره هاي الطبخه ما بعرفوها بره الخليل ....

النقطه الاهم ....انا بطالب ادارة المنتدى بوضع حسن بالنظاره لمده 3 ايام بالجوع ... ولا لقمة اكل .... وتكون جدران الزنزانه الصور اللي حاطها بموضوعه ....ويكون عنده تلفزيون مفتوح ع قناة الطبخ فقط

والله يا صديقي انا اللي بدي ابكي وانا بدور على الصورة يا اخي ليش ما بفرزو اللفت زي ورق الدوالي مثلا

عنجد مش منطق هاي الاكلة بس توكلها في الشتى

وبالفعل حسن لازم سجن او صيام 40 يوم مثل اخوانا النصارة بدون طبايخ

على الاقل انته بتاكلها كل شتويه ... شو احكي انا اللي كل 7-8 سنيين لما اكلها ....الله المستعان

بالنسبه لحسن .... انذار اولي ونهائي واخير ....موضوعك لازم ينشطب قبل رمضان ...واذا بتجيب السيره هلي برمظان اطالب ب...... لا حرام كثير هيك

مسكين اللي ما بعرف اللفت
اكلتي المفضلة
والله يا خالي هي طبخة اللفت محطوطه بالفريزر بتستنا أول يوم رمضان
الله وكيلك

شو هالاكله ابو احمد
ماشاء الله الكل اتفق بهذا الموضوع

اسكت ،، اليوم ما اخذت الجرعة والضغط ارتفع!!!

يا عيني عليك ... رائع جدا

يسعـدو الخــال عيسـى ،

إحنـا دوووووم متفقـين ،، وخاصّـة عـ الأكــل .

يعـــافيك ربنــا ، ويشفـيك ..

ويخلّـصك من هَالْهـمّ اللي إسمـو جـزر !.

الله يسامحكم على هالموضوع ... وطبعا يجزيكم الخير

نزلت اليوم على السوق وجبت جرعة بتيري "مقلد" لحين وصول شحنة بتيري اصلي من المصدر

بتيري يا باذنجان.... تثبيت لملكية المزارع الفلسطيني لأرضه"

http://www.raya.com/news/pages/db6d35d3-22ef-4e1a-8c88-3890a4564242

حقيقة، المطبخ الفلسطيني بالذات مطبخ مميز بالمحاشي حيث يتطلب وقت وصبر وفن وذوق وخبره وإحساس ومزاج وابداع. قد ترى نفس الطبخة او شبيهة لها في دول اخرى ولكن المطبخ الفلسطيني مميز بمراعاته للتفاصيل الدقيقة من حيث الشكل والمحتوى وطرائق التحضير والطهي.

شكرا لمرور الجميع يا حبيب الي بدو يحبسني والي بدو يقتلني والي بدو يوقفني طيب ما حد بدو يعزمني

[Abo Omar 2012]

مسكين اللي ما بعرف اللفت
اكلتي المفضلة
والله يا خالي هي طبخة اللفت محطوطه بالفريزر بتستنا أول يوم رمضان
الله وكيلك

نيّالو ابو وسام والف صحة وعافية يارب

بس ياريت تنقلنا شو طريقة التفريز يا معلم