خاص نت .... اتحاد كرة القدم يوقع عقوبة الإيقاف ثمانية مباريات لزياد شلباية وتغريمه الف دينار

[أبو فايز]

استنادا الى ماذا؟ على اي أساس هذا القرار؟
خلينا نعرف انه بصير ننتقد على الاتحاد ولا لأ؟ هل الاتحاد مؤسسه ملكية ذات خط احمر؟
بدنا نفهم

وأتمنى على السيد شلباية الاستئناف لدى محاكم الدولة... المسالة صارت تكميم أفواه
والسيد سمارة ياما مسح البلاط بالاتحاد، ما سمعت انه عوقب!!!!

مهزلة

[أبو وليد اللورد]

يا جبل مايهزك ريح

[غسان البرقاوي]

شلباية صرح بصفة شخصية وليس ممثلا للوحدات والعقوبة كانت شخصية بين الاتحاد وزياد
بس بنفس الوقت ليه عقوبة مش على اساس الكلام حر وفي ديمقراطية ولا شو القصة

[نـشأت العنابي]

اللي ما عنده بتاع ما بنفع يحكي عن بتاع البتاع لانه هيك بدخل في بتاع البتتاتيع
ويا هيك البتاع يا الا بلا

[أبو فايز]

شلباية صرح بصفة شخصية وليس ممثلا للوحدات والعقوبة كانت شخصية بين الاتحاد وزياد
بس بنفس الوقت ليه عقوبة مش على اساس الكلام حر وفي ديمقراطية ولا شو القصة

هي "ولا شو القصة"

[أبو فايز]

اقترح كتابة عريضة وتوقع من جماهير الوحدات وترفع للاتحاد واي جهة مؤثرة ذات علاقة. ممكن نعمل عريضة على الانترنت ويتم التوقيع إلكترونيا.

يجب التصعيد وعدم السكوت.. امر عظيم اللي صار

[صمت البشر]

اتحاد عليه ألف علامة استفهام ...

[ابو عمار الجنيدي]

لا حول ولا قوة الا بالله

[khaled edwan]

عفية زياد
اول مرة بتفش غل الواحد


والعقوبة والغرامة ما بتهزك ....

[أبو فايز]

طيب... العقوبة 8 مباريات دوري ولا كاس ولا شو؟

[سائد]

اهم شيء انه الفكرة وصلت .... مفروض يشوفوا الملاعب المهترية اللي بسكروها 3 سنين صيانة عشان يلعبوا عليها شهرين

[سفيان أبوشنب]

الف شكر زياد شلباية
صاحب كلمة الحق عندما يسكت الجميع

[ahmadalsaht]

اتحاد تكميم الآفواة لانهم جبناء ويخافوا
من الحقيقه اتحاد جباية وسلمت يا ابو فراس
ويجب تقديم اعتراض

[محمد عبدالفتاح]

يخرب بيت الديمقراطية في الاردن
شو قال السيد زياد شلباية حتى يحكم علية بهذا الحكم
لو قال شي غلط بنقول اه لكم الحق بالحكم علية
كل ما قاله صحيح وعلية يجب عليكم تصحيح اخطائكم

[أبو فايز]

اهم شيء انه الفكرة وصلت .... مفروض يشوفوا الملاعب المهترية اللي بسكروها 3 سنين صيانة عشان يلعبوا عليها شهرين

فكرة شو؟ ولا وصل اشي .. كلهم انتهازيين منافقين وصوليين

اكره الظلم وعندي حساسية منه، وهذا الظلم بعينه بلا رتوش او تجميل

هل للاتحاد حصانه او قانون خاص به؟ اليس قانون الدولة هو القانون الأسمى ويلغي اي قانون يتعارض معه؟ اين حرية الرأي والانتقاد؟ شو يعني اذا قال عنهم شلليه ولا مؤسسية؟ طب شو هالمؤسسه العظيمة التي تعاقب من ينتقدها؟!

على اي حال، هم صنعوا منه بطل ب 1000دينار ! قمة الشللية من مؤسسة لا تفهم سوى لغة الثأر والعقوبات. اتحاد فاشل بكل معنى الكلمة وانتظر اليوم السعيد لأسمع خبر حل الاتحاد. اتحاد لا يعرف يخطط ولا يجدول ولا يكون منخب ولا يختار مدرب ولا يطبق معايير لملاعب او بنية تحتية ولا ينظم بطولة ولا حتى يجمع مصاري.

يجب انشاء رابطة للأندية وتصبح المرجعية بدلا من الاتحاد... مصخرة!