خاص نت ... عرض عراقي رسمي لباسم فتحي والبهداري ونعمان يقتربان من التوقيع مع الوحدات

[اللجنة الإعلامية للمنتدى]

صور وتعليقات رائعة

[AbuLamar]

طارق خوري نازل يفاوض ويتعاقد والدوري مش مستاهل كل التعاقدات

[AbuLamar]

الي مجنني طارق خوري ليش مصر على التعاقد مع نعمان
والله ما بلزمنا بشلن
شكرا على المتابعه للاخوه في الاعلاميه

[أبو وليد اللورد]

كل التوفيق والنجاح الى الوحدات

[yousef aliswed]

على بركة الله , كلوا لمصلحة الوحدات واذا تمت هذه التعاقدات اعتقد رح يكون لنا نصيب من الاسيوية ان شاء الله

[jamal nashwan]

كل الشكر لجهودكم في اللجنة الإعلامية ، وأمنيات التوفيق للاعبنا ( قليل البخت ) باسم فتحي بتكحيل عينه باحتراف يكون من ورائه مردود مادي جيد يعود عليه بالفائدة ولو أنني أعتقد غير ذلك ، فحصة النادي من هذه الصفقة من المؤكد أنها ستساوي إن لم تزيد عن حصة اللاعب وهذا اللي بتتشاطر فيه إدارتنا بسّ !.

وحسبنا الله ونعم الوكيل عليكم يا إدارة النفقات والتكاليف اللي مش فارقة معاكم لأنها مش من جيابكم إذا تمّت صفقات المحترِفَيْن الجدد !!..

[الدوايمة العبسي]

لسا بنفكر باشرف !!!! رح يضل يراوغ وبالاخير بشلف زي كل مرة .... احتراف باسم مشكلة كبيرة .. لمينا كل قلوب الدفاع من المملكة وخارجها .... كل التوفيق للوحدات والشكر للاعلامية

[رمضان الطويل]

البهداري نعم ، اشرف لا

[أنا الوحدات]

صرنا بدنا نوصل نص مليون تعاقدات وكله عشان عيون الآسيويه !! يا إداره إللي ما إلو حظ لا يتعب ولا يشقى لو فينا خير كان جبناها لما كانت للهطرش حاس إنها محرمه علينا ،، والبطولات المحليه بتستاهلش كل هالصرف ، وين بدنا نلعب أشرف وعدوس وابو كبير وعامر ذيب وإلياس وصالح راتب وسريوه

[مراد اذعار]

طارق خوري بدو اشرف نعمان بس جكارة بالفيصلي مع انو الفيصلي نفسو بعد ما احترف معهم اشرف نعمان تركوه وما فاوضوه ابدا لانو كثييير اناني ومغرور واشرف نعمان قال بلسانو قبل شهر الفيصلي لم يفاوضني اي انه مستعد ان يلعب للفيصلي لاقل من هالمبلغ بس طارق خوري بدو يجاكر ع حساب النادي
.

[مالك]

البهداري مستواه ومتراجع وبصراحة 80 الف كثير على اشرف
انداري عنهم ادارتنا

[جميل العموري]

الله يجيب الي فيه الخير

[عبدالله الكعكة]

على سيرة البهداري
هل كانت هناك متابعة لمشواره الاخير
ولا خلص الاسم بكفي وبما انه لعب معنا سابقا الامور تمام ؟؟

اشرف نعمان إلي بدكم تدفعو فيه 80 الف كان الاولى زيادة شلباية 5 و 10 اللاف والحفاظ عليه .. لكن مع هيك ادارة مش رح نشوف احترام للاعبين الفريق
وطيرو فلوس خطاب والمكافات .. مهو مال سايب

اتمنى التوفيق للنجم باسم فتحي في الاحتراف وتحسين الوضع المادي والفني

هيك حالنا بالاردن .. اللاعبين بحترفو مشان يحسنو وضعهم المادي لو كان بدرجة ثالثة .. لانه ادارتنا حالف يمين برمضان غير 30 الف دولار ما بتدفع وبالمقابل بورحو يتبعزقو بتركيا ب 46 الف دولار
صحه وعافية وحسبي الله ونعم الوكيل و إلك ألله يا غزة

[باسم العوضات]

طارق خوري نازل يفاوض ويتعاقد والدوري مش مستاهل كل التعاقدات

بيستاهل....وبكرة بتشوف

[RAMI HHH]

طارق خوري نازل يفاوض ويتعاقد والدوري مش مستاهل كل التعاقدات

نعم الدوري مش مستاهل ولكن دوري ابطال اسيا بستاهل اكثر منهيك ولا ننسى انه اول ظهور للمارد في هذه
البطولة ولا نريد ان نغادر من الادوار التمهيديه ليس هذا فكر الوحدات ابدا