اصداء ... الاخضر يرد على هدف صحم بهدفين

[علاء محمود]

للي،بيتفلسف ومش عاجبه كلامي

احضر مباراة الاهلي السعودي و العين الاماراتي بدوري ابطال اسيا حاليا شغاله

وقتها اظن بتخجل وقت تحكي عنا فريق من الاصل اسمه وحدات

[ثابت]

الحمد لله على الفوز باقل مجهود وبدون حرقة دم كالعاده
لو ابو عماره سجل من الجزاء كان ريح اعصابنا في اخر المباراه

الله يعطيهم العافية الشباب
بيحاربوا على كل الجبهات وان شاء الله ينجحوا

يوم الخميس الفريق بحاجتنا نوقف معه خاصه انه جمهورنا محروم
على الاقل نكون موجودين خارج الملعب او عند انطلاقة الفريق
و يا ريت نعمله فارده
من الى الملعب

[jamal nashwan]

الحمد لله على الفوز باقل مجهود وبدون حرقة دم كالعاده
لو ابو عماره سجل من الجزاء كان ريح اعصابنا في اخر المباراه

الله يعطيهم العافية الشباب
بيحاربوا على كل الجبهات وان شاء الله ينجحوا

يوم الخميس الفريق بحاجتنا نوقف معه خاصه انه جمهورنا محروم
على الاقل نكون موجودين خارج الملعب او عند انطلاقة الفريق
و يا ريت نعمله فارده
من والى الملعب

جميل منك هذا الاقتراح أخي ثابت ، وهذا الكلام الطيِّب .
وأعتقد أن جماهيرنا مش رح تقصِّر ..

[ramijomaa]

أداء سيء للغاية

[وحداتي للسما]

منذ نهاية مرحلة الذهاب صرح المدرب حمد بأن الوحدات على وشك الدخول بمرحلة ضغط المباريات الذي لا يوجد مثله الا في اوروبا .. تقريبا كل اسبوع مباراتان .... وفعلا اصبح الارهاق باديا على لاعبي الوحدات هذا غير الاصابات ...
منطقيا الفوز اليوم نتيجة كثييييير مرضية وسحم العماني لم يكن بالفريق السهل بل هو افضل منا بدنيا وسرعة تمرير
مبروك و 1000000 مبروك لكل جماهير الوحدات الفوز والصدارة بفارق 3 نقاط كاملة
ان شاء الله الفوز على المنشية يوم الخميس وصدارة دوري لاول مرة هذا الموسم لننهي فترة ضغط المباريات باحسن صورة ممكنة .. بعدها يوجد فترة توقف اسبوعين يستطيع الجهاز الفني شحن بطاريات الفريق واخذ نفس والتخطيط لمرحلة الحسم ونحن في مركز قوة
نقطة واحدة اريد التركيز عليها : ابو عمارة وركلات الجزاء
ليس لأنه اضاعها اليوم انما اللاعب المهاري عادة لا يجيد تنفيذ ركلات الجزاء حتى لو سجلها
هناك لاعبين بالوحدات اظن انهم مؤهلين لتسديد ركلات الجزاء اكثر من ابو عمارة
يجب ان تسدد ركلة الجزاء بقوة وثقة اكبر
اعتقد مجرد اعتقاد أن مدافعنا المحترف الاجنبي وطارق خطاب وربما احمد ماهر لديهم امكانيات تسديد ضربات الجزاء

[احمد ابوديه]

احمد هشام نجم الوحدات

[saed]

جميل منك هذا الاقتراح أخي ثابت ، وهذا الكلام الطيِّب .
وأعتقد أن جماهيرنا مش رح تقصِّر ..

