المأكولات والمشروبات الشعبية الفلسطينية (ادخل واكتب نوع اكل قريتك بفلسطين )

[ابن دورا]

وجعت قلبي والله اشي بفتح النفس

القدرة الخليلية عجزت اﻷيدي عن الطبخ بمثلها

[عصام الحوراني]

طيب يا شاب مين اللي بعرف " الخبيصة " يخبرني من شو بتتكون؟؟؟؟

الخبيصة طبق من الاطباق الشهيرة التي يصنعها الفلسطينيون عادة فهي من الحلويات المشهورة بفلسطين الحبيبة واما عن طعمها فالخبيصة اكلة لذيذة جدا والتعرف الى مقادير عمل الخبيصة الفلسطينية

مقادير عمل الخبيصة
10 كوب عصير عنب مصفى
2 ملعقة كبيرة ينسون مطحون
كوب سميد او طحين او نشا
سكر حسب الرغبة
سمسم
لوز مقشر
حب قريش

طريقة عمل الخبيصة الفلسطينية
نرفع عصير العنب والسميد على النار
من نصف ساعة الى ثلاثة ارباع الساعة
ونضع اليانسون والسكر وباقي المكونات
ثم يصب على شرشف ابيض ويترك مدة اسبوع
وحتى نستطيع نزع قطع الخبيصة بسهولة يجب بل الشرشف قليلا

[عصام الحوراني]

الكرشات والفوارغ والروس

[حسن نوفل]

ياحسن ذبحتنا يااه شهيتنا ماشاء الله اكلات وحلويات ولا اطيب منها
المقلوبه عندي الاكله المفضله
يعطيك العافيه حسن جهودك جباره ماشاء الله عليك

الله يعافي قلبك مقلوبه اكثر اكله بحبه يا كبير

[حسن نوفل]

حرام عليك ابو فؤاد استويت من الجوع
المسخن والملوخيه
وانا بحب الكرشات والكبسه

الكرشات لا ما الي مصلحة يا كبير ههههههه

[حسن نوفل]

ضربت على الوتر الحساس يا ابو فؤاد
طبعا اكثر مارتشتهر به الخليل
القدره الخليليه
والمقلوبه
وعدس ورقاق
ودمعة البندوره
عندي شغلات كتيره
راجعلك

القدرة ما الي عليه يا قائد بنتظارك ...

[حسن نوفل]

دوختنا يا صديقي
الله يعطيك العافيه جهد تشكر عليه
فلسطين وما ادراك ما فلسطين

الله يعافيك اخوي

[حسن نوفل]

المفتول

المفتول ما برغبها كثير والله

[حسن نوفل]

كل هاي الطبخات راحت نكهتها منها
اليوم يا سيدي مستلمات طرق جديدة في البهرات و فكرات حالهن منجزات ههههههه

المفتول و بس

هههههههههههههههه عجبتني ليوم يا سيدي مستلمات طرق جديدة في البهرات و فكرات حالهن منجزات ههههههه

[حسن نوفل]

اقراص بالسبانخ والزعتر و مناقيش زعتر

هاد الحكى الصح العب يا كبير على الوجع

[حسن نوفل]

يا ابن الحلال شو يالي عملتواااااااااا في ...... حرااااااااااام عليك ...... في احلى من فلسطين و اكلها ..... انا بموووووووووووت في الاكل الفلسطيني و خاصة المسخن ..... لما امي بتعمل مسخن بخلي قسم منه لثاني يوم علشان أفطر عليه فطور من كثر ما بحبه

الله يخليلك الحجة يا كبير وين هالغيبة بعدين

[رمزي الياموني]

في جنين
الصبر
البياعة بنادو
فقوعة يا صبر
من قرية فقوعة

الله يرحمها والدتي كانت تعمل المسخن على اصوله .

البامية

بالمرة خليني احكيلك بعض الكلمات الفلسطينية والتي قد يجهلها الكثير

اوضة .... غرفة

درج ..... حصيرة


بينسا ..... العَتَلة تاعت البناء


خوصة ..... سكينة

البان ..... علكة


طوس ..... علبة


صفوة ..... شوربة


وهناك الكثير الكثير واكتفي بذلك

[حسن نوفل]

طيب يا شاب مين اللي بعرف " الخبيصة " يخبرني من شو بتتكون؟؟؟؟

والله ما بعرف شو الخبيصة انا موديل 86 خخخخخ

[حسن نوفل]

المسخن وما ادراك ما المسخن

والله بدها مسخن بلاقي السبت عملنا مسخن يا كبير اتفضل

[اشرف السعد]

قرية سمخ/ طبريا . تقع على الشاطىء الجنوبي لبحيرة طبريا .
تشتهر بأكلات السمك بجميع انواعها .