خاص نت ... رسمياً .. إدارة نادي الوحدات تقرر بـ ( الإجماع ) التعاقد مع الكابتن جمال محمود // تحديث ...

[jamal nashwan]

شو فيها يعني لما تلخّصوا محضر هالاجتماع بنقاط رئيسية وتبيّنوا للجماهير شو صار معكم في الاجتماع ؟!.
هذا قرار مصيري ، وما بيخصّكم لحالكم ، ويهم الجميع معرفة حيثياته .

باقي القرارات - بعيد الشر عنكم - ذبّحوا بعضكم وأعطونا الصافي فيها ..

[jamal nashwan]

وبنستنّاكم لما توزّعوا المناصب ، هذا إذا لسّة ما وزعتوهاش ، بنتستناكم عشان يكون التوضيح لهذا القرار بواسطة الناطق الإعلامي الرسمي والوحيد للنادي .

مِش مشكلِه ، بنستنّى ..

[محلل فني]

رجاء من الجماهير الوفية خلي الإدارة تشتغل وليس من المناسب كل مايدار بالاجتماع أن يعلم وبعدين ليس بالضرورة أن يكون الكل متفق تنوع الآراء جيد بس يكون للمصلحة من وجة نظر صاحبها نرجو بث روح التفاؤل والوحدة
ومع الكابتن الكبير الخلوق أبو بهاء وارجو عدم الاستعجال عليه الصبر طيب

[qusi]

الله يعطيك الف عافيه.....بس ممكن نعرف مين الي كان ضد التوقيع مع ابو بهاء

[mousaqaddoura]

بالتوفيق للكابتن الخلوق جمال محمود

[badmoon]

اهم اشي يبعده زياد شلبايه عن الفريق ....و يا رب العقد يكون لسنتين
كل الثقه بابناء النادي

[تنين الوحدات]

بسم الله توكلنا على الله ولا حول ولا قوة إلا بالله يا الله يا كريم رجع الوحدات الزعيم

[jamal nashwan]

رجاء من الجماهير الوفية خلي الإدارة تشتغل وليس من المناسب كل مايدار بالاجتماع أن يعلم وبعدين ليس بالضرورة أن يكون الكل متفق تنوع الآراء جيد بس يكون للمصلحة من وجة نظر صاحبها نرجو بث روح التفاؤل والوحدة
ومع الكابتن الكبير الخلوق أبو بهاء وارجو عدم الاستعجال عليه الصبر طيب

أنا من الجماهير الوفية وعشان هيك بدّي أرد عليك ..

هههههههههه

= = = = =

معلش أخي تحمّلني ، كلامك على عينّا وراسنا ، وهسّة أنا بحكي معك جد .. ورجاؤك لنا كجماهير برضو محل تقدير واحترام .. وعشان أنا واحد من هذه الجماهير التي تخاطبها يا أخي الكريم برجائك هذا ، حبّيت أرد عليك وأحكيلك إنّو إحنا كجماهير في قرار كهذا بالذات سنبني عليه الكثير من الحالات في المستقبل للحكم على إدارتنا ، نريد منها أن تكون إدارة محترفة وتوضّح لنا حيثيات هذا القرار وعرّابيه والموافقين من عدمهم عليه ، وأظن أن هذا حق - أقل إشي - الهيئة العامة التي انتخبتهم وبعد ذلك حق الجماهير ككل .. وأود أن أذكّرك بموضوعك الذي طرحتَه أنت بالأمس تحت عنوان ( إدارة هاوية ) والرجوع إليه فيما جاء به على لسانك أنت من تخبط الإدارة السابقة ، وزيادة الطين بلّة من الإدارة الحالية المنتخبة حديثا في قرار تعيين المدرب وأمور أخرى ..

يعني ، بدنا إدارتنا تكون محترفة وتصارحنا بحيثيات هذا القرار ، حتى نبارك لها أو نحاسبها مستقبلا ، وفي نفس الوقت نعرف مين اللي بيخبِّص أو مين اللي بيكولس ، وأنت شُفِت وذكرت بموضوعك أعلاه تخبيصات الموسم االلي انتهى وغيرها ، فـ شو عدا ما بدا معك من مبارح لليوم ، وشو فيها لما نعرف شو صار في الاجتماع ونكون على ميِّه بيضا ؟!.

مع الاحترام لرأيك ولشخصك الكريم .

[ماجد جامع]

كل التوفيق ان شاء الله

[faris allan]

معلش تحكولنا مين كان رافض ؟
وكم مدة التعاقد

يعطيكم العافية

ياريت مهم نعرف

[raedimran]

يعني بكل بساطة
اذا في ناس معارضة
وتصير تشتغل من تحت ل تحت
عدنا لنفس الدوامة
.
.
ع كلام جاري العزيز
جمال نشوان
اشتغلو ع ميه بيضا

[wehdaty-mor]

لإنّو بكرة كل واحد من الـ 11 بيصير يمرِّق لصحابو ، وحِلّونا ساعتها !.

مسا الخير أخ جمال .. عندي سؤال ومعلش اتحملني. . ممكن حدا يحكيلنا مين كان رافض ؟ إذا فيها إحراج بلاش. . احكيلنا مين موافق .. ههه

[raedimran]

جمال محمود وقع رسميا

نقلا عن صفحة الاخ هيثم احمد
جمال محمود مع جهازه الفني
وقع قبل قليل
وغدا التدريبات

[ibrahim jaber]

مش عارف شو قصة المنتدى اليوم ، خلصنا قبل شوي مباشر من النادي مع الكابتن عثمان برهومة وتم توقيع العقود والجميع من مجلس الادارة موافق على الجهاز الفني بالإجماع وليس الأغلبية ، وبكرة الكابتن جمال رح يقود اول تمرين وصح النوم

[wehdaty-mor]

كبرت القصة براسي. .