اتحاد الكرة يقرر تخسير الوحدات وايقاف شفيع لمدة عام

[rami subaihi]

لا حول ولا قوة الا بالله !!!

[محمود الشمله]

مين حارس الوحدات الاحتياطي

[أبو الوليد]

حسبنا الله ونعم الوكيل في كل من ظلم الوحدات

[ابو النوباني]

شوفو حبيبي انا شوفو شوفو

اول اشي صباح الخير
انا بس
بدي
يعرفو انو الوحدات كبير وراح يضل كبير غصب عن راضي وزعلان
الموضوع
بذكرو يوم حسونه ما ضرب الحكم وتف عيله شو صار ايامه
لي صار انو سيد حسونه توقف 4 مباريات بس عرفين ليش ؟
بختصار عشان السيد حسونه الشيخ من نادي الفيصلي بس

ودمتم

[علاء 73]

الله اكبر على كل ظالم

الحقيقة القرار متوقع

وسياسة الكيل بمكيالين واضحة للعيان

كم حاثة ضرب للحكام من لاعبي الفيصلي اثمال حسونة وحاتم عقل ومن قبلهم على مر السنين

النتيجة كانت حرمان الحكام على عدلهم

[mohamad afaneh]

ربنا على الظالم

[خالد هاديه]

لو في زلمة واحد بالوحدات وبرجع بعيدها زلمة
بجمد كل نشاطات النادي هذا الموسم احتراماً لجمهور واسم ولاعبيين نادي الوحدات
بس المشكلة انو خوري والسيد وحمزة والشلة الغانمة مطاوشين على الكرسي

[ahmdyasn1]

ولكم شو بدي احكي .. الله على الظالم

[رائد ابو اسلام]

لنا الله يا غالي

[zezolover]

لسه ضل قرار واحد تهبيط نادي الوحدات الى الدرجة الثانية . اصلن اتحاد كرة قدم فاشل وانحيازي في لاعب اسمه حسونة الشيخ ملك الاحتجاجات وضرب الحكام واهانتهم (6 مباريات حرمان فقط) اهم شي سامي السيد لازم يطلع من النادي لانه زلمة بدوا يكون رئيس كيف ما كان يا زلمة حل عنا ياااااااا

[عامر حرب]

متوقع

[عاشقة فلسطين 91]

ما صدقو فيها كل هااي عقوباااااات ,,

[ابراهيم محمود]

انا بتمنى من الادارةانها تعمل ولو لمرة صح وما تخاف على المنصب الغالي ويتم تعليق المشاركة وما بنا دوري السنة لنشوف الاتحاد شو بدو يسوي

[**أبو وديع **]

اللهم لا نسألك رد القضاء ولكنا نسألك اللطف فيه

[OSAMA ALW7DATE]

الحق مو على الاتحاد الحق على الوحدات

الحق على الوحدات انو رجع على الدوري بعد امم اسيا يجب ان يفهم الوحدات ان الاتحاد يريد الفيصلي ان يتصدر الدوري وكل مره بطريقه او اخره بعد ما ضرب الدرك الوحدات ها هم يرشون خكم يجب على نادي الوحدات ان يوقف نشاطهم محليا
والتهديد باعتزال جميع لاعبي الوحدات دوليا و مطالبت الاتحداد بحقوق نادي الوحدات وفوق الضلم التي ضلمنا الحكم ها هو سالم محمود يتفوق على نسه في ضلم الوحدات
بوضع هاذه العقوبات





تخسير الوحدات أمام المنشية وإيقاف شفيع سنة ميلادية
تاريخ النشر: 6/شباط/2011 المصدر: الإتحاد

قررت اللجنة التأديبية في إتحاد كرة القدم عقب الإجتماع الذي عقدته مساء اليوم في مقر الإتحاد، وبعد الإطلاع على تقارير مراقب المباراة وحكم اللقاء ومشاهدة الشريط الخاص بمباراة الوحدات ومنشية بني حسن التي جرت ضمن الأسبوع 12 من دوري المناصير للمحترفين يوم الجمعة 4/2/2011 على ستاد الملك عبدالله الثاني، قررت مايلي:

أولا: تخسير فريق الوحدات مباراته أمام منشية بني حسن بنتيجة (صفر-3) وذلك عملا بالمادة 7/27 والمادة 8/27 من التعليمات العامة للموسم 2011/2010.

ثانيا: إيقاف حارس مرمى نادي الوحدات عامر شفيع سنة ميلادية من تاريخ إصدار القرار، وذلك لقيامة بالتعدي بالضرب على حكم المباراة، وذلك عملا بالمادة 4/29 والمادة 1/4/29 من التعليمات العامة للموسم 2011/2010.

ثالثا: تغريم نادي الوحدات مبلغ (2000) ألفي دينار، وذلك عملا بالمادة 2/4/29 من التعليمات العامة للموسم 2011/2010.