خاص نت ... الوحدات يتقدم بشكوى على شريف عدنان .. ويدرس العروض المقدمة لمنذر أبو عمارة ...

[jamal nashwan]

ماكو بروبلم عندي ...

أدهم القريشي قادر على سد مكان أبو عمارة .. وكما تفضلت بـ 75 ألف دولار مع زيادة ( شوية ) بنجيب صانع ألعاب ( شرط يشكل إضافة للفريق ) وإنتهينا ...

والدوري بإذن الله أخظراني .. أقولك وبطريقك الكأس كمان .. بلا شياطين بلا بطيخ أصفر ...

خوش خُرّاف ، خوش خُرّاف أبو صلاح ..

= = = = = = = =

وإذا أبو عمارة بيرفض العروض هاي وبيحبّ يكمّل لآخر موسمه معنا ، فالرجاء منه ومن كل المحيطين به والمتابعين له ومن جماهيرنا الحبيبة إنّو ما حدّش منهم يحمّلنا جميلِه ويقول عنده وفاء وانتماء لناديه الأم .. لأ ، لإنّو في الحالة هاي بيكون بدّو يستنّى لما يخلص عقده معنا ، ويشوفلو نادي ويستأثر بكامل قيمة العقد اللي بدّو يطلع لو ..

فنصيحة له ، إضافة إلى أنه حل يُرضي جميع الأطراف ، اقبل بأي عرض من هالعروض هاي - لإنّو ممكن إنها ما تتكرر بهذه القيمة أو ما حدا يطّلع لك آخر الموسم - وادفع لناديك الشرط اللي محطوط بعقدك معه ، ويخلف عليك ما قصّرت ، وسنبقى محبّين لك ونتمنى عودتك لنادينا وناديك في أي وقت ، أحسن من القيل والقال والّلت والعجِن .

[ماجد جامع]

على بركة الله

[أبو وليد اللورد]

انتقال حر !! يعني النادي بطلع بلوشي؟

لا هو طالع بين مرحلة الذهاب والاياب والنادي راح يستفيد من عقده

[عبدالحكيم عامر الشراونه]

الله معك منذر ابو عمارة
البديل اعتقد موجود في الوحدات
خاصة ان منذر في اخر مبارياته لم يقدم ما كنا نتمنى منه
خلي نادي الوحدات يسد شوية عجز مادي

شريف عدنان واحد وقح قذر
عمل مشاكل مع الاندية مش بس معنا
نسي كيف عبدالحليم سمارة بهدل صحتو على التلفزيون
الله لا يردو

[أبو فايز]

يعني هلّاء حبيبنا ابو عمارة بصير يخاف ع حاله اكثر حتى لا ينصاب؟ واذا كان الان يلعب من عند خط التماس، راح يصير يلعب من المضمار؟!

الله يوفقه ويوفق الجميع، ، بس قصة عقد السنة ويطلع اللاعب متى ما بده يجب اعادة النظر بها او اعادة النظر بطريقة تعامل المدرب معها. فمن ينتظر عقدا خارجيا فالاولى به ان ينتظره من على البنش، ويجب ان تكون الأولوية لشباب الخمس سنين ان يحرثوا الملعب ذهابا وإيابا ... حتى لو كلفنا هذا خسارة نقاط بسبب عدم الخبرة، ( وهي نقاط ايضا خسرناها مع جماعة الخبرة وعقود انتظار الاحتراف)

[أبو فايز]

شو قصة شريف عدمان بالحياة؟
طب يا ترى كيف حيتصرف معه مديره الفني بعد هكذا تصرفات؟!

