قصة عشق .. يما اعمليلي مسخن - قصة عشق .. يما اعمليلي مسخن - قصة عشق .. يما اعمليلي مسخن - قصة عشق .. يما اعمليلي مسخن - قصة عشق .. يما اعمليلي مسخن
السلام عليكم ورحمة الله وبركاته
اولا هذة القصة منقوله من الاخ كله كلام عضو فيصلاوي من موقع كوره له التحية وليسمح الاشراف
قصة قصيرة قرائتها وآلمتني حتى البكاء
اترك لكم قراءة القصة ليكتشف الجميع علاقة
هذه القصة بكرة القدم وبفوز منتخبنا الوطني
بمباراته التاريخية أمام العملاق الأسترالي
-؛: للأمانة القصة منقولة :؛-
يما اعمليلي مسخن و كثري عليه البصلات و تنسيش السماك ~
بس أنا اليوم بدي أعمل ركاك و عدس مشان أدفي عظامك إنت و اخوانك ~
يما مشان خاطري اعمليلي مسخن ~
خلص يما بتؤمر أمر، طبعا منتا آخر العنكود بطلعلك كل شي~
حبيبتي يما والله غير أرفعلك راسك عن كريب و تكولي صحيح هالولد هامل و مشكلجي بس سدكوني مخلفتش غيرو ~
هههه أسكت ولا هسا بسمعوك اخوانك و بزعلو ~
يما كيف كان شكل أبوي ؟؟
يما منتا عارف كيف كان شكله، هو أنا بدي أظل أكلك كيف شكله !! هو صحيح استشهد في النكسة و كصفولنا الدار و راحن صوره معها بس صورته يما محفورة في كلبي من جوى ~
ولا يا أزعر، اه كنت بعشكه كمان .. كانن شواربه خمال بوكف عليهن صكر و كانت عنده شامة عخده و لا غمازته تكول حفرة في خده .. لما كان يطل في بدلة هالجيش كل بنات البلد يوكفن عالشبابيك ~
هههه ول ول هاظ الحج كاين توم كروز بزمانه ~
اخرس ولا تتخوثش و يلا روح من وجهي مشان أعملك المسخن ~
بعد شوي
يما مخلصش الأكل .. متت جووع ~
يما هالولد شو كردك عجوول .. خلص هيو جاهز تع كل ~
يا باااي مزكا هالريحة .. بتعرفي يما إني بشم ريحتك في المسخن !! ~
يا عزااا يعني ريحتي بصل يا عكرووت ~
هههه لا يا غالية مش هيك كصدي .. تزعليش ريحتك مسك يا تاج راسي ~
يمااا منك إنت .. كول يما صحة و عافية .. مطرح ما يبني يأسس يا حبيبي ~
هههه خذي شمي يا حجة منا كالولك عني أكسجين .. بس بدي آخذ هالشغلة من الغرفة ~
بعد شوي
راح محمد الله يسهل عليه .. خليني أكووم أنظف غرفته هسا كايمة كاعدة ..
إييه بسم الله الرحمن الرحيم .. هذي الغرفة مرتبة .. كنه الولد مرتفعة حرارته ..
شو هاي الوركة !! خليني أكراها ~
المكتوب في الرسالة :
يما بحبك كد الدنيا .. بتعرفي ليش خليتك تعمليلي مسخن اليوم مشان يظل طعمه في ثمي و يكون آخر إشي بذوكه ..
شفتي لما حكيتلك بشم ريحتك بالمسخن، ما كان كصدي إنه ريحتك بصل يا غالية، بس إنتي أعطيتينا كل سنين عمرك .. شكيتي كثير يما !! و كل مرة بتطبخي بتحطي من نفسك في الطبيخ ..
يما أنا لو أشم ريحتك بين كل أميات الدنيا رح أعرفها !! فش زيها يما ~
بتعرفي يما لما سألتك عن شكل أبوي ؟ مكانش كصدي أتزانخ عليكي، كنت بدي أتأكد من ملامحه و أحفظها لإني كمان شوي رح أشوفه و ألتكي فيه و أحكيله ليش تركتني يابا ؟؟ بدي أبوس إجريه و أميز ريحته زي ما بميز ريحتك يما !!
كلبك كلك إنه هاي آخر مرة رح تشوفيني عشان هيك بستي خدودي الحمر و شميتي ريحتي .. رح تشتاكيلي يما بعرف و رح تشتاكيلي كثير !! بس رح تزغرتي و رح تفرحي، يما اللي بستشهدو مش أحسن مني و إمياتهم مش أحسن منك !!
