خاص نت ... الوحدات نت يساهم في مكافأة مباراة الوحدات والمنشية ...
خاص نت ... الوحدات نت يساهم في مكافأة مباراة الوحدات والمنشية ... - خاص نت ... الوحدات نت يساهم في مكافأة مباراة الوحدات والمنشية ... - خاص نت ... الوحدات نت يساهم في مكافأة مباراة الوحدات والمنشية ... - خاص نت ... الوحدات نت يساهم في مكافأة مباراة الوحدات والمنشية ... - خاص نت ... الوحدات نت يساهم في مكافأة مباراة الوحدات والمنشية ...
خاص نت ... الوحدات نت يساهم في مكافأة مباراة الوحدات والمنشية ...
ساهم موقع الوحدات نت في مكافأة الفوز بمباراة الوحدات والمنشية والتي بلغ مقدارها 3500 دينار ، وزعت بالتساوي بين جميع اللاعبين ( حسب رغبتهم ) قبل مباراة الفريق مع الأهلي .
وقد ساهم في هذه المكافأة كل من رئيس النادي طارق خوري ونائب الرئيس الدكتور بشار الحوامدة وعضو مجلس الإدارة حاتم أبو معيلش ، بالإضافة لموقع الوحدات نت .
الداعمين يخلِف عليهم ، والله ما بيقصّروا ، وكلهم أمل في كل مرة بيدفعوا فيها هيك مكافآت إنهم هاللعِّيبِه يستحوا على حالهم شويِّه !.
أنا نِفسي بشغلتين ،
الأولى .. في أول مرة قادمة بيعلن فيها المتبرعون عن هذه المكافآت إنّو اللعّيبِه يقولولهم لأ ، يِخلِف عليكم ما بدنا .. إحنا قدّها بدون مكافآت ..
والثانية ، إذا ظلّ هالنظام هذا شغّال - نظام المكافآت الطيّاري ، وبدهم يظلّوا يساهموا - مين ما كانوا يكونوا ، إنّو هالمتبرّعين هذول يتفقوا بينهم وبين حالهم إنهم ما يعلنوا عنها .. وبعد المباراة بعطوهم ايّاها ، ترى بتيجي أحلى وأمتع وأحفز لمرات جايّه !.
تذكّرت إنّو إذا بدهُمِّش يحققولي الشغلتين الأوّلانيّات اللي بنفسي ، إنهم يوخذوا هالمكافأة هاي شو ما كان مبلغها ، بسّ يعطوها كاملة للاعبين الغلابا اللي في الفريق ، اللي عقودهم فراطة ، واللي بوخذوش من تحت الطاولة ومن فوق الحيط ومن بين الدّروج .. يعني بالزبط ، زي ما اتفقوا على توزيعها بالتساوي ، يتّفقوا برضو على إنهم يحسّوا بزملائهم المذكورين أعلاه !.
حبيبي أنت يا عبد الله ، واسمح لي بما إنّي عارف حالي بمون عليك إنّي أستغلّك من خلال ردّك هذا وأحكي اللي بنفسي ، لإنّو الثلاث شغلات اللي بنفسي فووووق ، هذول مِش هُمّه كل اللي بنفسي :
مع إنّو - والله أعلم - أن اللجنة الإعلامية للموقع ما نزّلت هذا الخبر لكي نقدّم الشكر ، لإنّو إذا عشان نقدّم الشكر .. فلا أعتقد أن طارق أو بشار أو حاتم أبو معيلش ينتظرون الشكر ، فللأمانة ياما عملوها قبل هيك .. وكثيـــــــــــــر ، كما أنني أنا واحد من الوحدات نت ، وأنا ما قدّمت إشي .. والصحيح أن اللي قدّموا من الوحدات نت بتلاقيهم واحد وِلّا اثنين ، وكرم منهم ولطف وذوق وأصالة ، حكوا أن المساهمة كانت من الوحدات نت ، فالله يخلف عليهم مين ما كانوا !.
أنا يا عبد الله بشوف إنّا نركّـز على هالموضوع هذا أكثر من الشكر ، ولو إنّو مَنْ لا يشكر الناس لا يشكر الله ، بأننا نحكي ونعبِّر عن جدوى هذه المكافآت أو عدم جدواها ، ولإيمتى يعني بدها تظلّها لعّيبتنا ما بتخفي العيوب إلا لمّا تْشَخْلِل الجيوب ؟!.