خاص نت : ادارة نادي الوحدات تجدد الثقة بالمدير الفني برانكو ,, ومدير النشاط يؤكد انه سيقدم استقالته

[باسل بدير]

بوجهة نظري قرار سليم 100% واللي مش عاجبه الله معه والقلب داعيله
لانه تغيير برانكو رايح يكلفنا مش اقل من 30 الف غير عقد لمدرب جديد مش اقل منهم واحنا بنشحد الملح قاعدين
بكفي المديوينه 500 الف لازم يرفعوهن كل سنه 100 الف !!!!!!!!!
اللي بدو مدرب على مزاجه يجيبه على حسابه واللي بدو لاعب على مزاجه يجيبه على حسابه بكفي الخوازيق اللي طعمانا اياهم مسيو طارق من العام لليوم
غير هيك بدنا استقرار فني يا عالم

يسلم تمك

ويخرج علينا البعض ويقولون أن العمليه لا تكلف إلا سبعة آلاف دولار

[nader10khn]

طارق ما بجخ على ظهورنا
يعني الزلمة اذا ربنا منعم ومفضل عليه يضل يدفع ..ولمين ؟؟؟ولصالح مين؟؟؟
كم مرة دفع طارق خوري عشان الوحدات وعشان جمهور الوحدات وييجو يوكلوهم هضولاك ؟؟؟
حط حالك مكان طارق انت بتدفع وبتزبط النادي وانا بهدم اللي بتبنيه من وراك (من تحت الطاولة)

كيف عاد ما بجخ !!!!!!!!!!!!!!
مش طارق خوري هو اللي جاب كل المحترفين ؟؟؟؟؟ مش هو اللي جاب برانكو ؟؟؟؟؟
بعدين شو عرفك انه طارق خوري دفع للنادي ؟ انا اللي بعرفه كان يداين وعند الخنقه والزنقه يوخذهن خاوه
اذا عندك دلائل انه دافع من حسابه لله وللوحدات حطهم مشان نصدق اما روايات وقصص وخرافات عالفاضي بدناش
واذا اعطى كم لاعب فهذا شانه هو حر ما حد ضربه على ايده ولا طلب منه
ولازم نعمل تقشف مشان ما ينخرب بيت النادي عشان ينحسبله بطوله
الزلمه اشتغل لاننكر ذلك ويكثر خيره لكن نقعد نحمل الوحدات جمايل عالفاضي والمديوينه نص مليون !!!!!!!!!!!
عنا شباب مثل الورود بتمنو فرصه والاخ راح ما خلى سكراب الا وجابه وبالاخير عيدنا من كل البطولات

[nasern99]

مع بقاء برانكو ....... قرار صائب

[أبومصعب]

انا بستنى انك تذكرنا لان طارق اذا ما كان بالصورة او بالواجهة برجع لزرع الفتنة بين اللاعيبة عشان يطيروا المدرب من سوء النتائج زي ما عمل مع عادل يوسف و مع جمال محمود و مع اقويض
هذا الفيلم قديم و انحرق و الاهم انهم حلقلوله و هو اللي جاب برانكو وعلى الاستقالة مع السلامة يا طارق خوري

يا زلمة والله إنك lion
هو سبب الخراب والدمار، والمصيبة سحيجته كثار ...
الله يهديهم

[وسام حسام]

كلام الاخ يحي المحسيري مزبوط انا معاه على طول الخط لاعبينا الشباب وبس
ما ننسى انة في شرط جزائي في حالة فسخ عقد برانكو ... مقلب وشربناة لا هوة اول مقلب ولا اخر مقلب .زمن ايام بامبا عبدالرحمن وكنث وجر

[سماح عاطف]

يتكفل خوري بمصاريف فسخ عقد برانكو و مقدم عقد المدرب الجديد
و هيك بتنحل الامور

+1

[مالك]

]دحبور حكى لطارق ادفع مستحقات برانكو وبنروحه فورا

بجد بتحكي ولا من مخيلتك؟؟!!

[نائل حمدان]

يا اخوان لازم نعتصم امام النادي ونطالب برجعه طارق خوري وعدم التجديد لبرانكو

شو رايكم

[يحيى الحلو]

يا اخوان لازم نعتصم امام النادي ونطالب برجعه طارق خوري وعدم التجديد لبرانكو

شو رايكم

اذا بدك تعتصم اعتصم لطرد ال11 عضو مش عشان ترجع عضو انته بتحبه اعتصم لأجل ناديك اشتغل لناديك مش لأسم معين

[نائل حمدان]

اذا بدك تعتصم اعتصم لطرد ال11 عضو مش عشان ترجع عضو انته بتحبه اعتصم لأجل ناديك اشتغل لناديك مش لأسم معين

انا مش عشان طارق انا المهم النادي وبرانكو راح يدمر الفريق وراح نتذكر بعض

[أبو أسامة العوري]

كانو بدهم يروحو برانكو وبعدين خلو برانكو,طب شوفو كيف برانكو رح يداويهم ويعلمهم الأدب لأدارتنا ويخلينا نطلع من الأسيوية وبفضيحة وخسارة كبيرة عشان وقتها يفسخو عقدو ويدفعهم وبكون إنتقم منهم.
حسبي الله ونعم الوكيل عليكم يا إدارة

[محمد زهدي]

اقسم بالله بدي انزل موضوع من الاخر بس خايف من الايقاف

[موسى سومه]

بدكم الصح ماضل حكي ينحكى زهقنا حالنا
لا تعليق ع الاداره

[gehad saleh]

برأيي :
قرار صائب 100% لسببين :
1. وضع النادي من الناحية المادية .
2. الاستقرار الاداري و التدريبي و الفني " خلينا نعطي برانكو و العموري فرصتهم و نستقر شوي "
بس ياريت لو يخلصونا من مواضيع تجديد العقود لللاعبين الحاليين و عقود المحترفين الجدد " إن وجد " !!
و إن شاء الله خيــــر ..

[الوحش الكاسر]

اقسم بالله بدي انزل موضوع من الاخر بس خايف من الايقاف

نزل واذا توقفت خذ حساااااابي ههههه