فلسطين بدها شبابها يما، حتى لو كنت آخر العنكود ~
اليهود يما بفركووش بين وحيد أهله و بين زغيرهم و بين كبيرهم ! ! والله ما بفركوا ~
ما رح نستناهم ييجونا، احنا رح نروحلهم بإجرينا .. هاض كدرنا يما، احنا انولدنا عشان نموت !! إنتي مرة مؤمنة يما ! بالله عليكي تعمليلي عرس زي اللي كنتي تكوليلي عنه دايما .. بدي مهاهاتك تصل للكدس يما .. ابنك ما مات يما عالفاضي !! ابنك استشهد عشان فلسطين !! هاي فلسطين يماا !! لازم نمووت عشان اضل عايشة !! ارضي علي يا غالية ....
طلعت تركض في الشارع و تنادي عمحمد، يماااا فلسطين مليانة شبااب يما .. ليش إنت يما لييييش !! خليك يما مشبعتش منك ~
طيب كان أكلت كمان شوية مسخن و دبيت بطنك يا حبيبي !! مين بدو يطعميك هسا !!
طيب ليش رتبت الغرفة ؟؟ كان خليتها معفشكة زي دايما مشان أشم ريحة أواعيك و أكوول الله يهديه هالولد ~
يحرم علي طبيخ المسخن من بعدك يا محمد يماااا !!
أخذت ضحكتي و رحت يما ، تعال تزانخ علي يا محمد تعال !!
نطت الجارة من الشباك، هااااي يا ام محمد تع شوفي محمد وجهه منور عالتلفزيون .. طعن ثلاث و استشهد .. هنيتي يا خيتي هنيتي .. لولولوليييييييش !!
كعدت ام محمد في نص الطريك و بعديها مكامتش !!
اعتذر من الإشراف على موضوع أعلم جيداً أن مكانه ليس كورة اردنية ولكن ضاق صدري به فقررت أن اضعه بين أيديكم واتمنى ان تتسع صدوركم ليجد فيها حيزاً
اعتذر لبضع دقائق سرقتها من وقتكم الثمين
اعتذر لكذبة سوقتها لكم في البداية على أن الموضوع له علاقة بكرة القدم
ولكن هي ومضة وتذكير للجميع ان هناك
وطنا يعيش في قلوبنا لم ولن ننساه
ليسمع العالم بأسره اننا قد نضحك ونلهو حينا
ولكن لن ننساك يا أقصى ولن تغادري أعماق قلوبنا يا فلسطين
القصة قرأتها من ابو احمد نشوان على الواتس اب
والله تركت الأثر الكبير في نفس الواحد
والقصة نسختُها عزيزي عبد الله هناك على الواتس اب - كما وضّـحتُ لكم - من صفحة أحد أقاربي على الفيس بوك وهو من غـزة ، منسوخة من صفحات الأهل والإخوة في الضفة وغزة ، والذي بيّـن لي أنه لا يعرف مصدرها .
قصه مؤثره جدأ قطعت قلبي وابكتني كثيرأ عندما بعثها لي صديقي وحبيبي واخي جمال النشوان على الواتس اب يوم اول امس الموافق 10/10/2015 يوم السبت ومن شدة تأثري بهذه القصه وعميان الفضا اعملت حادث بالسياره ما انقذني من الموت المحتم غير العنايه الالهيه الله يحيك يا الشعب الفلسطيني كل يوم قصه وحكايه جديده عن نضال شعبنا وكل يوم عمل بطولي المجد والخلود لشهدنا الابرار وعاشت فلسطين حره عربيه
قصه مؤثره جدأ قطعت قلبي وابكتني كثيرأ عندما بعثها لي صديقي وحبيبي واخي جمال النشوان على الواتس اب يوم اول امس الموافق 10/10/2015 يوم السبت ومن شدة تأثري بهذه القصه وعميان الفضا اعملت حادث بالسياره ما انقذني من الموت المحتم غير العنايه الالهيه الله يحيك يا الشعب الفلسطيني كل يوم قصه وحكايه جديده عن نضال شعبنا وكل يوم عمل بطولي المجد والخلود لشهدنا الابرار وعاشت فلسطين حره عربيه
حمداً لله على سلامتك اخي خالد الديسي
وان شاء الله تكون بخير
القصه روعه وفعلاً قشعر جسمي
اللهم انصر اخواننا في فلسطين على اخوان القرده والخنازير