خاص نت ... تعثر المفاوضات مع اللاعب أحمد بلال والمدير الفني محمد عمر يبدي استيائه

[ابو خالد الوشاحي]

لو قرأت الاساءة لغيرت رايك

بدون ما اقرأ يا ابو احمد كلمتك مثل حد السيف كتبت من حيث المداعبة وطبعا لا أريد الإساءة لأي احد

[yazan almahseri]

اخي ابو خالد ادارة المنتدى تطبق القانون فقط, ولن نسمح للاساءة لاحد

اي قانون اللي بتحكي عنه أي إنسان بكشف بعض أعضاء الإدارة اللي أنتو متواصلين معاهم بيكون مخالف لـ قوانين المنتدى ..؟؟

القانون اللي بتحكي عنه انا شفته حينما طرح موضوع في قسم الإقتراحات والشكاوي وعندما بداً واجهات الموقع وهم المشرفين بكيل الشتائم على بعض الزوار عيني عينك ولم يتحرك ساكن لأحد منكم ،، فـ لـ ذ1لك سيبونا من قصه قوانين وخلو الطابق مستور ،،

وزي ما بقول المثل حارتنا ظيقه وبنعرف بعض منيح ،،

[ابو خالد الوشاحي]

شهادتك مجروحة كثير ... ببعتلك رابط الموضوع وارجع اقرأه من جديد وبالتحديد الردود بالداخل (من نفس المهندس) ... المثل يقول (الشيطان يكمن في التفاصيل).

بتعرف يا (طروءة) أحسن شغلة عملها الزبدية الليلة انو وقفك هههههههه ... برافو زبدية .. هسة اي موضوع بالمنتدى بنقدر تقرأه بربع ساعة ... يا زلمة موضوع (خاص نت .. ادارة الوحدات تجتمع اليوم لتحديد مصير التعاقد مع احمد بلال والوحدات ينتظر وصول بطاقة حسن عبد الفتاح ) وصل 19 صفحة بسببك ... اي هلكتنا.

جايلك طله بالزنزانة وجايبلك حلاوة وبيض مسلوق ... الله يفرجها عليك

هههههههه تنساش باكيتين تتن اليوم قرات بالاستراحة انه طارق بالنظارة والله فكرت انه عن جد بالسجن الآن فهمت القصة

[Rayan Rami]

هل بطاقة حسن عبد الفتاح ارسلت للنادي ؟ وهل محمد عمر اخذ قرار بالاستقالة بالامس ؟

[free palestine]

اي قانون اللي بتحكي عنه أي إنسان بكشف بعض أعضاء الإدارة اللي أنتو متواصلين معاهم بيكون مخالف لـ قوانين المنتدى ..؟؟

القانون اللي بتحكي عنه انا شفته حينما طرح موضوع في قسم الإقتراحات والشكاوي وعندما بداً واجهات الموقع وهم المشرفين بكيل الشتائم على بعض الزوار عيني عينك ولم يتحرك ساكن لأحد منكم ،، فـ لـ ذ1لك سيبونا من قصه قوانين وخلو الطابق مستور ،،

وزي ما بقول المثل حارتنا ظيقه وبنعرف بعض منيح ،،

اخوي هديلي اعصابك شوي, انا اتكلم فقط عن المشاركات التي اشاهدها ولا اقول سوى كلمة الحق الاخ طارق اساء لاحد الاعضاء وطبق القانون عليه هذا ما اتحدث عنه فقط, واذا بدك ببعتلك الاساءة وانت احكم بنفسك بستاهل الايقاف ولا لاء؟؟؟

[ابو خالد الوشاحي]

اخوي هديلي اعصابك شوي, انا اتكلم فقط عن المشاركات التي اشاهدها ولا اقول سوى كلمة الحق الاخ طارق اساء لاحد الاعضاء وطبق القانون عليه هذا ما اتحدث عنه فقط, واذا بدك ببعتلك الاساءة وانت احكم بنفسك بستاهل الايقاف ولا لاء؟؟؟

أكون لك من الشاكرين إذا تبعثلي ولمين وجهت الاساءة

[wehdat80]

سلوك الاداره في اكثر من موقف سلوك مخزي .. وغير احترافي .. بكل بساطه عندما يكون الرجل الغير المناسب في

المكان المناسب .. مشكله كبيره .. وبديش احكي اكثر بلاش اغير المسار ..


انا شخصيا بشوف ان الوحدات حاليا لا يحتاج لاي محترف .. وبالاخص لعدم مشاركتنا الخارجيه .. واحنا قادرين

نوخذ الدوري والكاس وكل البطولات المحليه بدون محترفين ..

بخصوص بلال طريقه الاداره وكالعاده " تقليل من هيبه النادي" .. زي ماعملو مع غيره .. ورده فعل محمد عمر طبيعيه

وحقه يزعل .. بفهم شغله وحده .. انتا معطي صلاحيه للجهاز الفني .. والجهاز الفني بدو اللاعب واقر بانه يتحمل

المسؤؤليه عن اختياراته .. مع العلم انا حاب اعرف شغله .. يعني جايبن لاعب لسا ما وقع وما تدرب .. بدو على الاقل

ما بين اسبوعين الى شهر .. ليشارك مع الوحدات .. بالتالي غيابه عن مباراه الرمثا والعربي .. وربما شباب الاردن

!!!!!!!!!!!!!! .. بهيك حاله .. الاداره يجب ان ترفض التعاقد معه .. الا اذا محمد عمر جايبه يعلبو ضد شباب الحسين

واليرموك .. وغيرهم ...

