(!)..عودة واستقبال النشامى..(!)

اتفه مباراة الفريق الخصم بهاجم وبهدد احنا 90 دقيقة
ما وصلت الطابة ليد حارس مرمى اليابان

علشان يعرفوا كيف يلعبوا المره الجايه

يا عيب العيب

ذكرتني بتعليق الكاتب طمليه يوم ما الوحدات خسر بتونس 7/0 كتب الوحدات لازم يرجع مشي من تونس
اصلا منيح هذول الي لقيوا طيارة تجيبهم من اليابان على لعبهم الحلو!!

بستاهوا

لا حول ولا قوة الا بالله
فعلا عوجاا

لا تحكوا عنا جماهير فوز وبس اللعب فوز وخسارة
بس اللعب مهارة وفن واتقان ابدع راوغ العب سدد
دافع بس لا تكون جبان الخصم الي قدامك انسان وانت
بتعرفه من زمان وقد ما يجي فيك قوال لا تلغي من الكرة
اشي اسمه ريشة فنان وحافظ على المستوى والاتقان
وشوف كيف بنستقبلك كمان

حتى لو خسروا مش لازم يعاملهم الاتحاد بهذه الطريقة

هنا بيت القصيد
اخيارات حمد غير مدروسة وغبية لأنها مبنية وفقاً لأجندة مفروضة عليه

أما عدم استقبال اللاعبين فهذه سقطة أخرى للاتحاد حيث لا يجوز التعامل مع البعثة بهذا الشكل مهما كانت النتيجة

ههههههه الله لا يردهم أدا مخزي ولاعبيه جعانة و مدرب مفكر الاتحاد مغارة علي بابا و كل هاظ و بدهم استقبال

خسارة فيهم المفروض حجزوهم في المطار للتحقيق معهم

كل الاحترام لهؤلاء اللاعبين اللي "كانوا" يلعبوا بذمه وضمير ورجوله.

الان المطلوب من النوادي قبل الاتحاد صناعه لاعبين جدد، لانه من الامور الطبيعيه دائما اقصاء اللاعبين كبار السن بتدرج مع تدعيم لعناصر الشباب، لانه الشباب بيكون عنده حيويه وبيبذل مجهود قوي مقارنه لمن هم كبار في السن..

اما عامل الخبره، فهذه برضه مسؤوليه النوادي انها تدرب للاعبين الشباب وتدرسهم التكتيكات وتدربهم عليها بشكل عملي، وتلاعبهم مباريات وديه حتى يكبسوا خبره جديده بالاضافه لما درسوه، في ظرف سنتين بيكون لم اللاعب بخبره كويسه، شريطه ان يكون المدرس لهم يملك خبره عاليه في الشؤون الكرويه، وبالتالي يتخرج من عندنا لاعب متسلح بخبرات السابقين ونترك له اضافه الجديد والاحتكاك في مشواره الكروي، هيك بيكون عندنا لاعبين صغار في السن ولديهم خبره مؤسسيه.


ما بدنا نظل نطالب بدخول اللاعبين الكبار لانقاذ المنتخب، كون انه من الطبيعي انه اللاعب بياخذ مجده في الملاعب من سن 18 سنه حتى سن 30 سنه كحد اقصى، وبعد هيك تلقائيا ببلش يبعد عن الاضواء حتى يبقى اسمه وشهرته ذائعه الصيت. بعباره اخرى هرم كرويا ولابد له ان يبتعد ويفسح المجال للجيل الجديد.

وبعدها ببلش يلعب اللاعب الكبير بشكل ثانوي، احتياط لشوط ولاعب في الشوط الثاني او العكس، وبعدها بيعتزل.

اذا التعويل لازم يكون على الاعبين صغار السن مع لاعبين خبره، وهذول الخبره بده يكون عمر الواحد فيهم من 25 سنه حتى 30 كحد اقصى. هذا اذا كنا بدنا تشكيله نموذجيه.


لذلك المنتخب بحاجه الى منظومه سفليه قاعديه، تؤسس لانتاج لاعبين على مستوى، حتى يكون انضمامهم للمنتخب تحصيل حاصل وجاهزين..ويكون عندنا دائما مشروع ولاده نجم جديد.


لو البرازيل بدها تظل تعيط على بيليه، كان ما شفنا زيكو ولا شفنا بعدهم بيبيتو وروماريو ولا رونالدو ولا رونالدينيو ولا غيرهم من كوكبه النجوم

لو الارجنتين بعدها تبكي على اطلال مارادونا كان ما شفنا ميسي

ملاعبهم ولاده للنجوم، منتخبهم بفقد نجم وبعوضه بنجم لامع لا يقل عنه كفاءة واقتدار,..

على العكس عندنا، بنفقد نجم اما لكبر سنه او اصابته، بتبهدل المنتخب وحاله بيصعب على العدو !! ملاعبنا مش ولاده ؟!!



انا فقط جاوبت على جزئيه من الرد.

6 حافلات

حقيقة كان من المفروض إرسال 6 حافلات لاستقبال اللاعبين وكل حافلة عليها 6 كرات وتقديم 6 وردات لكل لاعب ... لو كنت صاحب قرار لعزلت الجهاز الفني وأعدت تشكيل المنتخب فالخسارة ثقيلة ثقيلة ثقيلة للأسف وللنسيان

كلام يستحق الوقوف عنده طويلاً لأنه يصور حال من يسعى للارتقاء بمنتخب بلاده
ولكن واقع الحال يفرض علينا فكر عفن لثلة من أعداء الرياضة النادويين الذين لا تهمهم سمعة الوطن بقدر ما يهمهم تهميش لاعبين أكفاء لأنهم من فرق غير فرق أنديتهم!