[ابو طلال القدومي]

ادهم القرشي بديل رائع لمنذر جناح عصري يجيد االادوار الدفاعية و الهجومية

[Hasan]

عادتكمما بتغيروها هات يا نقاش وكل واحد بقول ريو والتاني بحلل والثالث بقولك 75 الف حلوين . وبالآخر اللي بدو اياه اللاعب بصير

[د.محمد مخلوف]

الله يجيب الي فيه الخير للوحدات

[AbuLamar]

على بركه الله
وبالتوفيق للكابتن منذر

[ابو محمد عماد]

عندي حل

ابوعمارة من أعمدة الفريق وهذه حقيقة مش مبالغة
لما بتشيل أبو عمارة الآن وكأنك تخلع عمود من أعمدة الخيمة اللي هي اصلا ملولحة
بننظر لمشاركات آسيوية ابوعمارة لازم يكون موجود
لو رفعنا عقدو شوي بالتفاوض والتراضي أعتقد بمشي الحال
وبعيدا عن الولاء والانتماء حسبة ختياريه
75 الف بيجو للنادي من عقد أبو عمارة بندفعهم لمحترف هامل من برة ويمكن نزيد عليهم
لانو في سمسرة وحكلي لاحكلك معناتو خسرنا المصاري وخسرنا أبو عمارة
وتيتي تيتي

[jamal nashwan]

عادتكم ما بتغيروها هات يا نقاش وكل واحد بقول ريو والتاني بحلل

والثالث بقولك 75 الف حلوين .


وبالآخر اللي بدو اياه اللاعب بصير

الـ 75 اللي أنا حكيت عنهم حلوين ، حكيت إذا اللاعب موافق ، وإذا اللاعب بدّو ، وإذا اللاعب رِضِي في العروض اللي أجتُه يا ابو توفيق !.

[jamal nashwan]

عندي حل

ابوعمارة من أعمدة الفريق وهذه حقيقة مش مبالغة
لما بتشيل أبو عمارة الآن وكأنك تخلع عمود من أعمدة الخيمة اللي هي اصلا ملولحة
بننظر لمشاركات آسيوية ابوعمارة لازم يكون موجود
لو رفعنا عقدو شوي بالتفاوض والتراضي أعتقد بمشي الحال
وبعيدا عن الولاء والانتماء حسبة ختياريه
75 الف بيجو للنادي من عقد أبو عمارة بندفعهم لمحترف هامل من برة ويمكن نزيد عليهم
لانو في سمسرة وحكلي لاحكلك معناتو خسرنا المصاري وخسرنا أبو عمارة
وتيتي تيتي

الـ 75 اللي أنا حكيت عنهم حلوين ، حكيت إذا اللاعب موافق ، وإذا اللاعب بدّو ، وإذا اللاعب رِضِي في العروض اللي أجتُه يا ابو محيمّـــــــــاد !.


يعني يمكن لا نطول الـ 75 ولا نطول أبو عمارة ، لا في آسيوية ولا وفي دوري وكاس .. لإنّو لما ما يرضى بالعقود ويقعد عنّا عشان يكمّل عقده رح يلعب في الشوكِه والسكّين ، وحِلّني على ما ييجيه عقد ، وبالطبع .. فإذا أجاه عقد رح يكون مبلغ العقد إلو لحالو ، لإنّو رح يكون لاعب حر .. فعشان هيك أحسن حل وأحسن نصيحة إنّو يوافق على عرض من هالعروض ويدفع هالـ 75 الحلوين أحسن إلو ولنادينا ، وللنادي العربي الكويتي بسّ ، لإنّو ما فيش نادي ( مقدمة ) آخر طلبه من الكويت زي ما بحكي الخبر ، والنادي العربي الكويتي مش هُبلان ولا عاجزين عن إنهم يعرفوا إنّو في نادي منافس مقدّم لابو عمارة 300 ألف بزيادة عنهم 50 ألف ، ولا هُمّه أغبياء عشان يعرفوا إنّو هالخبر تضمّن عرض من نادي ثاني من أندية المقدمة في الكويت غير العربي عشان يرفعوا سعره ، وإذا في نادي آخر فـ مِش رح يدفعوا أكثر من الـ 250 ألف اللي دافعهم العربي ، إذا مش أقل !..

بسّ والله إذا زبطت معاهم وحصّلوا الـ 50 ألف الزيادة بيكون صار عند إدارتنا فكر احترافي ،،
إن شاء الله يا سيدي ، حدا كرهان ؟!.

[محمود الهندي]

بخصوص منذر

الله يسهل امره

بس ينتبه على حاله
لا يصير فيه مثل احمد هايل

[بسام عوض الله]

الله يهديه .. نفسي اشوفه ضرب لاعب دايما بعمل المشكلة وبنطس