~~ .! أحلى نهفه !. ~~

[jamal nashwan]

معك حق نص الجيل هذا مطعم صار

[jamal nashwan]

المشكله إنُّو الـ data base error هاظ ما طوَّلِش ...

آآآآآآآآآآآخ بس لو قعد كمان " خمسة دكيكة " ..!.

[ابو عمار الجنيدي]

علي الجيره مش فاهم اشي
اعطي شرح وافي وباللهجه العاميه لو سمحت

[جهاد علي]

ههههههههههههه

يعني فشيت غلك مع هاظ الـ ERROR

لو بعرف كان دخلت للموقع انا كمان بلكن كنت لابس احمر وبالانجليزي كمان .

[jamal nashwan]

علي الجيره مش فاهم اشي
اعطي شرح وافي وباللهجه العاميه لو سمحت

أي أنا عارف شو اللي مش فاهمه !.

إمبارح بالليل صار في خطأ في قاعدة البيانات في الموقع ، ليش بعرفش .. حاولت أطلع من موضوع وأخش على آخر وإلّا بتطلعلي العبارة

" data base error "

قلت ما الهاش غير re-fresh .. إعملتلّها هاظ الماخوذ ، بعدين ما لاقيت حالي إلّا وأنا لابس بدله خضرا ولوني أخضر وجاي اسمي مترجم بالعربي من jamal nashwan إلى جمال نشوان جنب هيثم أحمد في آخر الصفحة الرئيسية للمنتدى مطرح ما بتظهر أسماء المتواجدين وعدد الأعضاء والمواضيع وأكبر تواجد والذي منُّو ، فكّرت حالي صرت مشرف وأظرب واطرح .. فَـ قلت يا ولد إذا من re-fresh وحده صرت مشرف ، أخبطلك كمان ريفرشّايه ثانيه يمكن تصير مدير ، وفعلًا ما أكونش خيّاب .. خبطت كمان وحده لاقيت حالي لحالي في الموقع وما فيش ولا عضو مسجّل دخول ، فرصة ولاحت أسيطر ع الموقع باللي فيه وعملت الريفرشّايه الثالثه وألاقيلك يمكن عشرين وِلّا ثلاثين واحد موجودين ومسجّلين غير الزوار اللي فزعوا مرة وحده ، اختصرت الشرّ وأخذتها من قاصرها وجبان ولا الله يرحمُه .. رحت نمت !.


شو وصلت يا ابو عمار ؟.

[jamal nashwan]

ههههههههههههه

يعني فشيت غلك مع هاظ الـ ERROR

لو بعرف كان دخلت للموقع انا كمان بلكن كنت لابس احمر وبالانجليزي كمان .

هاي الشغله بتختارش إلا اللي عليهم العين !.

إنتا يا ابو ابراهيم ، يخزي العين عنّك ..

[ام يحيى]

ضحكتني يآ عم جمآل

[مارد85]

انا احلى نهفة صارت معي ...روح على موضوع عنابي ياعنابي بتعرف اييييش هي ..

[jamal nashwan]

ضحكتني يآ عم جمآل

إن شاء الله دائمًا بتضحكي ، وأسأل الله أن يُبعد عنكِ الهمّ والحزن وتكوني على طول سعيدة .

[jamal nashwan]

انا احلى نهفة صارت معي ...روح على موضوع عنابي ياعنابي بتعرف اييييش هي ..

شو هيّه ، يا ساتر استر !.

بَسّ ما يكونوش دمجوا العنّابي مع الحيفاوي ..

[IiI_anas_IiI]

هههههههه أبو أحمد صاير كلك حركات ,,, وبتزركش عنوان الموضوع وقصص ,,, صاير تطورات في غيابي ,,, مش غريبة تصير معك هاي الحركات ,,, الي كان يشوفك بتلعب دبل كيك وأنت بتلعب سلة بستغربش أنه يقلب الاسم عربي ويصير إيخظر

[ام يحيى]

إن شاء الله دائمًا بتضحكي ، وأسأل الله أن يُبعد عنكِ الهمّ والحزن وتكوني على طول سعيدة .

تسلم يآ عم
الله يهنيك بعمرك يآرب

[صمت البشر]

شو هيّه ، يا ساتر استر !.

بَسّ ما يكونوش دمجوا العنّابي مع الحيفاوي ..

هههههههههههه والله مانت قليل ..فكرك بدمجوك مع هيثم احمد شو بتصيرو !!

[jamal nashwan]

هههههههه أبو أحمد صاير كلك حركات ,,, وبتزركش عنوان الموضوع وقصص ,,, صاير تطورات في غيابي ,,, مش غريبة تصير معك هاي الحركات ,,, الي كان يشوفك بتلعب دبل كيك وأنت بتلعب سلة بستغربش أنه يقلب الاسم عربي ويصير إيخظر

يا زلمه والله منوّر ، والله منوّر يا عريس ..




أما بالنسبة للحركات :
قاعد بعطيها ديو ( dewo ) الأيام هاي ، و ( power horse ) ..

فَـ صاير قوي ..

[jamal nashwan]

هههههههههههه والله مانت قليل ..فكرك بدمجوك مع هيثم احمد شو بتصيرو !!

بنصير إدارة أعضاء ..