كانت ختيارة بحارتنا دايما تحكي بالزمانات ما في حد قليل ولا يغرك الكلام اللي بحكيه ...
هالمرة بدنا اندور على ( هطرش ) يا ترى وين بدنا انلاقيه ..فكرت ادور عليه بكل زاوية وبكل مكان لحتى اعرف شو بعمل مجرد صنم او مجرد شخص بحكي او بخبص او عنجد انه هطرش
انا من امبارح بسأل حالي يا ترى في عاقل برضى انه انجيب بشار بني ياسين وكينث وعبد الدايم وثلاث صفقات كبيرة مشان رحيل البهداري ... طيب انا بدي اعرف هو اللاعبين قدمو لو مباراة زي الناس ..سؤال معلق لحتى اعرف الجواب
قويض اجى وقويض ...
قويض اجى وعمل اللي بقدر عليه بالاخر الزلمة حكى الهريبة ثلثين المراجل ...وخلى الجمل بما حمل للادارة
طيب برانكو وقلنا امر الله لسه جديد وما بعرف مراكز اللاعبين هشام وين كان عنه وليش ما حكاله وليش وضع احمد عبدالحليم اللي طالع من اصابة جديدة ظهير ايسر و قدامه احمد الياس مش عارف الحق على هشام او على برانكو (هل هشام حكى ل برانكو او هشام كان يتفرج على المباراة زي الجمهور ) ضل الجواب معلق
رئيس النادي وجهو حلو علينا ما شاء الله اللهم لا حسد من اول ما استلم النادي لليوم والاخبار الحلوة ما بتغادر النادي يا ترى المشكلة فيك يا بياري او في اللي حواليك ...طيب لو في اللي حواليك ليش ما اتقدم استقالتك وتحفظ ماء وجهك قدام الجماهير ...
امبارح زياد شلباية بعد خروجنا من الدرع كأس الاتحاد الاسيوي قال لو ما فاز الوحدات بالبطولة الجاي انا راح اقدم استقالتي ..يا ترى حد بعرف ليش لليوم ما قدم استقالته ...بضل الجواب معلق
باقي مجلس الادارة
كلكم ابطال ما شاء الله عنكم ولا واحد عليه الحق لانه الحق على جارتنا . .هي صاحبة كل القرارات اللي بتطلع من عندكم .. من جلب قويض لرحيله ..من الصفقات الفاشلة مش الاخطاء الكثيرة .يعني من اول ما استلمت هالادارة لليوم اعطوني مرة وحدة بس كنتو ايد وحدة او على الاقل ما في سوء نية من بعض منكم ..والله قلوبنا مش صافية وما بنشتغل كلنا ايد وحدة ..او كل واحد حابب يعمل اللي براسه ومش فارقة معاه الجمهور .... يا ترى الى متى راح اتضلو هيك لحتى يجي موعد الانتخابات الجديدة ... لو كان في استقرار اداري منذ البداية ما اوصلنا لهيك مرحلة ..بس كل اللي بسير نتائج وتخبطات الادارة الكريمة ..
اللاعبين ...
فوق تعبكم الله يسامحكم بعرف انكم تعبانين وسفر وارهاق بس على الاقل لازم تعرفو انه اسم الوحدات كبير والمفروض لو مش قادرين تلعبو تعطو المجال لغيركم ..
شفيع مش عارف يعني لو الشخص اللي سب عليك ( هطرش ) مش الافضل انه اطلعت على الشيك واطلعت مسكته ..مهو يا شفيع ما ضل عليك غير هيك ..انت فيصل قدام 70 الف مغربي ضربته ..لانك معصب واكيد هالمرة ما بلومك لانه طول الموسم ما اكلت 3 اهداف طول نصف موسم جاي في نص شوط توكلهم ..والدفاع قدامك شوربة ..والله انه اشي بمغص يا شفيع يعني لو مسكته كان سجلنا شفيع يبحث عن الــ هطرش
بس على فكرة يا شفيع انت والبياري ومجلس الادارة واللي بشتغل من تحت الطاولة في الادارة واللاعبين والجمهور وكل الناس ..احنا بندور على هطرس بكل امكان يمكن بالمدرب ومساعديه ..او يمكن في اللاعبين ..او في مجلس الادارة ...او يمكن بالنهاية بالجمهور ...جاري البحث عن ...هطرش ...وعظم الله اجركم
اشكرك يا يوسف,,
1- علينا ان ندرك ان متوسط اعمار لاعبينااصبح 30-31 سنة ولا يستطيعون مجاراة للياقة لاعبي الاندية الاخرى التي تعتمد على الشباب .
