اصداء اللقاء .. الوحدات يفقد الصداره بعد تعادله مع الحسين

[ماجد جامع]

بلشنا طخ
نحكي هاردلك والخير بلجيات
مع الوحدات بلخساره والتعادل
قبل الفوز

[Ramzi Hashweh]

مباراة سيئة ... خسارة النقاط متوقع وعادى ... ولكن الدوري طويل والوحدات بما يملك يستطيع العودة للصدارة.

[أبو فايز]

ولاهجمه زي العالم !!! الله اكبر .
كل خساره نقول المنتخب وكان الاعبين كانو باجازه !!
لنكن صريحين ابو زمع ليس بمستوى الوحدات والله اشي بخزي

نعم اخي ابو جهاد... لا تقلل من اثر المنتخب على 14 لاعب. اذا الجزيرة وقع من لاعبين وما شاف الضو الا اليوم
يا ريت كانوا باجازه... تخيل تلات مدربين بدربوا الفريق ... اي باي قانون هذا الحكي؟!

يا سيدي... تعادل خير وبركه. معوضه ان شاء الله

[أنا الوحدات]

هسا ببلش الذبح ووصلات الردح .. ماجد العدوان مشاااان الله خذ راتبك مني بس تعلقش للوحدات
فركة ذان ممتازة وبوكتها .. بعد نشوة العودة من بعيد امام اتحاد الرمثا ....
الفريق ككل مش بالمستوى ولا بالفورمة ولا بيومه .. تحصل في ارقى العائلات
نقلب الصفحه وعالمنشية لاستعادة الالق والتوازن .. بالتوفيق لسيد الكرة الاردنية

[raedimran]

اولا: بالله عليكم لا تحكولي هاي بركات المنتخب......لانو في عالم الاحتراف ...الفرق عم تلعب 3 مباريات باسبوع


تانيا: لا تحكو الوحدات ماسك المباراة.....لانو خلال ال 90 دقيقة ما شفت ولا هجمة مرتبة او منسقة


تالتا: كان مبين من بداية المباراة انو في لعيبة واقعيين...وكان لازم استبدالهم بوقت مبكر



رابعا: جميع اللاعبين بلا استثناء...طبعا ما عدا عامر شفيع....لم اجد منهم أي معنى للاداء


خامسا: ابو زمع...لم يقود المباراة بالشكل الصحيح

[ابو ناصر]

مايعر ف إِيش يلعب شو الخطة هل هييك فريقنا أشي بخزي كل النجوم عنا مابعرف شو الخطا مدرب ما في خطه الله يستر مدرب إِيش الفكر في المباراة ولا هجمه مستوي ضعيف مقهور والله

[GREEN FAWAZ 81]

من سنتين وأبو زمع يبحث عن الخطة والتوازن والانسجام والتشكيلة المثالية بس هالاسبوعين أو العشرين يوم اللي غابوا فيها اللعيبة خربت كل خططه ومشاريعه، انا برأيي نعملهم معسكر ثاني في تركيا بلكي ابوزمع يرضى!!

[رائد ابوجهاد]

من سنتين وأبو زمع يبحث عن الخطة والتوازن والانسجام والتشكيلة المثالية بس هالاسبوعين أو العشرين يوم اللي غابوا فيها اللعيبة خربت كل خططه ومشاريعه، انا برأيي نعملهم معسكر ثاني في تركيا بلكي ابوزمع يرضى!!

صحيح والله فكره ممتازه ... كمان معسكر عشان نفوز على المنشيه . بس كمان بدنا 5 محترفين .

[ابو ابراهيم (الاخضر)]

كتبت موضوع طالبت فيه ايجاد مدير فني بديل لابو زمع كون الاسيوية امر اخر لكن هناك الكثير من الاخوة لم يتفق معي نهائياً
الان محلياً شغل تخبيص كيف لو ابطال اسيا

للعلم المقصود بكلامي ليس التعادل لكن هل ممكن ان يذكر احد الاخوة لي هجمة منظمة للوحدات او فرصة تستحق الذكر طيلة ال 90 دقيقة .

+1

[اللداوي]

هاردلك للمارد ولسه الطريق بأولها والتعويض سهل و وارد ان شاء الله

[أبو فايز]

يعني نفتتح العزاء ونبدأ اللطم؟

مش مستاهله ... مباراة من هالمباريات وخسرنا نقطتين.

[الطلياني]

يا جماعه ليش بنجيب اللوم عالمنتخب العيب فينا بتحسسونا انه لعيبه المنتخب ب شموا هوا مهم يتدربون ومنهم من يلعب ويجب عليهم عطاء أكثر من قبل وانسجام اللعيبه ﻻ يتأثر للعبهم بالمنتخب شو بدوا يتغير بالكم يوم اللي غابوهم ليكون غيروا قواعد كره القدم واساسياتها فالوحدات هو هو قبل وبعد المنتخب فسيبونا من هالسيره ونفكر وين المشكله قبل الفاس ما يدق الرأس فعندنا كأس آسيا ﻻ ادري ماذا سنفعل قبل وبعد المنتخب فسيبونا من المجاملة فطوم المباراة لم ارى شيء ملفت سوى شوته واحده وماذا لو شفيع لم يصد الضربه التي ضربت العارضة.

[الطلياني]

مباراة سيئة ... خسارة النقاط متوقع وعادى ... ولكن الدوري طويل والوحدات بما يملك يستطيع العودة للصدارة.

بما يملك ليش !! وين كانوا اليوم اللي ب يملكهم الوحدات كلهم موجودين