خاص نت ...رأفت علي يحسم امره ...وفي طريقه لمغادرة الاخضر في الموسم المقبل

[ابو طلال القدومي]

16 موسم للوحدات و موسم واحد لرافت علي !!

الله يعطيك العافية يا بيكاسو 16 من عمرك للوحدات

الله يعطيك الف الف عافية فرحتنا كثير و حقك تفرح

الله سبحانه بقول ( لا يكلف الله نفساً الا وسعها )

معلش يا ابن الحج علي في منهم لاموك و استكثروا عليك موسم واحد و غيرك زقفولهم و سموهم سفراء الوحدات و انت اطلعت يا عيني خاين الوحدات ... روح وين ما بدك و خلي غيرك يحمل حمل السنين عنك بكفيك يا جمل المحامل !!

كأس الاتحاد الاسيوي مش مسؤولتك لحالك مسؤولية كل نادي الوحدات من حامل الطابات الى رئيس النادي ... راح انضل معاك و راك وين ما روحت .

بس طلب يا ابو علي .... بييض وجهنا مثل ما عودتنا !

[Fuad-GfX]

الله يوفقك يا بيكاسو وين ما رحت

[سامي عطا]

و بكل براءة بدو يرجع يعتزل بالوحدات

تا نشوف مين بدو يروح على اعتزالك

أخي نبيل لا تزعل لعل احتراف رأفت فيه خير على الوحدات ( ان شاء الله أنا متأكد من هذا )
ملاحظة : أنا بدي أروح على مباراة الاعتزال لأن رأفت يبقى في قلبي رقم واحد من لاعبي الوحدات منذ أن عشق قلبي هذا النادي

[The Green Dude]

هنا ندافع عن رافت علي !!!

رافت انظلم من الاتحاد ومن المنتخب والان من الجمهر اللي دائما لعب وتعب وتبهدل عشانه,
اسالوا انفسكوا:-

كم مره رافت ظلم من ادارتنا لما يروحوا يتعاقدوا مع لاعبين اقل من ومستواه ويدفعولهم اكثر?
كم مره رافت صنع اهداف حاسمه خلتنا انفوز ونحسم ?
كم مره سجل وخلى الجمهور انط من الفرح?
16 سنه مع الوحدات ما اخذ حقه الا ظلم من الاتحاد والاداره !
رافت طااالع بس رح يرجع ورح اتشوفوا ياللي مش عاااارفين قيمته
كيف الموسم الجاااي حي كون من دونه.

ولا تنسوا الفضل بينكم !!

الله معك يا رافت, 16 سنه اعطيت للوحداات وما اقصرت, روح وارجع, احنااا بنستنااااك واعرف انه جمهورك بعرف عذرك وبحبك, ورح اضل معك, شكرا على وقتك وجهدك والله معك.

سااامح بعض الاخوه فانهم لا يعلمون.

[وحداتي عطابي]

للاسف مالديني وديلبييرو وتوتي عندهم احترام لناديهم اكثر من رافت
فهؤلاء النجوم رفضو كل العقود التي انصبت عليهم من اجل ان يكونو اساطير لانديتهم وبالفعل حصلو على ما يريدون.
اما رافت للاسف ففي اخر موسم له في حياته الكروية يغدر بناديه.
ليعلم رافت انه الخاسر الاكبر.
=================
ولي بحكيلي وضع رافت المالي صعب بحب احكيلو انو هاي اشاعة طالعة على رافت.
رافت وضعو المالي ممتاز ومن اغنى اللاعبين في الاردن وعندي الادلة التي تقف بوجه كل واحد يصدق هذه الاشاعة.
ولكن لن اخوض بالتفاصيل.
لاحول ولاقوة الا بالله
لن نلوم اي لاعب اخر ان هرب او احترف فالاسطورة ترك النادي في اصعب الظرووف فما بالك ببقاي اللاعبين.
اقترح ان يتم السماح لاي لاعب بالاحتراف وتدعيم الفريق بالشبان لابناء فريق المستقبل ولاعزاء لمحبي الدولار.

[NAZEIH AHMED]

لا عيب ولا اشي يا عزيزي .....
العيب بيكون علينا اذا بنرجعهم عنا بعد ما يفشلوا كما هو متوقع .....

