حتى تتحقق مقولة: الوحدات نت غير ( حملة "عرّفنا بنفسك )

[Loai Al-Hajjaj]

اصحك بعدين بخللوك من كفار قريش اذا بتغيير اسمك ...

بخلوك و ليس بخللوك يا صديقي...فرق كبير.هههه

[حمزة قراقع]

الحلو بالموضوع انه الغالبيه من فوق الاربعين
وهذا يدل على ان جمهور الوحدات واعي ومنتمي ومتابع بكافة الاعمار
الله يديم المحبه
عمار يا وحدات
عمار يا وحدات نت

بجوز فوق الاربعين

بس وحياتك روح الشباب حاضره بمعيتك يا كبير

[الشنطي]

ربي يديمك أخي الحبيب ، ويديم المحبة والألفة بيننا جميعًا ..

حقيقة ، مهنتك ( حلواني ) لفتت انتباهي على طول وتذكّرت تلك الطقطوقة من الفن الغنائي المصري التي ذكرتها في ردي السابق على حضرتك ..

بس لو تعرف اللي لفت انتباهي أكثر لغير تفطس من الضحك .. هههههههههه !.

إليك يا سيدي :

هاظ يا حفيظ العمر والسلامه صورتك الرمزية اللي تحت إسمك هاي أكيد أنت جدّدتها بعد مباراة البقعة ..
- مزبوط ؟.
- أكيد مزبوط ..

- هسّة شو اللي عرفني ؟!.
- اللي عرّفني إنّو حضرتي كنت قاعد وراكو بالزبط إنتا وصاحبك هظاك أبو الشعرات مسبسبات لما دخلتو وقعدتو تتصوّروا بإشارات الرباعية والثنائية .. وبرضو مش هون النهفه !.
- النهفه كيس المكسرات ( المدخّن ) من محمص الشعب اللي كنت حاملينو وانتو داخلين ،، أقولّلك مش هذي النهفه كمان !!..
- النهفه كرتونة الجاتو من ( نابولي ) اللي جبتوها معكو ولهطتوها لحالكو !!!...
طب ع الأقل إعزموا ،، ما احنا قاعدين ..


آآآآآآآآآآآآآآخ .. صحيح إنّك حلواني ..

ههههههههههههههههههههههههه

ههههههههههه
والله كلامك صحيح 100 ٪
تعودت انا وصديقي عند حضور مباريات الوحدات ان نجلب معنا المكسرات من محامص الشعب والحلويات من نابولي كيك الذي اعمل فيه
لكن للأمانة عزمنا على الشباب عند دخولنا المدرجات هههههه
انا في العادة اجلس في الدرجة الخاصة ولا بد ان تلتقي هناك من جديد ان شاء الله
وكله ولا زعلك يا اخ جمال ، المرة القادمة رح احسب حسابك بالحلويات هههههه

[الذيب©]

موضوع جميل أخ ياسر

أخوكم عماد فضل العرابي

أبو ريان و عندي سديل و ريتال

40 سنة

يا هلا ورحب بالغالي

[السينمائي 30]

نعم يا صديقي

و حضرتك ؟؟

بلديات يا صديقي

[عبدالغني ادريس]

عبدالغني عدنان ادريس من شويكه طولكرم سكان اربد مقيم بالكويت
لو سمحت اخ هيثم بدي اشتراكي القديم 2007 اذا في مجال
وكل وحداتي عزيز علي قلبي

[الذيب©]

تحياتي لصاحب المبادرة و الفكرة و ما احوجنا الان و غدا لمن يمتلكون الزمام ، الموضوع برايي هو اكبر من مجرد تعارف هو اعلان بداية بيضاء للكل و لنختلف بحب و نتفق بحب و لكن يبقى لنا نقطة ارتكاز و محور لا نحيد عنها المصلحة العليا للاخضر.

الاسم : رمضان الطويل (( ابو علي )).

المهنة ،: مدير مبيعات .

المؤهل : بكالوريوس لغة انجليزية .

الاقامة : المنطقة الشرقية (( الدهناء )) - الدمام .

و لي الشرف بكم جميعا الصغير قبل الكبير ، الموالي و المعارض طالما سقفنا الوحدات ...