2-علي صلاح جاء لنا وهو غير جاهز وتم اعطاءه 60 الف وفي اخر تمرين قبل المباراة ادعى انه يعاني من مغص فقرر المدرب اجلاسه على مقاعد الاحتياط كعقوبة له وكأن هذا المحترف رح تفرق معه يلعب او يقعد,,
3- رجاء حار الى اللاعب شفيع بقطع علاقاته الشخصية مع علي صلاح لان هذه العلاقة حتما ليست في صالح الوحدات .
4- عبدالدايم انصلح حاله بعد اثارة موضوع السهر في المنتدى,
5- بشار بني ياسين طالب بكتاب لمجلس الادارة ان يسمح له بالسفر للعلاج رغم ان حالته تحتاج لاسبوع علاج هنا (كما فهمت) ولكن الاخ يريد ان يتخلص من المشكلة بشكل كامل ويقبض كامل مستحقاته من الوحدات,,
6-كيبيث لماذا لا نحاول عمل تسويه معه وننهي مشواره الكروي معنا.
7- السؤال القوي حسب ابو الغور هل نحن مستعدون كجماهير لتقبل سنة بدون بطولات نعمل فيها على تجهيز فريق بطولات؟
ااخ يا غالي ...
كلها هطرش ...على وزن أطرش ...على وزن تي رشرش هه...
الان القرار اللي طلعو فيه اقالة مدير نشاط الكرة ..أو يسخرج بعد قليل في المؤتمر الصحفي ليقول السيد خليل مبارك استقال مدير الكرة ..وسيتم ايقاف شفيع محلياً ...او ايقافه لست مباريات ..وهناك من يطالب بفسخ عقده او ايقافه لنهاية الموسم !!....
ونسوا أنفسهم من سيحاسبهم ؟!!
كلامك موزون يا قيميري ...وكلام على الوجع
الهزيمة كانت أليمه وصدمة عظيمة ... والجميع يسأل ماذا حصل لنا ؟؟
سؤال / الجميع يبحث عن اجابة له بكل صراحة ووضوح ..وبعيدا" عن محاولات الترقيع والضحك على عقول الجماهير الواعية التي اصبحت تفهم أكثر من الادارات ..
مشكلتنا في انفسنا ...صنعنا سقف عالي لبعض الاشخاص و اللاعبين وكبرنا رؤسهم حيث أخذ الغرور يتزايد لديهم ...
وحين فتحنا اعيننا على ارض الواقع ..شكل لنا صدمة .. لذلك لنتعامل بواقعية لما يدور حولنا ولنهتم بالوحدات فقط و لنعود الى انفسنا أكثر .. ولنغير ثقافة كل يسرح على كيفيه ..والتهاون والتلكأ وعدم المسؤولية .. و اعزي الادارة التي تتخبط في القرارات وسلسلة المشاكل المصطنعة من قبلهم والمؤمرات ...وهذه النتيجة ... ولا ندري ماذا سيحصل في الايام المقبلة ...
لسا هلأ الجزء الثاني من مسلسل الاداره واللاعبين
الاداره والقرارات ,,, يلي بتفتح النفس
وأهم اشي انو الموسم ضل في شباب الأردن والرمثا والبقعه والفيصلي ,,,
مشاهده ممتعه ...
لماذا تتسع طاقة شفيع امام جماهير الفيصلي ويسكت عن شتمه طوال ال 90 دقيقه هو وشلبايه ورافت
ولا تتسع طاقتهم لمن كانو يرقصون معهم منذ زمن قريب ؟؟؟؟
لانه اذا رد عليهم الاتحاد لن يقصر فيه ابدا وخاصه انهم ابناء الاتحاد المدلل