خاص نت ...شركة جميل عودة واولاده للاطارات – وكلاء ماركة دبل كوين – تدعم مشاركة الوحدات الاسيوية

[رأفت حطيني]

عمار يا وحدات

وألف شكر للشركة الرائعة

والف شكر لموقع وحداتي كوم

وصراحة,,, الشعار تبع الشركة جميل واضفى رونق على اللباس


بس نهفة..... أموت وأفهم بالصورة الأخيرة,, كيف دراجان فهمان عالصيني
يعني كرواتي وصيني كيف فاهمين عبعض

ههههههههه

[عائد الى حيفا]

يا اخوان في فرصة ذهبية للادراة حاليا انها تزيد من مدخولات النادي
يعني اولا هاي الشركة ما سكرت باب الدعم يعني ممكن نحصل على عقد اكبر من عقد زين اللي بعتبره بتراب المصاري هي أولا
او ممكن تضغط على زين لتزيد الرعاية هي ثانيا
او تدور على شركة ثالثة للدعم
يعني حرام نادي زي الوحدات طول الموسم الدعم تبعه ما بوصل 200 ألف دينار هاظ اسمه حكي فاضي
اخ بس لو الادارة تصحصح شوي وتنسى هالسواليف الفاضية اللي بضيعوا وقت فيها لنعمل نادي عالمي من الوحدات
يعني هي جايينا مشروع غمدان بسنة سنة ونص بخلص وعقود الرعاية السنوية لازم ما تقل عن مليون دينار وهيك بنكون ضمنا استمرارية للنادي بعيدا عن كل الظروف المحيطة هذا غير المنتجات اللي بتحمل اسم الوحدات لو الادارة بتفكر صح
مشان الله بدنا لجنة تسويقية للنادي بتحل مشاكلنا كلها وبتقدر تجيب فيها افضل المحترفين

[عائد الى حيفا]

صحيح نسيت اشكر وحداتي كوم ودبل كوين
هيك بدنا كل المواقع الوحداتية ما بهمنا غير النادي ككيان والخلافات ان شاء الله مش بيننا

[مهند البرغوثي]

خطوة جيدة إلى الأمام

[عادل محمد دغمش]

لهدرجة يا وحدات
بس عشرة ألاف دولار و مش دينار كمان
شو صار بالدنيا و ين الشركات الضخمه بالأردن
و الله الوحدات ماركة مسجله و برأيي لازم أي شعار يكون على بلايز الفريق ما يقل هيك عقد ب 100000 دينار مش دولار

[عنان زيتاوي]

وين الحسيني يترجم النا

[osama naser]

من وحداتي كوم للوحدات نت ..........

كل الشكر لكم علي التعديل وسامحونا لإزعاجنا لكم

لأن المصداقية هي شيئ مميز جدا لكم ونعرف التزامكم به ولذلك اقتضي التنويه

ومشكور لرجالات وحداتي كوم ودبل كوين

[مهند مشة]

كل الشكر والإحترام لشركة جميل عودة واولاده عبى هذه المبادرة الطيبة



حبيب قلبي....أبو طعيمة

[محمد حميده]

هاي الاخبار الحلوه ولا بلاش مع انو المبلغ ليس بكبير لكنه يساعد الفريق نوعا ما ونتمنى من جميع الشركات دعم الرياضه ونادي الوحدات خاصه لانه يمثل الوطن بجميع المحافل وشكرا للشركه الداعمه

[عين الصواب]

مع كل احترامي الشديد وتقديري للقائمين على الصفقه ولا ابخس بجهد احد واعترف بضرورة تسويق الوحدات وضخ فلوس لتغطية المصاريف.
يا جماعه اسمحو لي استفسر :
فهمونا العشر الاف دولار شو بدفعو؟ يعني تكاليف السفر مثلا؟؟ والا تكاليف الاقامه مثلا؟؟ والا تكاليف العلاج والاصابات لا سمح الله؟؟
على شو احنا مستقتلين؟؟ عشره بس في اربع مباريات؟؟ هذول لو التذكره بدولار واحد بكونن ريع مباراه واحده من التذاكر والا انا غلطان؟؟
يعني مش لها الدرجه الفلس ضارب اطنابه ؟؟

[الجعفري الاخضر]

خطوة رائعة جدا ............... وخبر مفرح

[هادي الشنتير]

ونحنا بدورنا
راح ندعم شركة جميل عودة

[المارد الأخضر]

بالتوفيق إن شاء الله،،،

دعم جيد ،،، ونتمنى الافضل للفريق مستقبلاً من خلال مبالغ تساعد النادي على تطوير موارده المالية

كل الشكر للكابتن ابو زمع،،، ولشركة دبل كوين على هذه المبادرة الطيبة،،،

والشكر موصول للجنتنا الاعلامية المميزة بكل معنى الكلمة،،،

[د.بشير]

شركة جميل عودة وأولاده للإطارات تدعم مشاركة الوحدات الآسيوية

:: جوكورة ::


قدمت شركة جميل عودة وأولاده للإطارات وكلاء ماركة دبل كوين دعما ماليا للأخضر في مشاركته الأسيوية في المباريات الأربعة القادمة من الدور الأول , وبموجب الاتفاق الذي تم انجازه في الحصة التدريبية الأخيرة التي أجراها الفريق مساء اليوم على ملعب النادي في منطقة غمدان وبحضور السيد يوسف عودة ممثل الشركة ومندوب الشركة الصينية صاحبة ماركة(دبل كوين) السيد جو يونغ سونغ إلى جانب الجهازين الفني والإداري حيث تسلم النادي مبلغا ماليا بقيمة 10 آلاف دولار يقضي بموجبه وضع شعار ماركة الإطارات (دبل كوين) على قمصان الفريق في مبارياته الأربعة المقبلة في البطولة الآسيوية إلى جانب تجهيز الفريق بملابس معسكر بقيمة ألفي دولار

[safmarine]

دعم جيد وعلى فكرة علاقة الكابتن ابوزمع بوكيل الشركة في الاردن علاقة نسب فصاحب الشركة والد زوجة الكابتن عبدالله