|| فيديو || أول حديث للكابتن رائد عساف مع الجماهير الحاضرة للتمرين ...

[البلوي]

بالتوفيق للوحدات

[ابوعمران]

مسكين مش عارف يحكي ولا عارف يعبر
حسبي الله عليك ياطارق خوري
الله يستر

ليش مسكين و ليش مش عارف يحكي
يا ريت دعم الوحدات مش التحريض
الان عساف مدير فني و ليس مذيع برامج
و بعدين عساف كان لاعب كبير

[صالح عساف]

كلنا مع الوحدات

يا جماعة انا لا أستطيع تفهم بعض الاّراء التي تحبط و تنتقد لأجل الانتقاد،أتمنى على جميع الإخوة الوقوف خلف الوحدات و عدم طرح اي آراء سلبية في هذا التوقيت لان نجاح المدرب نجاح لنا جميعا و لا سمح الله اي شيء اخر سيكون علينا جميعا

[ابو جمعه]

يا جماعة انا لا أستطيع تفهم بعض الاّراء التي تحبط و تنتقد لأجل الانتقاد،أتمنى على جميع الإخوة الوقوف خلف الوحدات و عدم طرح اي آراء سلبية في هذا التوقيت لان نجاح المدرب نجاح لنا جميعا و لا سمح الله اي شيء اخر سيكون علينا جميعا

كلام سليم يجب الوقوف خلف الفريق ودعمه

[express]

بالتوفيق لرائد عساف اول خطوة لازم يعملها تنضيف الفريق وبدون محسوبيات وعند اللزوم اذا ما في بديل بلعب بدونهم

[ايمن راتب]

قال الكابتن رائد في اول الفيديو.....
لن اسمح لأ واحد يتدخل فيي....
اذا التزم بهذه الجمله سينجح كمدرب
وغير هيك...انسى....

[المهندس مراد الشماسنة]

الله يوفقه.. وأنا متفائل بنجاح الكابتن رائد والكابتن هشام

[الوحش الكاسر]

بالنسبة للاخوان الي بينتقدوا رائد عساف هسا مدرب الوحدات سواء بدنا او ما بدنا والمطلوب منا ندعم الفريق مشان الوحدات لا مشان فلان ولا علان بعدين الي بحكي ما عنده خبرة يا ريت تورجونا خبرة اكرم سلمان قبل 2008 او خبرة دراغان او ابو زمع لما دربنا وهسا رائد عساف مشارك بدورة البروفيشينال يعني ان شاء الله بكون على قدر المسؤولية وشغلتنا نفسية لا فنية ولا اشي ولياقة بدنية

[canada]

ذكرتني بملعب ناعور لما اللعيبه كانت تروح مع الجمهور في الباص
والشب اللي كان بحكي من الجمهور اختصر كل الحكي بكلمتين ما شاء الله عليه )مين هو )

[AHMAD-abuOmar]

شكله راح يطلع من خرجهم هاللعيبه
هيك لعيبه بدهم مدرب ابن سوق واله عالدواوين
بس الله يستر

[قناص الوحدات]

أسـأل الله أن يأخـذ بأيديـكم جميعا ، وأن يوفقكـم لاعبين وجهازيْن .. فني وإداري .

المرحلة القادمة ، ذكـر الكابتن عسـاف أنها صعبة .. لكن ، لا أظنّـه يعني الصعوبة الفنية !.

حديثه يعني الصعوبات النفسية ، ومعوقات عودة المعنويات ، وغيــاب روح الفريق وغياب إحساسه بالوحدات وغياب انتمائه .

وأعتقـد أن كلماته هذه موجّـهة لعدة أطراف - نحن منها كجماهير في مختلف مواقعنا - حيث أسهمنا بشكل أو بآخـر بما آلت إليه أحوال الفريق .

افهم من كلامك الحق على اكرم سلمان هو الي دمرنا

[jamal nashwan]

افهم من كلامك الحق على اكرم سلمان هو الي دمرنا

افهم اللي تفهمه واكتبه هون بوضوح زي ما أنا كاتب بوضوح تام فوق عشان أعرف أرد عليك .

* * *

ومع ذلك ولو إني مش مضطر أوضّح أكثــر ، وعشانك عضو جديد علينا هون - أرحب بك شخصيا - وداخل حامي ، ويمكن بعض الأمور صعبه عليك شوي والصورة غامضة بالنسبة إلك ، فـ حبّيت أوضّح لك زيادة في الترحيب :

أنا لما بكتب أن الذي قصده الكابتن رائد مش صعوبات فنية ، وإنما هي أمور نفسية ومعنويات الفريق وروحه ، ورسالة موجّهة لعدة أطراف .. وأننا نحن كجماهير طرف منها ، أسهمنا بشكل أو بآخر في تراجعها وغيابها ، بكون بحُطّ الحق على أكــرم سلمان وهو اللي دمّرنا ؟!.

وبالطبع ، أكرم سلمان مش من هاي الأطراف لإنّـو all ready روّح .

[majdi.star]

السلام عليكم


الوحدات بلا شك يمر بفترة صعبة كباقي الاندية الاردنية التي دمرها اتحاد كر قدم فاشل تماما، ولكن لا نقول سوى اللهم وفق الوحدات فالامل دائما بالله كبير.


Majdi star

[أحمد محمد الرفاعي]

الله يوفقه

لازم نعطيه فرصته الكامله وان شاء الله بتمشي اموره بس موضوع وقت والله اعلم

المدرب ما عنده سي في بس عنده حب الوحدات وهذا يكفي ان شاء الله وشخصيته قويه شوي يمكن يعرف يضبط الوحدات

من منضور اخر مدرب يحتاج للالقاب لصنع تاريخ ايضاً له وهذا حافز كبير اله لانه سقوطه في الوحدات ما راح يقوم بعده

الله يوفقه

[قاسم ابو فاره]

افهم اللي تفهمه واكتبه هون بوضوح زي ما أنا كاتب بوضوح تام فوق عشان أعرف أرد عليك .

* * *

ومع ذلك ولو إني مش مضطر أوضّح أكثــر ، وعشانك عضو جديد علينا هون - أرحب بك شخصيا - وداخل حامي ، ويمكن بعض الأمور صعبه عليك شوي والصورة غامضة بالنسبة إلك ، فـ حبّيت أوضّح لك زيادة في الترحيب :

أنا لما بكتب أن الذي قصده الكابتن رائد مش صعوبات فنية ، وإنما هي أمور نفسية ومعنويات الفريق وروحه ، ورسالة موجّهة لعدة أطراف .. وأننا نحن كجماهير طرف منها ، أسهمنا بشكل أو بآخر في تراجعها وغيابها ، بكون بحُطّ الحق على أكــرم سلمان وهو اللي دمّرنا ؟!.

وبالطبع ، أكرم سلمان مش من هاي الأطراف لإنّـو all ready روّح .

أموت أنا ب All Ready كبييييييييييييير يا أبو إحمد،، وركزلي ع الهمزة