و هذا مسج النا ك جمهور لعيبتنا ماديييييييين كثيييييير زيادة عن اللزوم ......
خليهم يجربوا حضهم برة بس لازم باشبشب بس يرجعوا جارين اذيال الخيبة.......
و علشان ما نقول عبد الله ذيب لحاله عااااق هيهم ما افرقوا عنه كثير عبد الله قال يا بتعطوني يا بشرد و العتاعيت قالوا يا بتعطونا يا بننحرف .....
رافت الموسم الماضي كان بخزي و استحملناه و شلباية كذلك الموسم هاظ تلحلحوا شوي فكروا حالهم شغلة كبيرة .... لا يا حبايبي كبار ع حالكم مش علينا ولا عالوحدات الوحدات عملكوا بيعمل الاف مثلكوا مع ذيلها...


انا معك بكل ما قلت اخي ودائما في كل استفتاء كنتم ايها الاخوان تختارو رافت احسن لاعب بالمباراة اتحسر على لاعبين قتلو حالهم منشان يظهروا لكن رافت رافت ودائما رافت
سؤال للاخوة كم لاعب انحرق بالوحدات بسبب رافت وسيطرتو على الفريق مش مصدقين شوفو عامر وحسن بالوحدات وخارجو وقارنو
مع السلامة يا رافت انا شخصيا لا اشجع غير الوحدات ولو كان ابوي بلعب مع فريق تاني
الله وحدات والقدس عربية

[mazen al naser]

الله معك
و خليك هناك و لا ترجع
سحقا للمصلحه الشخصية

[محمد الخضور]

كل التوفيق ان شاء الله رافت علي بستاهل الاحسن

[wehdaty1977]

بالتوفيق للبيكاسو,,,,

[NAZEIH AHMED]

لا عيب ولا اشي يا عزيزي .....
العيب بيكون علينا اذا بنرجعهم عنا بعد ما يفشلوا كما هو متوقع .....

و هذا مسج النا ك جمهور لعيبتنا ماديييييييين كثيييييير زيادة عن اللزوم ......
خليهم يجربوا حضهم برة بس لازم باشبشب بس يرجعوا جارين اذيال الخيبة.......
و علشان ما نقول عبد الله ذيب لحاله عااااق هيهم ما افرقوا عنه كثير عبد الله قال يا بتعطوني يا بشرد و العتاعيت قالوا يا بتعطونا يا بننحرف .....
رافت الموسم الماضي كان بخزي و استحملناه و شلباية كذلك الموسم هاظ تلحلحوا شوي فكروا حالهم شغلة كبيرة .... لا يا حبايبي كبار ع حالكم مش علينا ولا عالوحدات الوحدات عملكوا بيعمل الاف مثلكوا مع ذيلها...

وانا معك بكل كلمة واضيف انو رافت كان سبب باختفاء وحرق العديد من اللاعبين بالوحدات وهم كانو يحرقون حالهم من اجل الظهور بوالاخر رافت احسن لاعب رافت صنع الفوز رافت جاب البطولات
شوفو حسن وعامر كيف لعبهم مع الوحدات وكيف بكونو خارج الوحدات مع المنتخب او غيرو

[وحداتي عطابي]

الله وحدات القدس عربية

[مهند فيصل]

على ادارة الوحدات استصدار قرار بترك الرقم ١٣ شاغر لحين عودة الاسطورة من رحلته وبعد اعتزاله يحفظ الرقم الى اجل غير مسمى .
ربنا يوفقك يا كابتن رأفت .

[Aabogluion]

بالتوفيق للبيكاسو,,,,

[لؤي الفيومي]

رافت قدم الكثير للوحدات....
رجاء من الجمهور لا تكونو انانيين...

رافت ابن الحج علي من يومو كبير ....
وسيبقى رمزا للوحدات....

[لؤي الفيومي]

الله يعطيك العافية يا بيكاسو 16 من عمرك للوحدات

الله يعطيك الف الف عافية فرحتنا كثير و حقك تفرح

الله سبحانه بقول ( لا يكلف الله نفساً الا وسعها )

معلش يا ابن الحج علي في منهم لاموك و استكثروا عليك موسم واحد و غيرك زقفولهم و سموهم سفراء الوحدات و انت اطلعت يا عيني خاين الوحدات ... روح وين ما بدك و خلي غيرك يحمل حمل السنين عنك بكفيك يا جمل المحامل !!

كأس الاتحاد الاسيوي مش مسؤولتك لحالك مسؤولية كل نادي الوحدات من حامل الطابات الى رئيس النادي ... راح انضل معاك و راك وين ما روحت .

بس طلب يا ابو علي .... بييض وجهنا مثل ما عودتنا !

يا الله ما اروع كلامك.....
الف شكر على على الرد الانموذج