كلم سليم 100%

وانا هذا رأيي و حكيت نفس محتوى ردك في رد سابق

طبعا محمد عمر معاه حق يزعل واللاعب كمان اكيد

بس ما اعتقد انه كان تصريحه بتقديم الاستقالة لائق , اذا لم تتم الصفقة

الادارة زي ما تفضلت

بتخزي

[halima006]

طيب يا أخوان احنا سهرانين منا الزبدة روحو الشباب من الاجتماع ؟ شو صار ؟ استقال محمد عمر ؟ ولا شو والله الواحد مو عارف ينام من القلق عنا مبارة يوم الجمعة مع الر مثا وبعديها العربي وبعديها البقعة يعني اهم شهر وبتصير هاي المشاكل فهمونا

[مواطن عربي]

كلم سليم 100%

وانا هذا رأيي و حكيت نفس محتوى ردك في رد سابق

طبعا محمد عمر معاه حق يزعل واللاعب كمان اكيد

بس ما اعتقد انه كان تصريحه بتقديم الاستقالة لائق , اذا لم تتم الصفقة

الادارة زي ما تفضلت

بتخزي

محمد عمر اذكى من انه يقدم استقالتو .. انا بستبعد وبشده .. ان يقدمها

[مواطن عربي]

طيب يا أخوان احنا سهرانين منا الزبدة روحو الشباب من الاجتماع ؟ شو صار ؟ استقال محمد عمر ؟ ولا شو والله الواحد مو عارف ينام من القلق عنا مبارة يوم الجمعة مع الر مثا وبعديها العربي وبعديها البقعة يعني اهم شهر وبتصير هاي المشاكل فهمونا

ان شاء الله كل الامور بخير .. اتوكلوا على الله بس ..

[wehdat80]

شهادتك مجروحة كثير ... ببعتلك رابط الموضوع وارجع اقرأه من جديد وبالتحديد الردود بالداخل (من نفس المهندس) ... المثل يقول (الشيطان يكمن في التفاصيل).

بتعرف يا (طروءة) أحسن شغلة عملها الزبدية الليلة انو وقفك هههههههه ... برافو زبدية .. هسة اي موضوع بالمنتدى بنقدر تقرأه بربع ساعة ... يا زلمة موضوع (خاص نت .. ادارة الوحدات تجتمع اليوم لتحديد مصير التعاقد مع احمد بلال والوحدات ينتظر وصول بطاقة حسن عبد الفتاح ) وصل 19 صفحة بسببك ... اي هلكتنا.

جايلك طله بالزنزانة وجايبلك حلاوة وبيض مسلوق ... الله يفرجها عليك

بس صدق انه اخونا الحبيب طارق عامل نكهة خاصة و جو للمواضيع

عالعموم ان شاء الله ابو احمد بطلعو بكرة الصبح بكفالة

بتكفلو ابو عدي؟

[أبو وليد اللورد]

وقف اللورد بالمره اخرى

همسه : اقرأ مشراكتي رقم 66 .. وسمعني رايك

اخي الكريم انا بحب طارق اكثر واحد وانا بطلع معه اكثير وهو بعرف كل اشي انت مش ادارة موقع عشان تفرض على الاداره مين توقف مع احترامي الك

[wehdat80]

محمد عمر اذكى من انه يقدم استقالتو .. انا بستبعد وبشده .. ان يقدمها

بصراحة اتمنى ذلك رغم تحفظي على بعض تصرفاته

ومع هيك بعتبره عمل انجاز في الذهاب لا يستطيع احد انكاره

[مواطن عربي]

اخي الكريم انا بحب طارق اكثر واحد وانا بطلع معه اكثير وهو بعرف كل اشي انت مش ادارة موقع عشان تفرض على الاداره مين توقف مع احترامي الك

شوف يا لورد .. انا بفرضش على الاداره .. اشي .. وكتبتها مزحه مش اكثر وركز حطيت وجي بيظحك

بالنسبه اللك وللمحسيري لو انا بعرفكوش صحبه كان ما حطيت هاد الرد .. انا كتبت هيك الكو عشان نقاشاتكم

تكون بينكو .. عالتلفون او بكوفي شوب او بالدار .. لانو صراحه زودتوها انتا واياه .. وانتا حبيبي وهو حبيبي وكلو حبيابي

[أبو وليد اللورد]

شوف يا لورد .. انا بفرضش على الاداره .. اشي .. وكتبتها مزحه مش اكثر وركز حطيت وجي بيظحك

بالنسبه اللك وللمحسيري لو انا بعرفكوش صحبه كان ما حطيت هاد الرد .. انا كتبت هيك الكو عشان نقاشاتكم

تكون بينكو .. عالتلفون او بكوفي شوب او بالدار .. لانو صراحه زودتوها انتا واياه .. وانتا حبيبي وهو حبيبي وكلو حبيابي

احنا جميعا اخوان واحباب وانت بتعرف اني بحبك بس بحب طارق اكثر منك هههههههههههه