هلا برمضان ابو طويلة
وبوصفي رئيس لقسم ترجمة ... بدعوك للتفضل بالتعرف إليك والإفادة من خبراتك
هلا ورحب بالغالي رمضان أبو الصيام

[ابوالرب عاشق الوحدات]

لو سمحت لي بسؤال

أنت عاشق الوجدات والا الوحدات؟!!

لأنه اسمك المستخدم الخاص بك باسم " الوجدات"

اكيد الوحدات و حاولت اتواصل مع الاخوان المشرفين لتعديل الاسم و ما زبطت لهسا هههههههه

[الذيب©]

عبدالغني عدنان ادريس من شويكه طولكرم سكان اربد مقيم بالكويت
لو سمحت اخ هيثم بدي اشتراكي القديم 2007 اذا في مجال
وكل وحداتي عزيز علي قلبي

الله يسعد هالمسا ... نورتنا يا كبير

[الذيب©]

ههههههههههه
والله كلامك صحيح 100 ٪
تعودت انا وصديقي عند حضور مباريات الوحدات ان نجلب معنا المكسرات من محامص الشعب والحلويات من نابولي كيك الذي اعمل فيه
لكن للأمانة عزمنا على الشباب عند دخولنا المدرجات هههههه
انا في العادة اجلس في الدرجة الخاصة ولا بد ان تلتقي هناك من جديد ان شاء الله
وكله ولا زعلك يا اخ جمال ، المرة القادمة رح احسب حسابك بالحلويات هههههه

المرة الجاي مش راح اتزحزح من جنبك... النشوان ملوش سنان يهني البزر والكاتو ما بيناسبوه... انا لسا شباب .. اخ يا أسناني

[عبدالغني ادريس]

الله يسعد هالمسا ... نورتنا يا كبير

منوره بوجود الجميع

[jamal nashwan]

ههههههههههه
والله كلامك صحيح 100 ٪
تعودت انا وصديقي عند حضور مباريات الوحدات ان نجلب معنا المكسرات من محامص الشعب والحلويات من نابولي كيك الذي اعمل فيه
لكن للأمانة عزمنا على الشباب عند دخولنا المدرجات هههههه
انا في العادة اجلس في الدرجة الخاصة ولا بد ان تلتقي هناك من جديد ان شاء الله
وكله ولا زعلك يا اخ جمال ، المرة القادمة رح احسب حسابك بالحلويات هههههه

أنهومّه شباب هذول ؟.
يا راااااااااااGــل تعزم ع الشباب كُلّيتها وتنسى اللي كان آعد في الوِسط !.

شفيييييييييييييييق ، شفيق يا راGــل .. ما شفتوش ؟.
اللي كان جنب الطفل الصغير اللي أعطيتوه حتّة جاتو صُغَيّرة وتحسّرتو عليها باقي المباراة !!!...

[الذيب©]

الله يحيي اصلك اخي جمال
تشرفت كثيرا بالإنتماء الى هذا المنتدى العامر والتعرف على اصدقاء رائعين امثالكم
لكم مني كل الحب والاحترام والتقدير للجهود التي تبذلونها من اجل النهوض بهذا المنتدى بما يحقق مصلحة النادي الذي تجمعنا من أجله
اسأل الله العظيم ان يديم الأخوة والمحبة بيننا ولا حرمني الله منكم ابدا

اللهم آمين اخي الشنطي

[الذيب©]

عمري 44 عام - مش ختيار _ شكله المواطن واشرف ختياريه , وبشرفنا ان نكون جميعا اخوه بالمنتدى وخارج المنتدى , الهدف الوحدات والرياضه وتبادل المعرفه -

وليد المخ وليد الفكر المستنير ... منور يا زعيم

[الذيب©]

اولا أهلا فيك اخي مواطن انا بصراحة من المعجبين بمواضيعك ولي الشرف التعرف عليك حتى لو اختلفن معك في بعض الأمور
سيب كل واحد يكتب بما تمليه عليه اخلاقه لانه هذا اقصى اشي بطلع معهم

أنا لسا ما قرأت كل المشاركات ومع ذلك انا اعتذر منك شديد الاعتذار عن اي إساءة مقصودة او غير مقصودة من اي عضو وأمسحها بهالدقن يا كبير