للاسف شلة مرتزقة بتتحكم بالنادي وكلهم بياعيين حكي
ومستنفعين على ضهر النادي صدقوني بعمره ما بتغير
هاض الوضع لانه النظام الي بتم فيه الانتخابات نظام
مفصل لهاي الشلة والدولة مبسوطة على شلة هالحرمية
لانهم على قد الايد .
ردك بدل انك فاهم الموضوع كثير منيح وخصوصا اخر سطرين ..
انجازات اكرم سلمان الى الان
لعب 8 مباريات
فاز في 4
تعادل في 1
خسر في 3
النقاط التي حققها الى الان من الفوز والتعادل 13
النقاط من الخسارة والتعادل 11
بمجموع حسابي لم يحقق اكرم سلمان غير 2 نقطة في 8 مباريات بعد ان خصمنا نقاط الخسارة من الفوز
يعني اكرم سلمان فقد 11 نقطة في 8 مباريات بمعدل خسارة 1,4 نقاط في كل مباراة
اخي عزت الرجل مفلس تدريبياً ويا اخي كل المدربين حارقين حالهم على الخط ويعمل على توجيه اللاعبين الا الحجي اكرم سلمان ما له دخل الله اكبر ما كان هيك حسبنا الله ونعم الوكيل
لو بقي ابو زمع لكان الوضع غير هيك صدقوني رغم ان الاكثريه طالبت باقالة ابو زمع وانا من المعارضين لهذا القرار يالله بعوض الله
طبعا الا من رحم ربي وبصدق اقول الاغلبيه العظمى هي السبب اللي من ٣٠ سنه مش عارفه تعمل شي وبتنتخبلنا الجهابذه المذكورين تحت
ما بحب اقلكم غير اتقو الله فينا وفيكم وفي النادي الرمز الذي سيدفنوه الذين تنتخبوهم . ( اصحو )
طارق خوري .... بياع حكي واكبر اسباب الشلليه بالفريق + (بفهمش كرة القدم )
زياد شلبايه .... زعيم الغلابى . ما بخلي اعراس اطراح مناسبات لاعضاء الهيئه العامه الا بكون متواجد و بقوه ..
اللي بده اياه بصير غصب عن الكل ( اكبر قاعده جماهيريه من اعضاء الهيئه العامه ) + ( بفهمش بكرة القدم )
بسام شلبايه .... ناطق اعلامي للنادي وظيفته اخذ الاذن من زياد شلبايه قبل ان يدلي باي تصريح ولا ( بطير ) ناطق اعلامي ما بعرف يكمل جملة صحيحه ع بعض + ( بفهمش بكرة القدم )
عبد الرحمن النجار .... مدير مالي من سنة الخشبه شغلته الوحيده انه يكون مدير مالي وثلاث ارباع الاجتماعات بحضرهاش + ( بفهمش بكرة القدم )
عوض الاسمر .... من اين اتى وكيف جمع كل هالاصوات بالهيئه العامه لا احد يدري شغلته البصم لزياد شلبايه على كل كلمه بحكيها شو شغلته بالنادي ما حد بعرف فقط شغلته اللي بعرفها هي حضور المباريات عن المنصه + ( بفهمش بكرة القدم )
سامي دحبور .... مرة بنجح بالانتخابات ومرة ما بنجح و شغلته هي لاكمال نصاب اي اجتماع بالنادي والبصم لزياد شلباية وشلته + ( بفهمش بكرة القدم )
علي خليفه .... الوحيد اللي كنت استبشر فيه خيرا اشتغل صح اول ما نجح وبعدها طناش .. طول وقته مسافر و لاحق رزقه ورزق عياله طيب يا عمي مش فاضي للنادي استقيل او ما تترشح من اساسه ولا هي الشغله منصب وبس + ( بفهمش بكرة القدم )
زيد ابو حميد .... اذا بينجحوا جماعته بتشوفوا وين مكان وبشتغل صح واذا جماعته ما نجحو ما بتشوفوا نهائيا ... الحجه الابديه انه التكتلات ابعدتني عن القرار .. اللي بده يشتغل بشتغل واللي ما عرف يشتغل بسبب البعض بقدم استقالته وبتشيل عنك خطية هالجماهير + ( بفهمش بكرة القدم )
حاتم ابو معيلش .... اللي بعرفه عنه ما شاء الله انه رجل اعمال ولا اله دخل بالنادي بتحسه فقط لاكمال النصاب لجماعته واللي بده اياه زياد شلبايه برضو بصير بغض النظر في مصلحه للنادي او لا + ( بفهمش بكرة القدم )
بشار الحوامدة .... نفس طريقة دخول طارق خوري للنادي ولكن الفرق بينهم انه خوري دفع اولها من جيبته ودخل بعين قويه وزي ما حكوها بعد ما تمكن اتمسكن اما بشار الحوامده شغل حكي ومخطاطات ومش عارف شو بوصلك عالبحر وبرجعك عطشان ولا اشي اتنفذ من اللي حكاه + ( بفهمش بكرة القدم )
غصاب خليل .... نفس الكلام الموجه للسيد زيد ابو حميد زلمه محترم وعاقل اذا نجحو جماعته بشتغل غير هيك ما بتسمع حسو يا عمي مش قادر تسوي اشي استقيل عشان تتطلع من خطية هالمساكين + ( بعرفش بكرة القدم )
وبالاخر ما بحكي غير حسبي الله ونعم الوكيل بكل واحد فيكم عمل ضد اي قرار في مصلحة النادي ككل
والله انك شيخ وما عليك زود
بالفعل ادارة ضايعة ومدرب يبدو انه نسي كرة القدم
يعني انا بتمنى انه حدا يوضحلي كيف بتكون خسران بهدف وبنهاية المباراه بتلعب على الارض ومافي ولا لاعب بالصندوق يا ترى كيف ممكن يتسجل الجول