وانا اول سياره مين بدو يطلع معي ؟ النصر صبر ساعه واحنا جماعتنا ماشيين بالجهتين الحمدلله

[مازن حسن]

فوز مهم رغم السلبيات
مبروك

[اسلام حسين]

الوحدات لا لون ولا رائحة ولا طعم

[wehdati4u]

يااخي حلص شجع الاهلي والعين الاماراتي الله يوفقك لاتشوف مباريات الوحدات لو انت بتخجل مابتحكي هيك حكي ولابتقارن هيك فرق بالوحدات جيب امكاناتهم للوحدات وبعدين احكي كلامك وانا ببصملك عليه ..بس الظاهر انك مابتعرف ايش الفلوس والمعسكرات ايلي بتنصرف على هيك فرق مع احترامي للجميع

[jamal nashwan]

وانا اول سياره مين بدو يطلع معي ؟ النصر صبر ساعه واحنا جماعتنا ماشيين بالجهتين الحمدلله

هُو أنت هون ؟!.

الحمد لله على السلامة حبيبي سعيد ، وما بتقصِّر يا غالي ..

[wehdati4u]

لو بصير الوحدات يلعب بدوري حارات ماحخجل اشجعه ولااشوف مبارياته انت اخجل براحتك ياصديقي ولاتحكي لحد انك وحداتي .

[وسام حسام]

نحن احسن من غيرنا بدرجات ، حمدا لله على الفوز عقبال صدارة الدوري

[علاء محمود]

اولا الحمد لله اني مش مصاب بداء العهر العاطفي اللي بيخليني

اعمى وما اشوف اللي بيصير و لا احكم عمستوى فريق وبالنهايه قلت راي شخصي

ولا حدا بيطلعله ينتقده او يوجه الي كلام لاني باختصار عمري ما وجهت انتقاد لراي عضو

ثانيا

هو انت فكرك انه الواحد ما بيخجل وهو بالغربه يقول لاصحابه انه بيشجع الوحدات اللي قليل ما يكونو بيعرفوه اصلا!!!!

واول سؤال بيسالوه وين شارك؟؟ كم لقب خارجي معه؟؟ بيشارك بابطال اسيا؟؟؟

والفضيحه الكبيره لما حضرو معي بناءا على طلبي مباراة الوحده الاماراتي

وكمية الضحك اللي ضحكوها واقل كلمة حكوها مع كل الاحترام يا علاء بس عيب اللي بيصير هاد فريق؟ هو هاد بينافس علقب الدوري عندكم؟؟

طبعا معهم حق لما تكون تحكي مع واحد ببشجع الهلال او الاتحاد او الاهلي المصري او الزمالك لدرجة انهم يحكو مثلا لو فريق درجه ثانيه من السعوديه او مصر او متذيل الترتيب يلعب بالدوري الاردني بيحقق اللقب وهاد صح

ولما تشوف فرق وبطولات عليها العين وتشوف مستوى الوحدات!!!

لماا تسمع كلام مشجعين العرب انه الوحدات مش موجوداصلا عخارطة كرة القدم العربيه والاسيويه!!!

ولما الوحدات يكون بخزي و اداءه و مستراه بخزي و بيلعب ببطولة كاس الاتحاد
اللي هي بطولة الصف الثاني من الانديه الاسيويه المغموره و يكون فيها بينازع

وافرح ؟؟؟ وانبسط و اقول شعر فيهم واسحج واهلل للفريق يبقى بكون كذاب اقل وصف ممكن احكيه حفاظا عالعضويه حتى ما تتسكر



فالله يرضى عليك لا توجه كلام الي و رايي وانا حر فيه سواء عجبك او ما عجبك

[wehdati4u]

اولا هذا مش عهر عاطفي هدا الوحدات ياصديقي انا الفريق عاجبني وبرجع وبحكيلك لما يكون عنده الامكانيات المتوفره للانديه ايلي ذكرتها وقتها انا مابرضى بأقل من المشاركه بكاس العالم للانديه وانا بفتخر لما احكي لاصدقائي عن الوحدات ومابخجل واقسم بالله في ماس كثير من مشجعين النصر والهلال والاتحاد اصدقاء ايلي ومن حبي للوحدات صاروا يتابعوه من دون مااكون معهم هدا الوحدات ياكبير رايك لما يكون فني على عيني وراسي وبحترمه طبعا انا كشخص بحترمك وبفدرك انا بتكلم عن انه لافريق ولامدرب ولا لا مش عاجبك اشي . ماحد بيجبرك تحضر مبارياته انت حر